التربية مسؤولية افتقدنا معناها ( معاناة الاطفال)

[شذى المسك]

التربية
وزرع القيم
والسلوكيات
والتشجيع
والتطوير
التعزيز
الصبر


مسؤليااااااات كبيره تبدأ الأم مع طفلهآ من صغره !


لكن أين ثقافتنا ؟ صبرنا ؟ حكمتنا ؟



مر علي مقطع باليوتيوب
اطفال اجانب امهم خرجت من البيت ولما رجعت حصلت الدقيييق بكل مكااااااااااان
تخيلو الشكل بس الصالة والمطبخ والكنبات ..
اول مادخلت البيت ما كلمتهم ولاشيء وتصور الوضع وطول الوقت تقول ( ياللهي )
والأطفال يقولو ( ايش صاير يا ماما ) ولا خايفين ولا شيء ويضحكو وتعالي العبي معانا يا ماما
ويجو جنبها





بالله لو واحد من اطفالنا !
نثر شيء ع الأرض اول ما يطالع بالأم < من الخوف
واحيانا توصل مع الأطفال يهربو يتخبو من الخوف
هذا وكله ولسى الام بس اعطته نظرة لسا ماضربت !!




بالله ملاحظين الفرق !!


كيف بيكبر كل من هالأطفال !
الأول مايخاف من أهله
والثاني لا كبر وصارت له مصيبه اول شخص يخبي عنهم اهله




لانهم موطن العصبية والضرب !
واول ناس يقولهم الأصحاب !!!




صصصصح كلامي وإلا لااااااا ...



انا قلبي يتقطع ع الأطفال اللي يخافو من اهلهم ..
الأهل هم الأمان بالدنيا !




اقولها بالصريح .. { إذا مو قد التربية لا تخلفو } ..



التربية صعبه ولا انكر ,


لكن متى اشوف أم تهتم بقراءة الكتب تعامل الأطفال !


فهم نفسياتهم ؟


متى اشوف أم تقابل صراخ ولدهآ بالحضن ؟


متى يكون حضن الأم الملجأ من كل هم !



متى يكوووون الأب المرشد الأول لعياله !


مو المعاقب الأول !




من عصبيتنا وضربنا للأطفال


صارو يخبو عننا كل شيء غلط يسونه او يصير بحياتهم


وكبرو ع هالشيء


حتى اختفت الشفافية بين الأهل !


وصار الأب له دور الضابط الشرطي
والأم الطباخة والخدامة


<< مع احترامي لهالمسميات لكن هذا الواقع !


دور الأم والأب الحقيييقي وييييييينه !!!!!



انشغلنا بالتوافه عن الشيء الأساسي


الصحبة اخذو دور الأب ... وهيهات لو كانت صحبة سيئة !
والشغالة دور الأم .. ويا حر قلبي لو كانت قاسية عليهم هي كمان ..






وربي قلبي يتقطع ع الأطفال ...


ما اكذب عليكم أول ما جبت ولدي كنت عصبية
لكن بعدين جلست اقرأ واثقف نفسي وشفت التغيير بعيني


صار ماينام إلا بحضني
طول الوقت معي
ويلعب بعد ماكان اول مايشوف الباب يجري عليه
انا كنت اكلمه من كان عمرة بالشهور
واللحين سنه ونص بسم الله عليه
يجي يجلس قدامي ويخربط مدري وش يقول لكن اسمعه واضحك واحسسه اني فاهمه
واذا انشغلت وناظرت شيء ثاني
يدير راسي عليه ( يعني اسمعي )
بسم الله عليه


تحسبوهم ما يفهمو !!


كانو يضحكو علي الناس لما اكلمه وهو شهر وشهرين
لكن ماهموني ..



فيه كلمة سمعتها مرآ وغيرت تفكيييير مرآ للأطفال ...



{ انظري لطفك كـ طفل }


فاهمين شلون يعني !
طفل
اذا رمي العابه تراه طفل


< يعني بالله يقصد يحوس ويتعبك ! وإلا بس يبي يشوف وش يصير !! وحب استطلاع
بإمكانك تجيبي سله الألعاب وتأخذي لعبة وتحطيها بالسله
وقووولي وااااااااو .. وارمي الثانية وكمااان واااااو ..
راح يحس انه شيء مسلي ويجلس يجمع الألعاب ..




