مَجلس ../ موآليد شهر »• رجبْ 1434_ مآيو "يونيو 2013 [الأرشيف] - الصفحة 12

ام ميدووو

03-23-2013, 09:15 PM

اهلين ياحلوات امس كان فرح اخت جوزي وقبلو ودينا الدبش وقبلو الغمرة اللي هيا الحنه طبعا هادي بس حقتنا حقت اهل الحجاز ههههههههههه فديتنا
وعندنا ضيوف من الرياض ومن كل مكان بس الحمد لله مو ببيبتي بس تعرفو التجمعات والدشرة لا بد منها بخرج بعد شويا وبكره عندنا عشاء مسوينه اخوات جوزي للعروسه

وااااااي من رجولي لاني لبست كعب طول الفرح هههههههههه حريم نفضل الشياكه والبرستيج على الراحه

ببدايه حملي وزني نقص بس الحمد لله بعد السادس بدا يزيد يمكن زدت 4 كيلو للان وموعدي الاتنين ان شاء الله اروح واتطمن احس حركه جنيني خفت عن اول الحمد لله فيه حركه بس مو قويه زي الاول ان شاء الله خير

ام ميدووو

03-23-2013, 09:18 PM

اي صح نفسي اقتل جوزي

قاهرني بس مدري ليش

ديما الروح

03-23-2013, 11:18 PM

ديما الروح

03-23-2013, 11:24 PM

ام ميــــــــــدوو طووولي بااالك .....ولاترتكبي جريمة قتل وانتي على ابوواب الوولاده ....ههههههههههه لا لا امزح طووولي بالك هذا الغالي ................واذا عرف السبب بطل العجب ...............

New33mam

03-24-2013, 12:32 AM

السلام على الحلووووات حووامل الهنااااء ............................ام ميـــــــــــــــــــــــــــــــــــــدوو مبــــــــــــرووك وعقبأأألــــــــ ماتفرحي بعرايسك وواولادك..........................نيوووومـــــــــ ـــاام .ووين هالغيباات حنا بخيير والببي بخير وخلاص ماعاد بقى الا القليل ووونفك البقشه....طمنينا عنك يالغلااا.......

دووووم يالغلا >>أنا الحمدلله تمام نشكر الله

أم ميدو
الحال من بعضه ههههههههه صرت عصبية وماتحمله وجاهزة للهواش ع طوول
الله يعدي هالأيام ع خير hwaml7hwaml7

ام ميدووو

03-24-2013, 12:41 AM

http://www.shamoa.com/vb/shamoastyle/smilies/love/smail%20heart.gif

المشكله مافي سبب معصبه وخلاص ومستعده للهواش

ام ميدووو

03-24-2013, 12:42 AM

حتى الخرجه بطلت وماخرجت

مزاااااجي مااااش خخخخخخخخخخخخخخ

ام رمانة

03-24-2013, 01:24 AM

وأخيرا دخلت الثامن الحمدلله الله يعدي الباقي على خير

ذكرى الحنين

03-24-2013, 01:43 AM

عاادي ياام ميدوو ان شاء الله بكره ربي يهدي الحال

مبرك دخول الثامن ام رمانه

Moni

03-24-2013, 02:56 AM

كيفكم حيا كروشاات
ام ميدو شكله البيبي يشبه أبوه
كب كيك الف سلامة عليك ماتشوفي شر
سلاف فين اختفيتي
بنات انا قريبتي من يوم ما حملت يقولوا لها الدكاترة عندك ولد و مشوه من شهر الخامس الين الولادة المسكينة كانت قلقانة الجمعة ولدت ماشالله طلعت بنت وسليمة ما فيها الا العافية سبحان الله

Moni

03-24-2013, 03:29 AM

ايوا صح انا أتوحم على الروائح القوية زي السجائر والبنزين والشيشة وريحة البخور والفحم الطبيعي :( أخاف يضر البيبي

ريونه

03-24-2013, 06:07 AM

صبآح آلخيير ^^

آشتقت لكم , مع كرشتكم •_•

والله صرت كسلانه آدخل المنتدى
آقرأ بس مااكتب :)

ربي يهون عليناا يآرب

رموز الغرام

03-24-2013, 07:42 AM

السلام عليكم

انا اشتركت في المنتدى عسى التهي ويضيع الوقت

عندي المشيمة نازلة من الشهر الرابع والين الاسبوع 31 الحين ولسا نازلة

وارق وتفكير وخايفة اولد قيصيري ياريت احد يطمني والولادتي الاولى كانت طبيعي

وبالنسبه للحركةhwaml15 بولدي ماكنت كذا متعبتني الحركة واجد

وحجم البيبي عندي كيلو و200 تتوقوعون طبيعي

ذكرى الحنين

03-24-2013, 09:00 AM

تصير كثير يقولوا تشوهات عمتي كانو يقولو لها متشوه الجنينوبرضو جابت بنت وكانت مختلفه بجاملها وشعرها من لما ولدت كان طوييييل وهو السبب اللي خلاهم يقولو متشوهه وكان في فلبينيه مارضيت انو البنت تطلع من المستشفى قبل يقصون لها شعرها خوف من العين والبنت كانت آيه من الجمال ماشاء الله

ذكرى الحنين

03-24-2013, 09:10 AM

رموز الغرام وعليكم السلام ورحمة الله
حيااك الله عزيزتي نورتي
بنسبه للمشيمه اتذكر اختي كانت مثلك ومنعتها الدكتوره من الجماع

وبما ان ولادتكي الاولى طبيعي فإن شاء الله راح تولدي في الثاني طبيعي
وارادة الله فوق كل شيء
ولاتتعبي حالك بالتفكير لان هو اللي يسبب لك ارق اقرأ قرآن يهديك ويهدي البيبي
ماعندي خبره عن حجم البيبي بس انا قالت لي حجم البيبي كيلو و600
الله يتمم عليك تشوفي البيبي بصحه وسلامه

سولآف

03-24-2013, 12:14 PM

مرحبا بنات
كيف الحال
ماوحشتكم 😣

سولآف

03-24-2013, 12:17 PM

باًركولي توني اشوف الشريط دخلت الثامن اليوم

عزف المحبة

03-24-2013, 01:30 PM

مبروك ام رمانه و سولاف دخول الثامن و كمان لزوجة ضابط و الله حسيت انا قربنا
باقي نبارك لبعضنا بالتاسع و بعدها الاكشن ههههه

و حشتني كتكوتي الله يجيبه ع خييير

سولآف

03-24-2013, 01:54 PM

الله يباًرك فيك عزف
ماصدقت اني حامل للحين < هههههه
وشلون اولد
الله يهون علينا يارب

ريونه

03-24-2013, 07:21 PM

مبررروك
عيال ثمانيه > اللي ادخلو الثامن 😊

والله شريطكم حيييل يفرح
ويشع انه مابقى شي

يااارب يفرحناا فيهم

الا وش صار على الاسماء 😂

رغد الحمدان

03-24-2013, 08:28 PM

مساء الخير ياكروشات

الله يسهلكم وتولدون بالسلامة

ممكن وحده تقولي شلون احسب ولادتي بالشريط

ديما الروح

03-24-2013, 10:07 PM

السلام عليكم كرووووشات ...............................اخباركم وواخبار الحلووووين
ســـــــــــــــــلاف اي والله فاقدينك امممممم قاعده تجربي غلاك عندنا ......مبروووك دخوولك الثااامن عقبال ماتبشرينا بقدووم النوونو
هـــــــــــــــاههه وووينكم انا اليوم كنت طالعه ترويح عن النفس في هالاجووواء الحلووه
ام ميدوووو.......اللي مثلك يكوون عنده خبره من يووم الوحده تدخل الشهر الثامن والتاسع والنفسيه تكووون مدمره وتعبانه وتبي توولد بدري بس كل شيئ بوووقته حلوووو وادعوو ونفسي واياكن جميعا بالصبر فالصبر مفتاح الفرج وياااارب يهوون عليكم يالغوالي
كبب كيك .... اخبارك وووينك طمنينا عنك .....

عزف المحبة

03-24-2013, 10:13 PM

ايه صدق كب كيك اخبارك ع الالام اللي كانت تجيك

اخاف البنت ولدت بسم الله عليها

ديما الروح

03-24-2013, 10:14 PM

حلممممم .......وووينك ايه شفنا الاحباب ونسينا الاصحاب ....هاااها عادبس خليي البابا يتنفس وتعالي قوولي لنا اخر التطورات عندك وبشرينا عن النوونوه الحلووه عساها بس مؤدبه وماتزعجك بالحركه ......ههههههه
ووصديقة ريووونه ......وووينها من زمان ماسمعنا عن اخبارها ....ههاااه ريوونه تسمعيييني الووو الوو ريووونه وش اخبارك واخبار الحلوووه تعالي بشرينا عنك
وووين باقي الغووالي ....كل وحده تقط اخبارها وتروووح تكم نووومها ولا سهرتهااا هههههههههههههه سلاااااااام

كبرياءه طوره

03-24-2013, 11:28 PM

مسااء الخير بنات
اخباركم

بنات الثامن انتم مثلي تحسون شي تحت يعور بالمره مع حركة البيبي

ديما الروح

03-24-2013, 11:49 PM

كبريائه ..... ات ووقع شيئ عادي وراح يثقل بنهاية الشهر الثامن ويكبر حجم البطن وبتلاحظي الشيئ هذا

وحركه مزعجه من تحت ...وربي يسهل عليك ومالك إلا الصبر راح الكثير وباقي القليل .......ياسلاآام

كبرياءه طوره

03-25-2013, 12:05 AM

عهودي

03-25-2013, 02:57 AM

صباااااااااااااااح الورد ياحلوات كيف حالكم
انا كرووش بداية الثامن

Hamsat.3eshq

03-25-2013, 12:56 PM

السلام عليكم كروشاااات

وينكم انا ادخل اشوف اخباركم ومالي حيل ارد مفلوزة ههههههههه

مبرووك للي دخلوا الثامن وقربنا اخيرا هههههه 😍

كبرياء ..انا يجيني كذا اتوقع عادي

كب كييك ..طمنينا عليك وعلى ماريا الله يسهل عليك بوقتك توك بنص الثامن اظن

المختفيات وينكم طمنونا عليكم

سارونة ...انتبهي لنفسك والبسي واسع وتحصني واقري المعوذات الله يحميك ويحمي ولي العهد

حلم ..سهرانه بالعسل الله يسعدها هههههههه

خلصتوا تجهيز مامات ؟ مذركير عنده تخفيض وبمبكشن مدري شسمه ههههه

وانا باقي ع اختباراتي 40 يوم ولا بديت شئ شريت الملازم وفلوزت ولا خلصت تجهيز

خلوني على صبري

03-25-2013, 02:03 PM

اخباركم ياكراررييش \\\\بشروني عنكم احس اننا ثقلنا وثقل التجمع هذا غير الى اختفو الله يجيب الاخبار الزينهونرجع ننتعش

سولآف

03-25-2013, 02:13 PM

الله يبارك فيكم

ديما
تسلمين والله جعلك مانفقدين غالي لهيت مع بنتي تعبانه وبعدين لهيت بعد اجهز لزواج ولد خاالتي والحمدلله عدى الزواج البارحه

كبرياءه طوره
اييه انا كذا طبيعي والله احس بشي اقول لزوجي شكله يدها من الالم افز
وة بس يازينها لو وش سوت

عهودي

03-25-2013, 05:31 PM

مساء الورد
يابنات الثامن تحسون الالام من تحت زي الشد

احس طفشني هالشي

Razan19

03-25-2013, 05:37 PM

عهودي
ايوه ي قلبي انا زيك

زوجه ظابط

03-25-2013, 09:05 PM

مشاء الله تروحون زواج فيكم حيل ههههه
انا خلاص ماعاد ودي اتحرك والبس فستان مشاء الله عليكم

cup cake

03-25-2013, 10:38 PM

كروووووووووووووووشات شو اخباركم وحشتوووووووني

مبرووووووووووووك حق الى دخلو الثامن

انشاء الله عقبال نبارك حق بعض ولادتنا ياااااااااااااااااارب

ديما الروح

03-25-2013, 11:40 PM

اسلام عليكم كرووووشات .....اخباركم
خلووني على صبري ......حنا بخير وطيبين ..اخبارك انتي ووينك وشلوون الثقل معك خلاص هااانت
عهوود ..كلنا زيك وبرضوو بيثقل بس يبقي له صبر اصبري وبتنفرج ان شاء الله
كب كييك ..اخبارك ياحلووه خلصتي تجهيزك ولا لسهه
انا اليووم مالي خلق واحد من اولادي صدره تعبان مره وكل ساعتين اركب له بخار تعبت و الباقين ماغير عطاس مزكمين والحمدلله على كل حال بس حبيت اقولكم عن وضعي اليووم
والله يسهل على كل حامل ووييسر امرها.............

أم أسلام ..

