الي صار معها نزول بالمشيمة تفيدني ولها دعوة

[زوجي قليبي]

السلام عليكم /
انا باخر الشهر السادس سوت لي الدكتوره سونار وقالت لي ان المشيمه نازله على عنق الرحم وانا خايفة جدا لاتسبب لي نزيف او ولادة مبكرة لاسمح الله...........
ياليت اللي مرت بنفس حالتي تشرح لي كيف كان وضعها لحد ماولدت وايش الالشياء الي مرت فيها؟؟؟؟؟؟؟؟؟
وهل نزول المشيمة يستدعي تنويمي بالمستشفى؟؟؟
والله يتم حملنا جميعا بكل خير يارب

[وميض النجوم]

السلام عليكم

حبيبتي انا المشيمه صارت عندي نازلة بالشهر الخامس وارتفعت بعد اسبوعين من عرفت انها نازله ولما صرت بأول بالسابع كنت اجهد نفسي شوي وقالت الدكتورة انها نزلت شووووووي والحمدلله الحين وضعها تمام طبعا انا لسه ماولدت بس الي سويته عشان ترتفع اني مااجهد نفسي ابدا ابدا يعني مااشتغل شغل البيت ولا اطلع اتمشى كثير لان كثر الجهد ينزل المشيمة وعشان ترفعينها انسدحي على ظهرك وحطي مسند او مخده تحت أسفل ظهرك لمدة 10 دقائق إلى ربع ساعه كل يوم وبإذن الله راح ترتفع دعواتك بأن ولادتي تتسهل

[زوجي قليبي]

وميض النجوم يعطيك العافية على الرد/
وعسى ربي يتمم حملك على خير ويرزقك بالذرية الصالحه يارب

[مريوم الحلوه]

انا مثلك قالوا نازله جزء منها مغطي عنق الرحم وخاااااايفه مره ان اولد ولاده مبكره او يجيني نزيف انا هالحين ماغير ع المثبت وقال لي الاستشاريه راحه ارتحت مره ومن جانا العيد وانا مااجلس وكل مشاوير والله يستر مايصير حاجه وموعدي باقي علي 9 ايام والله يستر ان شاء الله ترتفع يارب انا الدكتور قال لي انا مو مهم عندي ترتفع او ماترفع المهم ان مايصير نزيف واذا ماتبي يجي لك النزيف لالا تتحركي كثير ولا حاجه وبعدين نقرر نوع الولاده اذا طبيعي او قيصري ع رغم ابدا ماشلت هم القيصريه اهم شي انا وجنيني نكون بخير
وصحيح نصحني الاستشاري ان ابتعد ابتعاااد كلي عن الجماااع وكمان لسمح الله حصل نزيف او نزول دم بسيط ورحتي مستشفى غير اللي تراجعي فيه لازم تقولي لهم ان مشيمتك نازله وترفضي الكشفيه لان خطره

[ندى الشام]

امي متل حالتك بكل حمالها تنزل المشيمة وكان الدكتور يقلا لازم تضل متسطحة عالسرير وحاطة مخدة تحت ظهرا لانو ازا تعبت حالا ومشيت يصرلا نزيف بس وقت ترريح حالا بترجع طبيعية اختي لاتشتغلي شي بالبيت راحة تامة لحتى تررجع امورك تماام ويجي النونو على خير يا رب الله لا يضرك ويتمم حملك وتفرحي بشوفة ابنك يا رب ادعيلي الله يثبت حملي امانة

[فل وكادي]

انا بعد المشيمه عندي نازله ومدري كيف اعرف اذا ارجعت لوضعها الطبيعي او لا
بس اهم شي انك ما تجهدي نفسك كثير واتسدحي

[اسراء الاحساء]

وانا مثلكم المشيمه نازل وانا في نهايه الخامس والحين دخلت السادس ولا ادري تغيرت المشيمه او لا يأربي تتمم لنا علي خير جمالنا ونجيب النونو سليم معافه يأربي

[زوجي قليبي]