بعض الأمهات اذا رمي طفلها شيء تضربه !!


سؤال بالله !؟


إنتي تضربي عشان تأدبيه ؟
وإلا تفرغي غضبك فيه ؟ hwaml17



جاوبوو من قلبكم ...





{ انظري لطفك كوحيد انت فقط من يعرفه ماله احد بالدنيا غيرك }



هو هالحين صغير ومتعلق فيك وطول الوقت وراك
وانتي تعصبي عليه عشان قربه
لكن لا كبر سبحان الله انقلبت الآية
تجري انتي وراه وهو يكرهك لتسلطك


< ليه الدنيا ع كيفك متى ماروقتي بغيتيه !
طارت الطيور بأرزاقها واخذو مكانك اصحابة ..



ربي اعطانا هالنعمة
ومسؤلين عنها
وراح نتحاسب عنهم
ومحد بينكر هالشيء



وترا التربية من الصغر !
لا تيجي وحده تقولي مايفهموو الأطفال
لاكبرو نرشدهم ونوجههم !



لا حبيبتي مرآح يتقبلوها منك


لانهم اصلا بداخلهم إنك ما تحبيهم ..
وبس راعية اوامر ونواهي .. ولا تقدريهم ..




لا تستغربو



هذا اللي حاصل


ياما نلاقي شباب يشكو ابوهم للناس عقدنا طفشنا


لانهم اصلا مو عارفين قيمتهم عند والدهم ..
مو قريبين بالمشاعر من بعض !









اعتذر اذا كان الكلام مو مرتب
لكن بعد الموقف اللي شفته امس
تقطع قلبي ع الأطفال وقسوة الأمهات


{ البنت 6 سنين وتبكي من بطنها بعد الفطور والأم عصبت عليها
ياولك لو ترجعي( تستفرغي ) ع المفرشة جديده والبنت تبكي وتقول ماما بطني }




يالله


مدري شقول بس ..!




تحيتي وإحترامي

[شذى المسك]

استغفر الله العلي العظيم من كل ذنبا عظيم

[راما الدلوعه]

جزاك الله خير في كل كلمه قلتيها
والله حتى انا قلبي يتقطع عليهم مره كنت في السوق وشفت بنت صغيره يمكن عمرها سنه ونص ابوها يبغى يقيس لها الشوز وهي تبغى تمشي ماتعطيه رجلها وقام ضربها كف والبنت صياح وامها كف من الجهه الثانيه مره حزنت عليها

[شذى المسك]

لاحول الله ولاقوة الا بالله الله يهديه

[غرااام]

كل كلمه قلتيها جوهره ثمينه
عن جد يسلم راسك يا شيخه
وطبعا الحمد لله عندي اولاد لكن كل شيئ سلبي معاهم اقلبه للإيجابي
حتى لو غلطت زي زيهم اتعاقب واحيانا اخليهم يعاقبون
لان لازم يكون في عقلب لأخطائهم ماينفع يغلطون بدون محاسبه لانه من الظروري يكون هناك حدود
ممكن يكون العقاب تافه بالنسبه لنا الامهات لكن اثق تمام الثقه انه رادع لصغارنا
احيانا اعاقب اولادي بالجلوس لوحده مثلا اذا غلط ولدي الي عمره تسعه سنوات اعاقبه بالجلوس لوحده لمدت تسع دقائق ويفكر بالخطأ الي ارتكبه ويبحث عن حل
واحاول اطبق كلامه ونستنتج النتيجه مع بعض اذا كان حل سليم او يحتاج لحل اخر
وحجات كتير اتمنى اتمنى يفتحوا دردشه بخصوص الاطفال نعلم ونتعلم

[دافئة المشاعر]

موضوع مهم لي عوده ان شاء الله
خالص تقديري

[شذى المسك]

الله يسلمكم من كل شر وشكرا لمروركم عالموضوع

[4يو]

الله يجعلها في موازين حسناتك
وزي ماتفضلت الاخت غرام نبي دردشه نفيد ونستفيد ياليت انا محتاجه كذا مواضيع

[مشاعل الدوسري]

السلام عليكم ..

