لقيت زوجي ضايف بنات عندو في البيبي

[فراولة المدينة]

السسلـآم عليكم
بنآت احلى منتدى منتدى حواممل
انا متابعتكم دايما
وعندي مشكله حبيت طرحها لكم اليوم عشان تسساعدوني ايش اسوي
لقيت في البيبي حق زوجي بنآت ضايفهم
انا واثقه فيه لانو مو باين عليه حقت حركات حوب وما حوب
وما افتش جوالو كثير وحتى لو فتشت على السريع كذه عشان ما ينتبهلي اخاف يزعل مني
المهم هوا تعبان اليوم وطول الصبحية وانا على راسو ما نمت كمادات وشوربا وعصير ليمون وبندول وماني قادرة انام عشنو مصخن ولمن خفت الصخونة مو راضي يجيني نوم وهوا ميت من التعب ونايم ويشخير كمان

قمت مسكت جوالو وقعدت افتش
لقيت عندوو بنات ضايفهم
بنتين من فئة العائيله عرفت انو اخواتو لانهم مو عندي

ولقيت بنتين من فئة الاهلي عشان هوا مجنون اهلي
ولمن فتحت وشوفت برود كاستاتهم اتاكدت مليون بلمية انهم بنات
المهم جلست من حقون الاهلي وحدة ترسل اشياء عن الاهلي كثير والثانية ما ترسل عن الاهلي بس في فئة الاهلي
المهم جلسست اقرا قرا والشي اللي صبرني وخلاني افكر بعقل
انو ما لقيت زوجي مكلمهم ولا هممما
كوووولهاا برود كاستات عاديه
وشكيت في كم بنت انهم بنات بس ما قدرت افتح عشان هوا مو مفتوح اصلا بعدين يعرف اني فتشت في جوالو

المهم دحين قولولي
ايش اسوي
انا عندي بيبي
لاكن وربي وربي عمري في حياتي ما ضفت فيه اولاد ولا حتى بنات ما اعرفهم
كل اللي اضيفهم صحباتي وقرايبي

وهوا ضايفلي بنات انا حامل في الشهر الثامن وهوا بيسافر اليوم ويجي الثلوث وبعدين بيسافر ويجي الجمعه والاثنين الجاي بياخدني معاه شهر وبعدين بيجبني عند اهلي عشني خلاص ولادة
دحين ايش اسسوي معاه
بليز ساعدوني والله مو عارفه
اصصصارحو بس في الطيريق ونحنا رايحن الاثنين الجاي عشان اتاكد اذا كان عندو بنات كمان ولا او اذا كان يكلمهم او لا
يعني اصبر اسسبوع ويومين
ولا اكلمو دحين
ولا ايش اسسوي احس ما اعرفهم اخبي شي كذه
بلليز ساعدوني ايش اسسوي ي بنات
انا ما لقيتو لا يخون ولا يحب غيري
يعني حمد الله مصيبة تهون عند مصيبة ثانيه
انا بس لقيت بنات عندو في البيبي وهوا ما يجلس عليه كثثير لانو طول الوقت مشغول
ايش اسسوي بنات بليز ساعدوني والله مو عارفه
اخاف اتكلم واخبص الدنيا والمشكلة تكبر عشني فتشت جوالو

[نبض الغيم]

اولا غلطانه لاتفتشين اي حاجه تخص زوجك لأنه حرام وﻷنك تلاقي حاجه تصدمك دايم. شوفي حبيبتي بنات الحرام كثير ومليانه الدنيا منهم ولو فاتحتيه او سالتيه وتخاصمتوا راح يلجا لهم ويكلمهم اختي يضيف بنات يكلم انت لك الزاهر والباطن الله يعلمه توكلي علي الله ولا تدورين اشياء مخفيه. انا زوجي مقفل جولاته كلها بارقام سريه واقسم لك كانت مشاكلنا ليه تقفل جوالك بعدين فكرت وقلت لنفسي اتعبعا معاه ليه بكيفه انا فوضت امري لله وخلاص .اهتمي بنفسك ومولودك واتركيه عنك بلاهم الرجل مهما لحقتيه وراقبتيه اللي براسه بيسويه خليك واثقه من هالشئ وخليك ثقيله واحرصي علي بيتك ولاتسمحي لاي وحده حقيره تخطف زوجك منك انتبهي لا تفاتحينه باي شئ ﻷن الحافظ الله سبحانه. وياما بتشوفين بس خليك حكيمه وانتبهي لنونو والله يسعدك يارب

