مخنوقه وماحد حاس فيني

[ام رانيا]

اخيرا وبعد صبر طويل بحج هذي السنه جمعت فلوس حافزريال ريال عشان بس احج المشكله اني بحج مع سلفاتي بدون ازواجهم ومعاهم اخوهم وزوجته صراحه سلفاتي شجعوي قلت يالله نقضيها وكنت متردده سالت زوجي قالي روحي معاهم مو اجانب عيال خالتك وعزمت ودفعت المبلغ والحين زادو عيال خالتي وبيروحو عيالهم وزوجاتهم واحس الوضع اختلف علي بصير انا الوحيده بينهم بيصيرو عائله كامله اخوان وانا بوسطهم واليوم طلعت مع زوجي بنتمشى قلت افاتحه بالموضوع قلت روح معاي عشان الخوف اللي فيني يروح احس ماراح اخذ راحتي بوسطهم قالي لاتتحججي انا رحت من قبل وماعندي فلوس تكفي لشخصين قلتله شوف حافز كم فيه انا وانت فيهم ونزيدهم من راتبك مارضى وانفعلت قلتله ليش كذا المهم صارت هوشه كبيره بينا في السياره ورجعني البيت ولاتعشينا برا ولا تمشينا وحز بنفسي ليه كذا لاهو راضي يوديني احج ولا يبي يروح معاي وعصبت عليه وسمعته كلام المفروض اقوله له من قبل 7 سنه بس سكوتي خلاه يتمادى علي يقول اصلا انتي مع الحريم لو رحت انا شنهو بسويلك احسه كل شي عنده عادي اهم شي لايبتلش فيني شوورو علي خواتي كيف اقنعه يروح معاي مابي احج وزوجي غضبان او ماخذ بخاطره علي او انا ماخذه بخاطري علي ابي احج وبالي مرتاح مرات احس اني توهقت ومرات اقول اروح احج حالي خلق الله بليييز نصحوني نصيحه لوجهه الله اختكم في الله ام رانيا

[مهره الدنيا]

الله يهديه حبيبتي

ويريح قلبك خذيه بالكلام الحلووووووو المعسوووووول

بيني له انك خااااااايفه وانك اول مرررره تبعدين

عنه ومن هذا الكلام اسحريه بشويه كلام

وياااااارب يقتنع

موووووووووووووووفقه حبيبتي

[ام سلطان خليفة]

يا أم رانيا حجي فرصة وجتك لا تضيعيها

وزوجك واعتذري له ....وفي بيت الله ادعي الله يصلح حالك اللي سكتي عليه سبع سنوات


الموضوع عادي وهذا حج اصلا بتنشغلين عن كل اللي حولك

انا كنت مثلك الكل مع ازواجهم وانا مرمية تحت رحمة افكاري ليش اروح مع الناس

وكل الحريم مع ازواجهم ...وضاع العمر ولا حج ولا عمرة ولا طلعة ولا شئ

اتمنى افدتك

[غ ــــلآ]

والله مدري وش أقولك بس اللي اقدر عليه اني انصحك

ماتفوتين روحة الحج مو كل مره بتحصل لك وزوجك الله يهديه راضيه وطيبي خاطره

وكلميه بهدوء اذا رضى يروح معك الحمدلله مارضى خلاص لاتسوين لنفسك مشاكل

وروحي حجي ووسعي صدرك بعض الأزاج وانا اختك مايرضى يودي زوجته ولايجيبها وفوق كذا

مايرضى تروح مع احد من قرايبها

أنتي وضعك الحمدلله احسن منهم زوجك راضي فحمدي الله بهالنقطه

والله يوفقك ويصلح مابينكم يارب

[**سماسم**]

يالغاليه روحي وحجي ليش مكبره الموضوع إذا انتي مع اهلج احد فخلاص لاتقلقين ..
لاتكلفين على زوجج اكبر من طاقته واكيد لو يستطيع ماقصر وياااج ..
فستهدي بالله وادعيه التساهيل بهذا الحج والقبول ..
وربي يسسر لج كل عسير ويتقبل الله حجج وسعيج
,,

[Rmoz]

حبيبتي اذا لك محرم لاتفوتين الحج اما اذاكانو مو من محارمك فمايجوز لك وهذا من باب عدم الاستطاعه.فلاتخسرين وتتعبين على الفاضي.الله يسخر لك زوجك

[أم عبدالرحمن السلفية]

أن رأيي غير

انتظري للسنه قادمة وتكوني جمعتي لك ولزوجك مبلغ الحج و تروحي مع محرم رجل أفضل لك
و الدين يسر و فريضة الحج لمن استطاع إليه سبيلا و عند عدم توفر المحرم معك تكوني من الغير مستطيعين . ولا توتري نفسك والله لو تشوفي كم سنه وأنا اعزم على الحج و ما يكون ربي كاتب ..... ألين ما انكتب لي رحت بكل سهولة وبدون زن لاني حجيت مع بابا .

[ام رانيا]

يسلمووو حبايبي ريحتو قلبي بردودكم وماراح يصير الا المكتوب باذن الله

[نسمه أيمن]

نصيحتي لك روحي حجي لحالك انتي رايحه لرب العالمين ادعي لزوجك الله يهديه ويروقك بالك وتعيشو حياه سعيده حطي هدفك كله انك رايحه تتقربي لرب العالمين مو لازم مع مين والله والله غيرك بيتمنى لو يطلع بس لحاله من دون اي احد بس ينكتبله حجه عند الله وهيموووووووووت عشان يروح مره في عمره وانتي احمدي ربك ان اتوفرتلك الفرصه وان معك اي احد تعرفيه لو احتاجتي شيء مو لازم مين هذا الشخص بس قبل لاتروحي او اليوم اللي انتي رايحه فيه ودعي زوجك وقوليله قبل لاتمشي علطول ما ابغى اروح وانت زعلان او غضبان او شايل في قلبك مني عشان ربي يتقبل منك

[المستحيله]

ما يجوز لك تحجين بدون محرم...ال فهمته انك بتحجين مع عيال خالتك وهم مو محارم ...
الله يهديك اذا ماعندك محرم لاتحجين...