03-25-2013, 11:51 PM

السلام عليكم ورحمة الله
اخبااركم يا حلواات ياارب بخيرررررررر
ربنا يهون علينا الايام ونفرح بشوفة اطفالناا سالميين

ذكرى الحنين

03-26-2013, 12:18 AM

بنات بسالكم مين ماسكه معاها اكلات من فتره الوحام لين الحين تحبها او تكرهايعني انا الجبنه المالحه توحمت عليها ولين الحين مايمر اليوم اذا مااكلتها
واكررره الجوافه لين الحين ماابغى اشوفها حتى في البيت لانو ريحتها قوويه

كل اللي تقولو عليه بحركه البيبي تحت والشد حسيت فيها بس هي تجي بلحظات وتروح
بنات تحسو بمغصات خفيييييفه مثلا قبل تدخلو الحمام اعزكم الله او وانتو بتمشو او وانتو طالعين مع الدرج انا من دخلت الثامن وهي تجيني في ثواني وتغيب بالساعات المغصات
ولما توقفو تحسو انو البيبي يضغطكم من المنطقه تحت وتحسو بالافرازات من الضغط ؟

انا طول فترة حملي من دخلت الشهر الرابع مااحس بالمغص الا لما استفرغ وانتو بكرامه
وامي تقول انو هذي المغصات تهيئ الرحم للطلق

انا بالحييل مستانسه اني اقرأ حالاتكم وانها متشابهه واننا بنفس المرحله وكلنا نمر بنفس الشيء وانو الوضع طبيعي اتطمن وترتاح نفسيتي
بس ماادري انتو مر عليكم زي بالنسبه للمغصات و ضغط لما توقفو ؟؟

عهودي

03-26-2013, 02:41 AM

كيف حالكم مع التعب

زوجه ظابط

03-26-2013, 05:17 AM

ديما الله يعينك ويصبرك ويسهل عليك يارب

ذكرى الحنين

03-26-2013, 07:21 AM

سحبتوو علي !>_<

Hamsat.3eshq

03-26-2013, 10:50 AM

ديماا .... سلامتهم مايشوفون شر الله يعينك الانفلونزا اللحين منتشرة

ذكرى ... تطمني طبيعي انا مثلك وسألت دكتورتي وقالت طبيعي وامي تقول ذا طلق كاذب يهيئ الرحم وحاولي لمن يجيك تتدربي ع طريقة التنفس الصحيحه

كب كيك ...الحمد لله انك والبيبي بخير

زوجة ضابط،.. انا ماحب الاعراس من اول واللحين اكثر هههههه بس في مناسبات ماتقدرين تطنشين

Hamsat.3eshq

03-26-2013, 10:53 AM

ام سلام... الله يسمع منك ويسهل علينا وعليك وع كل الحوامل ويرزق الي يتمنى ي رب

عهودي... الحمد لله التعب لابد منه واهم شئ البيبيز بخير هانت رااح الكثير

حِلمْ الأُمـوُمَـهـْ

03-26-2013, 12:58 PM

السلام عليكم

وحشتوووووني ي بطااااااات 😘

معليش غبت عنكم مؤ بس عشآن زوجي عندي بس تعباااانه سخونه وكحه هلكتني 😔

مآخليت شي ماجربته خاااايفه كثييييير تأثر على نووونتي ربي يحميهآ ويبلغني شوفتهآ وهي بصحه وسلآمه

ذكرى ~> عااادي يستمر الوحام الى الولادھ فيه حوآمل كذآ انا لسه أموت ع الحلويات بس ماقدر اكثر عشان السكر

البآرح بغيت اموووت من رجلي كل مالفييت جهه ثانيه جاها شد وشوفوني 😭

ديمآ ~> سلآمة أولآدك ي عمري عليهم البيت عندي كذا كمان ربي يعين

الحمدلله على كل حآل

عزف المحبة

03-26-2013, 02:55 PM

حلم الف سلامة عليك عليك انتبهي ع نفسك

اخباركم جميعا

Razan19

03-26-2013, 04:03 PM

ديما سلامة اولادك مايشوفو شر ان شاء الله .... مره منتشره الامراض فالاجوا هدي
حلم . الف سلامه ي قلبي ماتشوفي شر ان شاء الله تقومي بالسلامه
ذكرى . شي طبيعي ي قلبي

ديما الروح

03-26-2013, 04:38 PM

السلاآم عليكم ياحواآامل .......وسلاآم للبيبي هآاه إيش اخر التطورات
حلمممم....سلاآمات ولابأس طهوور إن شاء الله ....وعليك بشرب الشمر مفيد جدا للحامل من الشهور الاولى ويحمي من نزلات البرد والكحه والزكام سواء حامل اوغير حامل ...واآمن مامنه ضرر .يشبه الكمون بس اكبر ولونه اخضر فاتح وطعمه عادي زين بدون ماتحليه بالسكر ..

ذكرى ....ريحي نفسك واتحركي باخر اسبوع من الثامن وركض في الشهر التاسع ..ههه امزح ..كثري مشي بنهاية الثامن إلي نهاية التاسع
والحين ريحي وخففي طلعات .....وناحية المغص فيه حوامل يصير معاهم كذا من الشهر السادس والسابع ومايولدو إلا بالتاسع .وكل وحده وطبيعة تحمل جسمها والله يحقق لك مناك

همسات ..الله يسلمك ويسهل عليك .....

زوجة ضابط .....الله يسلمك ويسهل عليك ...
رزان ...الله يسلمك ويسهل عليك ....
عزف المحبه ..اخبارك مع الدراسه هيئ نفسك للأختبارات والولاده هههههه الله يوفقك

ويين باقي الحوامل .....الله يسل للجميع ولادتهم ومرادهم .....
سلاإام ..

سوسو الحلوهـ

03-26-2013, 05:43 PM

هلا كروشات ان شاء الله كلكم بخير

انا عندي الم قوي باسفل الظهر اللي يسموه "العصعص" هع من الشهر الخامس ماسك معي وزاااد من الجلسه فتره طويله والحركه عندي ضيوف ببيتي وتعبت

من قوه الالم حطيت عليه فكس ونمت والله ارتحت مررره

يارب سهل علينا

حِلمْ الأُمـوُمَـهـْ

03-26-2013, 07:14 PM

الله يسسلمكم جميعًا فديتكككم 😘

وسلآمة التعبآنين خلاص بدآ الجد والتعب ربي يسسهل. علينآ

ديمآ مشكورة ي قلبي رآح آجربه ويآرب ينفع جزآك الله خير

زوجي رآح يآخذ عمرة ماشآءالله عليه وكآن نفسسسسي آعتمر بس وضعي آبدآ مآيسآعد

ومع الكحه راااح آنكككتم بس ربي يعوضني قريب بعمرة

ريونه حبيبتي وينك مآشووفك طلي علينآ ي قمر

lina dz

03-26-2013, 08:28 PM

سلام صبايا كيفكن

عزف المحبة

03-26-2013, 08:32 PM

اهلا ديما

اهي اهي لاتذكريني بالدراسة الله ييسرها بس
و يمكن بعد ما الحق ع الاختبارات ولادتي قبلها بيوم او بيومين

ام ميدووو

03-26-2013, 08:35 PM

سلام عليكم

كيفكم ياقمورات
رحت موعدي الحمد لله الجنين اتعدل وضعه وصار راسه على تحت
بس الدكتورة هزاتني وقالت وزنه اقل من عمرة باسبوعين يعنى لازم اكل واتغدي كويس الله يعين

lina dz

03-26-2013, 08:46 PM

سلام عليكم

كيفكم ياقمورات
رحت موعدي الحمد لله الجنين اتعدل وضعه وصار راسه على تحت
بس الدكتورة هزاتني وقالت وزنه اقل من عمرة باسبوعين يعنى لازم اكل واتغدي كويس الله يعين

انتي صارلك مثلي عندي9 ايام وانا فايتة با الثامن بس حجم بطني مرة صغير وقالي الدكتور البيبي ضغيف ولازم عليكي تاكليhwaml10

عزف المحبة

03-26-2013, 11:50 PM

حتئ انا بطني صغييير ماشاء الله
ووزن النونو مو ذاك الزود

ام ميدو الحمدلله تتطمنتي ع الن نو
وش قررتوا اسماء

ذكرى الحنين

03-27-2013, 12:03 AM

يسلمو ياحلوااات سلامتكم وماتشوفو شر يارب
ايش اخبار التجهيزات مين خلصت ومين لسا مابدأت ومين جهزت نص
خلصت تجهيزات البيبي الملابس بس باقي تجهيزات الحمام والصيدليه
وباقي اجهز حق نفسي
بنات حياكم تفضلو اشربو القهوه معاي امي مسويه كنافه جوناااان بالمكسرات وبالقشطه
تستااااهلكم

ذكرى الحنين

03-27-2013, 12:08 AM

عزفف زوجي ينادونه ابو علوش من صغره
وانا ميييته على مااسمي محمد لو كان ولد
كل الناس ينادون زوجي ابو علي حتى اهلي
ماابغى علي ابغى محمد
زوجي مرات يقولي سلمي على حمودي ومرات يقول سلمي على علوش

ماادري ايش راح نسميه مع اننا مو متاكدين من البيبي لان مرتين قالو بنت ومرتين قالوا ولد
وزوجي مصرر يقولي ولد وان احساسه يقول انه ولد

الله اعلم .

سوسو الحلوهـ

03-27-2013, 12:34 AM

بنات وحده هنا بالمنتدى تعطيها العمر واخر دوره وتقول نوع البيبي
تحسبها بجدول سويدي وتقول الاغلب صحيح حسبت لي قالت عندك بنوته يووووووه شككتني وربي

قلت خليني اجرب بالجدول الصيني طلع كمان بنوته :/

ياويلي لو كان صدق بنوته جهزت كل شي لولد

خلوني على صبري

03-27-2013, 01:08 AM

ياعمري الجدول موصحيح مايعلم الغيب الا الله حتى السونار احيانا يخطي بس انتي اتوكلي على ربك وخليكي على السونار ولا تتوهقي اخباركم ياكروشات وحده وحده

Moni

03-27-2013, 03:44 AM

السلام عليكم
حلم سلامتك حبيبة ماتشوفي شر
ذكرى صحتين علي قلبك واسم علي مرة حلو كفاية انو اسمك يكون ام علي حلى يعني خخخخ
انا اليوم مرة متضايقة فجأة رجولي عند القدم اتنفخ سار زي البالون مين سار معاها كذا وهل معقول فجأة كذا تنفخ مرة خايفة

الحمد والشكرلله

03-27-2013, 10:18 AM

ازيكم بنات

السوناركل شويه يدينى ميعاد مختلف للولاده وانا زهقت.....مين حصل معاهاكده؟

ديما الروح

03-27-2013, 02:59 PM

السلام عليكم حبوووبات ........ومساء الخير لكل الحوامل

ذكري ترى الحساب الصيني ومادري وش ترى كلها تكهنات ....وخليها وتوكلي على الله والتصوير هذا من العلم وهو اصدق إشوي رغم اخطأئه ..

الحمدوالشكرلله .....شوفي ما اعرف في حساب الحمل بس المتعارف عليه هو ان تحسبي من اخر دوره وتزيدي عليه اسبوع او اسبوعين والعلم اولا واخرا عندالله سبحانه ..

حبوبات عمتم مساءا سلاآام حبوووووووووووبات

ديما الروح

03-27-2013, 03:01 PM

موووني ......والله ماعندي خلفيه في هالموضوووع بس لاتهملي نفسك رووحي لدكتورتك وووشوفي إيش راح تقوول

والنصيحه ارفعي رجولك فوق مركأ او أي شيئ .....والله يشافيك ويسهل عليك ...

زوجه ظابط

03-27-2013, 08:36 PM

انا بعد بطني صغير واحس حجمه صغير
الله يهون ويسهل

اوراق مبعثره

03-27-2013, 09:18 PM

مسائكم ورد
كيفكم ... كيف النونات
سلامات لكل التعبانين يارب ... ماتشوفو شر يارب
هانت ان شاء الله قرب موعد الولاده >> فيس خايف خخخ

اوراق مبعثره

03-27-2013, 09:24 PM

دخلت الثامن الحمدالله يارب
اممممممممم اخيراااااا عرفت اش نوع البيبي .... تتوقعـــــــــــو ايش طلع النوع .....
الحمد الله كل شئ تمام
انا نفسكم الحجم صغنون بس ان شاء الشهرين الجايين يكبروو بيبياتناا

خلوني على صبري

03-27-2013, 09:34 PM

ذكرى الحنين

03-27-2013, 11:16 PM

مبروك بعثره ان شاء الله يارب يعطيك منااك
الحمد
غريب ليش يعني مو محدد موعد الولاده بالسونار
انا كسوووله مآآره وصايره بس اتسدح
واذا مشيت نفسي اجلس بنص انسدح واناام ههههههههههه
اما بنسبه لعلوش حلوه مننك موني ههههههه
بنات خلاص اللي يجي من الله حياه الله والله انا قررت مااسأل عن جنس البيبي
مرتين قالو بنت ومرتين قالو ولدوبالمره الخامسه دكتور قال بنوته زي الفل شوي قال والله مش عارف دي ينت ولا ولد وقال انا توني شايف بنت بأعضاءها والحين ولد برضو بااعضاؤ غير السونار وعملي رباعي والبيبي قفل رجوله
خلاص البيبي مايبغاني اعرف اذا هوا ولد او بنت خليه ع راحتو ههههه
يلا سليب تايم

الحمد والشكرلله

03-27-2013, 11:18 PM

ذكرى الحنين

03-27-2013, 11:18 PM

موني انا رجولي تنتفخ لما امشي وبس اما من حالها لحالها لا رديت عليكي في الصباح لاكن تفاجأت انو مافي رد اكيد حصل خطا لان من الايباد

بنت النورر

03-28-2013, 01:33 AM

http://forum.hwaml.com/t246513.html#post3086083

http://www.hwaml.com/up/uploads/136442162411.png

cup cake

03-28-2013, 01:47 AM

سلام عليكم كروشاااااااااااااااااااااااااااااااااات شخباركم وشخبار بيبياتكم

ومعاناتكم مع الاااام؟

بنات اانا يصير لي مثل النبض اسفل بطني لمده وعقب يختفى ؟ شنو معناته ومن صار لها مثلي

ام ميدووو

03-28-2013, 02:35 AM

hwaml96 بنات انا طول اليوم مدروخه معا انو تحاليلي تمام بس حتى علبه العصير مااقدر افتحها
واللي رجولها تتنفخ عادي ترا لا تخافي

ذكري الله يرزقك بالطفل السليم التام الخلقه يالله مفاجاه تتحمسي تولديه بس عشان تعرفي جنسه هههههههههههههههههههه hwaml5 الا ماقلتيللي انتي ايش احساسك بنت والا ولد

الحمد والشكرلله كم الفرق بين حساب السونار وحساب الدورة ازا مو كتير لا تحطي ببالك والله يرزقك بالولاده السهله ف موعدك يارب hwaml13

والباقيات اخباركم hwaml7
هانت هانت الله يعييننا
اوراق مو بس فيس خايف الا فيس مرعوب ومفجوع ههههههههه