مريوم الحلوة انتي باي شهر؟؟؟؟
انا نفسي يينوموني بالمستشفى لاني قلقانه جدا وزوجي مايمنع نفسه عن الجماع ابدا وبرضوا لانه صار معاي طلق مبكر بحملي السابق بسبب انه كان توام وبسبب السكر والضغط وعمليتي السابقة صار لها 11 شهر الان وانا الحين باخر الشهر السادس وخايفة يصير لي ولادة مبكرة:::
والمشكلة دوامي بكرا وانا جديدة على الدوام وماعرف نظام الاجازات هل الدكتور يكتب لي اجازة على حالتي هاذي الي عندها فكره تقول لي...
مريوم الحلوة الله يقومك بالف سلامه ياااااارب

[زوجي قليبي]

ندى الشام ياقلبي مشكورة ردك نور الموضوع..والف الف شلامه للوالدة الله يقومها بالسلامه...
امك كانت باي شهر تولد لما كانت المشيمة عندها نازلة؟؟وهل صار معها نزيف؟؟وهل تنومت بالمستشفى وهل ولادتها كانت طبيعية او قيصرية ؟؟
اسفه على كثر الاسئلة ؟؟ ويارب تقوم لكم بخير هي والنونو ياارب

[زوجي قليبي]

اسراء الاحساء سلامتك ياقلبي....الله يتمم حملك على خير بس لازم تتابعي عند الدكتورة تشوفلك المشيمة بالسونار هي ارتفعت ولا لسا عشان تنتبهي لنفسك..
وماتشوفي شر ياااااااااارب

[زوجي قليبي]

فل وكادي.............
الف سلامه لك......
لازم تتابعك الدكتورة بالسونار عشان تشوفلك وضع المشيمة هي نازله لسا او ارتفعت

[زوجي قليبي]

يابنات لاتتهاونوا ابدا بنزول المشيمة انا كنت مطنشة وروحات وجيات وطبخات وحتى الدكتوره ماحذرتني ولاوضحت لي مخاطر نزولها لين انا سالت اختي وبحثت بالنت
بس من مخاطرها نزيف وهاذا يعني انصال المشيمة عن الجنين واذا انفصلت المشيمه عن الجنين يموت الجنين فورا لان الاكسجين ياصله منها لاقدر الله ومن مخاطرها انها تسبب ولاده مبكره واذا مالحقوك بعملية فورا يودي لوفاة الجنين والام لاقدر الله...
انا ماودي اخوفكم لكني ابغاكم تاخذوا الموضوع بعين الاعتبار

[مريوم الحلوه]

انا هالحين اخذت ع حسابي اسبوع من السابع ع حساب السونار والدوره اسبوعين من السابع
شوفي ياقلبي نزول المشيمه مو هو السبب في الولاده المبكره ولاستشاري من ذاته قال انا مايهمني المشيمه نازله او لا خوفي مو من النزول خوفي من نزيف لاسمح الله وحتى النزيف بالغالب يوقف وقليل اللي يستمر معاهم النزيف ولا يوقف وهنا صدق يستدعي يسون لها الوحده عمليه قيصريه عشان انقاذ الام والجنين قليل اللي يحصل لهم كذا
اما تجي وحده وتقول مشيمتي نازله وجاني طلق ولدت طبيعي غلطانه ماعمر نزول المشيمه سبب طلق مبكر او ولاده الا السبب اللي ذكرته ولا ياقلبي النزيف مو يعني انفصال المشيمه عن الجنين لو كان كذا كااااااان كثير ماتوا لسمح الله اجنتهم لان كثير يجيهم نزيف بسبب نزول المشيمه في شهور حملهم ويعدي ع خير
انا مثلك مره خايفه ماانكر بس ترى الخوف والقلق مو لصالحنا وحاسه فيك بحكم انك ولدتي ولاده مبكره و ولادتك السابقه لها اسبابها جداااااااا مختلفه عن حملك هذا يعني لا تخافي يكفي انك حامل بتوائم وطبيعي انك معرضه بنسبه كبيره للولاده المبكره و غير مشاكل الثانيه وان شاء الله تعدي امورنا ع خير وصحيح بعض الاطباء يستهين بالمشيمه رحت كذا مستشفى وقالوا نازله ولا احد قال ارتاحي ولا شي الا الاستشاري اللي اراجع عنده هو الوحيد اللي كان جدااا مهتم وحريص ع وضع المشيمه
شوفي ياقلبي اذا خايفه من الولاده البكره مثلي اطلبي ابره الرئه للجنين من باب الاحتياط انا ان شاء الله موعدي ع يوم الاحد الاسبوع الجاي راح اطلبهااا اذا شفت وضع المشيمه ماتغير وان شفتها زادت سوء بقترح عليهم تنويم اريح لي نفسيا وجسدياااا
وربي يتمم علينااا ع خير يارب

