تجهيزاتك للكريمات في النفاس

[رعبوووبه]

السلام عليكم
صباح الخير
انا جديدة معاكم و عجبني الموقع
hwaml7
وبمااني ع وشك ولاده الله يتمم ويسهلها لي ولكم

فبالي مشغووول مره ببشرة وجهي المليااانه كلف وتعب وارهاق

وكل مره اعزززم اخذ كريم اعالج فيه وجهي بعد الولاده

ابطل واخاف تاثيره ضعيف ولاتقولولي روحي دكتوره

احتااااج تجاربكم او تجهيزاتكم لكريمات الوجه والجسم

لفترة النفاس علشان اعرضها ع الصيدلي واخذ اللي يناسبني

عندي اغراض كثيره ابيها من الصيدليه واجلت المشوار عشان تكون الكريمات


كل وحده تقول شستخدمت او ناويه وش نوع بشرتها


انا مركبه وتحتاج نضاااره


وكريمات المناطق الحساسه كمان لاهنتو


انتظركم حبوبات

[رعبوووبه]

اي صح سبق واستخدمت كريم الكولاجين لبشرة وجهي يعطي امتلااااء حلو بس مايعالج العيوب اللي حابه اسدح اسمه هينا

وعندي صور لكريمات بس شلون انزل صور اللي تعرف تقولي بليييييييز

[دلوعه ومغرورة]

اي والله ياليت تفيدونا بالكريمات اللي تفتح انا وجهي ورقبتي
وبطني رايح سواد مو طبيعي مع تشققات بنيه والمنطقة الحساسة عندي معدومه
بالسمار انا لي شهر من ولدت وماسويت لنفسي شيء تكفون كل وحدة تقول وش استخدمت

[رعبوووبه]

دلوعه ومغروره
الحمدلله ع سلااااااامتك ومبروك ماجبتي
الله يتمم عليك ويطلعك من تالي شر وتصيرين احلى عروس
ولاتحاتين الحين وقت عنايتك وخوذي نفس فيتامينات الحمل ويالله يابنااااات نستناكم

[ام اسكندر]

ليه ماتسوي ماسك طبيعي
بغذي بشرتك ويفيد جنينك مايضره

سواء عسل
او سدر
او نشا
او خيار

[خالة دلع]

بنات ايش رايكم في زبده الكاكاو للجسم كلها

[ام عزووزي]

روعه زبدة الكاكاو تشد وتنعم

اخلطي
جلوسليد الاحمر
وليمون
وزيت لوز
وبودرة اطفال
وزيت جولسرين
وحطيها بعلبه وكل يوم ادهني جسسسسمك كله واذا جيتي تدهنين المنطقه الحساسه حطي م سودوا بصحن وشوي من الخلطه وحطيها بالمنطقه

واغسلي جسمك بالخلطه الصابوينه ابحثي بالنت عنها
طبعاً اخذت الطريقه من وه وناويه اسويها لان المنطقه عندي فحمه 


وسوي سكراب
م سنفرة مشمش
م سكر
م ملح الحليب او العادي
زيت زيتون
وافركي المكان الخشن
وبدين رطبي بزبدة الكاكاو

الكميات على راحتك

يارب تفيدك


ولاتنسوني من دعواتكم ان الله يتمم حملي ويقر عيني بذكر السليم الصالح 

[خالة دلع]

ام عزوز شكرا لك
طيب هي تبيض او لا

[قرفه مع التفاح]

انا اخذت من صيدلية الدواء خلطة افالون الكل يمدح فيها والصيدلي يعرفها لما تقولي خلطة افالون يعطيك 3 كريمات تخلطيها
واذا حابه تستخدمي واقي معها قوليله نوع بشرتك وهو يعطيك واقي مناسب بس وابي ادور على خلطه طبيعيه استخدمها مع الكريمات انا بعد على وشك ولاده وبشرتي مره معدومه الله يسهلها علينا ونولد بالسلامه

[بشرى الحمود]

انا لوجهي ورقبتي واباطي ...استخدمت كريم اوباجي رقم 3..من العياده حقتهم بجده ..طبعا يقشر ويفتح..مع قطرة فتامين سي ..الحمدلله تحسنت كثيييبر جدا...وهو ب 300 ريال وشوي..والعلبه تكفيكي شهر بالظبط..ومظمونه النتيجه ...بس راح تتعبي شوي لانه وجهك راح يشد ورقبتك كمان وتتقشر.. مو اي احد يناسبه ..بعضهم بشرتهم ماتتحمل التقشير..فالي حابه تروح العياده افضل ...وراح تدعيلي بعد ماتشوف النتيجه ..




والمنطقه الحساسه دكتورتي صرفتلي كريم اليكا ام الاصفر ابو خط ازرق..عشان الخياطه....ولاحظت انه فتح وقشر المنطقه ..استغربت ..ومديته على المنطقه كلها بين الافخاذ وخط البكيني ...والنتجه روعه...كل السواد تقشر ...

ولجسمي ولرجولي سويت ..خلطه..كريم جوسليد وكريم جلسرين ...وزيت جلسرين وزيت لوز مر ..وليمون...والبس نايلون وشراب وكمان علر كبتي ادخل كيس والفه باي قماش...والنتيجه حلوة ...

وسويت حمام مغربي ..ودلكه ..وكمان بارجع اسوي دلكه وحمام مغربي ثاني ...

الحين كله اوك ونتيجه مرضيه ...بس باقي بطني...سويت كل شي. وماتغير مازال اسود...

[ليالي حب]

طيب بنات ..افيدونا الله يوفقكم
الاستحمام بعد الخلطات كيف وكم مره ؟؟
واصلا يضر الوحده بنفاس يعنى يجيب برد وهواء الارحام صح ولا لا؟؟