مشكلتي اني مو قاعدة احس بانوثتي

[حـورية]

السلام عليكم

بنات انا عندي مشكلة مع زوجي يمكن هي مشكلة سخيفة لكن احيانا كثيرة احس اني بحاجة لهذي المشاعر و ما عرف اذا كان في حل او لا

زوجي عمره ما حسسني بانوثتي انا صارلي متزوجة سنة و عندي ولد الله يحفظه لي يااا رب و في هذي السنة و لا مرة حسيت بانوثتي معاه

من اول ليلة .. ليلة الدخلة كان معاي لطيف بس ما قالي كلام حلو و لا حسسني بانوثتي يالله بسرعة بلش بالجد و من ذلك اليوم للحين ما عنده الا الجماع لا يقولي كلام حلو قبل الجماع و لا بعده اول ما تزوجت طلبت منه انه يغازلني وما رضى و بيومها صارت مشكلة و صرت ابكي يقولي انا و اخواني و كلنا كذا تربينا .. يقولي ابوي عمره ما قال كلمة احبك حق امي .. و انا عايلتي بالعكس ابوي دايما يدلع امي و يتغزل فيها حتى جدي يغازل جدتي قدامنا و انا ما شفت هالشي من زوجي مع العلم اني حلوة بشهادة الكل و شخصيتي محبوبة حتى اهو يشوفني حلوة و لما نتهاوش يقولي الجمال مو كل شي مع اني ما اجيب سيرت اني حلوة
حتى بالنظرات ما ينظرلي نظرات مثل الي ينظرها الرجل للمرأة يعني نظرات تحسسك بانوثتك و تخليكي خجلانة انا لما كنت بالجامعة او اكون بالسوق وايد رجال ينظرون لي هالنطرة احس قلبي هبط من مكانه . اتمنى هالنظرات من زوجي
ودي مرة احس روحي مستحية منه
ما ادري شلون اوصلكم الي يصير معاي
ما عرف شلون اتاكد انه يحبني و لا لا
هو يقول انه يحبني بس ما يقولها الا اذا طلبت منه او سالته بعمره ما قالها من نفسه
اخلاقه معاي حلوة بس اذا قصرت معاه بشي يحقرني ما يصارخ علي يبقى حاقرني حتى انا اسوي المشكلة و يصير الحق علي

تعتقدون اكو حل لمشكلتي او اني ارضى بنصيبي و انسى قصة الحب و المشاعر و الرومنسية و هالكلام hwaml15

[مهره الدنيا]

حبيبتي

ترى اغلب الرجاااااااال كذا

انا زوجي مررررره يستحي وخجول

ولمن يقولي أحبـــــــــــــك احس وجه احمر

وشوي ويغمى عليه

مع العلم ما شاء الله تبارك الله عندي طفلين

وحامل

ولحد الان انا استحي منه وهو يستحي مني

وعايشين كذا خجل بخجل

والله يهديه ويسعدك ياااااااارب

[أم أصيـــل]

مو مشكله حبيبتي
زوجي يقولي كلام حلو بس أوقات سبحان الله يبين من طريقة كلامه إنه بس كلام
يعني مو من القلب,,
المهم إنتي تحبي روحك والله كلنا نتمنى نسمع كلام حلو بس لما توثقي بحالك ماراح يهمك
إذا بيقولك او لا,,
ولاتنسي حب الزوج بتعامله الحسن مع زوجته وهذا الغالب على الكثييييييرر من الرجال
والله يوفقك...