[جوهرة مسقط]

نبض الغيم

كلامك مليون بالمية


انا معك

[المستحيله]

اولا مو حرام تفتشن جوال زوجك انتي شريكه حياته..بس مثل ما قالو الاخوات لاتفتحين الموضوع معه ابدا خليك واثقه من نفسك وادعي ان الله يحفظه من بنات الحرام ...
ممكن تهدينه جوال غير البلاك بيري انا ما احب هالجوال احس انه حق مراهقين...او اقنعيه يغير جواله...
وممكن تتكلمين معه بالطريق بانك سمعتي شيخ يتكلم عن مخاطر البلاك بيري وانه خراب بيوت وان ممكن الواحد يبتلى فيه وانه مايجوز للشخص انه يراسل بنات او يضيفهم وهيك......

[weda]

من رأيي ماتمسكين جوالو ثاني ولا تفتشي بس مدام فتشتيه ولقيتي عندو بنات لاتسكتي صارحيه قولي له لو شفت عندي اولاد ولا ناس ما اعرفهم ايش حيكون وضعك..؟
قولي انا صاينتك وحافظتك بوجودك وغيابك وكدا تجازيني..

رربي يبعد عنو بناات الحراام وعياال الحرام ويسخركم لبعض..

[فراولة المدينة]

ليش حرام افتش جوال زوجي .؟
حبيبتي كيف اوثق انـآآ
بوكرـآ النهـآر لو طلعت ورآهـ بلوهـ
زي الهببببلــه ما ادري عن شي
اختي الذكية واللي تبغا تحافظ على بيتها وزوجها هيا اللي تفتش جوالو
وهوا يفتش جوالي
وعرفت اكثر من مرة انو جوالي مفتشو بس اطنشش ما ادية بـآل
لاني واثقه من نفسي
حتى لمن يمسك جوالي قدام ما ارتبك
هوا يرتبك لمن امسك جوالو حتى لو بس بشوف الساعه كم
واللهي هوا طيب معايا ويحوبني
وانا اعشقو واموت فيـه
وانا عارفه انها بسيات لا اكثر ولا اقل
بس انا اغار واللهي
ما اقــــدر استحمل اشوف عندو بنات
حتى لو ما يكلمهم بس ليـــه بفهم ليـــه
انا ابغا اوثق كيف اوثق وانا ما افتش جوالو
انا نفسي اصصارحو خصوصا بهالوقت مو مستقرين ودوبو جايه نقل وهوا بس يفكر مضغوط ماديـآ وانا حآسـه فيـه وربي
اخاف اكلمو واصارحو يزعل عشني فتشت جوالوو
واخاف اسكت يقوم يتمادى وانا عارفه ودمممي محروق
والله ما ادري ايش اسسسوي ممممدددري

[فراولة المدينة]

ليش محد يرد ابغا رايكم ايش اسسوي

[المستحيله]

ردينا عليك يالغاليه

["ام تولين"]

ادعيله حبيبتي ^^

[سمآأإسيمو]

الله يعين ...

[هوادي***]

شوفي حبيبتي...

انا احس شي طبيعي الوحده تشووف وش عند زوجها...

نصيحتي...

سوي شغلاات تخليه يصحى ع نفسه

والحمدلله انه مايكلمهم..ولايحبهم..ولامتعلق فيهم


استخدمي اشرطه وانتي بالسياره عن اضافة البنات وحكمه وهيك شغلات مؤثره

ومن بعيد لبعيد...

