ساعدوني ياأمهات بجهز وماني عارفه جنس البيبي

[أحاسيس الترف]

السلام عليكم ورحمة الله

كيفكم ياحبوبات

قريب بدخل شهري السابع

والمستشفى الي اراجع فيه حكومي ومايعلمون عن جنس البيبي

وقررت انا وزوجي مانكشف اهم شي عندنا الخلقه التامه سواء بنت او ولد الله يجيبهم بصحه وسلامه

اش الألوان الي اشتري تكون مناسبه للاولاد والبنات

لاني مااحب الابيض الساده احب الألوان

انصحوني ياذويقات hwaml12

[همسةحنان]

اهلين حبيبتي الله يهون علي وعليك وجميع الحوامل

عندك التفاحي الاخضر الليموني الرصاصي الاورنج البيج السكري

[شهد الحلوة]

حبيبتي خذي بيج واخضر واحمر وليموني ورصاصي زي ما قالت لك الاخت

[اقدع وحده]

أهلين الله يسهل علينا جميع. خذي الاشياء المهمه مثل المعقمات والرضاعات وفوط السباحه والبانيو والملابس خذي ألوان تفاحي بيج اصفر بس لا تكثرين. وان شاء الله اذا عرفتي بعدين تاخذين اللي تبين*

[أحاسيس الترف]

همسة حنان

شهــد الحلوه

اقدع وحــده

ربي يسعــــــد قلوبكم

افدتوني كثير ماقصرتو معي

لاخــــــلا ولا عـــــــدم

[موكاا]

ولاتكثرين ملابس لانه راح يكبر النونو بسرعه
واخر النفاس ان شاءالله تروحين تتقضين على سنع ويكون كبر وتطلع الملابس عليه حلوه

ربي يقومك بالسلامه*

[أحاسيس الترف]

موكـــاا

هذا الي ناويه عليه بأذن الله

كم طقم حق فترة النفاس وبتجيني هدايا اكيد

تسلمين ياقلبي

الله يسعد روحك

[مسكّ العطورّ]

امممم

اورنج ليموني تفاحي بيج زيتي عنابي كحلي بني بسسسس رح تعذبين لانوووو دايم اغلبية الالوان وردي وسماوي وابيض وبيج
نادر تلقين التفاحي والاورانج والعنابي والكحلي

[أحاسيس الترف]

مسك العطور

يعطيك العافيه

وبحاول ادور في كم محل وعساني الاقي الشي المناسب

سلمتي يالغاليه

[وميض النجوم]

حبيبتي الملابس للبيبي عادي خذي اي لون يعني مثلا ابيض وفيه نقط ورديه او ابيض وفيه نقط زرق عادي لان البيبي بيكون ملفوف بمهاد ومارح تبان ملابسه .. والمهاد خذي لون محايد مثل ابيض او بيجي او سكري .. اتمنى اكون افدتك

[ام اليوسف]

نفس وضعي للان ماعرفت والمستشفى مايقول وفالثامن ولا شريت شي

ربك كريم الله يسهل لنا جمعيا

[حاضر يازمان]

شوفي اختي جيبي المفرش بيج بعودي مره حلوين ويناسب الجنسين

اهم شي جيبي بربتوز ابيض جيبي 4 مو مشكله وجيبي لبسه خارجيه ي تفاحي او بيج ع بال ماتولدي وبعدها خلي احد ينزل السوق ويجيب الوان للمولود/ه
ولاتكثري ملابس لانو تجيه هدايا ملابس ولانو سبحان الله يكبر بسرعه وجيبي لفتين لونها ابيض مع لبست الرضاعه ابيض
وربي يهون عليك وعليا وعلى جميع الاخوات الحوامل..
وربي يرزقك بالذريه الصالحه وهذا اهم شي.

[دانه مول]

الله يسهل عليك خذي الوان محايده ياقلبي

[منى العين]

امممم تقدرين تسوين في مستشفى خاص سونار

واذا حابه تكون وقت الولاده شوفي عندك الابيض افضل للمولود يعني او اسبوعين
هذا اللون هو الا يرتاح له البيبي لا تلبسه اصفر البيبي يتضايق من الاصفر
عندك البيجي مررره حلو حق الجنسين وفيه شغلات ثانيه تكون للجنسين بس تحسه يميل لواحد منهم خذيه
بس لا تاخذي الا حجم 0-3

[مـثـل الـقـمـر]

عادي حبيبتي اذا تبين تروحين لخاص تشوفين الجنس لانك في السابع ويعلمونك ان شاء الله

واذا خلاص توكلتي على الله وماتبين تعرفين جنس البيبي

جهزي الوان محايده

انا مع اني عارفه حامل ببنت

بس ماحب كل شي وردي

البانيو وكرسي الاستحمام والعربانه والسرير والشغلات هذي كلها محايده وابيض وبيج وملون عشان تفيدني في الولادات الثانيه ان شاء الله

الملابس اخذيها فستقي وابيض وبيج ورمادي واصفر وابيض عليه رسومات والوان كثيره


ربي يسهل عليك يارب