ساعدوني بنات بخصوص الخياطه

[حنين روحي]

بنات لحقوني الخياطه اذا لمستها
احسها كانه على جنب كانها مفتوحه كيف اعرف انه التام الجرح
ولا اروح المستشفى احسن
مع العلم ماحس بالم ولا اقدر اشوفها اخاف

[إشراقة الأمل]

انا والله نفسك بس الافضل تروحي للطبيبه عشان تتطمنين انا رحت وقالت تمام شكلها طبيعي تكون متعرجة بالبدايه انا لي18يوم وترى مرهم ميبو ممتاز بعد الله يلئمها بسرعه ودام مافيه الام حلو عشان ما تكون ملتهبه

[ام اسكندر]

يمكن الشق كان ع جنب فخيطت ع جنب

[حنين روحي]

مشكورين يابنت بروح اشوف

[غلاج بقلبي]

انااا احسها الجرح التأم وطاح الخيط بس جهه فتحه المهبل تحت كبيرر شوي
مدري اذا كذا طبيعي ولا لا واحس بالم خفيف فيها انا بكرريه ومررة متخوفة. وبس ابكي وانا عند اهلي
خايفة اقولهم برووح اكشف وتطلع ان الخياطة انفكت واتخيط من جديد بليزززز انصحوني شنوو الحل

[دونات]

الأفضل انش تروحين قبل لايتأخر عليكي الوقت وبعدها ماتقدرين تتصرفين

عالأقل حتى لو احتجتي لخياطة تكونين مازلتي ببيت أهلك ويكون عندك وقت يلتئم الجرح

قولي لزوجك يوديكي لمسستوصف خاص قوليله أحس بألم وبروح للدكتورة بس ..

والدكتورة بتأكد لك وضعك كيف ..وبتقوم بالواجب

بس ماله داعي تشرحين وتفاصلين بالموضوع لأي أحد قبل ماتتأكدين من الدكتورة

واذا بتقولين لأحد وتبين تفضفضين قولي لأمك بس .