ام ميدووو

03-28-2013, 04:35 AM

http://1.1.1.2/bmi/files2.fatakat.com/2011/6/13076841351516.gif

ذكرى الحنين

03-28-2013, 05:04 AM

كب كيك انا مثلللللك بالضبط احس بنبض يطفش ااذا طول بس اذا جاك غيري وضعك ان كنتي منسدحه اجلسي واذا جالسه اوقفي
مع انها ماتروح الا اذا مشيتي
ام ميدو انا بعد بس ابي اناااام خلاص عيوني معتفسه
والله احساسي يقوول انه ولد من كثر ماابوه يقولي علوش جاي ويقول احساسه انه ولد
ربي يسمع مننك للجميع يارب ولك اضعافها ان شاء الله ام ميدو
انا عندي فيس مصدوم توه يستوعب انو في بيبي لازم يطلع واااااء ههههههههههه

الحمد والشكرلله

03-28-2013, 11:18 AM

الحمد والشكرلله

03-28-2013, 11:19 AM

ذكرى الحنين

03-28-2013, 11:25 AM

الحمد يعني عمر البيبي مايبين باسونار

ريونه

03-28-2013, 03:07 PM

متآبعه بصمت
> قمت الكسل
^^

عزف المحبة

03-28-2013, 03:15 PM

و انا اكسل ي ريونه اخبارك ي عسل

ي رب اولد ببداية التاسع @@@@ فيس طفشان

سولآف

03-28-2013, 03:24 PM

اللي تحس بالم العصعص انا كذا والله من دخلت السابع ومستحيه اسال خفت ماتعرفون ايش هو العصعص 😂

والنبض ياكب كيك عادي اتوقع دايم من حملت يجيني شعور موب حلو يضيق الصدر شوي

سبحان الله اعراضنا متشابهه جدا

ام رمانة

03-28-2013, 05:02 PM

السلام كروشات كيفكم
يارب انا بعد اولد اول التاسع تعبت والله
الله يصبرني ويكتب لي الأجر

Razan19

03-28-2013, 06:24 PM

والله مره ودي اولد بدايه التاسع يارب
لان وراي اختبارات نهائيه نفسي اختبرها وافتك *

محبوبته

03-28-2013, 06:38 PM

مساء الخير ع الجميييييع

سبحان الله الحركة اللي زي النبض غريبه واحيانا تطووول لدرجة احسه نبضات قلب ههههه وتكون تحت
انا اكثر شيء احسه لاصرت جالسه

بنات تلاحظون الحركة صايره كثيره هالايام !!
لدرجة احس البيبي كله يتحرك « يارب مايغير وضعيته :(

cup cake

03-28-2013, 07:25 PM

بنااات الى تبي تولد في بداية التاسع باذن الله عليكم با المشي من نص الثامن يعنى ماتهرقون نفسكم من اول مره يعنى ابتدي اول مره امشي 10 دقايق واليوم الثاني زيدي 5 دقايق لين توصلين للتاسع امشي كليوم نص ساعه والمشي يكون بمسافات متباعدة تساعج على فتح الرحم و الولادة السهله وطبعا وانتو تمشون شربو ماي و الطريقة الثانيه اذا حصل جماع لاا تقومي تغسلي بسرعه خلي الماء يكون داخل رحمك لمدة لاان يساعد على فتح الرحم ايضا وهاي الاشياء الطبيعية الى تسرع الولاده وانشاء الله كلنا نولد في بداية التاسع ياااااااارب

ومو شرط تطلعي برا البيت عشان تتمشي انا اتمشي داخل المنزل 10 دقايق بدون مارهق نفسي و اسوي تمرين القرفصاء لمدة 15 ثانية كليوم جذي وانشاء الله اولد في بداية التاسع

زوجه ظابط

03-28-2013, 09:11 PM

واللي ماتبي تولد وش تسوي ههههههه
فيني رعب مو طبيعي احسه حلم مو صدق وبنفس الوقت مستمتعه
بشهور الحمل هههه
اقول محد جاه بدايه طلوق ياربيه انا اهلكتني بس تجيني مره في اليوم
تخيلو جتني وانا اكل انقلبت اسد ارتاع ابوي قال شفيك وانا ميته ضحك على الصوت اللي طلعته
ولاتفكرون بالولاده انسوها عشان تولدين بدري لانك لو فكرتي كثير ماراح تولدين الا اخر وحده
استمتعو بالترفيس اللي يعور هههه والشكوى لله يألكروشات

Moni

03-29-2013, 03:23 AM

سلام كروشاات
ديما الروح وذكرى تسلموا
رحت للدكتورة اليوم علي طول دخلوني كشك الولادة عشان كمان عندي الم تحت حطوا لي جهاز اللي يقيس الطلق الحمد لله مافي طلق بس قالوا البيبي مرة نازل في الحوض عشان كذا اتنفخت رجولي هي ضاغطة على الأوردة المهم ماخليتها تكشف من تحت عشان انا من الرابع الرحم مفتوح عندي واحد سانتي
بس قالت لي راحة تامة و فعلا ارفع رجولي الحمد لله عدت على خير بس والله إحساس مخيف انهم كانوا يتأكدوا اذا في حضانات فاضية لو سار ولادة مبكرة لا سمح الله الله لا يكتبها لاحد

حِلمْ الأُمـوُمَـهـْ

03-29-2013, 02:13 PM

مسآئكم رضآ من الرحمن

كيفكم كروووشآت وكيف كتآكيتكم اللـي متعبينكم ؟!

موني ~> سلآمتك حبيبتي وإنتبهي على نفسك وآبدآ لَا تتحركي وبس توصلي

آخر الثآمن امشششي وسوي اللـي نفسك فيه ، بس غريبه فاتح الرحم عندك من الرآبع !!

طيب شلوون عرفوآ إنوا مفتوح ! وإيش السبب اللـي خلآھ يفتح من بدري !

بجد ششي يخوف ربي يسسسهل عليك وعلينآ .

آخبآري ، الحمدلله رآحت الـ سخونه وخفت الكحححه كثييييير وزوجي سآفر آمس ):

ي عمري عليه جآني وكنت تعبآنه وحآلتي حآله حزنت عليه ):

بناات فيه شي متغير عليا انا كنت اروح للحمام وإنتوآ بكر امه بإستمرار ودآيم حشرآنه ><

بس لي اسبوع ماصرت أتردد ع الحمآم ومآحس بضغط تحت زي اول امااانه طمنوووني

هالشي إيش معنآھ وربي خفت >< انا من الخامس والدكتورة تقولي راس البيبي تحت

الى بدآية السآبع وهو تحت بس ذحين احسسها قلبت لأني داايم مكتوومه وظاااغطه على معدتي !!

ذكرى الحنين

03-29-2013, 04:11 PM

بنات الكبده مضره للحامل ؟؟صار لي مده اكلها احس اني بمووت من المغص اللي اليوم جاني
مع غثيان كاني بالاشهر الاولى حتى العصاره الصفرا طلعت من بطني
ومااااره دايخه والافرازات بالهبل وابغى ابكي واصررخ لاكن تعباانه
ابغى انام الحين والمغرب اشوف اذا ماتحسنت حروح المستشفى
ادعولي

ديما الروح

03-29-2013, 05:24 PM

الســــــــــــــــــــــــــــــــــــــــــــــل ام عليكم كرووووشات ..................اخباركم
احلمووووووا تولدون باول الشهر التاسع........فيس يضحك وفيس مطلع لسانه هههههههههههههههههههههه
امزح امزح الله يكتب الي فيه خير لكم واصبرن ان الله مع الصابرين والفرج قرب خلاص مابقى شيئ الله يهوون على الجميع
موووني ......الزمي الراحــــــــــــــه وبلاش حركه وربي بيسهلها ويتم لك بسلام
حلممم.... الضغط على المعدهه لان البيبي صار كبير .....وقلة الروحه للدورة المياه يمكنه مو نازل مره لان لسى عليه بنهاية الثامن لراح يكبر اكثر وينزل وبتحسي بيه
ذكـــــــــرى ......الله معك ووكلي ارك اولا واخرا لله

اسأل الله ان يتقبل منكن في هذا البيووم الفضيل .....دعواتي لجميع الحبوووبات بالتوفيق والسداد ..
ســــــــــــــــــــــلااام

سوسو الحلوهـ

03-29-2013, 05:48 PM

زادت الشكاوي ياكروشات ههههههههههه
الله يسهل علينا يارب

استمتعوا بالمراحل الاخيره ماعليه هوونوها وتهون :)

انا كل ماطفشت وجاني المللل ابي اولد افتح شنطه التجهيزات وطالع ملابس النونو يالبى النتفه

متحمسه متى اشوفه واحضنه لصدري ^.^

Razan19

03-29-2013, 06:30 PM

سلامتكم بنات الله يعينا ويصبرنا
اليوم مانمت مو قادره بدات البطن تتعبني فالنوم مع انها صغيره ماشاء الله
سوسو . انا زيك كل ماطفشت من الحمل فتحت شطنه البيبي اتفرج فاغراضه ي عمري عليه يارب يجي بالسلامه
واللي الرحم عندها مفتوح من الرابع كيف عرفوا بالسوار ولا كيف ؟؟؟؟؟؟

عزف المحبة

03-29-2013, 08:15 PM

ذكرى سلامتك حياتي لازم تراجعي المسشفى انا صار لي كذا بحملي ببنتي بس كانوا يقولوا طبيعي لان معدة الحامل حسساسه

موني الحمدلله ع سلامتك ي رب يتمم لنا ع خير

ديما ي زين سوالفيك خليك جنبنا دايما

ديما الروح

03-30-2013, 12:06 AM

ســــلام حبووبات .......
وش اخبار ذكــــــــــــــــــرى ...يارب طمنا عليها
وانا الام اسفل البطن والظهر والفخذ ..... وكذ دايما يصير معي لشهر التاسع واتاخر بعد اخذ زياده يوم يوومين..
والله يسهل علينا جميعا ..ويثبت الحمل الي وقته

حبوبات كل ما اخذتيمن الشهر التاسع اكثر كان احسن لصحة الجنين لا تتمنوا الولاده قبل الخيره فيما يختاره الله .....

سلااااام احلى كلأاااااام

Razan19

03-30-2013, 12:07 AM

اقصد بالسونار

زوجه ظابط

03-30-2013, 03:30 AM

على اساس راح يولدون اول التاسع هههههههه
ذكرى سلامتك يارب ماتشوفين باس ياحلوه
استمتعو بس لاحقين على البكا والصياح بكره تتمنين ترجعينه لبطنك من ازعاجه ههههه

ام ميدووو

03-30-2013, 04:13 AM

صباح الكسل ورجعه المدرسه والدوامات hwaml15

ام ميدووو

03-30-2013, 04:43 AM

الله يستر يابنات بدات تجيني مغصات قويه اللين نفسي ينقطع وتختفي بسرعه طبعا دي تعديلات ههههههههه

وبعدين شفت شي الله لا يوريكم وربي مكسوفه جبت مرايتي وتجهزت عشان اشيل من تحت الا اشوف تراااااااااااا مفاجاءة الدنيا سودا ماادري ايش قلب اللون كدا فزعلت زعلا شديدا وحقدت على نفسي مدري ليه انا عارفه انو طبيعي السمار معا الحمل بس انصدمت تهئ تهئ

سوسو الحلوهـ

03-30-2013, 06:22 AM

هههههههههههههههههههههههه حلوه المفاجأه تراااا

الحال من بعضه سمااار سمااار ما ادري ليه كذا الرقبه والمناطق الحساسه " الابط والمنطقه " :((

مع ان وجهي صفى كثير ومنور

اما حملي بولدي مافي سمار ابد بس حبوب بوجهي !

عهودي

03-30-2013, 08:56 AM

صباح الورد

اخباركم

السمار خلوها على الله الجسم صاير خريطه خخخخخخ

الله يعين

الحمد والشكرلله

03-30-2013, 09:46 AM

الحمد يعني عمر البيبي مايبين باسونار

كل مرة بعمر شكل

ذكرى الحنين

03-30-2013, 11:50 AM

السلام عليكم الحمدلله بنات انا كويسه وبخير
بس لسا فيا غثيان
ومهدود حيلي من الزكمه <<من كتر البكي
معلييش اكيد قلقتكم
ام ميدو انتي ولدتي قبل كذا وعندك معرفه والحين تحسي بمغصات
وانا زيك احس بطلوق كذابه
بس سؤال يعني الطلق الحقيقي اقوى من كذا بقد ايش ؟
هذا مايخلينا نتنفس زيك بالظبط

ام ميدووو

03-30-2013, 01:17 PM

ذكري الطلق الحقيقي منتظم ومتقارب يعني يجي كل تلت ساعه وبعدين كل ربع ساعه الللين يصير الفرق كل 5 دقايق وتقدري تفرقي بينهم الطلق الحقيقي زي ماقلتلك منتظم وماتقدري تتحمليه بس الكادب يجي ويروح وماينتظم وتقدري تاخدي دش دافي لو راح الطلق يعني كادب ولو حمي وانتظم تشيلي قشك وعلى المستشفى

ام ميدووو

03-30-2013, 01:24 PM

hwaml5مو قوي مرا يعني اقوى من دا بشويتين

http://www.tran33m.com/uploadcenter/uploads/01-2012/PIC-866-1326377493.gif

حِلمْ الأُمـوُمَـهـْ

03-30-2013, 03:18 PM

مرررحبآ

انا جسسمي مآسسمر إلآ ذيك المنطقه >< وآفخآذي !! انا اول مرة آشوف

الآفخآذ تسسسمر !! واااھ بسسس ضاااايق خلقي منها 😞

الحمدلله على كل حاال

Hamsat.3eshq

03-30-2013, 03:38 PM

متابعه بصمت وكسل وطلوق كاذبه 😓

ماشاء الله اعرف 4 ولدوا هالاسبوع حسيتني حامل من سنه <<ناقة ع غفله ههههههه

انتوا والله ماخذين مقلب تولدون بداية التاسع ههههههههههه

بس يالله ان شااء الله الله يكتب لكم الخير

عندي اختبارات بعد شهر ولا ذاكرت ولا سوويت شئ 😁

انا ماحس صار لي سمار بس هذيك المنطقه من زمان ما تطمنت عليها هههههههههه حتى اذا بنظف اعتمد ع حاسه اللمس 😂

بنات انا مثلكم احس بمثل النبض تحت وثقلللللل مرررا زايد ورجلي وظهري يوجعوني

ديما الروح

03-30-2013, 04:34 PM

السلام عليكم حبيبات قلبي .....اخباركم .....
ذكرى .....الحمدلله طمنتينا عليك وعلى البيبي ..طييب نقعي إشوي مر في دبه صحه صغير واشربي منها فنجان وإن شاء الله تطيب المعده ومراح يضرك أنا اشربه لان معي التهاب بالمعده واحيان إذا اكلت دسم اشرب إشوي منه والحمدلله ماصار لي شيئ ....فتوكلي على الله واشربي مقدار فنجان .....والله يشافيك ..