وتكلمي وقولي

صحبتي فلانه..تطلقت..اكتشفت انو زوجها يكلم بنات

وكبري القصه..عاد انتي شاطره

خرعييييه

وقولي والله حراام
واللي يدق باب الناس يندق باابه

واللي يكلم بنات الناس لازم يجي يوم واهله يتعرضون للشي نفسه


تكلمي عن صحبتك..وهيك



وان شاءالله ربك يحلها...



ودي

[نبض الغيم]

ليش حرام افتش جوال زوجي .؟
حبيبتي كيف اوثق انـآآ
بوكرـآ النهـآر لو طلعت ورآهـ بلوهـ
زي الهببببلــه ما ادري عن شي
اختي الذكية واللي تبغا تحافظ على بيتها وزوجها هيا اللي تفتش جوالو
وهوا يفتش جوالي
وعرفت اكثر من مرة انو جوالي مفتشو بس اطنشش ما ادية بـآل
لاني واثقه من نفسي
حتى لمن يمسك جوالي قدام ما ارتبك
هوا يرتبك لمن امسك جوالو حتى لو بس بشوف الساعه كم
واللهي هوا طيب معايا ويحوبني
وانا اعشقو واموت فيـه
وانا عارفه انها بسيات لا اكثر ولا اقل
بس انا اغار واللهي
ما اقــــدر استحمل اشوف عندو بنات
حتى لو ما يكلمهم بس ليـــه بفهم ليـــه
انا ابغا اوثق كيف اوثق وانا ما افتش جوالو
انا نفسي اصصارحو خصوصا بهالوقت مو مستقرين ودوبو جايه نقل وهوا بس يفكر مضغوط ماديـآ وانا حآسـه فيـه وربي
اخاف اكلمو واصارحو يزعل عشني فتشت جوالوو
واخاف اسكت يقوم يتمادى وانا عارفه ودمممي محروق
والله ما ادري ايش اسسسوي ممممدددري و
اختي انتي تبي حل ومو مقتنعه بكلامنا واحنا نقولك الصدق التجسس حراااااااااااام. والرجل اذا بيخونك يخونك وانتي حالسه حنبه وماتحسي واذا مفكره براسل بنت ويترك الرسايل مفتوحه غلطانه يقدر يمسحها يوميا وماتجري عن شئ. اذا توكلتي علي نفسك بتضيعين توكلي علي الله سبحانه والرجال الاوفياء نادرييييييين احمدي ربك علي النعمه وامسكي بيتك لاتجيه وحده تخطفه وتخليه يسوي اللي يبيه لاتدوري علي خراب بيتك انتبهي ولاتراقبيه كثير يكرهك

[نبض الغيم]

الشك اول درجه في سلم الطلاق والشيطان يحب هالامور ويكبرها

[منى العين]

طيب تقولي الرسايل عاديه جداوهو مو مكلمهم ولا معطيهم خبر
يعني ما صدتيه بالجرم المشهود الكلام والخراييط وهو اصلا مو مكلمهم من الاساس

[دلوعه الدلوعات]

شوفي قولي له انك حاسه انو ضايف بنات في البيبي
وقوله له لو احس انك تخونني وربي انك الخسران لاني ماراح اسامحك وراح اتركك
وخليهم ينفعوك بنات الحرام وطنشي الموضوع اهم شي وصلته العلم وثقي بنفسك وحبي نفسك اكثر ماعليك منه وهو بيرجع لتحت ارجوالك لانا خايف تزعلي منه
من جد حصلت لي الموقف بس مو في البيبي في الفيس بوك شفته ضايف بنات وسويت الي قلتلك عليه
اهم شي بردت على حرتي وقلتله الي في خاطره خخخخخخخ
وصح لو ضل وعرفت انو يخونني بعاقبه واخليله البيت بعاقبه شهر وانشاء الله مانوصل لكذا
الله يستر على الجميع

