انفكت الخياطة قبل ماتلتئم .. ايش الحل ؟

[أم ميآس]

السلام عليكم

انا لي اليوم 28 يوم من ولادتي ومن اسبوع او اكثر حسيت بلحمه بنهاية الخياطة وشفتها بالمرايا. وشفت انها زي الجرح حمرا .. المهم ماقدرت اروح المستشفى الا اليوم قلت ابشيك. عالخياطه واشوف ايش هالجرح .. المهم قالتلي الدكتورة ان الخياطة بنهاية التوسيع اتفكت وكمان كم غرزة من الخياطة الداخليه  :(

قالتلي الدكتورة خليها وتلتئم لوحدها قلتلها انا ابغى تخيطي اللي اتفتحت قالتلي استخدمي بيتادين وميبو وتعالي بعد 5 ايام ..قلتلها اني مسافره ومابكون بجدة قالت خلاص تعالي بكرا مارضت تخيطني قعدت تصرفني

المهم يابنات ابغى مساعدتكم ايش اسوي ولو وحده تعرف دكتورة كويسه تسوي الخياطة تمام وتكون مزبوطه

بصراحه خايفه لا اكون توسعت من تحت وانا لسه بكريه هدي اول. ولاده ليا

الله يسعدكم اذا تعرفو دكتورة كويسه ووين بأية مستوصف او مستشفى وكم تكلفني

انتظر ردودكم بفارغ الصبر لان النفسيه زيرو*

[أم ميآس]

حرام عليكم 12 مشاهدة و مافي ردود

[ام رها الحلوه]

الله يعينك ياختي مو من جدة

[أم ميآس]

تسلمي حبيبتي ام رها

ننتظر باقي البنات

[حِلمْ الأُمـوُمَـهـْ]

الله يعينك ويشفيك يآآرب

أنآ مآآقد جربت الولآدة فمآ عندي معلومة بــ هالشي )=

بس حبيت أدخل وأدعيلك ربي يفرجههآ عليك ,

[أنثى استثنائيه]

اصبري حبيبتي وراح يلتام الجرح لو مالك الا اسبوع او اثنين كنت قلتلك سوي خياطه من جديد وعليك بالماء والملح يطهر جرحك وينشفه والف لاباس عليك ياقلبي

[أم ميآس]

الله يعينك ويشفيك يآآرب

أنآ مآآقد جربت الولآدة فمآ عندي معلومة بــ هالشي )=

بس حبيت أدخل وأدعيلك ربي يفرجههآ عليك ,

الله يسلمك يارب ويرزقك ربي اللي تتمنيه مشكورة حياتي


اصبري حبيبتي وراح يلتام الجرح لو مالك الا اسبوع او اثنين كنت قلتلك سوي خياطه من جديد وعليك بالماء والملح يطهر جرحك وينشفه والف لاباس عليك ياقلبي

الله يسلمك يارب .. يعني دحين ماينفع تتخيط طيب هي قالت تعالي بكرا الظهر لما اصريت اني اخيط تتوقعي ماتفيد الخياطه لان لي 28 يوم ؟

بالنسبه للمويا والملح انا استخدمها واستخدم ميبو بس اخاف التوسع عشان كدا ابغى اتخيط تاني

[mo0o0n2009]

هيه راح تلتام من نفسها بس اهم شي تكون المنطقه غير رطبه والله يشفيكي

[النوري84]

اعرف وحده صار لها نفسج وراحت وخاطوها من اول ويديد ﻻن اذا ماخطتي راح تمين وسيعه وﻻتخافين بيعطونج بنج..ﻻتهملين نفسج..

[أم ميآس]

هيه راح تلتام من نفسها بس اهم شي تكون المنطقه غير رطبه والله يشفيكي

حبيبتي تسلمي عالرد بس انا مابغاها تلتئم على وسع ..واخاف لو ماتخيطت اضل وسيعه

[أم ميآس]

اعرف وحده صار لها نفسج وراحت وخاطوها من اول ويديد ﻻن اذا ماخطتي راح تمين وسيعه وﻻتخافين بيعطونج بنج..ﻻتهملين نفسج..

الله يسعدك يارب وممشكورة عالرد .. هوا كدا حروح اعيد الخياطه بس ياليت احد يدلني على دكتورة شاطرة او مستشفى كويس مايكونو ماديين 