الحين بوسط الشهر الثامن وبدت الاآم الظهر والفخذين وبعض المغصات .والثقل وحركة البيبي الكثيره ...ومبرووووك لكن هذا الاحساس
استمتعوا فيه مابقى إلا القليل ويفرجها الله ....بس هاآاه خففوا الحركه والطلعات إلى دخوول الشهر التاسع وبعدين سووا الي تبوون ...

وتحياتي واشواقي لحوامل تجمعي الكسووووووووول ههههههههههه

ريووونه .....فاقدينها ووينها ......وسلاف .....وكثر يدخلوأ يقطووووا كلمه كلمتين ويختفووون

طييب نزلووا خباركم طونوونا ....ياللاآه سلاإم

زوجه ظابط

03-30-2013, 07:04 PM

هي بس جت على السواد الله يكرم النعمه هههههه
مالحظتو ان خخشومكم كبرت هههههههههههه
انا خشمي كبر وصدري كبر مره وفخوذي مع النحف احسها بتوصل للركب ههههه
غير صفار الوجه الحمد الله زوجي موب فيه والا كان كرهني

عزف المحبة

03-30-2013, 07:21 PM

الحمدلله خشمي ما كبر ههههههه

بنات ما عاد اتحمل شغل البيت احس لما اسوي شغله بسرعه افحم و اتعب
هو طبيعي كذا
الله يعظم الاجر

Razan19

03-30-2013, 07:35 PM

السلام عليكم .
اخباركم كروشات
اه جبتوها ا ع الجرح بالسمار ههههه المنطقه الحساسه والابط والرقبه رايحين فيها الحمدلله
لا انا اللي كبرت شفايفي مو خشمي خخخخ سايره ياساتر
اممم اخباري الحمدلله كل شي تمام وحتى البيبي الحمدلله بس سايره ماكل مره لان تجيني كتمه ع طول ويجيني الم فالفخذ .وحركتي سايره كتيره ماجلس فالبيت ابدا .هع زيارات ودحين
جامعه .

ديما الروح

03-30-2013, 09:24 PM

ســــــــــلام حبووبات ..................
من ناحية السمار شيئ طبيعي صح يضايق بس بعد الولاده كل شيئ يرجع طبيعي .....
ومن ناحييية حلق العانه والنظافه ااااه اه مهلك ومتعب بس الموووس احسن بعد الولاده بكم شهر ارجعي للحلوى او ماكينة براون .....الشكوى لله وش نسووووي

رزان.....كل اللي معك اعراض طبيعيه لاتشيلي همها وريحي قد ماتقدري والله المستعان

ام ميدووو

03-30-2013, 11:13 PM

هههههههههههههه فرحت فيكم ماحسيت اني مسمرة لوحدي --شريرة انا ههههههههه
بس الحمد لله وجههي صفي ومااشوف خشمي كبر والحمد لله

زوجه ظابط

03-30-2013, 11:58 PM

اقول بنات اللي عندها كلام كويس بيت شعر او دعاء
تعطيني لاني ناويه اسوي زي المطويه وفيها اسم حبيب ماما لاتبخلون علي

وايه خلصتو تجهيز كلكم وش اللي ناقصكم انا حاليا خلصت الحمد الله
باقي بس اشياء بسيطه زي الصيدليه وعربون محل الحلاو وملابس داخليه لي وكم شبشب واكون خلصت
يارب هون الطلق وهون الحمل وارزقنا برهم وصلاحهم

سوسو الحلوهـ

03-31-2013, 02:42 AM

انا باقي لي كم شغله لسى ماخلصت وشايله هم ابي اخلص وافتك

ذكرى الحنين

03-31-2013, 03:10 AM

شكرا ديما يعطيك ربي الف عافيه ماعندي معرفه عن المر بكلم امي تسويه بنسبه للسمار عندي بس الابط والرقبه صراحه شيء يزعل وخشمي مو ملاحظه
بس اللي يشوفو يقولو كبر واللي ملاحظتو الحبوب في جسمي ظهري وخدودي
وتحرررق وتجلس بقع بنيه
عزف حتى انا اتعب بسرررعه لدرجه تجيني دوخه والبيبي على طول يتحجر اذا حسيت بتعب
مع غثيااان وصداع من فقر الدم
بدات امشي اليوم مشيت نص ساعه
رازان وناسه اذا كبرت شفايفك تحطي قلوس وردي مره حلوه
زوجة ظابط باااقي لي كثيير ومتكسله ويمكن راح الحماس من التعب والنوم
ام ميدوو الله يكون بالعوون ان شاء الله ربي يهونها وفعلا اخواتي لما ولدو سمرو وسو بخار بعد الاربعين ورجعو زي ماكانو وكانو يشربو حلبه <<اكره الحلبه

Razan19

03-31-2013, 03:47 AM

صباح الخير
باقيلي شي بسيط زيك يعني اغراض الصيدليه والاستحمام وشويه اغراض ليا
دكرى سلامتك ي قلبي
بنات تصدقون محتاره فين اولد نفسي اولد فالمستشفى الوطني خاص . واهلي يقولولي لا ولاده احسن لان بكريه لازم حكومي افضلك . وانا مره خايفه من مستشفى الولاده

wـــارووو

03-31-2013, 03:53 AM

سلام كروشات اخباركم

Hamsat.3eshq

03-31-2013, 07:31 AM

عليكم السلام

هلا سارونة اخبارك وكيف البيبي

زوجة ضابط... انا للحين ماخلصت بس باقي شويات

تحسووون اعراضنا متشابهه مراااا انا مثلك ذكرى زايد تحجر بنوتي ولو امشي خطوتين كاني طالعه من حرب انفاسي توصل للجيران ههههههههههه

هاوشوني ماذاكرت 😖😫

مدري متى ناوية حظرتي الله يحنن قلبي ع هالملازم ههههه

Moni

03-31-2013, 01:39 PM

سلام عليكم معليش ما دخلت من زمان
تسلموا كلكم خلاص ملازمة البيت اليوم دخلت الثامن يارب لك الحمد
بنسبة للرحم عرفت انه فاتح من الرابع عشان جاني التهاب شديد تحت وفتح الرحم كان تجيني مويات كتيرة اخذت علاج الحمد لله راح الكشف كان سونار مهبلي اعمله في كل زيارة عشان يقيسوا لي عنق الرحم و واذا كان فتح اكتر عشان مرة جاءتني ولادة في تاني حمل لية في شهر الخامس عشرين اسبوع وخايفين تكرر المأساة بس الحمد لله عدت على خير
ذكرى الف سلامة عليك روحي للدكتور انا كمان مرة معدتي حساسه اخذ احيانا قبل الاكل موتيليوم بربع ساعة او اخذ للغثيان زوفران مرة ممتاز يوقف الغثيان والعيان
ام ميدو ههههههه مفاجأة عجيبة ايوا صح ايش معنى تحت بس خخخخ
رزان انتي من فين ?
شكلنا انا وحلم بس جدة

Razan19

03-31-2013, 02:19 PM

موني ي قلبي من المدينه انا .

حِلمْ الأُمـوُمَـهـْ

03-31-2013, 03:02 PM

مسآء الخير

كيفكم كروووشآت ؟! وكيف الكتآكيت ؟

موني ~> انا من الريآض يعني اسآسآ سآكنه في الريآض بس هالفترة جآلسه عند آهلي في جدة

الحمدلله بآقيلي آسبوع وآدخل الثآمن على خير

ذكرى الحنين

03-31-2013, 03:48 PM

الله يسلمكم من عذابه رازان في المدينه الوطني في دكتور هشام ودكتور احمد سمعت فيهم من جارتنا بكريه بالثامن وتقول كويسين انا ماادري عنهم بصراحه
وانصحك تولدي بالولاده احسن لان اي مشكله تصيرلاسمح الله راح يحولونك ليها
وهذا صار مع اختي كانت في السعودي الالماني وحولها للولاده
انا ان شاء الله بالولاده
صح بسألك وين تراجعي مواعيدك

خلوني على صبري

03-31-2013, 05:35 PM

اخباركم اليوم ياتعبانات الله يقومنا بسلامه

Razan19

03-31-2013, 06:29 PM

ذكرى . اراجع عند ايمان البيدير فالعقالي
بنات الجو عندنا امطار وهوا وغبار شديد . يارب رحمتك

كبرياءه طوره

03-31-2013, 07:30 PM

اخباركم بطااات
مين معي بالثامن هاه بديتو تمشون
انا مشيت بس كم يوم وقامت رجولي تعورني مرررره
معليش دخولي صار قليل وغير الثقل والنوم

Moni

03-31-2013, 08:13 PM

حبيبتي ياريت اعرف في المدينة مستشفيات بس في جدة الحكومي جداً سئ يعنى مستشفى الولادة مجزرة طبعا باستثناء مستشفى الجامعة مرة ممتازة
حلم بس ان شالله ولادتك تكون في جدة صح ؟
الله يكتب لنا ولادة ميسرة وسهلة وما يضيع لنا تعب

حِلمْ الأُمـوُمَـهـْ

03-31-2013, 08:18 PM

انا إن شآءالله ببدأ مششي من نص الثآمن

موني بإذن الله ولآدتي في جدة ويآرب يسسهل علينآ

Razan19

03-31-2013, 08:55 PM

انا دحين باقي كم يوم واسير نص الثامن
بس مع الجامعه تعب ومشي وشمس يوه . نفسي ارتاح مامشي احس مشي الجامعه يكفي
حتى عندنا ناس كتير يسبوا مستشفى الولاده

ديما الروح

03-31-2013, 09:41 PM

الســــــــــــــــــــــــــــــــــــــــــلام عليـكم كروووشات ....اخباركم واخبار الحلـــــــــوووين
انا باقي لي بس بعض الحاجيات من الصيدليه واخلص....
همســــــــــات ....الجامعه موو لعبه معليش اعطي الملازم شووية وجهي وبتفلحي ان شاء الله مابقى الاشيئ بسيط وتخلصي
الولاده والاختبار وتلاقي نفسك جالسه جنب النونو...بسلامه
اما الحلبـــــــــه جدا رووووعه انصح فيها سواء مع الاكل يكون مطحون لوحب ويكون شراب سخن في ترمس ..له فوائد جدا رووعه يصفي البشره ويفتحها ويرجع لك لونك الطبيعي ويدر الحليب ويسمن النحيفه ويلمع الشعر ويطوووله وهذا مجرب من زمان من كانوا جداتنا والاولين ...لازم كل وحده تسويه في اربعينها وطوول فترة الاربعين يوم ماتخليه وراح تشوفي الصحه والحيويه والجمال ياسلام ....وبرضو قشر القهووه لاتنسووه جد رووعه ينظف الرحم ويطهر ويجفف ...

ياسيدات التجمع مافقدتوا ريوونه لايكوون صاير لها شيئ الله يستر عليها

Razan19

03-31-2013, 09:45 PM

ديما . الحلبه مره مفيده . بس مستحيل اتخيل يوم اني اذوقها ريحتها كفايه تسد النفس الحمدلله . وحتى قشر القهوه سمعت انه مفيد لكن انا ماحب القهوه ولا اشربها الله يعين بتعود عليها فالنفاس ان شاء الله

ديما الروح

03-31-2013, 09:50 PM

الســــــــــــــــــلام عليـــــكم ..كرووشات اخباركم واخبار البيبي ...

باقي لي حاجيات من الصيدليه واخلص ان شاء الله

همسات ورزان اضغطووا اشوي وراجعوا ملازمكم وكتبكم كلها كم يووم وتخلصوو الاختبارات ...وبرضووا الولاده وتلاقوا انفسكم
جنب نوناتكم ....ياسلااام وتصير الفرحه فرحتييين مو كذا ولا انا غلطانه
انا في بكري كنت في الشهر الثانت وتطبيق وبعده اختبار شهري وبعده اختبارات النهائيه وفرجها ربي .....ذكرتووني بالذي مضى ..ههههههههه

الحـــــــــــــــــــــــــــــــــــــــــــــــ ــــــــلبه جدا مفيده وامهاتنا وجداتنا مجربينها من قبل روووووعه لاتهمليها في اربعينك لازم تشربيها مثل الشاي وبرضووا في الطبخ والاكل حق النفاس
وراح تشوفي صفاء البشره وجمال وجهك وصحتك وشعرك يلمع ويطول ويدر الحليب جدا فوائده لا تعد ولا تحصى

ياسيدات التجمع مافقدتوو ريوونه........ الله يستر عليها

ديما الروح

03-31-2013, 09:55 PM

ليش رزان تحمليي الريحه واستحمي ... وبعدين اذا كنتي في مكان مكيف مراح تطلع ريحته

اما قشر القهووه بس القشر خذي ملعقه منه وحطيه بكاسه وصبي فوقه ماء فايح او مغلي وخليه عشر دقايق واشربيه طعمه موو مر مره ......

ديما الروح

03-31-2013, 10:00 PM

معليش تكرر الرساله مرتين توقعت الاول ماراح.....................

وانصح كل حامل ماتغامر وتروووح لاي مستشفى.... الحكووومي رغم ان فيه اخطاء بس يهوون ولا المستشفيات الخاصه

..يسوولك عمليات وانتي موفي حاجته ....واذا تعسرت الحاله حوولها على الحكوومي واخلووا مسؤ لياتهم ......

بس استخيرووا في امووركم والله وليي التوفيق ,,,,,الله يسهل على الكل

حِلمْ الأُمـوُمَـهـْ

03-31-2013, 11:25 PM

والله من جد فآقدتهآ ):

يااارب عسسى المآنع خير وتكون بخير هي ونونتهآ !