عزيزتي مو شرط لما الولد او البنت يسون شي غلط
مثلا يكسر شي يعفس الصاله يطيح من العصير الحليب اي شي
او شي بيسويه بيناظر في الأم و بعضهم و لا همه انسدح و راح يكمل لعب..


انا ولد زوجي لما يسوي شي غلط .. على طووووووووووول يناظر فيني .. و بخووف ..

على حسب الموقف اتصررف ..

مثلا لما يعفس الصاله اقوله تعال ..
كذا المنظر حلو مو حلو لازم يكون مرتب
و اطلب منه انه يشيل الأشياء اللي طيحها
على الأرض و من بعدها ارتب قدامه
و اوريه الفرق اقوله لو تبي المخده خذ لك مخدتين 3 اربع و
انسدح لكن انك توزعهم على الفاضي لا .. كذا عيب ..
فا صار من نفسه بعد فتره لو عفس الصاله يرتبها قبل
لا نطلع من البيت و انا اقوله ماله داعي يقولي لازم كذا عيب
و يسكر التلفزيون و الدش خلاص يشوفني ايش اسوي يسويه ..

بخصوص الالعاب..

لما يخلص من اللعب قبل يوم كان عمره سنه و نص كنت اجيب الألعاب
و العب معاه بلصاله او بغرفة نومه ...
و ننبسط ساعه ساعه و نص بستهبال .. و ننط من مكان الى مكان ..
اخر لعبه نلعبه مين يجمع اكبر عدد من الألعاب و يرجعها مكانها ..
فا كنت اسوي سباق و اركض اجمع الاغراض و هو حماس معاي
يجمع و يرجع بلخيمه و يحاول يكون اسرع مني اوقات
اخليه يغلبني و اوقات اقوله انا اسررع منك ..
لانه ذكي بيفهم لو هو دايم يفوز اني انا اخليه يفوز بس عشان يسكت
و بنفس الوقت خلاص من بعدها الولد تعود يلعب
بألعابه و يخلص يرجعهم للخيمه ..

بخصوص الحمام

موضوع يبيله صبررررررررررررر
نجي للحمام من عمره سنه و 7 شهور تقريبا كنت اعوده
انه يدخل الحمام يعني اوديه الحمام كل ساعتين
لو حتى ما تبول و لا سوى شي بس اني ابي اعوده على الحمام ..
فتره طويله عشان يتعود ..
لاني بوقتها حامل ..
فا عودته من بدري و الحين الحمدالله
صار يحكي لي ابي اروح الحمام و دي بكذا و كذا

كل هذا الموضوع يتعلق بلصبر ..
بكل هذا ما انكر وجود العقاب ..
ضربته من الحره و التعب كنت توني والده و النوم مو
مضبوط و الحاله حاله
3 مرات ضربته .. لما اتبول بمفررشه لكن لما امي شافتني ..
العنت خامس خامسي و هزأتني هي مع ابوي و عطتني محاضره طويله ..
فا اعترفت بغلطتي و قلت لهم انا من التعب صرت ما اركز فا قالت لي
امي الطفل لما يتبول .. و هو نايم شي مو بيده حتى و هو يلعب ..
قلت لها ادري بس انا اعصابي تعبانه قالي ابوي مع نفسك مو على الولد ..

فا بأحد المرات تبول بفراشه ..
فا كان خايف حده ما نسى الضرب اللي قبل في باله ..
فا جيت قلت له وسخت مفرشك معليش ..
يلا قووم الولد علامات تعجب كبيرررررررره ..
و بنفس الوقت مازال خايف خذيته و ديته الحمام سبحته
و غيرت ملابسه و شلت المفرش و غسلته ..
و تكلمت معاه و قلت له المره الجايه تبول بلحمام عيب نسويها
هنا فا قالي ايه انا شرربت كثير عشان كذا و مارحت الحمام
لما نمت ما سمعت كلامك و سويت كذا
فا اقوله خلاص المره الجايه تسمع كلام ماما عشان ما يصير كذا ..

