اول حمل الله يتمم على خير لي ومحتاجة لاستشارتكم(حبوب الاوميقا3 والكالسيوم)

[lovely]

السلام عليكم ورحمة الله وبركاته

كيفكم بنات

هذي اول مشاركة لي وإن شاء الله ما تكون الأخيرة .... وإن شاء الله افيد واستفيد .. والله يصلح الجميع

احتاج لتجاربكم يا حلوات وخبراتكم

انا توني دخلت الشهر الرابع اليوم ولله الحمد ... وتخلل الشهور السابقه بعض النزيف ..

اليوم الدكتورة شافت الجنين والحمد لله كل شيء تمام

وصرفت لي حبوب كالسيوم وحديد و اوميقا 3

الاوميقا 3 قالت بعد دخولي الشهر الرابع بإسبوعين ابدا استخدمه

وكان نوعه غريب اول مره اشوفه

اسمه اكوامارين اوميغا 3

تقدروا تشوفوا صوره في قوقل
شفته انا هناك بس ما عرفت كيف احط الصوره هنا hwaml15




سالت اختي وسالت كل البنات الي اعرفهم اذا استخدموا هالحبوب قالوا لا
استخدموا حبوب اوميقا 3 ثانيه وكانت في الشهر الـ 7 و 8 و 9

حبوب الكالسيوم صرفت لي سيكال بلس

بس برضو حبوبي مختلفه عن حبوب قريناتي الكل اخذ من osteocare

ما اعرف وين الافضل

سؤالي يالغوالي

مين الي اخذت من حبوب اكوامارين الاوميقا 3 بالذات وكيف كان معاها
وفي اي شهر بدات تستخدمه

ومين استعملت حبوب الكالسيوم سيكال بلس وتحسه احلا من الثاني osteocare


وسلامتكم
ويارب ما اكون طولت عليكم بس حبيت احطكم في الصورهhwaml14

ويعطيكم الف عافيه

[lovely]

مساء الورد

hwaml13

بنات ولا وحده عندها خلفيه ع الموضوع

:(

[نبض قلب]

الله يتمم حملك على خير


ما اعرف بالحبوب

[المستحيله]

الله يتمملك ع خير ...
ما عندي خلفيه بس اذا الدكتوره صرفتلك الاومقاء والكالسيوم كوليها ولا عليك من كلام الناس الدكتوره هي اعلم بحالتك والي يناسبك...

[فوضت امري لله]

حبيبتي اللي اعرفه

انه بس حمض الفوليك

اللي يؤكل الشهور الاولى

والباقي يفضل الاكل الطبيعي

مثل الحليب بانواعه

[بدآيه حلم]

osteocare هذي اللي كنت استخدمها حقت الكالسيوم حقت ما قد سمعت فيها


كمان الثانيه الميغا اول مره اسمع فيها


بس اكييد مابتصرفلك شي الا جسمك ناقص هالفيتامينات


واذا مو مطمنه اقرى عن الحبوب اكثر واسلوا دكتوره ثانيه ولا الصيدلي

[رنا11]

ما عندي معلومه والله
لسه ما حملت

تقومي بالسلامه

[ملكة الاحساس22]

امممممم انا والله الدكتوره عطتني كالسسيوم وحديد بسس اما الدواء الي ذكرتيه ماصرفته لي بس كل حاله حامل تختلف ع الثانيه انتي تاكدي اول وشوفي وربي يتمم لك ع خير

[lovely]

يعطيكم العافيه حبيباتي
ما قصرتوا
جزاكم الله خير
بتوكل على الله واخذها

الله يرزقكم بالذريه الصالحه ... ويسهل للحامل حملها و ولادتها

[ام هيثووووم]

انا اخذت اوميغا 3
بس صرفه لي من الشهر السابع ومكتوب في النشره ان يستخدم ال ثلاث اشهر الاخيره
واسمه زيت السيلمون مع فيتامين ه تقريبا كذا اسمه
والكالسيوم اخذت سيكال بلس بس مادري اذا هو نوعيه كويسه او لا والله يتمم لنا ع خير يارب

[lovely]

أم هيثوم ربي يسعدك

اي كل الي اعرفهم قالوا الاوميقا3 في الثلاث الاشهر الاخيره
بس مدري ليه صرفته الحين رغم انها دكتوره شاطره
بس عشان ارتاح نفسيا ولا اوسوس بخليه للشهر السابع ان شاء الله


امين الله يتمم لنا على خير ربي يحفظ الجميع