حالة بنتي تخوفني .. ابي استشاره نفسيه ..!

[أعشقه]

السلاام عليكم
مساء الخير للجميع ..
/
بدخل بالموضوع ع طول ومدري يمكن ماعرف اشرح الي ابي اقوله بس بحاول اوصل لكم الفكره ..
انا عندي بنتي عمرها الحين سنتين و5 شهوور
المهم هالفتره والله صار يضيق خلقي وخانقتني العبره عليها صرت ماعرف حتى انام
افكر اوديها لدكتور نفساني وش رايكم .. مع انها صغيره ومدري فيه دكتور نفساني يعالج مثل حالاتها ولا ..
كله تخاف ومن اتسمع اي صوت تجلس تقولي يمه اخااف
اقول لها تعالي تروشي ابوديها دوره المياه تموت من الخووف تصيح بجنون وتحط يدها ع قلبها وتقول اخاااااااف .. اقول لها وش يخوفك ليه تخافين تكرر لي كلمه اخاف ماتقول وش يخوفها..
وهالفتره من تسمع صوت الاذان تجلس تصير ويتغير لو وجها وتجلس ترتجف وتقولي اخااف
اقوم بسرعه اسكر النوافذ علشان ماتسمع
واحاول اتقرب منها وامسكها اقول لها هذا صوت الاذان ياذن علشان نصلي ..
قول قومي صلي اقول لها لا تخافين تقول انا اخااااف ماتبي تسمع صوته وتهج من المكان الي هي فيه ..
احس حيل متازمه كل شي تخاف منه اول تدخل غرفتي حتى لو هي ظلمه
الحين ماترضى تدخلها تقول اخااااف ويالله ع ماتجي اول تدخل وتنام لحالها من نفسها والحين لازم انا جنبها ماتنام وترتجف وكله اخاف اخاف
انا ماذكر اني خوفتها ولا مره خوفتها بالعكس احاول دايم اشجعها واقول لها لا تخافين
مدري وش السالفه اقول يمكن لان عمامها احيانا يعصبون عليها او يهاوشونها لانها شقيه ماتجلس ومن كثر الصراخ عليها صارت تخاف ردة فعل يعني
انتو وش رايكم بها الحاله ..
وش تشورون علي .؟!!
وشكرا .

[أعشقه]

لو سمحتو انقلو الموضوع لمكانه الصحيح انا بنتي مو بالاشهر ..
من سنه الى 6 سنوات اذا ممكن .. وشكرا

[شوقـ]

الله يخليها لكي

انصصصصصصصحك بالقران لاتقفليه من بيتك خليها تسمعه دوم وخليها تسمع الاذان غلط تقفلي الشبابيك
واقري عليهاااااا

هذا علاجك الوحيد وحاولي تشجعيها

اقري عليها دووووم

[أعشقه]

تخاف تقول ماترضى تبي تطلع من المكان ولا تجلس تصوووت
تتهرب علشان ماتبي تسمع والقران انا اذا نامت اشغله واخليه مشغل واشغل الرقيه الشرعيه عندها
تسملين ياقلبي راح اسوي مثل ماتقولين لعلى وعسى

[aisha]

بسم الله عليها..لاتخلي احد يهاوشها او يخوفها ..ونصيحه مثل ماقالت الاخت القــــران دايم جنبها خليها تسمعله..واحضنيها دايما لصدرك وحصنيها..بصراحه الدكاتره النفسيين حيعطوها علاج وحرام بالسن دا تاخد ادويه نفسيه..عالجيها علاج رواحني
وان شاء الله مافيها الا كل خير:)

[همس آلوجدان]

بنتك علاجها القران حبيبتي ولاتوديها لطبيب ولاشي لاتستخدمي علاجات وهي لسا صغيره ومالها بهذي الامور
بس حاولي بعد انتي تشجعيها بعد واهم شي لاتخوفيها
والله يخليها لك

[المستحيله]

اقري عليها الرقيه الشرعيه يوميا اذا نامت,,,بنتك منهبله من شي ...
علاجها القران بس..