[رواسي]

ياقلبي الله يسعدك

عيشي حياتك ووسعي صدرك وانبسطي
البسي واكشخي وتدلعي ودلعي نفسك
قومي بواجبات زوجك على اكمل وجه
خليه يدلعك من نفسه
لاتقعدين تقولين قولي كلام حلو ودلعني ومدري شنو غلط
حتى لو يموت فيك ماراح يقول
الرجال مايبي الا وحده دلوعه وثقيله في نفس الوقت
لاتكونين رومنسيه زياده


والله يسعدك ان شاءالله

[طير]

جربي تثيرين غيرته .. مثلا

ممكن من التلفزيون وبتعليقات بسيييطة وممكن حتى ان الكلام موب موجهة له ان تكلمين احد بالتلفون

مثلا .. تقولين تعجبني طريقة الممثل الفلاني في تعامله مع زوجته فلانه شفتي وشلون يغازلها بعذرها تحبه وتموت عليه ..

او الاسلوب الي يناسبك والطريقة الاخف ..

اذا ما تعدل شيء .. قوي الجرعة
قولي له مباشرة .. اليوم تاثرت بكلام فلانة ..
زوجها قايلها شعر بمناسبة العيد وان هي عيده ..
ما شاء الله عليه ما يعطيها عذر تفكر بغيره لان مشبع عواطفها واحاسيسها



اذا مافاد.. ارضي بنصيبك وعوضي نفسك بحب اولادك وعودي ولدك يصبح عليك ويمسي عليك بكلمه حلوة

[أم أصيـــل]

رجعت لموضوعك حبيبتي
بقولك على شي ضروري
لما تقولي لزوجك تغزل فيني وقولي وقولي
أو حتى تحاولين تلفتين نظره بكلام جانبي
مثلآ فلانه زوجها يحبها ويقولها شعر ويتغزل فيها
صدقيني بتطيحين من عينه والله هالكلام حقيقة
تدرين ليييييش؟؟؟
لإنه ذكي وراح يعرف إنك تشحدين الحب شحاده
لا والله ياقلبي كله ولا تطيحين من عينه عشان كلمه والله مايسوى
ولو قالها بيقولها عشان يسكتك وربي إنها صارت معاي
فموقف ماراح أنساه من يومها معد يهمني يقول أو مايقول.....

[نبعة الحب]

سبحان الله هاي الدنيا غريبة كل واحد ما راضي بحياتة تصدكين عاد في رجال يدلعون نسوانهن وغزل وحب وهن ضايجات ويقولن لزكة ورومنسية زيادة عن اللوزم
وفي العكس يعني كل رجال وطريقة بالتعامل يمكن هاي طبيعتة وما يعرف شلون يعبر
اني زوجي يقولي العكس انتي لابستني ههههههههههه يعني حبيبتي لاتزعلين الحياة تتغير بمرور الزمن

[صبورة]

البرود العاطفي بين الزوجين هو عدو الحياة الزوجية ,,والزوجة وش تحتاج من زوجها الا نظرة حنونة لمسة طيبة ,,,,حبيبتي خليه يغازلك من نفسه لا تقعدي تزني عليه حتى لو قالها ما راح تستطعمييها,,,,مو شرط انك تسمعيها المهم تحسيها في معاملته لك خوفه عليك طيبته معك,,جربي لا تفتحي معاه موضوع الغزل والحب وعززي ثقتك بنفسك و حاولي تغيري من شكلك ولبسك وتمكيجي بالبيت راح يلاحظ بعد فترة ويستغرب انك ما فتحت معاه موضوع الغزل ,وبعدها ما راح تلاقيه الا هو بتودد لك بس انت صبري و لا تضغطي عليه ,,و كوني ثقيلة يعني مو كل يوم بحبك و بموت فيك

[cup cake]

كثير من الازواج جذي تحسينه يحبج وكلشي بس مايقولون كلام حلو

حاوولي انتي تقولين له كلام حلو عشان اهوا يتعود على اسلوبج و يبادلج مثل الحجي

[سيدة العمر]

ولله انا زوجي متل زوجك مابيتغزل فيني... بس انا صرت اعمل مشكلة واحكيله حرام عليك نفسي اسمع كلمة حلوة منك... اشمعنى انا بتغزل فيك وببينلك الاشياء الحلوة فيك... انا كمان بحب اسمع زي ماانت بتحب... تدريجيا اتغير وصرت انا اتغزل فيه احكيلو اعمل متلي هيك...
اولها بتحسيه تمثيل ومش من قلبه لكن بعد هيك بيتعود ولما يتعود بيصير يتفنن ويخترع من عقلة ويتغير...

