كل شي فادك بالنفاس او ضرك تعالي واكتبي تجربتك لنا

[قرفه مع التفاح]

السلام عليكم ورحمة الله وبركاته
كل وحده والده سابقا او مرت بتجربة النفاس تكتب لنا كل شي استفادة منه بنفاسها اوضرها من خلطات او ادويه اواعشاب او اي شي عشان الكل يستفيد من تجاربكم اتمنى التفاعل الله يعافيكم

[عشقي محمد]

موضوعك جدا رائع وراح يفيد المقبلات على الولاده خاصة البكريات
بالنسبه لي انا ولدت من شهر وبداية نفاسي كانت عندي اختي مهتمه بأكلي
وأدويتي بس من راحت وأنا حالتي حاله صابني الجوع لأني ماألحق على شغل البيت
وعندي أمي كبيره محتاجه رعايه غير بنتي ماخذه كل وقتي حسيت بفقاعات داخليه ويوم سألت
هنا بالمنتدى قالوا لي هذا هوا باقي لي 10 أيام وأخلص نفاس لازم أهتم بنفسي ولا راح أتوهق عند زوجي
بسبب الهوا اللي جاني فنصيحه مني لازم النفاس تهتم بأكلها ولاتجوع ولابتصير مثل حالتي عاد كل وحده والنظام
اللي يعجبها

[‰وردةالجوري‰]

الي يضر الجوووع ..والي ينفع المشروبات الدافيه والراحه مايصلح تشتغل الوحده على اقل اول عشر ايام تحاول تنام لان النوم مهم والرضاعه الطبيعيه جدمهمه للام وطفل ...وخلطات النفاس واااجد بس الاساسيات من وجهت نظري الحلبه والرشاد وحبه سوداء وفلفل بس كلن حسب استخدامه غي ناس ماتستخدم الحلبه او عشراياام وكلن له طريقته

[فوحة الطيب]

انا احس الي ضرني الملح او بالاصح كثرة الغسول بالملح للخياطه

[قرفه مع التفاح]

مشكورين لكل من مر على موضوعي وانا في نفاسي الثاني ضرني الجوع ماكان عندي شهيه للاكل واحس البخور مامنه فايده
بالعكس يمكن يسبب التهابات والحلبه حلوه ببدايه النفاس وشاي الاعشاب مع قشر القهوه حلوه والرشاد والملح كنت انظف فيه وعرفت انه مايصلح في بداية النفاس اللي ناويه تستخدمه تاخذه اخر النفاس لانه يضر بالخيوط حقة الخياطه وبس واذا تذكرت شي برجع اكتبه اتمنى من الكل التفاعل عشان نستفيد

[لؤلؤة جدة]

يسلمووووووو انا بكريه واستفدت كثييير دعواتكم كلها كم اسبوع واولد