اسباب عدم نجاح طفل الانابيب

[امل 88]

بنات ممكن تفيدوني.. انا كثير محتاره


ايش ممكن يكون السبب انو ماسار ثبات للجنين

الذكتور قالي حمدالله ماعندي اي مشكله ولازوجي.. وفوقها اسوي انابيب وكمان ومااحمل!! هل هذا الي قاعد يسير طبيعي .. ؟


ايش ممكن يكون السبب ان مانجحت العمليه .. انا قرأت البنات الي ماحصل عندهم الحمل انو تكيس مبيض اوانسداد واشيا كذا .. حمدالله انو ماعندي مشكله .. بس احس الموضوع اصعب انو الكشوفات تقول انو ماعندي شي وكمان مابيحصل الحمل !! احس اني مني عارفه طيب اعالج ايش بالضبط اذا مافي مشكله ؟!!


قولولي ايش ممكن تكون الاسباب حقيقي مني لاقيه حل

[dareen_m]

طيب روحي لدكتورة تانية امكن تعرف ايش السبب ....
او روحي لداية امكن تعرف السبب لان صحبتي كانت تروح لدكتورة وتقوله مافيكي شي سليمة وبعدين راحت لداية وطلع عنده الرحم نازل شوية .....
وبعدين انا الي اعرف انو اطفال الانابيب ممكن ماتنجح من اول مره ممكن تنجح بعد سابع مره اصبري شوية والله يرزقك الذرية الصالحة

[لمسة دفا]

امل حبيبتي
طيب انتي وقفي المستشفيات وروحي عند راقي يقراء عليك وبيتضح لك وش عندك طيب رحتي للمرخه .. انتي وين بالرياض فيه وحدة ممرخه يمدحونها ثلاث من اللي اعرفهم احملوا بعد ماراحوا وكثير والله يقولون حملوا بعد الله ثم هي إذا تبين ارسلته لك على الخاص بالتوفيق الله لايحرمك يارب

[امل 88]

لا ياحظي بامريكا .. بس هاذي ممرخه تمرخ ايش بالضبط ايش تسوي يعني
لانو بالعياده في اعلان عن وحده تجي تسوي مساج حق التبويض وكذا يقولون عشان النفسيه تكون متوتره ومدري ايش بس حسيت خرابيط وماكلمتها الصراحه

[zo0on]

انا مثلك ماعندى شي وسويت انابيب وفشلت والحمد لله

بس زوجي عنده ضعف

[liliaceae]

قرأت مرة عن أطفال الانابيب لخبيرة في مجال الحمل اسمها زيتا ويست تقول أنو في الغالب لا تنج العملية من أول محاولة لأنو الجسم غير متعود على الأدوية ..........
أنصحك يا أختي بالاستغفار و الصلاة ركعتين في الثلث الأخير مع الالحاح في الدعاء و اكيد ربنا بيعطيكي ان شاء الله

[تــومــا]

عدم النجاح اغلب اطفال الانابيب انو الجنين لايلتصق بجدار الرحم لانو اطفال الانابيب اجتازت كل مشاكل الانسداد وضعف عند الذكور لانو لمن يردو الاجنه يردوها بعد الانقسام يعني صار في جنين بس المشكله انو مالتصق بجدار الرحم وهذا من الله عزوجل اغلب الدكاترة يقولون لهن وبس احنا مهمتنا والباقي على رب العالمينوكل شئ بامر الله
دام انك بامريكا ليش ماتسالي عن صمغه الرحم اللى تخلي الاجنه تلصق بالرحم انا قريتها بكم موضوع بالمنتديات وعن اشهر دكاترةبالعالم
والله كررريم

[امل 88]

عدم النجاح اغلب اطفال الانابيب انو الجنين لايلتصق بجدار الرحم لانو اطفال الانابيب اجتازت كل مشاكل الانسداد وضعف عند الذكور لانو لمن يردو الاجنه يردوها بعد الانقسام يعني صار في جنين بس المشكله انو مالتصق بجدار الرحم وهذا من الله عزوجل اغلب الدكاترة يقولون لهن وبس احنا مهمتنا والباقي على رب العالمينوكل شئ بامر الله
دام انك بامريكا ليش ماتسالي عن صمغه الرحم اللى تخلي الاجنه تلصق بالرحم انا قريتها بكم موضوع بالمنتديات وعن اشهر دكاترةبالعالم
والله كررريم

يارب... انا سالت الدكتور عن ثقب الجنين قال هذا لازم باليوم الثالث وانتي حقتك باليوم الخامس.. بس ماسالت عن الصمغ بساله عنه انشالله