[أم أصيـــل]

تبغي تعرفي ليييش حرام..؟؟
لإنو ربك قال فمحكم تنزيله (ولاتجسسوا)
وحركتك هذي تجسس على زوجك يعني مثل مابنسميها تفتيش,,
وربك سبحانه يقول (ولاتسألوا عن أشياء إن تبدُ لكم تسؤكم)
يعني ماتدوري عن شي وإنتي عارفه وواثقه يمكن علمك فيه بالنهاية
يجيبلك مشاكل ويتعبك,,
وخلاص عرفتي جوال زوجك فيه بنات إش بتسوي....؟؟
مالك حل غير تسكتي وتطنشي بس لمحي من بعيد وقصص وسوالف عن خراب البيوت
وقولي زميلتي جات تسولف مع أخوها بجوال زوجها لقيت بنات
وأخذت حاجاتها وراحت لأهلها وهو خايف من الفضيحه ومن هالكلام,,
يعني كلام حق تخويف,,,,

مالك حق تفتشي بجواله وصدقيني كلامك غلط مو الزوجه الذكيه
إللي تفتش بجوال زوجها,,
إسمحيلي الزوجه الغبيه وإللي ماعندها ثقه بنفسها
هيا إللي تسوي هالحركه,,
كأنها تبي تتأكد من زوجها يحبها وإلا لا.؟؟؟؟
أصلآ حتى لو كلم بنات إنتي إش يضرك
صحيح من حقك تزعلي بس مو تواجهيه
لو جاك قال أنا أعرف بنات وأعترف لك
ساعتها من حقك تسوي إللي براسك,,,
إيوه صح فيه حاجه لازم تعرفيها
بعض الرجال يلقب أصحابه ويسميهم بأسماء زي
الحلوه وأم فلان من باب التريقة والتلقيب
زوجي ملقب واحد من أصحابه بالدلوعه ...تخيلي
بس هما عادي وضعهم الرجال مرررره فري,,

والله يصلح أحوالنا وأحوالكم....

[دلوعه الدلوعات]

انا معك ياام اصيل الانسانه الي بتفتش على جوال زوجها قبل ماتكون مو مواثقه منه هيا مو واثقه من نفسها والله يجزاك خير على الكلام الرائع

[بوران]

الله يعينك عليه

[zobaaa]

الله يصلح الحال

انا عن نفسي ماكدر اسكت

وبنفس الوقت ماعرف شنو طبيعتج او طبيعة زوجج حتى اكولج كلمي بالمووضوع

مااحب اكون سبب مشكلة بينكم لا سمح الله

ان شااء الله البنات يفيدوج اكثر

[زهرة الخزامى]

السلام عليكم ورحمة الله وبركاته
اولا" ياحياتي طنشي اعرف انو شي ماينسكت عليه بس عشان تحافضين على بيتك وطفلك تسكتين او تكلمينه بسلوب حلووو
اسمعيني وانا اختك قبل تسافري معاه او بعد السفر اختاري الوقت المناسب يعني لما يكون رايق اللبسي وحطي لك مكياج واجلسي معه واطلبيه جواله بحجة انك تبين تشوفين شي عاد انتي وشطارتك وقوليله وكلميه بهدددددوووووووووووووووء اهم شي واضبطي اعصابك وشوفي ردة فعله هادي وجهت نظري انا والافضل انك ماتكلمينه ادا عارفه انه يزعل ادعي ربك واشكيله همك وكلي امرك لله وحده سبحانه
واسفه على الاطاله وشكرا
الله يوفقك ويسهل عليك ولادتك ويرزقكم الدريهالصالحه ويكفيكم شر بنات الحراااام

[زهرة الخزامى]

جزاك الله خير يا ام اصيل وهادا هو الكلام وعين العقل

[نبض الغيم]

ياسلام ام اصيل كلامها عين العقل وكلامها حلو وانا لا سبحان الله ...(وحده ماغارت ابدا هههههه
ياحبيلك يام اصيل هذا اللي قاعده اقوله ومافهموا علي الله يحفظك

