الحقوني!حمولتي بيسكنون عندنا في الصيف

[‏ღأم ليلىღ]

السلام عليكم ورحمة الله وبركاته




بصراحه ماأدري إذا موضوعي في القسم المناسب او لأ .. أحترت ؟!

أبي همتكم يابنات أهل زوجي بيسكنون عندنا في البيت طول الصيفيه جايين من خارج مدينتنا ..

المهم .. انا ودي أبيض الوجه في الطبخ والتنظيم والضيافه

سويت جدول لمقبلات الغداء اما الطبق الرئيسي فامعروف (كبسه طبعاً)hwaml23
وجدول لأطباق العشاء
وكم صينية حلا انا شاطره فيهم والباقي نقضيها بشكولاتات السوبرماركت


اللي ملعوزني وأبي همتكم معاي فيه

اللي هو الفطــــــــــــــــــــور hwaml93

ماعرف فيه الآ افضي العلب في أطباق وأقدمها مع الخبز والحليبه

تكفون يابنات أبي حركات جديده وأشياء خفيفه تناسب نقدمها ع الفطور .....!

لأن ودي أجهز نفسي قبل مايجون عشان أرتاح من هم التفكير والبال يبقى رايق على طول ..hwaml94

[ديار]

الله يساعدك

الفطور شكلي بالبيض له انواع بطريقة عمله

ادخلي بالنت واكتبي وش تبين يطلع لك بالصور والمقادير

حتى ترتاحين لما ترجعين له

عندك الكروسونات بمختلف الحشوات

اذا الام مره كبيره سوي له الخبز البر مع العسل والسمن

او بالتمر المعجون

واتمنى ان قدمت لك شي وتقبلى تحيتي لك....

[LOOLOO]

الله يكوووووووووون في عونك يارب

بس الفطور حطي نواشف مشكله وخلااص مو لازم تتكلفين ومره فول وتميس ويعني الفطور لاتكثرين مرره اهم شي الغداء ويااااارب يسهلك امرك ويسعدك ياارب

[دلوعة حبيبي]

تميس وفول ونواشف مثل ماقالت اختي looloo

[عاشقها زوجها]

نوعي بالبيظ

يوم سوي شكشوكه
ويوم سوي بيظ مسلوق مع الشطه والطماط والخيار بالسندوتشات
ويوم بيظ بالجبنه عااادي


ويوم سوي فول وخبز تميس ومطبق

ويوم فول وفلافل وزيتون وجبنه وعسل ومربى

ويوم سوي معلبات فاصوليا سنددوتشات منوعه دخليهم وحمصيهم

مع اظافت الجبن والمربى والعسل والمعجنات والتنويع بالححليب كافي ونسكافيه
ولا تنسين جيك عصير طاازج ..في كل يوم ..
وحطي مع الفطور الخبز وقطعيه بطلريقه حلوه
وحطي الزيتون
والخيار
والتوست ..
اتمنى افدتج

[‏ღأم ليلىღ]

مشكورات حبايبي عطيتوني بعض الأفكار بس ينقصها أسويلها ترتيب

وعجبتني فكرة الأخت ديار للأم

ايوه امه كبيره بس شلون اسوي الخبز بالسمن والعسل مافهمت الطريقه تقصدين زي مانمسح الساندوتش بالزبده ولا كيف وبعدين للمعلوميه معاها سكر أخاف أجيب آخرتها وي

[عاشقها زوجها]

امممم زيادت السكر مو زينه للي معاهم سكر

برايي خبز بر وادهنيه بالجبنه
حطي لها حليب وشابوره وتمره

[ديار]

سوي الخبز على شكل قرص بالفرن

ثم قطعيه وأضيفي السمن والقليل من العسل لاجل السكر

تصبح ( فريكه) او قرص مفتوت

ارجو انك فهمتي على

وصحتين لكم......

[sweet moon]

شوفي هاذا الموضوع طبعا اختي هي اللي كاتبته

بالمره حلو واحنا مستفيدين منه

http://www.aoua.com/vb/showthread.php?t=207249 (http://www.aoua.com/vb/showthread.php?t=207249)

********************

[عاشقها زوجها]

وفي عندك بعد الاكلات الشعبيه

مثل
العصيدا
الخبيصه
البلاليط ..

حلوه وذووق مع الفطوور

[قلب حبيبي ونبضه]

( أنا جبت لك اللي عندي وتراني مسويتها مرره سهل وشكلها مرتب وحلو وتقدرين تغيرين بالنكهات **والاشياء الهولنديه فيه بديل لها **

نشوف مع بعض انواع الفطور ..


