الدورة تأخرت 10 ايام ومافي حمل ؟

[ح‘ـــلم]

السلام عليكم ..

اخواتي ركزوا معايا الله يسعدكم ..

اخر دورة جاتني تاريخ 14 رمضان لحد 25 رمضان ،،،،، 11 يوم الدورة يعني ..

و ماجاتني هالشهر ،، و ليومكم دا اللي هوا 23 شوال ! عشر ايام تأخرت علي :(

مع العلم اني اسلبت مرتين ... ودورتي اللي ذكرتها لكم برمضان كانت اول دوره بعد الاسلاب التاني ..

حللت امس تحليل دم ، والنتيجه سلبيه مافي حمل ..

خايفه مرا ، قولولي اش اسوي ؟؟،،،، هل الحاله دي طبيعيه ؟ وهل ممكن يظهر حمل بعدين ،، حتى لو ماظهر بالدم دحين ..؟


و ابغى اقولكم على شغله .. اسلابي الاول كان بسبب توقف نبض الجنين ..
و اسلابي الثاني ،، كان كيس بدون جنين ..

تحاليلي كلها سليمة من غده درقيه و تخثر دم وكل شي ..

بس انا خايفه يكون السبب زوجي ، لانه كان عنده فيروس الكبد سي ، بس تعالج منه ،،
وقبل الزواج سوينا تحاليل الزواج ،، ظهر في دمه الاجسام المضاده اللي عالجت هالفيروس ..

يعني هل ممكن هالاجسام المضاده لها سبب في اجهاضي مرتين ؟؟

استنى ردودكم بفارغ الصبر / ارشدوني ولكم دعوه من كل قلبي

[ح‘ـــلم]

بنات الله يخليكم طمنوني ..
من امس حاطه الموضوع ، ولا احد رد علي :(
بليييز طمنوني الله يطمنكم ..

[لولو 1]

حبيبتي اول شي الحمدلله عسلامتك
وتاني شي
انتي عملتي تحليل دم ولا بول؟ حاسة باعراض حمل؟ ممكن تكون الدورة مو منتظمة عشان الاجهاض اللي حصل
والاجسام المضادة اللي عند زوجك حسب معلوماتي ما دخلها انتي عملتي فحص زمرة الدم والاجسام المضادة عندك
حبيبتي انا نفس الشي اول حمل وقف النبض ببداية الشهر الثالث وثاني حمل كان كيس فارغ بس طلع السبب هو العامل الخامس بيعمل تخثر بالمشيمة انتي شو اسماء الفحوصات اللي عملتيها؟
ربنا يعوضك خير راجعي دكتورة تانية وتأكدي انك عملتي كل الفحوصات اللازمة

[مجنونة بحبها]

الله يعوضك بلحمل السليم

الدوره بعد الاجهاض تتلخبط

وعن الاجسام المضاده عند زوجك ماضن لها علاقه

انتي عملتي تحليل تخثر الدم

لانه سبب اسقاطاتي الثلاث وماعرفت عنه الا بعد فوات الاوان

[ح‘ـــلم]

مشكورين بنات ع الاهتمام ..
اليوم رحت المستشفى وسويت اشعه مهبليه لان الدورة متأخرة علي ومافي حمل .. فــــــ تبين انو عندي تكيسات
ماعندي اي فكره عن هالتكيسات .. والدكتورة اللي سوت الاشعه ماقالت لي شي ، واعطوني موعد ليوم الاحد الجاي !

طمنوني ، علاجه بسيط ؟ مااقدر اصبر ليوم الاحد وانا مااعرف اي معلومة عن التكيسات ؟
افيدوني الله يرزقكم بالذرية الصالحه ..

[لولو 1]

حبيبتي بسيطة انشالله لا تخافي انشالله العلاج بيكون بسيط وانشالله بتحملي عن قريب

[ام اسكندر]

الدورة طبيعي تتلخبط بعد الاجهاض

وماعندي فكرة عن الفيروس والاجسام المضادة

بس دخلت ادعيلك

ربي يعوضك بالحمل الثابت يارب

[ورودي البيضاء]

علاجها بشط ان شاءالله بس ممكن يطول حبتين لكن مو هذاك الشي

انتي توكلي و استشيري كذا طبيب فقط للتطمن لا اكثر وربنا يرزقك بأثرب وقت الطفل السليم المعافى ...