[مشاعل الدوسري]

السلام عليكم ...

انا كنت مثلك من جد
الحمدالله مزيونه و ما علي قاصر و بنفس الوقت ما يطلع مني الا الكلام الزين لزوجي و لا هل زوجي
الحمدالله
كنت البس و اكشخ و ما في اي كلمه تحسسني
بلانوثه ..
كان لما يشوفني كاشخه يقولي بتروحين محل ..
اقوله لا ليه تسال يقولي كاشخه يعني بتطلعين ..
يعني الوحده لما تقعد في البيت لازم شكلها يكون معفس ..
زوجي مشكلتها ما كان متعود لا في بيت اهله
على الاهتمام و لا من زوجته السابقه لانه كان متزوج قبل..
فا لما كنت اسوي شي يقولي ليه ..؟حق شنو كل هذا ..؟
لدرجة مره من المرات كنت مجهزه له العشاء
و الحلى و البيت مرتب و كل شي
بعد العشاء قالي ..
أمري تدللي شتبين ..ههههههههههه
ما طلبت منك شي
قالي لا بس مهتمه فيني عشاء و و والخ
الغرفه نظيفه و مبخره و انتي مشالله مو مقصره بخاطرك شي ..
قلت الحمدالله و الشكر...
الحين اللي تهتم في بيتها و زوجها تبي منه شي بلمقابل..
قلت له من باب المزحه المره الجايه ذكرني..
عشان احط براسي شي قبل لا اهتم فيك ..
قالي لا..
لان اللي قبلك كانت تسوي كل هذا بمقابل انا ..
تنررررررفزت .. و زعلت
قلت بدال ما يطالع فيني و باهتمامي يفكر و يتذكر اللي قبلي ..
و ش كانت تسوي له ..
بعد فتره استوعب ان هذا اسلوبي و اني دااااايم هيك في بيتك اهلي ..
لاني كنت المسئوله بلبيت .. عن كل شي .. و بس..

حبيبتي ذكرتي مشكله مهمه جدا ..
زوجك أتربى على الجفاء و ما في عادات الحب فيما
بينهم و ماكان يشوف هلشي هو بنفسه اعترفلك.....

يعني معذور نوعا ما ..
مو حلوه كل شوي تقولين له قولي كلام حلو محتاجه
اسمع منك هلكلام ابيك تنظرني ابيك تقولي احبك ابيك ..
او ليه ما تقولي كذا ليه ما تقولي كذا ..

بكلامك هذا تخلينه يزيد جفا و صد و تحسسينه
انه من جد ما يعرف هلسوالف..
تحسسينه انه يختلف عن باقي الرجال..


و بخصوصانه يحقرك تراء افضل من انه يرد عليك رد يجرحك و ممكن رده يكون بلحظاااااات الغضب و العصبيه مو كويس..


انتي ما عندك اي مشكله بحياتك غير انك فاهمه
ان موضوع الحب يرتبط بلكلام و الفعل 100%
و بنفس الوقت عندك وقت فراغ فا
نصيحه ادخلي معهد ادرسي احضري ندوات ابحثي عن وظيفه ..

انتي اصبري عليه و لما تسوين له شي او تقولين له شي
لا تنتظرين ردة فعل منه ..

اول ما تزوجت كنت و مازلت لكن الحين بشكل
مره قليل مو مثل قبل لدرجة انه يفقد هلامور الحين و يتمناها ..

كنت ادلعه كيف شموع عشاء
حلو بيت مزين و كل ما استقبله ما استقبله الا بلكلمه الطيبه ..
لو حتى منرفزني ..
و هو بلدوام ارسله
عساك على القوه يعطيك العافيه ..

