خآيفة طمنوني :( بالشهر الثامن وراس الجنين فوق)

[أنثى ملآئكيه]

السلآم عليكم ورحمة الله وبركآته ..

كيفكم آخوآتي ؟؟؟

أنآ حآمل وبالشهر الثامن (الله يتمم لي ويتمم لكم ) ..

سويت تصوير أول الشهر وقالت لي الدكتورة رأس الجنين فوق ومقعده تحت :(

إيش الحل ومين صار معها كذا وولدت طبيعي لأني بكرية وخآيفة ..

طمنوني والله يجزآكم خيير

[اشكرك ربي]

والله ماعندي فكره بس لمن التاسع ان شاء الله ينزل الراس تحت
والله يتمم لك ع خيير ولنا ياارب

[نرجسيه والملامح يوسفيه]

لاماعليه حبيبتي ظلي احبي نفس البيبي وينزل باذن الله خالتي كانت جذي وبشهر التاسع البيبي راسه فوق وحددو لها عمليه ودخلوها والبست لابس العمليات خلاص وجا دكتور التخدير واهي بالعمليات سوو لها سونار لاخر مره والحمدالله لقو البيبي راسه تحت ولدت طبيعي الحمدالله بس انتي باما انك بجر حاولي كثر ماتقدرين تحبين لان ماتدرين البيبي الثاني طبعيعي ولا يحتاج عمليه عاد عقبهم كله تجيبين عمليات لازم مايصير طبيعي الله يوقمج بالسلامه وتجيبين البيبي طبيعي يارب

[أنثى ملآئكيه]

آميييين يآرب ...

الله يعطيكم العآفيه ...

يآالغلآ أحبي من الحين يعني ماتجيني ولادة مبكرة لاسمح الله :( أو أحبي بالشهر التاسع ؟؟

[بصمة جوري]

بدري يكون راسه تحت

[نرجسيه والملامح يوسفيه]

اذا انتي بنهاااايه الثامن احبي عادي وشي اكيد الدكتوره تقولج او انه مانزل راسه بعطونك تاريخ معين قبل التاريخ ظلي احبي كثير وان شاء الله بينزل راسه وتولدين بسلامه

[أم ح ــنونـہ]

انا كنت مثلك بس باخر الثامن
والدكتوره وصتني اسجد واطول بالسجود واحبو مثل الصغار
وعملت كده ولما رحت لها بعد اسبوعيين لقيت الراس تحت الحمد لله وولدت طبيعي ^^
ﻻ تخافي حبيبتي وربي يتمم لك على خير

[حيآتوو]

كثري سجووود حبيبتي وطولي
وادعي

وكمان اذا بتجلسين ع الارض تربعي
الله يسهل لك

[أنثى ملآئكيه]

الله يعطيكم العافية مآقصرتوآ ...