[ أسياخ الحلوم المشويه ]

جبنه حلوم + فلفل بارد ملون

نقطع الجبنه مكعبات + الفلفل وندخلها اصياخ بالدور .. ثم نحطها ع الشوايه بدون زيت .

http://img709.imageshack.us/img709/5135/005jv.jpg


نقلبها حتى تنشوي جميع الجهات ..

http://img709.imageshack.us/img709/558/006v.jpg

نقدمها مع خبز محمص ومربى ومكدوس وزيتون ..

http://img709.imageshack.us/img709/475/013tf.jpg

صحه وعافيه ..


||


[ مزرعة بالبيض ]

سبب التسميه ان فيها انواع كثيره من الخضار ..

بيض + بقدونس + بصل + ثوم + طماط + فلفل بارد [ بصل اخضر ] حسب الرغبه

نقطع البصل ونحمسه بالزيت ثم نضيف الثوم المهروس .. ثم الطماط والفلفل البارد بعد التقطيع وباقي الخضار ..

http://img709.imageshack.us/img709/7739/0022d.jpg

نصبها بصينيه بعد دهنها بالزيت و ندخلها الفرن بعد رشها بالجبن ..

بالقلايه اسرع ونغطيها بغطى قدر ..

http://img709.imageshack.us/img709/6952/0052ku.jpg

بعد ماتتحمر من تحت نقدمها ..

http://img709.imageshack.us/img709/2170/007cf.jpg

مع رشة بقدونس مفروم وبطاطس وخبز محمص ..

http://img709.imageshack.us/img709/8284/015tn.jpg


||


[ قوالب البيض بالتونه ]

علبه تونه صغيره + بيض + فلفل حار + بصل + فلفل بارد + جبن مبشور

نقطع البصل ونحمسه مع زيت ثم نضيف الفلفل الحار والبارد ثم التونه ونتبلها بالملح والفلفل.

http://img709.imageshack.us/img709/6524/084nb.jpg

بكل قالب نحط ملعقتين من التونه ..

http://img709.imageshack.us/img709/1305/086n.jpg



نخلط بيضه مع بيالة حليب سايل ونتبلها بالملح والفلفل الاسود ونصبها ع التونه .. ونرشها بالجبن ..

وشريحه فلفل بارد للنكهه ..


http://img709.imageshack.us/img709/8643/089kk.jpg

بالفرن 10 - 15 دقيقه ..

نقدمها مع الخبز ..

http://img709.imageshack.us/img709/2323/139t.jpg

http://img709.imageshack.us/img709/4124/132jc.jpg


||


[ نقانق + بيض مسلوق ]

3 اصابع نقانق + فلفل احمر + بصل + ملعقتين جبن سايل

نقطع البصل ونحمسه في زيت زيتون .. ثم نضيف الفلفل البارد .. ونتبله بالملح والفلفل

ثم نضيف النقانق بعد التقطيع .. ونتركها تطبخ دقيقتين ونضيف الجبن .

http://img709.imageshack.us/img709/6610/054p.jpg

نقدمها مع البيض والخبز المحمص ...

نزينه برشة بقدونس مفروم ..

http://img709.imageshack.us/img709/7324/064a.jpg


||


[ توست باللبنه والمربى ]

توست نقطعه نجوم او دوائر .. ثم بالقمع نحط عليه لبنه ~ مربى ..

http://img27.imageshack.us/img27/9914/101dd.jpg

نقدمه مع الزبادي والخس والطماط والزيتون ..

http://img27.imageshack.us/img27/4797/112zg.jpg


||


[ عجه بالفطر ]

بيض + فطر + فلفل بارد + بصل + جبن تشيدر + بقدونس

نقطع البصل والفلفل البارد ونحمسهم بالزيت .. ثم نضيف الفطر ونتبله بالملح والفلفل ..

http://img27.imageshack.us/img27/1529/025kh.jpg



نخفق بيضتين ونخلط معها البقدونس ونصبها ع الفطر .. ثم نضيف جبن التشيدر مكعبات ونتركه ع

النار حتى ينضج ويذوب الجبن .


http://img27.imageshack.us/img27/9526/031rc.jpg

نقدمه مع خبز محمص - شرايح طماط - شرايح تركي مدخن ..

http://img27.imageshack.us/img27/258/047hx.jpg


||


[ فول بالخلطه اللبنانيه ]

علبة فول بالخلطه اللبانيه + فص ثوم + صلصه طماط منزليه + معجون طماط بقدونس مفروم +

خمس ملاعق زيت زيتون ..


نهرس الثوم ونحركه مع زيت الزيتون .. ونقلبه على النار ثواني يطلع طعمه ..

