ولدي والرضاعة الطبيعية

[خفايا الدنيا]

مساكم الله بالخير يا امهات ياحلوات
حبيباتي بغيتكم تساعدوني انا ولدت من اسبوعين تقريبا
وولدي مايتقبل صدري واضطر اعطيه صناعي وانا ودي ارضعه
طبيعي احسن لي وله بس المشكلة يقوم يبكي ويحمر وجهه ويرفض
يرضع الا من الرضاعه عندكم حل او طريقة تساعدني وتخليه يرضع
طبيعي طلبتكم لاتبخلون علي ياذوات الخبرةة

ب انتظاركم

[ام الجوري..~]

نفس طريقتي ببنتي الين تركت صدري وراحت للرضاعهـ ....

لكن الرضاعه الطبيعيه افضضضضل نصيحه مني لك...

شوفي حطي له حليب من صدرك بالرضاعه او يمكن صدرك يدفع له الحليب بالقووه ومايرتاح في رضعته

لما ترضي امسكي بالسبابه والوسطه صدرك واعطيه وخليك رافعه راسه اكثر من جسمه وان شاء الله يقبل ....موفقه

[**سماسم**]

جربي يالغاليه تعطينه صدرج وهو نايم وشوي شوي لين يتعود
,,

[ام ديالأ]

نفس حالت بنتي ومعرفت اخليها ترضع طبيعي الا شهر واحد وغصب ممكن البنات يفيدونك اكثر اما انا فشلت في المهمة تقبلي مروري

[خفايا الدنيا]

ام الجوري مسكته بالطريقة اللي كتبتيها ومافيه فايدة وانا
ابيه يرضع من صدري مباشرة
سماسم ياخذه شوي وهو نايم وبعدين يتركه جربت مانفع معاه
ام ديالا الله يعين ان شاء الله ويعطيك العافيه على تواجدك


بنااات ب انتظاركم ساعدوني فديتكم وش الحل معاه

[احساس أنثى]

حبيبتي ممكن لما تعطيه الصناعي لاتعطيه كميه كافيه حيضل جعان اعطيه صدرك .. جربي

اذا زبطت هالطريقه شويه شويه بتلغي الصناعي

[ياقلب افهم]

شوفي انا بالبدايه ببنتي كذا ولما تحجر

صرت اشفطه واحده بالرضعه وبعدين صرت أحط الحلمه حقتي بفمها تبكي وانا احطها واعصر الحلمة لين يطلع حليب وتذوقه وبعدين الحمدلله تقبلته



جربي وشوفي وان شاء الله يتقبل

[خفايا الدنيا]

احساس انثى والله جربت هالطريقة مانفعت للحين يبكي ومايبيه

ياقلب افهم بجرب طريقتك وعساها تنفع ان شاء الله