متابعة الحمل

[om rahoofah]

سلام شخباركم كروشات
انا حامل بالاسبوع 18 وهذا ثاني حمل لي ولين الحين ماتابعت مالي خلق ابدا مادري ليش ونفسيتي زفت لانه صارت بيبني وبين زوجي مشكله وطلقني على سبب تافه صارلي شهرين ببيت اهلي المهم انا رحت مستوصف وسويت سونار وتطمنت على البيبي سؤالي ضروري اتابع وفيهاحد منكم ماتابع لين الولاده؟

[أم مرام2013]

اي يالغلا عادي اذا تطمنتي عليه عادي اعرف بنات يقولون لي مانروح الا مره وحده
والله يصلح حالكم ويكون هالطفل قدومه خير عليك انتي وزوجك

[ملاك الروووح]

هلا اختي

لازززززززززززززم من المتابعه ولازم تاكلي حمض الفوليك وبعد الشهر ارابه الحديد والكالسيوم

لاتربطي مشكلتك مع زوجك بالحمل

ترى البيبي امانه عندك لازم تحافظي عليه

الله يسهل امرك ويفرج كربك ويثبت حملك وحمل الجميع

[ام هيثووووم]

انا اشوف انك لازم تراجعي لان هذا على حساب صحتك
البيبي اي شي بينقصه راح ياخذه منك وانتي المتضرره في النهايه ولو ماحصله عندك راح يتضرر هو بعد
ف ضغطي ع نفسك شوي ومراجعه وحده بالشهر ماراح تاخذ من وقتك شي
والله يتمم حملك ع خير.

[ريماسـ]

حبيبتي انا في رأي لازم تتابعي اول باول لانه هذا جنين ولازم تتأكدي من صحته ومن صحتك وماتضايقي نفسك و زوجك ربي يهديه ما يعرف ان الطلاق في الحمل ياخذ ذنب عليه ربي يهديه وانتي لاتزعلي اكيد حيجيك نادم حبيبتي ربي يسهل عليك وعلينا يارب ويفرجها

[om rahoofah]

مشكورين حبايبي فعلا مفروض مأربط مشكلتي مع زوجي بصحتي وصحة جنيني الله يعين ويصبرني ويقومني وكل حامل بالسلامه

[zobaaa]

الله يصلح الامور بينكم

حاولي تابعين هذه روح ولاتخلي المشااكل تاثر عليه مالة ذنب

[حبيبي زوجي]

حبيتي الله يعينك و يعوضك بالجنين
ويهدي زوجك
ويلم شملكم
ولازم تراجعي عالاقل مره كل شهرين
اني مثلك ابيت اهلي زعلانه وعندي بنت و حامل
ادعيلي

[om rahoofah]

فعلا محد مرتاح شكرا زوبا واﻷه يسخر لك زوجك حبيبي زوجي

[نعمة ربي]

لازم تروحي للدكتورة

[نعمة ربي]

يرفع لي ضغطي هالشريط ما يتغير بسرعة

[نعمة ربي]

بنات ليش ما يتغير

[:: Galaxy ::]

حبيبتي لازم المتابعة خاصة انك في الثلث الثاني من الحمل
ممكن الوحدة تتغاضى عن المتابعة في الاول وتكتفي بالفوليك اسيد
لكن الحين لازم تتابعي الخطورة تكون عليك انتي مو على الجنين
لا قدر الله ممكن يصير معك سكر او ارتفاع بالضغط او التهاب بالبول
يعني لازماكي فحوصات حبيبتي