Hamsat.3eshq

04-01-2013, 12:23 AM

حمستيني ديموووو بذاكر باذن الله من بكرا والله يسمع منك وتعدى هالفترة ع خير

انا اتابع في بروكير الخبر سمعت كثير يمدحوه ومع كذا خايفة

ايه والله ريووونة لها وحشة ياارب تكون بخير الله يطمنا عليها

Hamsat.3eshq

04-01-2013, 12:25 AM

زوجي متحمس للمشي وانا خايفه امشي واولد قبل اخلص اختبارات >>والله ياخوفي تعوشرين

زوجه ظابط

04-01-2013, 12:35 AM

الا الحلبه من تجربه خالتي صار معها نزول لانها تشد الرحم مره وسبب لها نزول
كليه يوم واحد بس والحمد الله ربي عوض عن الحلبه
فيه الماش جدا رائع للعظامه وفيه الحليب للكالسيوم والرشاد وعصير البرتقال مع الزبيب وكلها تؤدي
غرض الحلبه بدون ماتحوسك لامويات متحجره ولاحاجه

ام ميدووو

04-01-2013, 04:27 AM

ررررررررررررررررررررريونه يادبه فينك
بنات مستحيل اشرب الحلبه اكرررررهها صح مفيده بس ريحتها مااتحملها ابدا ابدا

ورده بين ايديه

04-01-2013, 06:49 AM

سلام للمامات الحلوات
اخباركم وشو عاملين انتو وبيبياتكم

تصدقو للان ماجهزت ولا شئ كل مانزلت السووق تعبت

اللي عندها قائمه كامله للتجهيزات ياليت تنزلها نستفيد منها ..

سولآف

04-01-2013, 07:53 AM

صباح الخيرات

فيني كسل وثقل الله يعينا

وردة شوق

04-01-2013, 11:56 AM

صباح الخير وش اخباركم كيف البيبيات متابعتكم بصمت ثقل وتعب الله يكتب الاجر صراحه مستحيل اشرب الحلبه وعععع ريحتها والسمار حدث ولا حرج يله كله بعد الولاده يروح ريونه وينها مختفيه

وردة شوق

04-01-2013, 11:57 AM

انا زيك ياوردة ماقد جهزت شي بس ببدا الاسبوع الجاي باذن الله

حِلمْ الأُمـوُمَـهـْ

04-01-2013, 01:32 PM

مسآء الخير

انا بآقيلي آشيآء بسيطه للبيبي وانا رآح آبدأ آخذ أغرآضي الشهر الجآي

على روآقه وببدأ في التوزيعآت كمآن وربي يسسهل

مؤ بس ريونه مختفيه كماان كب كيك !!

بناات خلاص إحنا في نهآية الآشهر من حملنآ لَا تغيبوآ وتختفوآ كذآ ):

بعثرة مشاعر

04-01-2013, 03:34 PM

شخباركم كروشات

وحشتوني

انا لسسا مابديت بتجهيزات ان شاءالله مع الراتب

اذكر ببكري جهزتي بدري ومتحمسسه خخخ انا الحين قل الحماس

عزف المحبة

04-01-2013, 06:01 PM

حلم صادقة نبي نكون مع بعضنا باذن الله

ريونه و كب كيك عسا المانع خير طمنونا عليكم
لايكونوا عملتوها و سبقتونا ههههه

و انا باقي اغراض خفيفه اخلصها بادن الله هالشهر

عزف المحبة

04-01-2013, 06:07 PM

همسات متى تبدا الاختبارات النهائية
انا ب 8 شهر 7 يمكن ما اختبرها ولادتي ب 4 /7

و بعد رزان متى
الله يفرجها علينا و خصوصا اني ع وجه تخرج && فيس محبط&&

Razan19

04-01-2013, 07:14 PM

عزف .
الاختبارات للمواد العامه تبدا 7/8 والاختبارات لمواد تخصصي تبدا 15 / 7 وانا ولادتي 10 / 7 الله يستر ماتوقع اني اختبر ولا ماده

ديما الروح

04-01-2013, 07:16 PM

الســـــلام عليـــــــــكم ....ياحبوووبات ...هاااه وش اخبار النوونو .... ما قالووا يسلمون على ماما ديماااااا
على كل حال الله يسلمهم ويجيبهم بالسلااامه

حلووووومه .... مبرووك دخوولك الشهر الثامن ....
اخباركم يالكسوولات جد اليووم اشتغلت شغل متعب تنظييف شامل للبيت كبير ويبقى تنظيف ....والله لايضيع لنا تعب

اللي من زمان مادخلتووا وش اخباركم ....عساكم بخير

واللي عليكم اختبارات استعدوو للمذاكره ونبغي ههمه ....جوووا ولادات وجوو اختبار ياســـــــــــلااام

بالتووووفيق للجميع

زوجه ظابط

04-01-2013, 08:28 PM

جد لحد يختفي ترا والله نرتاع عليكم بلا حركات
خلو الاختفاء السيهر التاسع عشان نتحمس نقول اكيد ولدت اما الحين
ترا والله نخاف

حِلمْ الأُمـوُمَـهـْ

04-01-2013, 09:04 PM

تصدقون بنآت شااايله هم الولآدة بس مؤ الآلم لااا

أخآف تكون ولآدتي عملية قيصرية ><

زي ماتعرفون انا من السآدس محدد تلي الدكتورة تولدني نص التآسع بطلق صنآعي

لو مآجااني طبعآ الطلق الطبيعي واخااااف آتعب من الصنآعي وبعدهآ يحولوني عمليه 😣

ممكن تقولون لي بدري على هالشي بس بجد ليل نهار آفكر بها لشي 😔

ربي يفرجهآ ويرزقني الولآدة الطبيعي السسسهله يآآرب وكل من قال اامين

Razan19

04-01-2013, 09:32 PM

حلم . ان شاء الله تولدي طبيعي . وليه الدكتوره محددتك بنص التاسع . والله انا زي كدا مره خايفه من الولاده ومن العمليه ومن كل شي . ربي يسهلها علينا يارب

حِلمْ الأُمـوُمَـهـْ

04-01-2013, 10:37 PM

اللهم اااامييين

لآن عندي إجهآضآت متكررة قبل كذآ ومو معروف لهآ سبب طبي

والدكتورة خآيفه ع البيبي ومآتبغآني آطول وربي يكتب اللـي فيه الخير

ديمآ ~> الله يبآرك فيك بس انا لسه مآدخلت الثآمن هع بس آعطيكم خبر إنو الآسبوع

الجآي بإذن الله آدخله على خير 😊

ام ميدووو

04-01-2013, 10:47 PM

خلوها على ربنا ترا الولاده مفاجاات استعدو لكل شي وخلو بالكم وسيع وتفائلو بالخير تجدوه ان شاء الله

انا بدات اجهز شنطتي وغسلت ملابس نونتي لاني مااحب البس نونات ملابس جديده بكرتونها ابدا وبكره ان شاء الله ارصها ف الدولاب واجهز شنطه نونتي للمستشفى

ام ميدووو

04-01-2013, 10:51 PM

باقيلي كم غرض من الصيدليه والعطار ومممممممممممم بشتري الحلويات واسوي توزيعاتي كل الاغراض عندي بس باقي الحلويات وحاسويها ف يوم واحد باذن الله عندي بنات خالي عسولات الله يعطيهم العافيه حالفين يساعدوني حتى غرفه الاستقبال حلفو مااسوي فيها شي انا بشرف عليهم وهما يرتبو ويزينو ونسهر على التوزيعات معا بعض تصدقو حلو كدا تحسو بالفرحه معا الجمعه والناس

ديما الروح

04-01-2013, 11:41 PM

حلمم .....نصيحه لوجه الله لاتولدي بطلق صناعي ....واكثري دعاء واستغفار واستمري على الرقيه ومسدي اسفل بطنك وظهرك واستني الين تجي الولاده من نفسها .....وانتي براحتك وبكيفك سووي إللي تشوفيه .....
أنا سبق لي اجهاضات وبعد الرقيه الشرعيه ثبت الحمل وولدت بعد ماطوفت التاسع بثلاث ايام وكانوا يبون يولدوني بدري

وحملي هذا بعد نفس الشيئ بس مراح اروح لهم إلا لما تجي الولاده الطبيعيه لان سبق لي ولادات طبيعيه وعندي اطفالي الحمدلله على فضله ونعمه التي لاتعد ولا تحصى ...

ام ميدووا ...كلام سليم لاتفكروووا في الولاده وانسووها وخلووها لوقتها

وربي يسهل على الجميع ....

ام رمانة

04-02-2013, 12:40 AM

السلام عليكم
كيفكم بنات
اللي دخلوا الثامن وقفوا الكالسيوم ولا للحين ؟؟؟؟؟
بنات عندي تنميل قوي مثل الشد في قدم الرجل وشوي من الساق مو راضي يروح له اسبوعين هذا طبيعي ولا ??

بقاياالعطر

04-02-2013, 02:22 AM

انا في نص الثامن وخلاص راح أسيب الكالسيوم أخاف يكبر البيبي ويتعبني وقت الولادة وأنا بكرية

Hamsat.3eshq

04-02-2013, 03:02 AM

انا الدكتورة قالت لي ما اوقف الكالسيوم لين اولد

بس انا ما اخذه الا اذا تذكرت اوقات تمر 3 ايام انساه

ناس تقول لازم نوقفه من الثامن عشان راس البيبي لايصير قاسي

التجهيز كلما قلت خلصت طلعت لي اشياء جديدة

زحممممممة مع المذاكرة وحل المناقشات والواجبات

انا تعليم عن بعد تبع جامعه الملك فيصل تاريخ اختباري غير حنا نبدأ اختبارات 26/6 واخلص تاريخ 11/7

الله يوفق لي ولكم ونفرح بالمعدل والبيبي ي رب

ذكرى الحنين

04-02-2013, 06:03 AM

السلام عليكم

صح وينهم ريونه ومحبوبته و كب كيك
الحمد لله اموري كويسه
بدأت. المشي
خلصت ملابس البيبي بس اكتشفت انه باقي صدريات وجرابات للرضاعه
باقي الصيدليه ومفرش النفاس
وتوزيعات
اليوم عندي موعد والله مانفسي اروح عارفه انها حتكتب لي كومه ادويه مثل العاده
بس ان شاء الله ماتقولي شيء

Razan19

04-02-2013, 07:57 AM

صباح الورد
انا طول حملي ماخدت الكالسيوم والحديد . الدكتوره قالتلي خديه بس ماخدته كنت ماقدر اخده . بس دحين الكالسيوم تمام عندي الحمدلله لاني اشرب حليب كل يوم . ولكن جاني فقر دم وسرت اخد الحديد . حبتين فاليوم. بس احيانا انساه

ريونه

04-02-2013, 12:46 PM

أناا جييت [:

آخباركم ي بطاآت

مشكورين على سؤالكم
فديت خششكم والله ^_^

انا الحمدلله والبنوته كل امورهاا
بخييير ولله الحمد ..
والحمدلله وزنها 1,500

انا باقي لي اغراض النفاس
وكم شغله للبنوته واغراض الصيدليه

بس حييييل متثيقله. روحت السوق
الحين حسيت جد اني حآمل
من الثقل ..

ربي يهونهاا عليناا ويسهلهاا
ونكون ( آمهآت ) ^!^

ديما الروح

04-02-2013, 01:31 PM

الســـــــــــلام عليكم .........هــــــــــــــــــــــــــــــــلاا ريـــــــــــــوونه اخبارك ياعسل ووينك طوول هالفتره لايكوون تغليين ...

كل الي في الجمع غاليين لاحد يجرررب هااه

وليش ماخلصتي ....من زمان وانتي شغاله طالعه داخله خلاص ارتاحي الي الشهر التاسع وبعدين انطلقي في ربووع الاحساء كلها ......هههههههههههه
اخبار نونتك ان شاء الله طيبه لاتنسين سميها علييييييي هههههههه

......

رزان .......ليش الاهمال هذا انا كان في اول حملي ماكنت اخذ الحديد بالذات ونزل الدم عنديي بس بعدها اخذت درس وصرت ما اخليه ووانتظم لان قلته راح يسبب لك ددووخه بعد الولاده وماتقدرين حتى على الووقفه او الحركه ......فتعلمموووا واخذوا درووس من حمايلكم الاوليه حتى تتجنبوها في الحمل الجاي............

حِلمْ الأُمـوُمَـهـْ

04-02-2013, 01:46 PM

مسآء الخير

ديمآ ~> والله حيرتيني انا بصرآحه آبغى أولد بدري وآرتآح مآبغى آنتظر

متى مآجآت الولآدھ صعب لحآلتي ):

بناات كذذذب اللـي يقولك الكآلسيوم يكبر رآس البيبي لَا تصدقوآ آي شي تسمعونه

والحديد مهم مرررررة مآتفوتوآ ولآ يوم الا آخذتوة وكمآن آكلوآ آكلآت فيهآ حديد تسآعدكم في الولآدھ

ريونه ~> يـ دووووبآ ليش كذآ تختفين ترآ خلآص بنطنشك مرة ثآنيه لو غبتي هع

والحمدلله طمنتينآ ع البنوته ، انا موعدي إن شآءالله الآسبوع الجآي مع دخولي الثآمن

وهالمرررة بسسسألها عن وزن البنوته دآيم آنسسى وهي كمآن مآتقولي

بس آهم شي آطمن عليهآ ويكون رآسهآ تحت هع

Razan19

04-02-2013, 01:57 PM

هلا ريونه . الحمدلله ان البنوته بخير
والثقل من جد زاد فالثامن الله يعيننا
ديما .. انا كنت ماقدر اخد الحديد والكالسيوم لان كنت استفرغ منها الله يكرمك . فدحين سرت عادي اخد حديد لكن الكالسيوم لا

ريونه

04-02-2013, 02:51 PM

ديمآ ...
هذا آخر الحماس , ملل في النهايه
وامي مشغوله بزواج اخوي
هم يرحون السوق لزواج
وانا اروح اكمل ><

حلمـ ...
والله اشتاق لهذرتك
بس من التعب
كله طفشااااانه ..