[غصن الغلا]

ياحياااتي عليها الله يشفيها ويخليها لك

مثل ماقالوا الاخوات علاجها القرءان وفيه حركه يسوونها كبيرات السن للاطفال الي دايما يبكون وهي انك تحطين في يدك شوي مويه وترشينها في وجهها وعلى راسها وهي ماتدري مرتين باليوم اول ماتصحى من النوم والمغرب او العشا بس يبي لها استمرار يعني اسبوع او اكثر وغير الاذكار لازم تحصنينها وان شاء الله تبشرينا عنها ...

[ريآنهـ..!]

اعشقه جبتيها ع الجرح بنتي تقريبا مثل حالة بنتك بالضبط

لدرجة انها تخااف حتى من اي صوت عالي اوقات اجي انادي.

زوجي وانا بالغرفة وهو برا تجي مرتااعة كان حد لاحقها حتى بنوتة

اختي اللي تحبي تخاف منها اذا شافتها جاية لها تفكر تلحقها

والله اوقات ا قول لزوجي البنت مو طبيعية ووشو عرف الاطفال

بهالعمر بالخوف لذي الدرجة :/

[أعشقه]

انا والله اتوقع انها مخوفه من عمامها مجانين ياليت مو ساكنه عندهم بس وش نسوي
والله اسلوبهم معها كانها كبيره يصارخون عليها ويهاوشونها تو عمها شايلها من ملابسها ورافعها لفوق وهي تصوووت
والله وانا اكتب لكم خانقتني العبره .. خايفه ع حالتها النفسيه ..
بالله عليكم وش اسوي هي ماترضى تجلس يمي تبي تروح يم عماتها وجدتها تموت عليهم
بس عمامها مجرمين يعاملونها باسلوب جااف لانها شقيه وماتجلس الحين من تشوفني اقول لها لا تسوين كذا ولا اجلس اناظر فيها تهج تبي تطلع من المكان ولا تروح ورى الطاوله ولاورى الكنب تتغيب تخاف
والله قلبي محروق عليها وابوها مب هنا يروح شهر ويجي سبوع وع هالمنوال مايقدر يغير شي من الوضع
انا بحاول اسوي الي طلبتو مني ويارب يتغير الوضع
ماقصرررتو فديتكم ربي مايحرق قلوبكم ويرزقكم من اوسع ابوابه

[أعشقه]

ريانه
شكل بنتك مخوفه ولا سامعه صوت عالي مثل بنتي
سوي الي قالو الاعضاء وان شاء الله يفيد

[ام ملك ونور]

نقس حالت بنتي واللة يسامحم كانوعمامهة همة السبب يخوفوها من اي شي مثلن لو رادت تصعدفوق يقولو لهافي وحش ولاواوي فوق والمسكينة ماتصعد ولو انا بنزل لتحت اجلس معاهم يجون يقولون لها راح اخذ ماما منك والمسكينة تضل تبكي من كلشي يخوفوها وانا من رائيي لو كان في اي احديزرع الخوف فيهة قولي الابوهايوقفهم عدحدهم لو انتي روحي احكي معاهم لان مايصير هيج البنية تكبرمعاهة الحالة واللة يشافيهة واللة انقهرت عليهة

[الفجر الباسم]

والله حزنتني يا حبيبتي بس انتي اكبر غلط دكتور نفسي حراااااااااام
بس شوفي اذا شغلتي الاغاني بصوت عالي وخليتيها لحالها وما خافت يمكن يكون فيها مس لانها ماتحب الاذان
ولا تستغربي بنت حماي سنة وطلع فيها مس
يمكن لانها حركة وما تقعد وانتي ما تعوذيها
الله يعافيها انشا الله وتسير احسن من اول

[أعشقه]