نفرغ علبة الفول في قدر مع ملعقه كبيره معجون طماط و3 ملاعق صلصه منزليه ونضيف الثوم ..

نهرس الفول بالشوكه ونتركه يطبخ 5 دقائق ثم نضيف البقدونس ..

نقدمه بعد مانزينه بالزيت والشبت والطماط ...

http://img709.imageshack.us/img709/5703/076x.jpg

مع الخبز العربي واللبنه والزيتون ..

http://img709.imageshack.us/img709/8281/070zh.jpg


||


[ كروسان محشي ]

حبتين كروسان نحشيهم جبنه هولنديه مع خس ..

ونقدمها مع طماط وشرايح لحم ببروني وكاس قهوه ..



http://img709.imageshack.us/img709/9251/067.jpg

http://img709.imageshack.us/img709/9907/082l.jpg


||


[ بيض مسلوق بالجبن ]

بيض مسلوق + جبن سايل

نقطع البيض بالنص ونطلع القلب الاصفر .. نخلطه مع جبن سايل ..

http://img27.imageshack.us/img27/3333/131xj.jpg

ثم نرجع للبيضه بواسطة القمع ..

http://img27.imageshack.us/img27/8121/146qu.jpg

نقدمه مع لبنه كور وطماط صفير وزيتون بالأسياخ ..

والخبز . مع كاس قهوه وكاس عصير تفاح ..

http://img27.imageshack.us/img27/4892/153ue.jpg

||

[ زيتون محشي لبنه ]

زيتون اخضر بدون نوا + لبنه

بالقمع نحشي الزيتون ونقدمه على بساط من الخس ..

http://img27.imageshack.us/img27/8963/055nn.jpg

http://img27.imageshack.us/img27/2903/057lx.jpg


||


[ نقانق بالصويا والجبن ]

بصل مقطع صغير + نقانق شرايح + ملعقه صغيره صلصه صويا + جبن سايل + فلفل بارد احمر

نحمس البصل مع الزيت ونضيف الفلفل البارد والنقانق .. ونتبلها بالملح والفلفل والصويا ..

نتركه دقيقتين ثم نضيف 3 ملاعق صغيره جبن .. ونتركه ع النار دقيقه ثم نقدمها..

http://img27.imageshack.us/img27/84/068qu.jpg

مع البيض المسلوق - جبن - مرتديلا - خبز محمص ..

http://img27.imageshack.us/img27/2640/077n.jpg


||


[ بيض رول بالخضار ]

بيض مخفوق مع حليب .. نضيف عليه طماط وبصل وبقدونس ... نتبله بالملح والفلفل الاسود ونصبه بصينيه دائريه مدهونه بالزيت ..

نحطه على النار حتى ينضج ثم نلفه رول ونقطعه حلقات ..

نقدمه مع خبز بشرايح الجبن - زبادي - طماط وزيتون - كاس قهوه - عصير تفاح

http://img27.imageshack.us/img27/8432/136wc.jpg


||


[ ساندوتش بيض × بيض ]

خبز تورتيلا بالشطه + بيض + طماط + بقدونس + جبن

نسلق بيضه .. وبيضه نخفقها مع نص بياله حليب ونتبلها بالملح والفلفل الاسود ونصلحها ع القلايه ..

نحطها على خبز التورتيلا وندهنها بالجبن .. ثم نقطع البيض مع الطماط والبقدونس ونرشه عليها ..

ونطويها من النص ..



http://img27.imageshack.us/img27/370/099dj.jpg

نقدمها ..

http://img27.imageshack.us/img27/3749/115mv.jpg


||


[ فطور جاهز ]

جبن هولندي ..

http://img27.imageshack.us/img27/9428/164dx.jpg

جبن تشيدر مدخن ..

http://img27.imageshack.us/img27/3451/165ax.jpg

نقدمه مع الخبز المحمص والمربى ..

http://img27.imageshack.us/img27/8294/166ez.jpg


||


[ قوالب البيض بالفطر والرومي المدخن ]

بيض + فطر + بابريكا + فلفل بارد + شريحتين رومي مدخن

نقطع الفطر المعلب مع الفلفل البارد ونحطه بالقالب .. ثم نضيف رومي مدخن مقطع شرايح ..