+ في اي اسبوع ندخل الثامن ..؟ ^^

ي زيين السابع بسرعه مرر
الله لايعود الشهر السادس ):
ياثقله ..

تصدقون لحد الحين مو متخيله
انه اللي في بطني كائن حي ^_^
وبعد فتره بسيطه بيطلع
علئ الحيآه =)

شعور لطييف (:)

وردة شوق

04-02-2013, 04:05 PM

والله. صادقه ثقيل السادس غصبى مر علي ياحليله السابع بسرعه مر ما حسيت فيه مسويه كنافه وقهوه تعالوا معي تقهووا حبيت اسلم عليكم 😘😘😘😘

ذكرى الحنين

04-02-2013, 04:10 PM

هههههههههههريونه الاسبوع 32الله يخليلك عروستك
ومبروك لاخوك وان شاء الله ربي يتمم عليه
انا اختي جت الاسبوع الماضي اعطيتها مبلغ وخليتها تاخذ لي كم لبسه للبيبي
و لما خرجت من المستوصف رحت مع ابوي واخذت كم لبس ومناشف ونسيت الصدريات ومريت ع الصيدليه اخذت فوط وفرش ومعجون وصابون وبعدين اكمل من الصيدليه اللي جنب بيتنا اروح مشي
رحت موعدي المفاجأه انها ماخذت مني للتحاليل ولا كتبت لي ادويه ولا حاااااجه
بس سوت سونار وقالت ممتاز ممتاز
وقالت استمري ع الحديد اللي عندك والفيتامينات وبسسسس
هههههه من كثر ماادعي والله من اخر موعد كنت خايفه تقولي ابره حديد
ولاكن الحمد لله الحمدلله الحمدللله
يارازان اني اشتكي من التحجر اكثر من الثقل
واليوم مررررره ضاغط لتحت بطريقه غريبه مؤلمه
ديما كيفك ايش عامله ؟؟

حِلمْ الأُمـوُمَـهـْ

04-02-2013, 04:36 PM

وردة ~> 😢 آبغى آمووووت ع الكنآفه بس ممنووعه من كثرة الحلى إهئ

بالعاااافيه عليك حبيبتي آخاف عطيتك عين بس خخخخخخ

ريونه ~> من جد السآدس كان دممه ثقيييل مؤ زي السآبع خفيف ومر بسرعه

والثآمن ندخله في الاسبوع 31 ويوم مؤ زي مآقآلت ذكرى الـ 32 😁

ذكرى ~> الحمدلله إطمنتي ع البيبي وكويس تحآليلك سليمه

انا مثلك الحمدلله مآشتكي من الثقل مررة بس التحجر لازم يمر عليآ يوميآ

انا اخآف يكون مؤ زين ><

عزف المحبة

04-02-2013, 06:24 PM

هلا و غلا بالحلوين

انا اليوم ودي اخلص كم شغله الله ييسرها و خلال الاسبوع ذا اغسل ملابس نوني علشان ارتبها و كمان اجهز شنطة المستشفى

كبرياءه طوره

04-02-2013, 06:26 PM

اخباركم كروشات
انا اليوم لي اسبوعين بالضبط بالثامن
احس خلاص طفش ابي اولد
والحمد الله خلصت تجهيز بس باقي الصيدليه
ايه صح انتم مثلي انا امشي بالبيت بس بطني يتحجر ليه طيب ؟

زوجه ظابط

04-02-2013, 09:03 PM

كم اكره العسكري الله ياخذهم
اليوم كان موعدي رحت وقالت لي وقفي الكالسيوم وكملي على الفتامين والحديد
وموعدي الجاي بعد اسبوعين وبسوي الفور دي مره ثانيه والله يتمم
بس صار لي موقف ههههه مانحسد عليه
تخيلو نفس المبنى حق الحوامل فيه غرف الولاده والخدج وانا طالعه ابروح اسوي الموعد
تطلع هاذي توها والده بالسرير منسدحه وجها ياحياتي اسود من عقب الولاده
والبيبي حقها مره صغير حاطينه في الحاضنه خاصه
انا يوم شفتها جتني دوخه ابي اقعد ماقدرت صرت امشي مشيه فضه قلبها ابيض هههه
شافتني النيرس تقلبت عيوني واتنفس بصوت عالي جابت لي كرسي وشي اشمه وهي تصارخ على الباقي
يحسبون فيني ولاده هههه قاسو ضغطي والسكر وانا مرتاعه مدري وش السالفه إهههه
وحاليا حلقي يعورني ومصدعه شكلها بدايه فلو الله يعين
وايه عليكم بالشمندر والعصير البرتقال جدا رائع للدم يرفعه لك في اسبوع واحد

ديما الروح

04-02-2013, 09:15 PM

الســــــــلأام عليــــــــــــــــكم كروووووشاات ...........
اخباركم ............ذكرى ........انا الحمدلله طيبه وما اشتكي الامن شغل البيت وتحجر البطن غلى طوووول وثقل ووركيي مفكك
واحيان رجووولي تخووني .......

حلمم ..........ان شاء الله كل شيئ تمام وتوولدي طبيعي ودعواتي لك

....كبرياء............طبيعي تحمليي ومابقى شيئ

ريووونه مبرووك لخووك والله يوفقهم على طاعته ..........ويسهل لك اموورك يالغلا

زوجة ....الحمدلله اتطمنتي الا الجنين راسه ووين تحت ولا لسه

تمنياتي لكل الحوامل بسعاده والهنااااء شدوووا حيلكم الله يسهل لكم

ام ميدووو

04-02-2013, 10:21 PM

انا في نص الثامن وخلاص راح أسيب الكالسيوم أخاف يكبر البيبي ويتعبني وقت الولادة وأنا بكرية

انا اوقفو دايما ف التامن وعوضيه بالاكل

هلا ريونه . الحمدلله ان البنوته بخير
والثقل من جد زاد فالثامن الله يعيننا
ديما .. انا كنت ماقدر اخد الحديد والكالسيوم لان كنت استفرغ منها الله يكرمك . فدحين سرت عادي اخد حديد لكن الكالسيوم لا
خلي دكتورتك تغيرلك نوعه
الله يعطيك العافيه وتخلصي اغراضك
انا عن نفسي اوقف الكالسيوم من التامن وتقدري تعوضيه بالزبادي ومنتجات الحليب والبيض

كم اكره العسكري الله ياخذهم
اليوم كان موعدي رحت وقالت لي وقفي الكالسيوم وكملي على الفتامين والحديد
وموعدي الجاي بعد اسبوعين وبسوي الفور دي مره ثانيه والله يتمم
بس صار لي موقف ههههه مانحسد عليه
تخيلو نفس المبنى حق الحوامل فيه غرف الولاده والخدج وانا طالعه ابروح اسوي الموعد
تطلع هاذي توها والده بالسرير منسدحه وجها ياحياتي اسود من عقب الولاده
والبيبي حقها مره صغير حاطينه في الحاضنه خاصه
انا يوم شفتها جتني دوخه ابي اقعد ماقدرت صرت امشي مشيه فضه قلبها ابيض هههه
شافتني النيرس تقلبت عيوني واتنفس بصوت عالي جابت لي كرسي وشي اشمه وهي تصارخ على الباقي
يحسبون فيني ولاده هههه قاسو ضغطي والسكر وانا مرتاعه مدري وش السالفه إهههه
وحاليا حلقي يعورني ومصدعه شكلها بدايه فلو الله يعين
وايه عليكم بالشمندر والعصير البرتقال جدا رائع للدم يرفعه لك في اسبوع واحد

بالعكس وربي وجهه الام ينور اول ماتولد يمكن هيا حالتها خاصه بس صدقيني اول ماتولدي حاترتاحي وتنوري وحاتحسي انك ملكه العالم وانك اسعد واحده ف الكون شعور ماينوصف حاتجربيه ان شاء الله وتعرفي اني صادقه

الســــــــلأام عليــــــــــــــــكم كروووووشاات ...........
اخباركم ............ذكرى ........انا الحمدلله طيبه وما اشتكي الامن شغل البيت وتحجر البطن غلى طوووول وثقل ووركيي مفكك
واحيان رجووولي تخووني .......

حلمم ..........ان شاء الله كل شيئ تمام وتوولدي طبيعي ودعواتي لك

....كبرياء............طبيعي تحمليي ومابقى شيئ

ريووونه مبرووك لخووك والله يوفقهم على طاعته ..........ويسهل لك اموورك يالغلا

زوجة ....الحمدلله اتطمنتي الا الجنين راسه ووين تحت ولا لسه

تمنياتي لكل الحوامل بسعاده والهنااااء شدوووا حيلكم الله يسهل لكم

نفس حالك الله يعيننا وزياده تعبت من قله النوم طول وقتي اتقلب كل ماانام على جنب يعورني الله يكتبلنا الاجر يارب

كبرياءه طوره

04-02-2013, 10:23 PM

اليوم رحت موعدي بالحبيب
قالت لي اذا خلصت الثامن اوقف الجوسبرين
وعطتني فيتامينات وكالسيوم وحديد وزادت الكالسيوم عشان رجولي تعورني
وقالت لي كل شي اوك اللهم لك الحمد يارب
بس ماسويت أشعه موعدي الثاني اسوي

ام ميدووو

04-02-2013, 10:25 PM

كبرياء الحمد لله على كل حال
ريوووووونه الله يوفقك اخوكي لا تغيبي ترا لكي وحشه
كب كيك ماذا تفعلين ؟

Hamsat.3eshq

04-02-2013, 11:13 PM

ريوووونة الله يوفق لاخووووك ويسعده ولاتغيبين يام كرش

زوجة ههههههههههههههه اهم شئ مشية فضة تخيلتك هههههه بس الصدق انا احسهم ينورن

بنااااااااااااااات عطوني حل لالم الاسنان صدعت منه يكفي الفلوو متعبني امي تقولي يمكن عشاني اطنش الكالسيوم

Hamsat.3eshq

04-02-2013, 11:15 PM

كب كيييك فيك يابت انتي

Moni

04-03-2013, 01:08 AM

مرحباً كروشاات
زوجة موقف منجد تنحسدي علية
انا اعرف انو الحديد والكالسيوم ما نوقفوا الين بعد الولادة كمان بس الأسبرين انا وقفتوا من السادس
استغفر الله مرة طفش اليوم
الغثيان كل ماله يزيد كمان حرقان والثقل يزيد الحمد لله يارب

وردة شوق

04-03-2013, 01:09 AM

كبرياء ليش تشربين الجو سيبرين انا الدكتور قالت استمر عليه لين التاسع وخايفه منه يالله من الثقل شي ثاني والام الرجل والورم والركبه 😩😩😣😖😖 الله يكتب الاجر يارب كب كيك وينك مختفيه

كبرياءه طوره

04-03-2013, 03:33 AM

قالت خلاص بالتاسع ماتاكلينه
وانا باقي لي اسبوعين وادخل اللتاسع عشان مايسبب نزيف لازم اوقفه

wـــارووو

04-03-2013, 04:50 AM

اهلين حلوات
كل يوم اقرا باكشنات الولاده. المثبته هووون وانمغص وبطني يحجر وبعضها اتاثر لدرجه اني احلم انو انا واغلبها مخيفه
احضروها عن ضعيفات القلب اللي مثلي ههههههه احد قالك تدخلي
والمشكلة هذا الحمل الرابع ماشاء الله لاقوة الا بالله
يارب سهل علينا وفرح قلوبنا بشوفة اطفالنا بصحة وعافية
وارزق كل متمنيه الخلفه

أميره مووول

04-03-2013, 05:37 AM

اللهم صل على محمد وعلى آله وصحبه اجمعين

يارب لاتحرمني اياه

04-03-2013, 06:31 AM

سعادة الإنسان هي: الشكر ، والصبر والإستغفار أسأل الله أن يسعد قلبي وقلوبكم ?

صباح الخير

Razan19

04-03-2013, 06:50 AM

صباح الورد
كيفكم صبايا . ان شاء الله كل شي تمام وكيف البيبيهات .
زوجه ظابط . ههههه من جد موقف توحفه . . بس احسه الحلى شعور لما تولدي وترتاحي ومعاك البيبي بخير
بنات من جد هانت الحمدلله مابقي غير مجرد اسابيع ان شاء الله ونرتاح ونشوف البيبي ع خير يارب .
كب كيك ان شاء الله تكوني بخير .

الحمد والشكرلله

04-03-2013, 08:29 AM

ازيكم يابنات

منييرة

04-03-2013, 10:15 AM

هلا بنات اشلونكم، ربنا يسهل علينا جميعا يا رب

Hamsat.3eshq

04-03-2013, 10:18 AM

ماقدرت انام من الم اسناني ...شكله ضرس العقل مهوووووووو وقته ابي اذاكر 😫

Razan19

04-03-2013, 10:50 AM

همسات
ي حياتي الله يعينك . من جد مو وقته ابدا .