[امااه]

حاولي تاخذي اكثر قسط من الراحة وارفعي رجولك فوق وان شاء الله راح يطلع فوق

[زوجي قليبي]

مريوم الحلوه...
ياقلبي الله يطمنك بكل خير ...يعني من رايك اطلب ابرة الرئة حتى لو ماقال لي الدكتور انا على حساب الدكتورة اني معاك فبداية السابع لكن حسابي انا اني باخر السادس....
مريوم الله يخليك اذا اخذتي ابرة الرئة قولي لي انا خايفة الدكتور يرفض بس بروح له الليلة وبقوله واشوف ايش رايه

[زوجي قليبي]

اماااه
مشكورة على ردك على الموضوع

[مريوم الحلوه]

طمنيني عنك رحتي لدكتور انا االيوم رحت لطورئ عشان معي الالم زي الام الدوره وعملوا لي تخطيط لجنين والحمدلله قالت مافي طلق ومن ذا الكلام وسوت لي سونار طبعا قالت ماراح اسوي لج كشفيه لان مكتوب بملفج ممنوع الكشفيه والاستشاري اصلا منبهني ع هالشي ماكشفت بس اخذت عينه من برا للاتهابات تشوف اذا مافي سالتها عن وضع المشيمه قالت لزالت نازله بس رتفعت ارتفاع بسيط جدا وطمنتني بس ابد ماسالتها عن ابره الرئه ولا حاجه لان مو هي اللي متابعه وضعي الاستشاري بروح له الاسبوع الجاي وبطلبها منه وبشوف وش بيقول
ع رغم ان ابد\ مالها ضرر ع الجنين ولا ع الام يعني عادي لو اخذناهاااا الله يتمم حملنا ع خير

[وضيحى]

بصراحه ماعندي علم بس عندي دعوه لك وكل وحده نازله المشيمه عندها الله يعافيكم ويرفع ضركم ويتمم حملكم يااااارب

[اسراء الاحساء]

مشكوره حياتي بس الدكتوره ما قالت لي أجي لها قالت ارتاح لمدت شهر كامل وانا رحت لها يوم 25 رمضان كان اخر يوم في الخامس لي يعني موعدي الجاي يوم 25 شوال او عادي اروح أتطمن قبل

[rawan393]

سلام ياكروشات.
انا زيكم سار معايا نزول في المشيمه علا بداية الخامس والدكتورة قالتلي طبيعي ومع الوقت ترجع تتطلع وعشان بكريه ما اهتميت بلموضوع واجهدت نفسي ومشيت في الاسواق وعلا نهاية الخامس سار معايا حادث وبسببه نزلت المشيمه نزول كلي اتنومت في المستشفى النور يومين عشان يطمنو علا حالتي ومايسير لاسمح الله نزيف وانفصال وطلب مني الدكتور احسان راحه مع ممراسة حياتي بدون جهد وتعب انا خفت فمنعت نفسي من كل شي وطول وقتي كنت مسدوحه ورجولي مرفوعه وراجعت عند دكتورتي سوسن في صاعدي طمنتني انه المشيمه رجعت لوضعها واعطتني مثبت لاكن خلال فترة العيد رغم انه ماكان فيه اجهاد كتير عليا رجعت نزلت المشيمه 2 وانا في نهاية السادس وطلبت دكتورتي راحه تامه وممنوع الجماع والحركه عشان لايحصلي نزيف وراح تكون ولادتي قيصريه
الله يسهل ولادتنا علا خير مو مشكله تكون قيصري او طبيعي الاهم ما تدخل عوارض تهدد صحة نوناتنا وصحتنا
والله يكتب لنا كل خير يارب ودعواتكم يابنات *