[ام مقبل2444]

ياختي ترا الرجال كذابين لو واجهتيه بيطلع مليون كذبه ولا يخليك انتي الغلطانه وبعدين الدعاء وترا بنات الحرام كثار وادعي وصلي والشكوى لله حاسه فيك انا قريت مصيبه ويحلف انه وو راعي حركات انهبلت اكذب عيني والا اصدقه

[أم ميار]

ياقلبي انت
والله احس الرسايل عاديه ومافيها شي دام مافيها غزل
ودامك تثقين فيه لاتخلي الشيطان بينكم
وع فكره كثثيييير من الرجال كذا اضافة بنات بالفيس بك والبيبي
وانت ماشاءالله مافي مثلك مهما اضاف بنات ماتوقع يحصل مثلك
والان انت حامل خلك محافظه ع صحتك
واذا مرره غيرانه كلميه بهدوء وتفااهم اذا تحسيه من النوع المتفاهم
ويمكن هو اضاف البنات لانهم يحبو الاهلي يعني رسايل عن مباراة وبس

[غفوره]

ياقمر ليش مكبره الموضوع دام تقولي انو مجرد اضافه وبرودكاست

وفي نقطه مهمه مره مادام انه مو مهتم بالببي اهديله جوال ثاني غيره اهديله ايفون ما انصحك بالجالكسي برامجه مفتوحه وتقرف

تاني شي هوا محب لك ومخلص وعادي نلاقي اوقات اضافات عالتويتر والفيس بوك والببي مو شرط اني اضفت احد ما اعرفه اني بافتح صداقه معاه او معاها ..
وما اعتقد جوزك عقله صغير اي احد يضيفه يكتب له ممكن نتعرف .. حركات الهباله هادي للمراهقين
واكيد كمان دام انه مضيف اخواته مستحيل انه يسوي شي مو تمام او يرسل برودكاست غبي

وبصراحه اللي تقلك صارحيه وقوليله اذا خنتني مدري ايش .. كدا تفتحي عينه على شي هوا متغافل عنه وتلاقيه اصلا مو داري عنهم دام انه مابيكلمهم
ان لقيتيه ٢٤ ساعه عالببي او بتتكلمي وطنشك انقزي عليه شوفي بيكلم مين بمزح مو بجد لاتبيني انك تغاري راح يطفشششششك ويمكن اوقات يلعب باعصابك كذا لعانه بس
خليكي فري وواثقه من نفسك ومن جوزك وادعيله واستودعيه الله

وبالنسبه ليا جوزي يضيف بنت محترمه ورسايلها دينيه ولا انه يضيف واحد من اصحابه وسخ وقليل ادب معليش عالكلام ويرسل مقاطع ..

الاصحاب هما اللي ماسار لهم امان

مشي حياتك مادام ان جوزك محترم ومحترمك ويحبك ولاتفتحي على نفسك باب :)

[أم مروان العسل*]

لا أبدا مو حرام ول أظنه غلط لأنكم شراكة في الحياة مو هو زوجك ؟

باين عليك عاقلة ربي يكملك بعقلك ورزينة وتحبي زوجك .. بقولك شي .. إنت عاملي زوجك بحب ..

كيف يعني .. اجلسي معاهبهدوء قولي له أنا أحبك وأعشقك وإنت ليا حالي مو لأحد غيري وما أحب أحد يشاركك فيني فهميه إنك أنانية بحبه .. يعني إنت وهو وبس .. بس بكلام رومانسي لا تعصبي ولا تنفعلي
وخذي منه وعد إنه ماعاد يكلم البنات لأنه لك لحالك مثل ما إنت له لحاله طبعا كل هذا بدلع ورومانسية وانتبهي انتبهي من الانفعال والصراخ

الله يخليكم لبعض .. ويهدي سركم

[سيدة الغرام]

الله يعينك
ادعيله بالهدايه