عزف المحبة

04-03-2013, 11:30 AM

همسات ربي يخفف عنك ي الغلا خذي بنادول او فيفادوا يخفف عنك بعض الشي

انا كذا الالام باسناني الجهه اليسرى طفشتني
الله ييسرها ي رب

روزآليندآ

04-03-2013, 12:46 PM

هلو
كيفكم
انا معاككم

روزآليندآ

04-03-2013, 12:49 PM

ماقدرت انام من الم اسناني ...شكله ضرس العقل مهوووووووو وقته ابي اذاكر 😫
الم الاسنان مضر ع الجنين
روحي الطبيب

ريش

04-03-2013, 02:07 PM

انتم هنا وأنا هناك
أنا لي أسبوع وكم يوم بالثامن الله يسهل لي ولكم

طبعا مابعد سويت ولا حاجه

امس سويت سونار وتطمنت على البيبي

سبحان الله كل شهر يكثر فيه ولادة جنس معين

الشهر اللي راح كل اللي ولدوا بعيلتنا خلفوا صبيان

شكل شهران كله بنات

الله ويحفظهم ويتمم حملهم وو لا دلت تهم على خير

روزآليندآ

04-03-2013, 03:19 PM

من ـاول الحمل كلما اروح مع زوجي المستشفى ونسوي فحص دم ابكي واصيح زي الاطفآل واضربه

حِلمْ الأُمـوُمَـهـْ

04-03-2013, 03:50 PM

مرررحبااا

هلآ بالكروشآت الجدد معآنآ حيآكم ربي (:

انا ماابككي من الآبر بس آتصنم من الخوف والدم يوقف مو رآضي يطلع هع

تجلس سسنه الممرضة تحآول تهديني آليين ربي يفرجها خخخخخخخ

سآرونه ~> المفروض تتحمسسسي بعد هالمنظرر اللـي شفتيه مؤ كذآ تنخرررشي ههههههههه

وربي يصبرك ع العسكري مدري كيف متحملته هما وحركآتهم اللـي ترفع الظغط

ديما الروح

04-03-2013, 10:52 PM

الســـــــــــــلام عليــــــــــــكم ......:كرووووووشـــــــــــــات اخباااركم...........
زوجة ضابط,,,,,,,,,,ليش كذا لا لا لازم تكووووني قوويه وبعدالي تولد تفتح بشرتها سبحان الله وتحلوو وبتشووفي ياحياتي ... قوووي قلبك اشووي

ريش ... ياهلا بيك ومراااحب ....وفعلا فترات يكووون المواليد نفس الجنس ..والفتره اللي راحت يااكثرهم اللي جابوو اولاد ذكووور ..وفليل الي جابوو بنات ينعدو على الاصابع الله يصلح الذريه

كروووشات ايش اخر تطوراتكم اليووم بطني كبراان واحس بديت اتضايق منه ........وياالمني مابي احد يلمس بطني واعيالي جننوني كل اشوي يبون يتحسسون الحركه ماغير ماسكه جزمه واقولهم ياوويله اللي يلمس يطني طفش الله يعيين ويفرج علينا ..............ياااااارب

ديما الروح

04-03-2013, 10:56 PM

روز البندا............مرحبا بيك ياحلوووه .......
بس مافهمت ليش تبكي وتضربي جوزك الله يصلحك.................

باقي الكروووشات ووينكم اخباركم ياعسوووولاااات

زوجه ظابط

04-04-2013, 01:37 AM

بالعكس جتني روعه مافيه الاقوه حلوم عقب ذا اللي شفتها
سببت لي كابوس
الله يعين على ذا الفلو مره مو وقتها مافيه الاعطاس ونفسيتي زفت ودي اشق ملابس ههه
احس فجاءه كبرت كرشتيروشانت نفسيتي ودي بس انوم مابي اسوي شي ثاني

خلوني على صبري

04-04-2013, 03:56 AM

حبيت ادخل واتطمن عليكم روزليندا الله يعينك على الغربه \\\\ديما انا عكسك اول مااحس بحركة البيبي انادي عيالي عشان يحسو وهما شاردين مني مادري من الخوف مو مستوعبين

ام ميدووو

04-04-2013, 06:56 AM

ديما الله يهديكي ليش كدا خلي الاطفال يحسو بالنونو الجاي ههههههههه
كب كيك اظهر وبااان عليك الامان
روزليندا اهلين
زوجه الله يشفيكي انا متعبتني الجيوب الانفيه احس خشمي مسدو طول الوقت غير الكتمه

والباقيات ايش اخباركم طمنوني

ام ميدووو

04-04-2013, 06:59 AM

مسدود ****

Razan19

04-04-2013, 10:19 AM

صباح الفل .
كيييييف الصبايا الحلوين .
البنات الغايبين . ان شاء الله خير . ليبيييه تطولوا الغيبه
كيف بنات بديتوا فالتوزيعات . انا ان شاء الله اليوم بروح اشتري اغراض التوزيعات
اخباري ي حلوبن كل شي الحمدلله . تمام بس النفسيه مادري اشبها طول الوبت طفشانه حتى لو كنت خارجه برى
وظهري زايد عليا مره سار يالمني من اسفل . وقبل كم يوم رحت لدكتوره وطمنتني ع البيبي الحمدلله برضوا راسه تحت ووزنه الحمدلله كويس
وعندي مراجعه قريبه . نفسي اعرف ليه قريب الشهر التاسع تكون المراجعات قريبه من بعض مره ؟؟؟؟

Razan19

04-04-2013, 10:20 AM

الوقت *******

ديما الروح

04-04-2013, 02:58 PM

الســــــــــــــــــــلااام عليـــــــــــــــكم ................

اخبـــــــــــــــــــــــاركم كرووووشات

الاجواء اليو م في الاحساء غبــــــــــــار اللهم اجعلها رياح ولا تجعلها ريح............

صايره نشرة اخباار ...هههههههه

احس حلقيي يعوورني اشووي ......
من ناحية التووزيعات مانسوويها بس البكريات بدوو يسووتها بس بشكل بسيط جدا بدوون تكلفه ..........

والله يسهل عليكم جميييعا

Moni

04-04-2013, 04:43 PM

اهلا وسهلا ب روزاليندا وريش وكل الكروشات الجديدات
ديما ضحكتيني انا كمان مااخلي بنتي تمسك بطني احس بألم
اما علي التوزيعات اختي وزعت سجاجيد صغيرة حقت السفر اوالشنطة مرة عجبتني الفكرة الين دحين نستخدمها اما انا ان شالله اعمل مصاحف صغيرة فضية و سبح كرستال بس لسة ماحصلتها في المحل احسها فكرة حلوة ويستفيدا منها كمان انا عندي اهل زوجي مرة يدققوا في الامور هذه يعني زوجي يفكر في توزيعات والضيافة ومن فين ناخذها خخخخخخخخخخ طبعا ماعجبتوا فكرة المصاحف والسبح

زوجه ظابط

04-04-2013, 08:59 PM

انا عملتها ربع توله دهن عود فخم مع دعوه للبيبي الجديد
باقي الستاند واخلص منها

ام ميدووو

04-04-2013, 10:01 PM

انا جبت عطور فرنسيه ربع توله وحاحط معاها شوكولا فخمه وورد مجفف وخلاص

ايش رايكم اجيب اكياس زي دي
http://uaesm.maktoob.com/up/uploads/539fa2bc73.jpg

والا علب زي دي
http://cloud1.lbox.me/images/l/201206/ksvjix1339991416900.jpg
او علب شفافه وازينها بشرايط

وللاطفال جبت اكياس عليها شخصيات كرتونيه وحاحط فيها حلويات والعاب لقيتها شبه دي
http://farm7.staticflickr.com/6077/6027359478_614baacc00_m.jpg

وعندي شجرتين للتوزيعات حاحط واحده للصغار وواحده للكبار

http://farm8.staticflickr.com/7250/7689043382_67f05e390e.jpg

زي دي بس حقتي ذهبيه

ومفرشي شبه دا كتير بس الوانو اخضر ودهبي مطفي ينفعني بعدين

http://static.hawaacdn.com/PE/2009/02/10/03/571_p16335-1.jpg
وهادا زي منتو عارفين خامس بيبي ماشاء الله يعني مو لازم اتكلف مرا
يهمنى رايكم
ايش رايكم بصراحه ؟؟؟

ام ميدووو

04-04-2013, 10:14 PM

نسيت اقولكم الاكياس شفتها لقيت دهبي ولقيت اخضر يعني لو اخدتت حانوع اللونين والعلب الشفافه لقيت قاعدتها دهبيه بس الفها بشريطه خضرا والاخضر مو فاقع لا لا تخافو هههههههههههه مو جرجير

حِلمْ الأُمـوُمَـهـْ

04-04-2013, 11:07 PM

مآشآءالله بديتوآ في التوزيعآت مو مثلي ):

مو كسسل او إهمال بسسس مآعندي آحد وآهلي كمآن مآيحمسوني ><

يقولوآ تكاااليف ولعب ماااله لزمة إتصدقي بقيمتها احسن !! طيب الصدقة شي بيني وبين ربي

الله يخليهم لي بس ،، المهم حلوووة افكاااركم ومنكم نسستفيد

ديما الروح

04-05-2013, 12:17 AM

السلام عليكم .... كرووووشات

ام ميدووو .....مررر رووووعه وحلووووه وبالعافيه عليك والله الله حصنووا انفسكم واطفالكم ولاتنسووا السصدقات ...

واليي ظرووفه تسمح له يسووي واللي ماتقدر ..ترى موشرط عشنا ماعرفناها والحمدلله نسأله صلاح النيات والذريه

حبووووووبات لاتضغطووا على انفسكم وعلى ازواجكم كلا على حسب ظرفه ...

وبالتووووفيق للغوالي جميعا .......

ديما الروح

04-05-2013, 12:20 AM

مفرش النفاس جدا رووووعه وحلووووا ........تووكلي واخذيها

بالتوفيق غلاتي ..ام ميدوووووا ...وأسأل الله يقوومكم بالسلامه
ولاتنسوون تسلمووا لي على البيبي .....هههههههه

الشامخة بديني

04-05-2013, 12:59 AM

السلام عليكم ... كيف حالكم جميعا .. انا معاكم ولادتي إن شاءالله في رجب ..
ربي يتمم حملي وحملكم جميعا على خير ونولد بالسلامة ..

انا اخر دورة كانت فيي 3 شهر شوال ... متى إن شاءالله حتكون ولادتي .. لأن السونار أخرني اسبوعين .. وسونار ثاني عند دكتورة ثانية ..ماشي تمام مع الدورة ..

ام ميدووو

04-05-2013, 01:34 AM

عيونكم الحلوة تسلمولي

ام ميدووو

04-05-2013, 01:39 AM

ويقومك بالسلامه ياديما وكل البنات يارب
الشامخه اعتقد اللي معا حساب الدورة يكون صح متى قالتلك انا اخر دورة 27 شهر 9 وولادتي باذن الله 7 \7 وترا لازم السونار يلخبط مرا زادتني اسبوعين والمرة التانيه نقصتني اسبوعين بس الارجح 7\7 انتي بعدي باسبوع تقريبا

الشامخة بديني

04-05-2013, 02:08 AM

هلا بك ام ميدووور ... انا دكتورتي قالت لي ان شاءالله ولادتي 15 رجب ووحدة ثانيه قالت 17 بس هذيك صاحبة السوناراخرتني اسبوعين يعني شطحة

زوجه ظابط

04-05-2013, 03:50 AM

ام ميدو اول وحده مو حلوه الثانيات حلوات مره وحركه الاطفال سوي زي
الشجره اكتبي في قوقل الصور شجره الحلاو مره تجنن وإاذي
اجد شي للاطفال ابسوي زيها بس حلاو من باتشي وتصير توزيعات المستشفى
بدال ماجيب الصينيه الكبيره حقت الحلويات شوفيها وعطيني رايك
يختي ابي زي الستاند حق الشجره مالقيت ابد مثله في الرياض شكلي اخر شي ابروح افصل
لي واحد مثله وافتك

زوجه ظابط

04-05-2013, 03:56 AM

حلم مايحتاج يتحمس لك احد تدرين طلبتها من برا ولما وصلت عبر الفيدكس
جابها لي زوجي ويسالني وش انتي طالبه هههه وعلمته واعجبته الفكره حتى هو اللي عطاني الفكره
حقت تولات الدهن العود انا كنت مفكره بكسره عود لان ابوي له صولات وجولات
في عالم البخور غير دهن العود
يوم جبتها لهلي كلن يقول موب لازم ومدري ايش خساير
بس ولاكنهم يحكون شي عاجبني وابسويه وهم يقولون اي حلو والا لا هههههههه
والحين اختي ودها تفجرني تقول اخلصي دوري ستاند والا بفصل لك دولاب يدال الشجره
يعني لاشافوك متحمسه بيتحمسون معاك

عزف المحبة

04-05-2013, 06:08 AM

صباح الخير ي اخواتي

و احلى بوسه لكتاكيتكم مني

الشامخة بديني

04-05-2013, 06:12 AM

صباح الورد 🌹

أميره مووول

04-05-2013, 07:09 AM

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيما

Razan19

04-05-2013, 08:59 AM

سلام كروشات كيفكم
انا بخير الحمدلله
ماشاء الله كل وحده عندها فكره احلى من التانيه . اممما انا مو عارفه ايش اعمل مره محتاره . ماني عارفه ايش احط جوت العلب غير الشوكولاته . شوركم ؟

Razan19

04-05-2013, 09:00 AM

حلم . انا نفس الشي . اهلي لما اقولهم بسوي وكدا يحطموني يقولون بدري فين بدري انا فنص الثامن .

ريونه

04-05-2013, 04:27 PM

مسآئكم أناا ^^

آليوم ان شاء الله
ناويه اخلص كل شي ..

ثقل وتعب
والاخلاق نعاال

وخايفه اولد في الثامن
مثل حملي الاول ..

