تعرضت لضربه على المعده قبل قليل

[Bint alblad]

السلام عليكم
ربي اعلم كيف قلبي منقبض الحين
لانه قبل شوي كنت شايله الابتوب وانزلق من ايدي ويوم ايت امسكه قبل مايطيح ضرب ف بطني جهه اليمين
والله احس بمون من الخوفانا قبل من يوم دخل الشهر الثاني
في اي احد يقولي شو اسوي عسب ما اضر ولدي
انا الحين مستلقيه على السرير بس والله خايفه موت انه شييصيبه
والضربه كانت مابين المتوسط والخفيف مش قوية وايد
الله يخليكم شورو علي شو اسوي؟
ودعواتكم لي انه ماينضر جنيني وافرح فيه
وعسى ربي يرزق كلمحرومه بالحمل الثابت الي تقر عيونها فيه وتفرح فيه ويكون ذريهصالحه يارب العالمين
وعسى كل حامل تتهنى بشوفه ولدها وتفرح فيه قولو امين

[White angel]

غاليتي
اني مثلك في شهر الثاني
وقعت من السلم
ولكن الدكتوره قالت انها لاتؤثلا عندما يكون صغيرا
ادعي من الله عزوجل ان يثبت حملك ولاتخافي ف ان جنينك بيد الله وهو حارسه

تحياتي

[فوضت امري لله]

ياقلبي توكلي على الله

ربي قال

((في قرار مكين))

سبحان اللي يحميه اذا كتب له الثبات

توكلي على الله وانسي الموضوع

[حلليمو]

ان شاء الله ماعليك شر

[8α£ß 6ƒǿǾǿ£ΐ]

حبيتي لآتخافين ترآ انا بعد قد ضربت ف بطني بس ربك الحامي
وتوكلي ع الله والله يثبت حملگك :)

[نور على نور]

توكلي ع الله مافيك الا الخير
توج بالثاني يعني الجنين في الرحم مارتفع يعني ماوصل للمعدة
يعني مافي خوف دام الضربة فوق
وسلامتك ماتشوفين شر الله الحافظ

[sosolibya]

السلام عليكم
اولا حبيبتى ان شاء الله الف مبروك عليك الحمل وربى يقر عيونك انت وابوه بشوفته سليم معافى بادن الله

ما تعطى للموضوع حجم اكبر منه انتى اكيد خايفة بس خلاص توكلى على الله واعتدرى لليبي بصوتك وسمعيه انك خايفة عليه
خخخخ لا تضحكين انا اتكلم جد البيبي يحب يسمع صوت امه

ويسعدنى مرورك على مواضيعى ويشرفنى ردك عليها

[zobaaa]

الله يثبت حملج وحمل كل حامل ....ياارب

لا تخاافي اقرأي ايات التثبيت على بطنج

ولا تبذلي مجهوود ....وان شااء الله خير

[Bint alblad]

فديتكم كلكم والله وربي يعطي كل وحده على نيتها
ريحتو بالي وفوادي وانا بس خايفه وخوفي بزياده لاني جهضت 3 مرات وماودي اكرر هالتجربه
ومشكورين على دعواتكم الحلوه
الله لا يحرمني منكم ولا من دعائكم الطيب لي وعسى ربي يرد دعواتكم الحلوه عليكم باكثر من الي تتمنونه لي

[نعمة ربي]

لا تخافين و توكلي على الله
و سوي صورة للبيبي عشان تتطمنين

[المستحيله]

ان شاء الله ما فيه شي اذا ما نزل معك دم فالجنين ان شاء الله بخير...

[أم ح ــنونـہ]

ﻻتخافي حبيبتي
انا لما كنت حامل في السابع ضربني ابن اختي من غير قصد طبعا بالكوره في بطني
وكانت مره قويه ووجعتني كثير بس الحمد لله ما صار شي ليا وﻻ للبيبي
واذا تبغي تطمني روحي للدكتوره واعملي سونار وان شاء الله خير :)

[!راما!]

انا لما كنت حامل بلأسبوعين
اخذت دوش ونزلت من الدرج والا اطيح من فوق لحتا نص الدرج تقريبآ ظهري عوووووورني وجاء جروح بصيته
بس الحمد الله استرخيت يوم كامل وابد الحمد الله جبت احلي بنوته ^^

[أم جنى فديتها]

لا تخافين الجنين تووووه صغغيييييير وداخل عظمة الحوض وتحححححت كثييير
تطمني ماعليك الا العافيه انتي وجنينك

اجل تخيلي انا يوم كنت حامل بولدي اللي قبل
زوجي اجا بشكل سريع وطب على بطني واتكى عليه بكوعه نسى اني حامل
وكنت حامل اتوقع بالرابع ناسيه والله
بس الله ستر وماصار شي الحمد لله..

[Bint alblad]

ههههه قصصكم تخوف الي من الدرج والي بالكورة والي زوجها
لكن الحمدلله انه ربي سلمكم وسلم عيالكم وربي يحفظهم لكم طول العمر ويجعلهم ذخر ويجعلهم من الذريه الصالحه

مشكورين حبيباتي والله على مشاركاتكم لي في قصه حياتكم وهونتو علي وايد من الهم الي شالتنه

احبكم بالله ^^

[طبعي جذي]

لا تخافين شي عادي
الله يثبت لج

[امينة2]

لا تخافي بادن الله لن يحصل شيء اسال الله العلي العضيم ان يحفض جنينك و يجعله درية صالحة يا رب

[Tota 85]

حبيبتي اذا ما في دم أو الم فب البطن انشا الله ما عليج شر