بنات جدة اللي مجربين مستشفى الجامعة الحكومي بليز ساعدوني

[احلى ماما ~]

السلام عليكم.
بنات جدة انا بكرية وحامل تقريبا ف نهاية الخامس اللي يتمم ليا ولكم على خير وصراحه الى الان ماقررت وين اولد مرا اقول سليمان ومرا اقول الاطباء ومرا اقول الطب الدولي وصراحه اللي مررددني. انو المستشفيات الخاصه ماديين واخاف مايصبرو عليا و يولدوني عمليةة وصراحة انا ما ابغى مرا الله لا يكتبها ليا واولد طبيعي يارب.
مع انو كنت مرا رافضه وشايله فكرت اولد ف مستشفى حكومي عشان الاهمال بس الاسبوع اللي فات فتحتلي و قلت اخليه احتياط لو لاسمح الله. احتاج البيبي حضانه وبعدين فكرت اولد فيه لانو رح. يصبرون عليا يمكن اكثر
عارفه طولت عليكم بس اللي لها تجربة ف المستشفى ولا تعرف احد جربو لا تبخل عليا بتجربتها الله يفرجهها عليا وعليككم ونولد بالسلامةة

[مهره الدنيا]

حبيبتي انا اعرف نااااس يمدحوا فيه

مره للولاده

وبصراحه حمااااااااي تتعالج فيه ويشكروا فيه

مررررررره يقولوا الاطباء اللي فيه جااااااامدين

ما شاءالله

واللي اعرفه وقت الولاده يمكن يدخلوا الطلاب

وانتي تولدين

أختي ولدت في مستشفى الولاده اللي بالمساعديه

ودخلوا الطلاب يشوفوها وهي تولد

ويارب اكون افدتك حبيبتي

والله يسهلك ويقومك بالسلامه يارب

[احلى ماما ~]

تسلميلي اخت مهره الدنيا هذا الشي مخوفني انو يدخلو طلاب ويجلسو يتفرجو فيا وانا اولد
طيب زوجي ممكن يدخل معايا غرفة الولادة ولا ممنوع

[Amani24]

حبيبتي انا في التاسع دحين وعملت شويه بحوثات ع الستشفيات ممكن افيدك في الخاص ههههههههه
الطبي الدولي مرررررررره لا بس مناظر وغرف وخدمات فندقيه بس كتير اشتكو من الولاده والممرضات والتعامل
الاطبء المتحدون يمدحو الولاده فيلو بس قريبتي كانت في نهاية التامن وتراجع عند حنان الشمراني ولسا مادخلت ولاموعد معاها وكنسلت 3 مواعيد كل مره تقول عندها ولاده فحسيتو اهمال من الدكتوره
فقيه معروف دكاتروتو والعنايه فيلو للولاده مررررررررره ممتازه
عندك بخش في الشرفيه كمان مرررره ممتازه العنايه فيلو والممرضات يفتحو النفس بس لاتروحي غير نوال السناني وامس قريبتي والده هناك ومرررره تمدح وانا برضو بولد عندهم ان شاءالله



بالنسبه للحكومي الكل يمدح فيلو وفي الولاده بس الشكله انو ممكن يدخلو طلاب :(

فانتي شوفي اللي يناسبك ونحنا حاضرين للمساعده هههههههههه
ربنا ييسرلنا ولادتنا ونشوف بيبياتنا في اتم صحه وعافيه يااااارب

[احلى ماما ~]

يــــــــــــــــاقلبي الله يسعدك ويسر ولادتك زيي ما افدتيني.ومابخلتي عليا بمعلوماتك والله اختي ولدت في بخش وتقولي مرا كويس بس المشكلة نوال السناني خلاص مو موجودة فيه ضارت في سليمان و في مستشفى الجامعة واناا ربس تعرفي ايش مشكلتي ف الجامعة فتحت ملف من يمكن اسبوعين الى ثلاثه والى الان مهم راضين يعطوني موعد يقولو لسامافتحت المواعيد وااقرا ف النت الاقي البنات كاتبين انهم يعطوهم مواعيد بعيده مرا واحيانا يعطونهم مواعيد بعد الولادة بشهر وشهرين ف ايش رايكم بنات ف الكلام

[هوادي***]

السلاام عليكم

ينفع افتح ملف في مستشفى الجامعه الخاص
ومستشفى الجامعه الحكومي

الخاص عند نوال السنااني..بس كم سعر الطبيعي عندها
والحكوومي عششان لو الولد من غير شر احتااج حضانه


هما قريب من بعض
ياليت تكتبوون العنوان..ورقم التلفووون تبع المستشفى الخاص والحكوومي



وياليت اشووف ارائكم هل هنا صح والا لا



ودي وردي

[هوادي***]