ربي يسهلهاا عليناا

صديقتي الطيفه ويينك ^_^

حِلمْ الأُمـوُمَـهـْ

04-05-2013, 07:06 PM

ريونه حبيبتي تفآئلي خيير ولآ تفآولي على نفسك كذآ

اكتبلكم وبنتي شغااله رفسس في معدتي >< بس حلآلها فديتهآ ي إني مشتااااااقه لها ❤❤

ربي يجيبهآ بالسلآمه وكل من قَال اميين (:

عزف المحبة

04-05-2013, 08:18 PM

امين ي حلومه

اف ذبحتي الالام الاسنان
ي رب يخفف

عزف المحبة

04-05-2013, 08:19 PM

حلوم باقي موضوع حملك ما انتشر !؟

حِلمْ الأُمـوُمَـهـْ

04-05-2013, 09:16 PM

سلامتك عزووفه والله يعينك ويشفيك

ههههههههههه باااقي محد دراااا عن حملي ولله الحمد

ام ميدووو

04-05-2013, 10:52 PM

زوجه كويس رديتي قبل لا اروح اشتري خلاص بجيب العلب افخم واحلا
والشجرة على قولك خدي صورتها من النت ووديها للحداد مااعتقد تكلفك كتير

ريونه سلامه الاخلاق يختي هههههههههههه انا صايرة اقلب على اللكل خايفه اقلب على نفسي واتهاوش معاها

حلومه الله يتمم عليكي وعلينا

رزان عندك اخت زوجي وزعت السجاجيد اللي تنطوي حقت الشنطه ومعاها خاتم التسبيح والله كلنا استفدنا منها وبنستخدمها
وعندك المرايه الصغيرة اللي فيها خمريه ومرايه معا بعض
وبما انك من المدينه ياريت تقوللي ماشفتي زي دي العلب ابغا منها
http://www8.0zz0.com/2010/10/08/21/392437517.jpg

او زي دي
http://im25.gulfup.com/2EUN1.jpg

http://forum.arjwan.com/imgcache/22352.imgcache

Razan19

04-05-2013, 11:13 PM

ام ميدوووو . والله ماشفت لان رحت قربان ومالقيت . بس الصوره التانيه المثلث عندي خطوات تصليحها . بس ادخل من الجوال وماني عارفه كيف انزلها . لانها سهله مره

بعثرة مشاعر

04-05-2013, 11:15 PM

كروشات عندي الم مغص زي الدوره وظهري بس ع خفيف

هل هذا طبيعي ؟؟

وغير ذابحتني الالتهابات كل مااعالجها ترجع

اخاف هذا طلق الله يستر

ام ميدووو

04-05-2013, 11:23 PM

بعثرة انا كمان زيك مغص زي الدورة ويمسكني من اخر الليل اللين الصبح بس دي تعديلات وعلى قولهم الرحم بدا ينضج ماتخوف الا ازا نزلت افرازات مصحوبه بدم والا مويات كتيرة والا زاد الالم وصاار لا يحتمل وصار منتظم فايكون طلق غير كدا اتحملي ههههههههههه اللين يجيكي الفرج

ام ميدووو

04-05-2013, 11:24 PM

رزان مافيا اطوي ههههههههههههه نفسي الاقيها جاهزة تسلمي على ردك

زوجه ظابط

04-05-2013, 11:32 PM

ام ميدو روعتي البنت هههههههه وش طلوق وش دم انا ارتعت هههه
المهم انا زهقت من كثره النوم لو احط راسي بالغلط على المخده نمت
وغير كذا الثقل اهلكني ماعاد اعرف انوم مغير اتقلب يمين ويسار
الله يهون ويسهل لان مره تعب الثامن مادري وش بنسوي في التاسع اتوقع
بننوم زي الخيل واقفين هههههه

Razan19

04-05-2013, 11:45 PM

هههههههه . زوجه ظابط والله انك صادقه هع
ام ميدوووو . بسالك ي قلبي شجره اتوزيعات من فين تنباع
بعثره اتوقع تعديلات لان انا زي كدا خاصا ظهري .

حِلمْ الأُمـوُمَـهـْ

04-06-2013, 12:42 AM

مدرررري لييش تحمسست لمن جبتوآ طااااري الطلق ههههههههه

البآرح جاني زي كذا مغص وتعب وإرهااق شدييييد قلت بسسس شكلي بولد خخخخخ

صحيت اليوم ولله الحمد ماافيني إلا العاافيه هع

Hamsat.3eshq

04-06-2013, 01:24 AM

صباحكم رفسات

اي مسسس يووووووو نفر نفر

اخلاقي ابو ريالين ي بنات 😭

الم الاسنان والفلو حرموني النوم

التوزيعات انا بسوي لوشن مسك ابيض عليه فيونكه بيبي بينك و ستيكر نفس الثيم الي سويته لعلب المويا والشوكولاته والمكسرات

والاطفال اخذت برطمان نفس حق العسل بس كبير وبحط داخله مارشملو وبزينه بفيونكه والغطاء بلصق تحفه كريستال تناسب اطفال

الشوكولاته محتارة للحين عاجبني باتشي وشفت عند بستاني شوكولاته شكله رهيب يكتبون اسم البيبي بالشوكولاته

بس الاحتمال الاكبر باتشي طعمه شئ وسعره ارخص من بستاني

باقي اخذ ستاند للوشن وللشوكولاته والتمريه

زوجة ضابط كثري عصير برتقال طبيعي احسه خفف علي شوي

ديما ههههههههههههه خليهم يحسون

ياهلا بالي دخلوا معانا ارحبووووو القهوة تجيبها ريونه والفصفص اهل الحسااء وزوجة البخور وانا برحب فيكم 😋

ومرة ثانيه اسالوا عني يامال الولادة السهله بوقتتها 😓😁

Jody3z

04-06-2013, 02:01 AM

همسه عشق حلوه فكرتن وين جبتي لوشن المسك
انا الحين بالاسبوع 36 دخلت التاسع والله يستر
ولادتي 2 مايو
الله يعين
بنات دايمن قبل ما تسلمو من الصلاه قولو
اللهم اني اسالك حسن الخَلق والخُلق وهون الطلق

ام ميدووو

04-06-2013, 02:14 AM

رزان الاستاند من الحربي اللي ف شارع المكسرات اللي ف قباء

زوجه وووووش خوفتها ماخوفتها هيا صح اختفت هههههههههههههه بس وربي مو قصدي انا بعلمها سوووووووووووووووري
بعدين شكلك مرا جبانه هههههههههههه خليكي حرمه وقوي قلبك

Hamsat.3eshq حلو لوشن المسك فكرتن ممنتازة انا اموت بريحت المسك خليلي واحده ههههههه امزح

Razan19

04-06-2013, 06:42 AM

همسات
كيف سويتي الستكير حق علب المويه والشوكولاته لان حاوت ماعرفت . نفسي اسوي ؟؟؟؟؟

ام ميدووو

04-06-2013, 07:52 AM

http://static.hawaacdn.com/upload/1/2/0/7/4/8/2/5156cab0d57f7.jpg

ام ميدووو

04-06-2013, 08:20 AM

ياربي منكم متى تدخلو لا سهرانين ولا تصحو بدري
دبب مااحبكم

قوتشيه

04-06-2013, 08:44 AM

صباح الخير

كيفكم مع الحمل هاه بشروني عنكم عساكم بخيييير

ام ميدووو

04-06-2013, 09:28 AM

ياصباح الماركات
الحمد لله على كل حال انتي كيفك

ريش

04-06-2013, 11:03 AM

مرحباً

فكرت الللوشن ن جميله

أنا ما ودي أخذ توزيعات يكفي الشوكلا وه الخرابيط بتكلفني

يشاور خولتي خخخخ

زوجه أختي مسويه شجرة توزيعات جميله جداً كان نازل عليها ثلج
لونها ابيض وشوي موفي

مصلحتها عند محل هدايا وكلفتها وحائطه اضاءه خفيفه

أنا آخر دوره 2 شوال وبنص الثامن ولادتي الشهر الجائ

Hamsat.3eshq

04-06-2013, 12:36 PM

ام ميدوووو
ابشري ماطلبتي شئ هههههههه يجيك بالشحن 😁

jody3z
كنت ناويه اسويه عند محل الافكار الذهبيه الي بالدمام بس لمن رحت سوق الجملة للعطور لقيته ارخص واتفقت معاهم بسوي 100 علبة مابي اكثر العلب حجمها صغير بس مهوو مرا لاا حلوو للشنطة لونها شفاف زجاج مثلج وغطاها فضي والستيكر بيكون بيبي بينك وبربط ع جنب فيونكه وسعر العلبه مع اللوشن 4 ريال والستيكر انا سويته وطبعته بالبيت ع ورق ذاتي اللصق بس خلص اللون الوردي من الحبر وانا ماخلصت طباعه باقي الثيم ههههههههه كلفني الورق والحبر 230 والافكار الذهبيه كان بيطبع لي الثيم ب1600 بعد الخصم 😣 مدري ليه يبالغون بالاسعار كذا والشريطة الشيفون اخذتها من الافكار الذهبيه كامله فيها 16 متر ب5 ريال

كأني اندمجت بالاجابة ههههههههه بس يالله تحمست معليش 😁✋

الله يهووون عليك بوقتك يااارب

razan19

لحظة بنسدح جاني شد ههههه

اسمعي ياطويله العمر ومحفوظة السلامة

اول شئ كنت بسوي عند وحدة هنا في المنتدى والله يعطيها العافيه كلنت تعبانه من الحمل فقررت اسويه انا

رحت بحثت عند العم قوقل على ستيكر علب المويا للبيبي شاور بالانجليزي والعربي

لين لقيت صورة ماعليها حقوق وخرابيط

حفظتها عندي ودخلت الفوتوشوب وبديت اعدل فيها شلت الصوره الي كانت فيها وحطيت تاج وكتبت اسم maria تحت التاج
وفوق its a girl وحفظتها على امتداد ال jpeg عشان تكون اوضح وادق

وبعدها اشتغلت ع حق المكسرات نسخت حق المويا ورحت سويت ملف جديد ولصقت حق المويا مرتين وخليتهم فوق بعض يصير مرة اشوفه عدل مره مقلوب هههههه احس الشرح محشش بس حاولي تركزي ههههه ولا سوي بحث بصور قوقل وبتعرفي كيف العدل والمقلوب هههههه

وبعدها الشوكولاته واللوشن بس قطعت حق علب المويا الشوكولاته خليته مربع صغير واللوشن دائري

بعدها حفظت الي سويته وقفلت الفوتوشوب ورحت للورد ونسقت الحجم وطلع معاي لكل صفحه وورد 7 ستيكرات لعلب المويا

و24 ستيكر للشوكولاته و4 للمكسرات و 28 ستيكر للوشن

شريت الورق ذاتي اللصق 100 ورقه ب50 ريال لعلب المويا والشوكولاته واللوشن
وشريت ورق مقوى تقريبا 100 ورقه ب30 ريال لل مكسرات
والحبر اسود وملون ب150

طبعا الورق ظل عندي كثير منه بس انه ماله تاريخ انتهاء بستفيد منه باشياء ثانيه

والحبر الاسود باقي فيه كثير والملون خلص اللون الوردي اللحين مو عارفه كيف اقول لابو الشباب هههههههه تووه جابه لي البارح 😂

باقي علي اطبع تقريبا 15 ورقه افكر اطبعهم في مكتبه وطبعا الورق من عندي مابيه يصير غير

ووووبس هذي سالفتي اووه انتي بغيتي الطريقه 😂 << ماحب اكثر كلام بس ماقدر كل شئ ولا الذمة والضمير في المصداقيه ههههههههههههههه <<سلكووا لاهنتوا

ريش
انا فكرت ما اسوي بس ذا اول حفيدة وجات بعد 6 سنوات انتظار واهلي ومعارفنا يسوون توزيعات واهم شئ تكون التوزيعات شئ يستفيدون منه الناس
الله يتمم ع خير ويهون علينا بوقتنا اهم شئ السلامة 🌹

Hamsat.3eshq

04-06-2013, 12:38 PM

ذا كله انا كتبته 😐😂😂😂😂😂😂😂😂😂😂

اقروها قصة قبل النوم <<ذي روايه ي اختي ههههههههه

حِلمْ الأُمـوُمَـهـْ

04-06-2013, 01:00 PM

همووسه ماشآءالله عليك مآخليتي ششي في السسوق خخخخخ

شوفوآ انا بقولكم ايش الآشيآء اللـي انا مقرره آعملهآ من حتا قبل آحمل هع ~> تنررحم خخخ

مخططه ع شوكولاته محفور إسم بنتي عليهآ وهذي راح اعملها عند وحدة

+ علب الموويه نفس طريقتك + علب قزاز زي حقت العسل فيها ام ان مز او مارشيميلو ( للاطفال ) وهذي توزيعه من بنوتتي

+ توزيعات اللـي لسسه مـآ قررت ايش هيا وجالسه اشوف افكاركم وامخمخ عليها خخخخ

في فكرة كنت خلاص بعتمدها بس المششكله نسسسيتها زهاايمر ي كااافي 😭

وردة شوق

04-06-2013, 02:31 PM

مساء الخير وش اخباركم ماشاء الله عليكم انا صراحه ماراح اسوي توزيعات ولاشي ماعندنا العاده هذي الحمد الله الله يقويكم بس افكاركم مررره حلوه على فكره كب كيك وينها من زمان عنها الله يسر لنا الطلق السهل

Hamsat.3eshq

04-06-2013, 03:51 PM

حلوووومة
الزهايمر دااا مشكله مشتركه متخفيش ههههههه افكارك رااااايقه 😍😋

الله يقومك بالسلامة بوقتك ي اختي وتسوين كل الي بخاطرك وتقر عينك بشوفتها الاميرة
ايييه صح وش قررتوا تسمونها ؟؟

الشوكولاته نفس الي عجبني في بستاني في له فروع في الخبر والرياض وجدة الي شفته عنده الكيلو ب250 تقريبا بس شكل عربه الطفل وقميص الطفل اغلا نسيت بكم هههههه هو عندهم اكاونت ع الفيس بوك شوفيه اذا بدك

وردة
اريح لك واوفر ههههههه واهم شئ نقوم بالسلامة والله يسهل علينا بوقتنا ونشوف الكتاكيت تصدقووون احس بتوحشني الرفسات والحركات العبيطة هههههه

كب كيك ... بلا حركات يام كرش تعالي طمنينا لا تسولفين بس عطينا اخبارك واخبار سمية بنتي يارب تكونين انتي واميرتك بخير

لاتختفوووون يا دبب 😣

ديما الروح

04-06-2013, 04:15 PM

الســــــــــــــــــــــــــــــــــــــلام عليكم كروووووشات ..........................اخباركم واخبار النوونو

انتم يالتشتكوون من الم الاسنان ..همسات وعزف ....هذا اكيد نقص كالسيووم لان البيبي يمتص الكالسيوم من العظام والاسنان فيسبب نقصه الاام .....ليش ماتفحصوون

ماشااء الله كل افكاركم حق التوزيعات وهالحركات رووعه وفريي نايس.............بالتووفيق لكم

حبوووبات امس ماقدرت ادخل مررره تعبانه شغل فضيع في البيت وانا مااحبه عفسه لازم ترتيب وغسيل .........وامس بعدماغسلت الحوش جاء عج وغبار والحمدلله اولا واخرا...........ورجوولي مره تعوورني ومافيني حيل للمشي

حبوووبات الي يجيهم الام بالليل والنهار يختفي هذا شيئ طبيعي ونسميها تفاريع .......حتى تجي الولاده سهله بحوول الله

الا ميين دخلت التاسع بشروونا .........................