لكل وحده بتتنفس في بيت اهلها تعالي ابيك شووي

[ام عبدالرحمن969]

السلام عليكم بنات اتمنى ربي يسهل عليكم ولادتكم جميعا ويحفظ لكل اطفالكم ويسخر لكم ازواجكم
موضوعي يتكلم عن الاشياء اللي يشتريها زوجك لك في نفاسك اذا رحتي لبيت اهلك يعني يجيب لكم مقاضي او ذبيحه ولا يعطيك مصروف وانتي تشتري اللي تحتاجيه ولا اهلك هما اللي يقوموا بكل شيء بدون مساعدة زوجك
خلونا نستفيد ونتعلم من بعض
انا والده لي 13 يوم وزوجي جاب لي ذبيحه في بيت اهلي وجاب لي خضروات وجاب لي شغاله ايجار نص شهر 15 يوم لين اخف شوي واتحسن واقدر اغسل ملابسي وملابس ولدي واخدم نفسي لان اهلي ماعندهم خدامه


وانتم ابي كل وحده تقول وش سوت لما تنفست عند اهلها واللي لسى ماولدت وش مقرره تسوي بكل شيء يختص الضيوف والمقاضي وكل شيء


نبي تفاعل يا امهات

[ام فزو]

هلا حبيبتي الحمدلله على سلامتك وعقبالنا يارب أنا بولادتي بولدي الاول مثلك جاب لي زوجي ذبيحه وقضى لي بيت اهلي وشغاله أنا عندي من قبل أولد الحمدلله وبولادتي بولدي هذا بيصير نفس الشي ان شالله ودمتي بود

[ام عبدالرحمن969]

هلا بك ام فزو اسعدني تفاعلك بس وش قضا لك مابينتي لنا خضار يعني ولا ايش لان اهل ابوي يقضون لزوجاتهم في بيت انسباهم كل شيء قهوه وشاهي وهيل ودقيق وتمر وزبده وحليب وخضار وفواكه وذبيحه عشان كذا ابي اعرف الاغلبيه كيف يسوون

[زوزي]

زوجي سوا ذبيحتين واللي هي عقيقة ومساعدات لأهلي لأني قاعده عندهم ومايصير يجي يدة فاضية وبس وعن الخدامة ما أعترف فيها انا ولدي وبنتي سبحتهم وأهتم فيهم وأمي الله يخليها لي تعتني في أكلي

[lmo0o]

السلام عليكم
انا لي والده شهر وسبوع انا زوجي جاب لنا ذبيحه بس مالها دخل بلعقيقه حق البيت
وجاب مقاضي البيت كلها مشالله
امي كانت تهتم باكلي واختي تهتم بولدي
ياحلات الدلع
ولحين رجعت بيت عمتي ام زوجي ونفس الشي ماتغير شي الحمدالله

[Mishael]

اهلين حمدالله عسلامتك وعقبالنا يارب ،،
انا لسى ماولدة واول مره اولد بس عاداتنا المتعارف عليها اذا ذبح العقيقه يجيب لأهلي نصهالان نصها لأهله
ويعطيني مصروف لي وللبيبي غير سلة حلويات للبيبي بس انا ناويه اسوي توزيعات بأسمه واخليه هو يجيبها معه
وهو وكرمه يعني فاكهه خضره كذا بس عيب عندنا انو يقضي لأهلها كل شي. مثل السكر والشاي والقهوه والدقيق والسمن لان هذي بنتهم وبضيافتهم ومايصير يقصرون معها ،،اهلي عندهم خدامه سألني اذا احتاج خدامه يستأجرلي بس لا مااحتاج لان البيبي او حفيد وخواتي صغار ويعرفون للبيبي ماعندهم شغله غير الدراسه وامي الحمدالله موجوده

[الريم الشرقي]

من عوايدنا يجيب الزوج كل شي كأنه يقضي لبيته وزود لبيت اهل الحرمة
خضرة وفاكهة والرز والسكر والشاي والزيت والطحين والهيل والقهوة والعصير كل شي وبالاغلب الاساسيات يعني وكذلك الذبيحه لان اغلب اكل النفاس لحم
ويجيب شوكولاته وحلويات او يعطي حرمته مبلغ عشان اذا جو ضيوف تشتري الحلى والمعجنات وماتكلف على اهلها
وبالاول والاخر كل شخص وكرمه او حالته الماديه وعلى حسب مدة ايده مثل ما نقول

[روح الاماكن]

انا ان شالله راح اقضي نفااسي عند اهلي

وزوجي راح يعطيني مصروف اكيد وانا واهلي صراحه مانعترف بالخدامات

انا وامي وخواتي راح نتساعد مايقصرون فديتهم

اما عن اغراض البيت اتفقنا على ذبيحة وفواكة وخضروات ان شاءالله زوجي يجيبها

[ام عبدالرحمن969]

الله يعطيكم العافية وتفاعلكم أسعدني ونبي تفاعل أكثر من الكروشات

[حبيبي ميمو]

حلو ما شاء الله عليكم انا باقي كثير تقريبا على ما أولد بس مادري وش بيجيب واستحي اطلب منة

[عروستة]