لاني تكلمت معاه بهدؤء و تعاملت معاه بكل حنيه .. و هو غلطان ..

طول اليوم قاعد بحضني و بوسه من اليمين و بوسه من الشمال ..



عموما في تربيتي للولد عشان يتعلم الشي لازم امدحه و غير المكأفأت ..
فا لما تعود انه ينام بغرفته سويت له حفله صغيره و قلت لامي و اهلي و كل اللي يشوفه اخليه يمدحه لما يروح الحمام يالله تصفيق
و نأخذه بحضنا و وديته الملاهي و امي ودته السوق و اشترت له العاب ..
فا بكل مررره يسوي تصرف كويس امدحه و اذا قدرت اكأفئه اكأفئه لو بقطعة شوكلت .. او قطعة كيك ..



و دايم بأغلب الأوقات حتى و الطفل بيتفرج على التلفزيون خذيه بحضنك و بوسي فيه العبي بشعره و احكي معاه هذا الشي يشيل حاجز الخوف ..
و اي شي غلط بيسويه لازم تتحكمين بأعصابك و تبتسمين مو تعصبين و ماده البوز و الكشرره على الوجه اكبر من وجهك .. عشان الولد ما يخاف ..

و التصرف يكون اوقات على حسب الموقف ..


و لو صار انك ضربتيه و ماتحكمتي بنفسك لازم تكلمينه بعد ما يهدأ
و تعتذرين له و تبينين له انه غلط و انك انتي غلطتي بحقه

لما تعتذرين له و تعترفين بغلطتك و تشرحين له السبب راح يكسب ..
منك مهارة الاعتراف و عدم الخوف من الغلط..
و مهارة الأعتذار ..


و مهما كان الطفل ما ينام و هو زعلان منك ..

دايم خذيه بحضنك قبل النوم و احكي معاه بكل شي هو سواه مثلا قوليله اليوم انا مبسوطه منك كثير عشان انت كنت مؤدب و عاقل و سمعت كلام ماما عشان كذا بكره بوديك النادي او الكورنيش او اي مكان بتقدري توديه ..
و بخصو الغلط قوليله انا اليوم زعلت منك لانك سويت كذا و كذا و كذا غلط صح المره الجايه ما ابيك تسوي كذا لانه مو حلو عيب حبيبي انت لازم تكون بطل و مؤدب لانك حبيبي و هيك شغلات ...

صدقووني بهذا الطريقه الطفل راح يصير قريب منكم ......



و تذكرت لما الطفل يصحى من النوم لازم الترحيب يا هلا بحبيبي صحيت مممن النوم او صباح الصباح ..
فديت اللي قعد عوديه على الكلام الحلو داايم و تجنبي الالفاظ السيئه ..
و لا تسبينه لما يغلط .. يا غبي يا كلب يا ثور .. يعني اذا قلتي له كذا كيف تبينه يفهم و يتقبل تعليمك له ..

[شذى المسك]

ماشاء الله عليك يامشرفتنا مشاعل الدوسري بصراحه عجبني اسلوبك وربي يجعلها في ميزان حسناتك ويسعدك ربي دنيا واخره

[دافئة المشاعر]

تبين اختصار كل الموضوع
عاملين مهمين لازم يتوفرون بلآهل :

1_ القدوه
2_ الحب

هلعاملين مكملين بعض
من غير قدوه ماراح يمشي النظام ولا يتعلم الطفل
ومن غير حب ماراح يحس بتوازن واحتواء له

عشان اكون ام او اب بكل معنى الكلمه
لازم تتوفر فيني هصفتين
وان ماكانت فيني اتعلم واصبر وافهم عدل واقرآ
مو عيب نعترف بتقصيرنا كـ آهالي العيب نمشي ع الغلط
والغلط الاكبر اني اتكلم او اكتب وانا من الاساس مو كذآ

وقفه لنتآمل بـ آوضاع حياتنآ الاسرية الدافئه او العكس..!

عيشوووو كل مراحل حياتكم بكل تفاصيلها
العطاء كنز والاقربون اولى بلمعروف


خالص تقديري واعجابي بطرحك
يقيم بكل حبhwaml13