نخفق بيضه مع حليب ونتبلها بالملح والفلفل الاسود .. ونصبها على الفطر .. ثم نرشها بالبابريكا

http://img27.imageshack.us/img27/8485/090vu.jpg

نحطها بحمام مائي وندخلها الفرن ... 20 دقيقه ..

http://img27.imageshack.us/img27/1631/094rl.jpg

نقدمها مع الخبز ..

http://img27.imageshack.us/img27/7356/148ky.jpg



وبالهنـــــاء والعافيـــــــه

[marwa]

ربي يعينك ويجعل بيتك دايم مفتوح ويبارك لك ربي بزوجك وعيالك
اهم شي حبيبتي يكون وجهك صبوح معاهم عالصباح وكلمتين حلوين صدقيني راح تغنيهم عن احلي فطور علي قولة اخواني المصريين
لاقيني ولا تغديني

[حنين الجنة]

فووول وطعميه

يا سلام والله المصريين مريحين دماغهم كل يووم فول وطعمية وجبن وبيض وشيبسي

اساسى الفول والطعميه

هههههههههههه الفول يربي العقول

[زهــــور]

اختي الاخوات كفو وماقصر بشي

بس اهم شي تزيين الصحون بالخيار والطماطم
وحطي على الجبن بالنص زيتون اسود واخضر
ومع الجنب حطي خيار
وكمان حطي الزبادي بصحن كبير وبنصها خيار وحاولي تكتبي فيه عباره

مثلن حياكم بس نعمي الخيارعشان حبه وحده تفي بالغرض .
وان شاء الله افيدتك
وداعواتك لي بالذريه الصالحه .

[‏ღأم ليلىღ]

قسم بالله ماقصرتو يابنات حليتو لي المشكله وزياده .. بطلع فنانه بالموضوع

يعطيكم الف الف عافيه ..

قلب حبيبي ونبضه الف شكر حبيبتي ويسلموا أيديك ع المجهود الرائع ..الله يجعلك دووووم قلبه ونبضه


تم حفظ الصفحه
نورتوووووو جميعاً...

[مامي نور]

حبيبتي

اعملي فطاير لبنانية ومناقيش بزعتر وجبنة وكشك ولحمة وغيرو

أو فيكي تعملي تسقية وفتة بالحمص

فيكي تعملي حمص وفول عالطريقة اللبنانية فيكي تعملي عجّة

فيكي تعملي فلافل شو ما بدك

اذا بدك حبيبتي الطريقة قوليلي وانا بحطلك ياها

[شجون الروح]

اللة يعينك انا نفسك يجونى كل صيفية بس عادي الفطور مومشكلة كنت اروح سوبرماركت واجيب لهم من المرتدلاءواللبنة والزعتر والزيتون بالشكله والجبنه الحارة وانواع الخبز توست والصامولي الكبير والصغير واحط كل شي على السفرة باللعلب وصينية حلوة احط الخبز وغلايت الماء وكم حليب مع كاسات والي يقوم يفطر ومرة يكونوا سهرانين للفجر ونجيب فطور تميس وفول ومومشكلة المشكلة الغداء صعب كل يوم كبسة وسلطات بانواعها اللة يعينى

[‏ღأم ليلىღ]

مامي نور الف شكر على أقتراحاتك الحلوه

أيوالله ياقلبي ياليت تكتبي لنا طريقة الحمص والفول بالطريقه اللبنانيه ..استفيد أنا والأخوات جزاك الف خير

بس الأفضل تكتبينها بموضوع مستقل عشان يقرأها أكبر قدر من العضوات لان طبخااتكم لذيذه جداً جداً وأنا أموووت فيها ..

وعندي سؤال أخير ..
اللبنه كيف تقدمونها .. انا اقدمها مع الزعتر وزيت الزيتون بنشوف طريقتكم يمكن أحلى ..

[مامي نور]

من عيووووني يا قلبي

ألف طلب متل هالطلب

حبيبتي اللبنة حطي عليا زيت زيتون

وصفي زيتون حواليا

وبس

[‏ღأم ليلىღ]

هلا وغلا ياشجون الروح

صدقتي الله يعنا .. محد رح يعذرنا لو تعبنا أو كسلنا تلاقين الأنتقاد عليك زي المطر

لكن من توكل على الله فهو حسبه .. ولكل مجتهد نصيب .. شوفيني قاعد أرتب وأخطط لطبيخ ولكل شي قبل جيتهم بشهر ..

[‏ღأم ليلىღ]

فكره والله يامامي نور .. الزيتون قدامي بس انا هبلا ولا مره خطر في بالي

ننتظرك ماتبخلين علينا بالأكلات البنانيه hwaml71

[الود طبعي]

جربي سوي لهم المعصوب مره حلو ولذيذ الي هو خبز بر سويه بالبيت وافرميه وسويه طبقات بالتناوب مره مفروم الخبز ومره قشطه وفوقها جبنة شيدر مبشوره وكمليها طبقات وب الاخير حطي طبقة القشطه والجبنه وحطي عليها عسل مررررررررررررررره لذيذه اتمنى اني افدتك