الذبيحه الي يوفرها الزوج لحرمته عشان يقويها لنفاسها

يقوي ظهرها و دمها بعد ماولدت و نزفت دم و تعبت


يعني المفروض الذبيحه و الحلبه و الرشاد و اكل النفاس وًحب النفاس عليه


امت باقي كرم الضيافه من فاكه و خضار و قهوه عادي يعني حتا لو من نفسه بيت اهلها



و لنسبه للخدامه هذا موًضرووي
الا اذا ام النفاس كبيره ماتقدر تقوم فالافضل النفاس تستأجر خدامه نص شهر

[MaloOoky]

طبعا انا قصتي غيييير عنكم بالمره انا بكريه ومن يوم ماعرفت اني حامل وانا عند اهلي صراحه صراحه اخواني وامي تعبو اكثر من زوجي ماحس بتعبي ولا بالوحم وحتى الولاده طبعا انا قعد مو بأرادتي ظروفي هيه السبب طبعا اسقطت مرتين فلما عرفت اني حامل قعدت لان الدكتوره منعتني من السفر وخلصت الشهور الاولى قلت خلاص بروح لزوجي لكن طلعت لي شغلات تحاليل والتهابات فقعدت وكان عندي اختبارات الجامعه اللين وصلت السابع قلت بروح الصيف مع اهلي وبقابل زوجي هناك طبعا زوجي ماخذ ايجازه اسبوع لما راح بيومين انفكت المويات عليه وانا بنهايه السابع وولد الحمد الله وولدي بالمستشفى بيطلع بعد اسبوع كل الاشياء اللي جهزتها للبيبي ف بيت اهلي وحنا جينا نصايف وكل ملابس حقت حمل ماقد لبستها وكل التجهيزات والتحضيرات رااااااحت يادوب اخذت صحن شكولت طبعا زوجي ماااااتعب في اي حاجه بس يحولي فلوس اذا ناقص شي ولا كنت ناويه اولد في بيتي في شهر 10 لكن ربي كتب وولد بدري وجاب لي زوجي عند اهلي ذبيحه وكرتون هيل وقهوه وزبيب وبنحفد في العيد والحين انا عند اهلي اذا خلصت النفاس واول مااقدر اهتم بولدي لحالي اشيل نفسي على زوجي خلااااص طولت عندهم اسفه على الايطاله لكن حبيت انصحكم اذا بتروحين عند اهلك روحي فتره الوحام لاتعودينه على اهلك كل شي هم يصلحونه *

[شروق الامل]

انا جابلي زوجي ذبيحه سمن وحليب ودقيق وعطاني مصروف

وشغاله عند اهلي شغاله مايحتاج يجيب لي شغاله

[om_]

يقضي لبيت اهلي مثل مايقضي لبيته

[الحياه حلوة#]

والله انا اختي كانت مرتبه امورها بس ما جابت مفرش نفاس جابت مفرش عادي اثاري زوجها مفصل لها مفرش نفاس كامل يجنن جابها من المستشفى ومو الحلربات وجاب انواع الشيكولاتات مع انها مقضيه للاستقبال بس جاب توزيعات طالبهامن النت وموقايلها ومشتري مهاد من وحده من الامارات فخم والله وبنفس اليوم عشانا عشوه معتبره وثاني يوم ماسشاء الله عليه من الصبح ذبيحته وفاكهته وخضروتاه وشي كثير والله الله يحفظه وحتى بيوم العقيقه جاب لبنتن المولوده حلق ذهب وطقم ناعم ولامها اللي هي اختي طقم حلو ولامي بعد بصراحه ماشاء والله يهنيها يارب

[شروق الامل]

والله انا اختي كانت مرتبه امورها بس ما جابت مفرش نفاس جابت مفرش عادي اثاري زوجها مفصل لها مفرش نفاس كامل يجنن جابها من المستشفى ومو الحلربات وجاب انواع الشيكولاتات مع انها مقضيه للاستقبال بس جاب توزيعات طالبهامن النت وموقايلها ومشتري مهاد من وحده من الامارات فخم والله وبنفس اليوم عشانا عشوه معتبره وثاني يوم ماسشاء الله عليه من الصبح ذبيحته وفاكهته وخضروتاه وشي كثير والله الله يحفظه وحتى بيوم العقيقه جاب لبنتن المولوده حلق ذهب وطقم ناعم ولامها اللي هي اختي طقم حلو ولامي بعد بصراحه ماشاء والله يهنيها يارب

ماشاء الله تبارك الله عيني على زوج اختك بارده

ربي يهنيها

وانتي زوجك مثله hwaml7

[Sammar]

انا نفاس لي عشرين يوم وجالسه عند اهلي
احنا عندنا عييييب انه زوجي يجبلي مقاضي الاكل
لانه انا في بيت اهلي وبضيافتهم وهما ربي يحفظهم ماقصرو
زوجي جبلي شوكلا ومره وقشر قهوه والاشياء الي كدا
واعطاني مصروف لو احتجت شي اجيبه

[taybah]

احس صعبة زوجي يتقضى كل شيء اهلي بيزعلون
ذبيحة وأغراض البيبي وبس

وأي شيء احتاجه ا يتعلق بالنفاس أما يتقضى لاهلي احس ما راح يرضون أبد
مكن مر ة يجيب قهوة كذا طحين يعني مقبولة .

[وئووومي]

انا ان شالله راح اقضي نفااسي عند اهلي


باااااااااقي

واااجد