[نبعة الحب]

انا مع وجهة نظرك لاني انا السنة الماضية حجيت ومع زوجي واحس لو ما زوجي معاي ما حجيت وما كملت ضروري وجود رجال لان الموضوع متعب الله يهدي يارب ويروح معاج

[ام رانيا]

مشكوورين خواتي على ردودكم الحلوه بس خلاص دفعت المبلغ مع اني متردده بس فرصه ما اتوقع افوتها مثل ماقالو الفرصه تمر مر السحائب فاغتنمها

[شموع الورد]

شوفي اختي معك محرم حجي مامعك تراة مايجوز حرام تلعنك الملايكة وانتي رايحة وجاية اهلك. مؤ جاجين واذا مؤ حاجين ترا مالك ذنب لأنك مالقيتي محرم زوجك رافض يحج لو متي وانتي ماحجيتي ماعليك شي زوجك بأخذ ذنبك بس حاولي فية أنة يحج وحمسية

[غلاي هو]

انا أنصحك ماتفوتين هالحجه لان يمكن ماتقدري تحجي السنه الجايه انا تمنيت الحج بس حملت وما قدرت أنصحك تروحي وع زوجك مدام إذن لك بالحج رووووووووحي ولاتعقدي الامور

[nada-]

حبيبتي استخيري بروحتك لحالك وبروحة زوجك معك واذا كاتب لك خير بنروحين سواء معه او بدونه واذا مافيهاا خير الله يعوضك خيير وممكن بعد الاستخاره يجي يقول لك خلاص بروح معااك وتوكلي على الله حبيبتي الله يشرح صدرك وصدر زوجك

[ريحانة الجنة]

حبيبتي ام رانيا اقولك شئ انت
مالك الا احدى امرين
الاول تطلعي الحج لانه
مايندرى العمر باقي فيه كم
(العمر الطويل لك ان شاء الله)
وفي الحالة لابد تصالحي زوجك
وانت الوحيدة اللي عاررفة كيف


الامر الثاني تأجلي الحج
للسنة القادمة ان كنتي شبه متاكدة
انه بمشيئة الله بيطلع معك
تكونو عاملين حسابكم على ذا الامر من اول السنة

لكن ان كان زوج حج

ومرخص لك تحجي السنة دي
فاغتنمي الفرصة

http://forum.hwaml.com/imgcache2/hwaml.com_1348823329_546.jpg
والله يصلح لك الحال ويسخرلك زوجك ويعطيكي حتى يرضيك

http://forum.hwaml.com/imgcache2/hwaml.com_1348823329_776.gif
لاتنسينا من دعائك تقبل الله منكي

[حلليمو]

ايه يا اختي عيال خالتك مش محرم لك وما يجوز تحجي بدون محرم

اذا زوجك ما رضي سقطت عنك الفريضه

حاولي معاه وان شاء الله يوافق وربي ييسر لك ويوفقك

[أم فروحة]

غضبان على ايش على تقصيره؟
والله دام زوجك ماهمه الا نفسه يكفي انه حج وانت فكري بعمرك
انت قلتي له وهو ما وافق كيفه بس انت لو قلتيلها بطريقة ثانية
لو حركتي غيرته شوي ... لو قلتي له انا الوحيدة بدون رجال وسطهم يعني انا اللي اضطر اتكلم واطلب واطلع وامشي وبضطر اسوي اللي انت تسويه واللي انا اسويه... الحج زحمة والناس لاصقة بالناس على الاقل تكون حاجز بيني وبين الرجال
لو احتجت شي او حصلي موقف تكون انت سندي, مايصير حرمة من غير رجال اكيييييييد اكيد بتحتاجين رجال معك لانه اقوى وادرى , وإذا كانت حجته الفلوس ساعديه بالفلوس لو تقدرين او قوليله دبر عمرك لين يطلع حافز في المستقبل وأسددك
ولا تنسين تذكرينه بفضل الحج وثوابه وحسناته , وقولي له أنا ما ودي أضيع عليك أجر وثواب وبنفس الوقت خيركم خيركم لاهله روحتك معي افضل من قعدتك, والشي الأهم محرم صعبة من غير محرم
ومن هالامور عاد انت ادرى وش اللي يحرك زوجك قولي له فرصة ناخذ اجر ونعيش الروحانية مع بعض ونغسل قلوبنا
المهم دوري الاسباب المقنعة وقوليها بهدوء وروية لأن الرجل يحب الاقناع مايحب العواطف
واتركيه فترة يفكر لا تزني وتحني عليه بس هاااا ما وصيك هالكلام ينقال بوقت رواق علشان يسمعه للآخر ومافي مانع تسوين بروفة شلون تنسقين الكلام وشو الاسلوب اللي يشده ويقنعه
انا اتوقع لو اقنعتيه بهالأسباب رح يجيك بعد فترة يقولك بروح معك
والله يرزقك الحج ويرزقني يارب لأني ماحجيت للآن

[المستحيله]

ما رديتي علينا ياختي معك محرم او لا اذا ما عندك محرم مايجوز تحجين حرام عليك...