يمه ع بنتي وش مس تو صغيره ومن وشو يجي المس
اشغل قران ماتقول شي بس الاذان الي ماتبي تسمعه ع طول تجلس تصوت وتقول اخااااف
واذا نامت اشغل طول الليل عندها قراان
انا اتوقع من عمامها اسلوبهم دفش مخابيل وزوجي مو عندي مايجي الا كل شهر سبوع
وانا مجبوره اجلس في بيتهم زوجي مو فيه
مقهوره والله ع هالحال

[Tota 85]

ضميها وايد حسسيها بالحنان وقوليلها ماما انا احبج ومافي ولا اتخافين من شي لان اذا احد بيضرج انا باضربه حسسيها انج جنبها مهما صار واذا خافت حاولي اتحولين الموضوع ضحك أو قصة اعرف ان صعب وانت اتسيرين خايفة عليها وايد بس حاولي

[أعشقه]

والله هذا اانا احاااول معها واقول لها هذا مايخوف يقول لنا قومو صلو
واجلس اقول لها قولي الله اكبر علشان نقوم نصلي وماترضى تصيح وتقول مااابيك وماتبي تجلس في المكان الي تسمع فيه الصوت
اصلا النافذه ماتناظر فيها لان تسمع صوت الاذاان منهااا
ان شاء الله اشوي اشوي وتصير زينه انا احاول اسوي كل الي اقدر عليه
تسلمووون حبايبي والله ماقصرتوووو

[حسنا]

ربي يطمنك على بنتك اقراي عليها سورة الفاتحه سبع مرات والمعوذات واية الكرسي يوميا بعد الفجر وبعد المغرب وحطي يدك على راسها ورددي اعيذك بكلمات الله التامات من شر ماتجدين وتحاذرين كرريها واستودعيها عند رب العالمين وربي يحفظها ويحرسها بعينه اللتي لاتنام

[نوووتيلا]

حبيبتي اعطي بنتك ((عصفر))

نقعية في مويه نص ساعه كذا وشربيها مره مرتين باليوم وشوفي

انا كنت اعطية ولدي كان عمره شهرين وكان يفز من نومه ع اي صوت ويبكي ويخاف وكله يفز واعطيته والحمدالله

واقري عنه بالنت وشوفي .. الله يخليها لك

[نوووتيلا]

وبعدين ياقلبي عادي كل الاطفال يخافون من الصوت العالي بنت حماتي يجوون عندي.. تبكي وتروح لامها اول ماتسمع الاذان لانه قريب من بيتنا وصوته كبير ماشاءالله بس تاخذها وتسمي عليها وكل مااذن ع هالحال .. انا بنفسي اخاف من الاصوات العاليه وشلون الاطفال

[أعشقه]

راح اقراء عليها ان شاء الله الي قلتي .. بس عايدي لو قريت عليها وهي نايمه ولا لازم تكون جالسه .؟
/
وش هذا العصفر تو اسمع فيه من الحواج نجيبه يعني اقوله عطني عصفر كذا

[om aseel]

حبيبتي خلي بالك منها وركزى معاها

اولا ماسيبهاش لوحدها على الاقل كل 5 دقايق تكلميها

والحاجة اللى تخوفها حاولى تعمليها بس بالتدريج يعنى مثلآ الاذان شغلى مش لازميكون فى وقته

واعمليها لعبة ليها عشان ترجع تانى تحبه لأنه لاقدر الله شكلها ممكن تكون حالة توحد

هى بتقعد لوحدها كتير ...؟ او مش عاوزاكى معاها فى اوقات معينة ؟

بس لازم تعرضيها على دكتور وفى دكاترة نفسية اكيد طبعآ لسنها

وقولى لزوجك يقول لأخواته يهدوا شوية عليها مش لازم زعيق الفترة دى لغاية اما البنت نفسيتها تهدى

وان شااء الله تبقى زى الفل وتكبر وتشوفيها عروسة جميلة ..:)...~

[ليال الشتاء]