ارسله وحشتني .. فقدتك وحشني كذا و حشني كذ ..
متى بس يخلص هلدووام و ترجع لي بلسلامه الخ من هذي الامور ..

او ما يدخل يعطيك العافيه او اهلا و سهلا ..
يعني ارحب فيه مو شرط بلكلام
اووقات كنت اكتفي بلابتسامه ..

و لما اهديته الهديه الاولى ما قالي شي و لا علق غير
انه استحى و سكت و قالي ليه كذا

الهديه الثانيه نفس الشي
الهديه الثالثه الرابعه نفس الشي شسالفه ..؟


لا يكون الهدايا ما تعجبه و هو قاعد يجاملني ..

باحد المرات .. قالي يوم اني اهديته انا محد دللني
و اهتم فيني هلقد..
و مو متعود على الكلام الحلو ..

يعني انا من وجهة نظري اللي كنت اسويه شي
بسيط هم كلها كم شمعه و ورده و البس و اتزين
و اقوله كم كلمه و هو بلنسبه له هذا الشي وااااو ..
لكن ما يقدر يبين لي ..

كبرياء الرجل ..و خوفه ..
اذا بين مشاعره المراء تستغله ..

كلمته مره و مرتين قلت له محتاجه اسمع منك كلام حلو
محتاجه انك تسال علي تهتم لحملي تطمن علي .. مو هاملني لهدرجه ..
انا لما كنت اقولك تعالي المس بطني و حس بلبيبي
ما كنت تقررب و هيك و ووو شغلات كثيره كل هلخلافات و الكلام كانت باول سنه انا حملت بأول سنه زواج
بنهاية اول سنه و ما كان مهتم و انا بنفس الوقت الفراغ كان ذابحني ..
بعد ما ارتب البيت و اخلص من امور البيت
من والخ و اخلص من اهتمامي بنفسي ما عندي
شي غير اني اناظر الساعه و انتظره ..
و اشتاق له و الخ ..

و بنفس الوقت و انا حامل كنت
شاكه انه مو مهتمه لانه مخلف من قبل .. و عنده ولد ..
و كنت ازعل اذا ما سال و قرب مني من حقي يشاركني فرحتي ووو الخ ..



الحين صار لي سنتين و 5 شهور من تزوجت ..
و عندي بنت الحمدالله و حامل بحملي الثاني ..


انا مدللته و كل شي جاهز لعيونه و دايم اكشخ بعد الولاده ..
بكم شهر قالي ما صرتي نفس قبل اهملتيني ..
انا عن نفسي انبسطت لما قالي كذا معناتها حس بلفرق ..
قلت له الود ودي ادلعك طوول العمر لكن كثرة الشي مو حلوه ههههههههههه
و ثانيا انت شايف وضعي بين بنتك و ولدك و البيت و بينك يعني ما صرت لك
مثل قبل لوحدك ..
صار يساعدني بشغل البيت و نوم بنته عشان افضى له ..
الموضوع يبيله صبر و طولة بال وووو بس

المهم..
انتي عوديه على الكلام الحلو .. و تدريجيا هو راح يتعود يحكي لك هيك ..

يعني هلا لبيه لما يناديك .. انشالله .. لما يناديك او يطلب منك شي
لما تنادينه حبيبي و حياتي و و و و الخ ..


صدقيني مع الوقت بيتغير ..

[وردة الجنوب]

زي زوجي اناماكان كذا حتى ولدت وجلست شهر ببيتنا غيروه خواته حسبي الله ونعم الوكيل فيهم

[زاهية]

الرجل الذي لايستطيع التعبير عن حبه لزوجته لن ينفع معه اي شئ فهو سيبقى على هذا الحال وان تغير مؤقتا فهو سرعان مايعود لطبيعته الصامته والغير قادره على اطلاق العنان لكلمات الحب والغزل


فغالبية الرجال ليس لديهم القدره على الافصاح عن الحب لزوجاتهم


ولكنهم يعبرون عن حبهم لهن عن طريق المعامله الطيبه