يــــــــــــــــاقلبي الله يسعدك ويسر ولادتك زيي ما افدتيني.ومابخلتي عليا بمعلوماتك والله اختي ولدت في بخش وتقولي مرا كويس بس المشكلة نوال السناني خلاص مو موجودة فيه ضارت في سليمان و في مستشفى الجامعة واناا ربس تعرفي ايش مشكلتي ف الجامعة فتحت ملف من يمكن اسبوعين الى ثلاثه والى الان مهم راضين يعطوني موعد يقولو لسامافتحت المواعيد وااقرا ف النت الاقي البنات كاتبين انهم يعطوهم مواعيد بعيده مرا واحيانا يعطونهم مواعيد بعد الولادة بشهر وشهرين ف ايش رايكم بنات ف الكلام


احلى ماما

كيفك

مافهمت فتحتي ملف فين في الحكومي والا الخاااص

[احلى ماما ~]

لا انا فتحت ملف في الحكومي بس الى الان مااعطوني موعد يقولو المواعيد مرا بعيده رقم تلفون المستشفى موحد للخاص والحكومي

[Amani24]

مين قلك نوال في فقيه ؟؟؟؟؟؟؟
من زمااااااان رجعت بخش وانا اتابع عندها دحين في بخش :)

[احلى ماما ~]

طيب حبيبتي بكم المراجعه عندها. في بخش مع السونار وهل عندهم اشعة رباعية. وسعر الولادة عندها في بخش 8500درجة اولى
وهل اقدر ادخل زوجي معايا وقت الولادة واسفه طولت عليك

[Amani24]

الكشفيه 250 ريال والمراجعه خلال 10 ايام طبعن مع السونار اللي في غرفتها تشيك ع البيبي
السونار الرباعي اللي اعرفو احسن شي في عرفان وانا ماسويتو في السعوديه لانو لحد السابع كنت برا السعوديه وعملتو برا
اظن في عرفان ب 750 الرباعي
الثلاثي العادي في بخش ب 550 ومررررررررره معفن ولاهوا واضح ويعطوكي السيدي لو طلبتيه وكلها 4 صور مو باين شي مع التقرير
الغرفه مااعرف صراحه درجه اولى ولا ايش بس انو غرفه لوحدك مو مشتركه
من ناحية الزوج مااعرف بس دكتوره نوال اساسا محجبه وتغطي فاحس حتى لو يسمحو لزوجك يدخل الافضل لا عشان هيا تاخد راحتها


دا رقم المستشفى كلميهم واسالي ع حكاية دخول الزوج غرفة الولاه ^_^
026510666

[احلى ماما ~]

ياقلبـــــــــــــــــــــــــــي انتي تعبتك معايا والله الله يسهلك ولادتك زي ماتسهليها عليا تسلميلي ياقلبي.

[Amani24]

من عيوني حبيبي

لاني كنت في موقفك دا وحاسه بيكي ومرمطة المستشفيات :(

بس والله من جد انتي جربي دكتوره نوال مره وحده وبترتاحيلها لانو وحده من جد تخاف ربها وتستامنيها ع نفسك

لو احتجي شي ارسليلي ع الخاص يسير ارد عليكي اسرع :)


ربنا يسهل ولاداتنا يااااااارب ويرزقنا بر بزورتنا فينا باذن الله

[MeSshoOo]

كتييييير يمدحـــو مستشفى آلجـــآمعه ..
خآلتي ولدت 6 مرآت هنــآك و مره مرتآحه لهم ..
و لآ مره دخلوو عندهــآ طلآب ..
بس آنـــآ مآ آحب آلمستشفيآت آلحكومي آخآف برضو منهــآ ..
و آلله يسخر لك آلي في آلخيييير يآرررب !

[احلى ماما ~]

زئي والله اخخاف منها ححتى اهلي مضدومين انو افكر اولدد فيه بس سمعت كثير مدحوه وقالو يصبرو عالوحده وقت الولادة. هذا سبيبي الوحيد لانو الخاصه تستعجل بالعمليةة

[سكرهـ مرهـ]

انا ماولدت فيه لكن اراجع فيه

مشكلته مواعيده بعيدة وغير كذا احتمال اذا ولدتي يخلوك 6 ساعات ويطلعوك بحجة ان مافي سرير //// هذي وحدة مجربة قالته لي شخصيا

غير الطوارئ احيان ماتلقي الا رجال صعبة يكشفوا عليه ( اتكلم عن نفسي الله لا يحوجني لرجال يكشف علي )

واللي عندها ولادة مبكرة يقولون لها مافي حضانة دوري غيرنا

يعني اشوف الناس تمدحه وانا ماشوف شي ... بش الشهادة لله الدكاترة طيبين مرة لكن الادارة سيئة والناس زحمة عليه