إستفسار بسيط .. ريحوني الله يريحكم دنيا وآخره (حبوب الفوليك والحديد)

[Awb]

السلام عليكم ورحمة الله وبركاتة
شخباركم يالغاليين .. عساكم بخير ؟






بغيت استفسر استفسار بسيط الله لايهينكم ,
اول امس كان عندي موعد مع دكتورتي وشافت نتايج فحص فقر الدم وطلع عندي فقر دم خفيف , انا في بداية الشهر الثامن مع العلم اني استعمل من 4 شهور حبوب الفيتامينات بس .






قالت لي الدكتوره لازم تحتاجين حبوب حديد مع فوليك اسيد وعطتني حبوب الحديد مرتين باليوم والفوليك اسيد مره , سؤالي هل اقدر اكل حبة الحديد مع الفوليك اسيد مع بعض ولالا ؟





لان حبة الحديد لازم اكلها بعد الاكل فأنا قررت اكلها بعد الغدى وبعد العشى والفيتامينات من زمان اكلهم بعد الغدى على طول .. ساعدوني الله يريح قلبكم لاني نسيت اسأل دكتورتي اذا اقدر اكلهم مع بعض ولالا .. مشكورين وسامحوني طولت عليكم وايد

[نوره عثامنه]

والله ما عندي فكره انشالله البنات يفيدوكي...
الله يتمملك عخير يارب

[نعمة ربي]

الله يسهل علينا

[أم عبدالرحمن السلفية]

حتى انا ما اعرف بس ممكن زي ما قلت خذي حبه صبح و حبه مساء و لاتجمعي بين حبة الحديد و حبة الكالسيوم أقل شيء 2 ساعتين فرق

[نبعة الحب]

شوفي حبيبتي حتى لو اخذتهيم سوى ما ياثر ابداا لان اني اخذ حديد وفوليك وماكنسيوم ودكتورتي قالت لي بس الحديد ما يصير تاخذيهم مع الماكنسيوم اما الفيتامينات الاخرى عادي بس انا انتظر ساعة بعد الحديد واخذ الفوليك لان معدتي تضرر ويصير عندي مغص من كثرة الادوية يعني بكيفك انتظري ساعة بعد الحديد واخذي الوفليك حتى تريحي معدتك

[zobaaa]

انا اخذ حبوب بيها حديد وفولك وكالسيوم وb12 بالاضاافة الى 19 فيتاامين

ان شااء الله ماكو تأثير

[Awb]

يعطيكم الف عآفيه .. اللـه يسهل علينآ يآآآرب

[أسيرة زوجي]

حاولي تباعدي بيناتهم ليعملوا مفعولهم جيدا

يعني الطريقة إلي تتبعيها صح

[~قموووره~]

شوفي هذا الرابط وان شاء الله يفيدك http://forum.hwaml.com/t17102.html

[إبتسامة الحياة]

لاتحاتين ياقلبي

انا قالت لي اخلي بينهم ساعة اوساعتين بس