اختي حالة بنتك قد مرت علي اختي بنتها كانت كذا ولو تسمع صوت ولو خفيف خارج البيت تبكي وتقول خايفه واخذتها لواحده حرمه كبيره تعالج الاطفال من زمان واعطتها اعشاب تستحم فيها وبودره اسمها سعوط اخضر تحط منه عند انفها والحمد لله استخدمت اختي الطريقة والبنت صغيرة بس 10 ايام والبنت بعدها ماشاء الله ما عليها ولا تخاف ولاشي وكبرت الحين وصارت في المدرسه
انتي شوفي مكانك اذا تعرفي واحده في منطقتك وربي يشافي بنتك ان شاء الله

[Rawano]

السلام عليكم أختي ..
أظن بنتك لا تحتاج توديها عند شيخ و لا تعملي لها رقية لأن بنتك ببساطة تحاول تلفت إنتباهك عن أخوها ( قرأت عندك أخو بعدها صغير ) فما شاء الله عليها ذكية بدل ماتبين غيرتها بالضرب لأخوها أو أذيته .. تبينها بلفت إنتباهك لها إنها تخاف ..

..

في أطفال أذكياء يبينو غيرتهم إنو عضو فجسمهم يوجعهم .. ورغم إن الأهل يصدقوا ويودوهم المستشفى و تطلع التحاليل إنهم سليمين .. و أطفال يقولو إنهم يشوفو حاجة مثل قطة سوداء وغيره .. لكن كلها مجرد حلول أوجدوها حتى يلفتوا الإنتباه

..

في أطفال مايكون عندهم أخوان لكن فالعيلة تحول الإهتمام منهم إلى الطفل صغير جديد ..
بس يستخدموا نفس الأسلوب
..

أعطي بنتك وقت خاص فيها بعيد عن أخوها وقولي لها هذا وقتي أنا وإنتي بس .. وألعبوا مثلا ألعاب فيها إضاءة خفيفة لفترة معينة من اللعبة و شوفي كيف ردة فعلها لو ما اشتكت إنها تخاف واستمتعت باللعبة معناتها فعلاً كلامها ( أخاااف ) مجرد لفت إنتباه لكِ ..

..

في حال ما وجدتي كلامي منطقي .. أنا والدتي دكتورة نفسية وعندها عيادة و تستقبل حالات أطفال كثير .. يسير أعطيكي رقمها ع الخاص ..

..

تطمني ما أظن في بنتك أي شيء يخوف :)

و طمنينا عنها

[قدعه]

انا اخصائيه نفسيه اختي وان شاء الله مافيها الا العافيه
بنتك ربما تعاني من فزع وهو الخوف الشديد من شي محدد وموجهه وهو الصوت
ربما تعرضت فعلا لموقف سبب لها هذا الامر
وربما يكون ايضا مرض روحي ولكني اطلب مك اولا اعطاها (عصفر) وهو لونهاصفر ويعطى عن الخرعه او الخوف وانا اوومن باشياء
وكنوز القدماء لانه لم توجد من قبل عيادات ولم توجد مستشفيات وهولاء هم عاشوا

ثانيا اختاري قارئ يكون صوته هادئ جدا وبه خشوع وشغليه على مراحل اولا صوت خافت كم يوم
ثم اعلى قليلا ثم قليلا حتى تزول هذه العقده باذن الله

اما اذا لم تستجيب فيجب عليك التوجه لاخصائيه نفسيه وليس دكتور
لان التخصائي هو من يشخص ويعالج بالاساليب التربويه والخطط العلاجيه وليس بالادويه
واذا شعر الاخصائي بان حاله ابنتك تستلزم ادويه خافضه للفزع سيحولك لدكتور النفسي

[Soma s]

محد يجيه الخوف من الهواء بالذات الاطفال

اكيد احد فجعها وهي غافلة

او تلاقين خوفوها من الظلام

دام بنتك عايشة مع عائلة كبيرة بتتعرض اكيد

لهذي المواقف بالذات اذا مافيه توجيه

حاولي تبلغي اعمامها محد يصرخ عليها حرام البنت صغيرة

الله يحفظها لك