هل المركز الطبي الدولي نصاب ؟؟

[سرسراية]

السلام عليكم
كيف الحال
طبعا حبيت استفسر عن شي
اي وحدة ولدت بالمركز الطبي الدولي
ويكون على حسابها كاش مو تأمين
سمعت انه يطلعولك فاتورة غير مبلغ الولاده اصلا اللي هيا 9500
كذا وحده من صخباتي تقول يطلعو لكم 1500تقريبا ويقولو هذه تحاليل عملناهاوووووو
طب المشكله مايقولو ولا يسألوك اصلا
ولازم تدفعها
في احد صار معاه نفس ده الشي
انا ولدت قبل كده في الدولي بس اخدو مننا الفلوس بطريقه تانيه
قالو البنت يبغالها حضانه وصفاروووووووو
اوكي هيا كانت تحتاج وعندها صفار بس طلعولنا 16000
وقعدنا لهم الين خفضو لنا
بس المرة دي مافيا ادفع غير 9500
تاني شي لمن وحده رفضت تدفع 1500 وقالت ماقالو لي وووو
لمن راحت تراجع قالت رجعونا وقالو انتو بالقائمه السوداء وممنوع تدخلو المستشفى خلاص
افيدوووووونا ياكاش
وشكرا

[بنت من البنات]

هذا فين المركز
ما اعرف اول مره اسمع كذا

[مهره الدنيا]

يارب اصحاب الكاش يفيدوكي

حبيبتي

انا ولدت فيه من شهر بس تأمين يــــا عسل

[Amani24]

والله ماعندي علم بالموضوع
بس بصفه عامه احس الطبي الدولي (واعذروني) حق مناظر بس :(
لانو في النت العالم كلها تشتكي من تعاملهم والولاده فيها ويمدحو في الغرف بس !!!

فابدن ماافكر فيلو :(

[سرسراية]

uuuuuuuuuuuuuuuuup

[نهال 221]

انا زيك محتاره اخاف اغامر واولد فيه ويطلعولي فاتوره بمبلغ وقدره والمشكله باقيلي اسبوعين واخش التاسع

ان شاءالله البنات يفيدونا

[المخلصه]

المركز الطبى الدولى باى مدينه

[روووح غاليهااا]

انا تامين للاسف مااقدر افيدك

[رياض الورد]

اختي انا ولدت فيه بس انا قيصري و1500 اللي ياخذوها بعد الولاده هذي حقت المولود 1000 حقت الحضانه و500 تكلفة اشياء خاص بالمولود وامه يعني فيه اشياء يعطوك هي في الغرفه وتكون محسوبه عليك
طبعا حضانة المولود سعرها خارج سعر الولاده اذا كانت الولاده طبيعي ياخذوا على المولود 1000 واذا قيصري ياخذوا 1500
اذا عندك اي استفسار انا حاضره

[سرسراية]

مشكورين كلكم
رياض الورد
انا عارفة انهم ياخدون 1000 حق المولود
بعد هذه الالف اللي يصير سعر الولاده 9500
لكن احنا نتكلم عن غير هذا كله
فواتير واشياء تطلع مدري من فين
لانه اللي ياخدو الباكج كاتبين انه 10500
من غير 1000 حق المولود