[زوجي قليبي]

مريوم الحلوة انا زيك تجيني اوجاع باسفل البطن زي اوجاع الدورة من ايام العيد تجي وتروح زي طريقة الطلق بس اخر مره رحت للدكتورة بالصدفة ماكان معاي هالالم ولما سوت لي تخطيط الطلق قالت مافيه طلق ومحتاره يعني ضروري اروح لهم بوقت الالم او عادي الطلق يبين حتى لو ماكان فيه الم...........
بس انا ان شاء الله قررت اخذ ابرة الرئة من باب الحيطه بس لسا ماطلبتعا من الدكتوره الايام الجاية بطلبها واشوف..

[زوجي قليبي]

وضيحي جزاك الله خير على الدعوة الحلوة

[زوجي قليبي]

اسراء الاحساء..
عادي روحي لها قبل الموعد اذا انتي قلقانه واذا تحسي الوضع تمام ولافيه اي الم او نزيف استني للموعد...
ربي يتمم لك على خير

[زوجي قليبي]

اختي روان الف الف سلامة لك يارب......
وعسى ربي يثبت حملك وحملنا جميعا ونولد بالف سلامه ان شاء الله يارب

[مريوم الحلوه]

اظن لو في طلق يبان بالتخطيط حتى لو الالم راحت انا الدكتوره قالت لي طبيعي هالتقلصات بالذات بالشهور لاخيرى بس كثري سوائل لان احيانا تكون بسبب قله السوائل او الاتهابات بالبول او النسائيه انتي عملي هالفحصين بس لاتخليها تكشف عليك من تحت بس من برى تاخذ عينه من الافرازات تتاكدي ان مافيك الاتهاب انا سويت تحليل اليول سليم بس الاتهابات مابعد تطلع النتيجه واظن منهاااا انا افكر اخذها مثلك ابره الرئه من باب الاحتباط
الا بسالك انتي في اي اسبوع ولدتي توائمك وكيف صحتهم هالحين

[مريوم الحلوه]

صدقتي مب مهم عمليه او طبيعي يا روان كذا اسمك انا من قبل كانت نازله وبعدين مااحد نبهني ولا قال ارتاحي ونزلت اكثر وجزء منها غطت عنق الرحم وانا اوقول لو ادخل بالتاسع بدايه ولا رتفعت بقول لهم خلاص ابي عمليه ماراح اجازف ولا اامل نفسي ان يمكن ترتفع ع نهايه التاسع ومادري يمكن تجي الولاده قبل موعدها ويجيني نزيف لسمح الله اهم حاجه سلامتي وسلامه البيبي الله يتمم حملنا ع خير يارب

[جوري احمر]

انا كان معي نزول في طفلي الاول بس قالت لي الدكتوره ارتاحي وارفعي رجولك بين فتره وفتره علي مسنده او مخده والحمدالله ولدت طبيعي

[زوجي قليبي]

مريوم الحلوه...
انا ولدت التوام بالاسبوع الثالث من الشهر الثامن وواحد منهم توفى بعد الولادة بعشر دقايق والثاني ربي سلمه والحمدلله على كل حال بس وزنه قليل مره بالنسبة للي بعمره يمكن عشان كان معه توام

[زوجي قليبي]

جوري احمر...
مشكوره على الرد......ودي اسالك لما كانت المشيمة نازلة عندك باي شهر ولدي وهل صار معك طلق مبكر او نزول دم

[مريوم الحلوه]

الله يعوضك يارب ويقر عينك بشوفه ضناك واظن ماتت الجنين مابها يمكن علاقه بولادته في هالوقت لان قريب وتدخلي التاسع وكثير يولدون بالثامن وحتى السابع ووزوجه حماي اول اسبوع من ثامن وتوائم
هي كل مافي الا مر قضاء وقدر وهو طير من طيور الجنه يشفع لكم