اسمع كلام مين ؟!!سؤال عن الخياطه

[همس الصبآح]

مرحبا بنات كيفكم ؟
انا بكريه وصار لي اربعه ايام والدة
مشكلتي ان دكتورتي اللي خيطتني قالت لي ان خيوطي من النوع اللي يذوب ما يطيح .. وقالت ان لازم اتنقع يوميا في مويه وملح الاسبوع الاول !!!! .. وبعد اسبوع تقول استخدمي ميبو والبيتادين مرتين فالاسبوع مع المويه والملح طبعا ..
انا سويت مثل ما قالت بس امس شدت علي الخيوط مره .. صرت مقدر امشي .. وغسلت ببيتادين ..
دايم اسمع ان المويه والملح مو كويسه هالفتره بس وش اسوي !! ..
اسمع كلام مين !! .. الدكتورة واللا التجارب من الحريم !

غير كذا الجو حار ورطووووبه .. اخاف احط كريم ويربط المكان ويصير شي بالجروح .. اتمنى اللي عندها اجابه تفيدني ..

[مجنونة بحبها]

اكيد الدكتوره تعرف اكثر بحالتك

اعرف زوجه اخوي كانت تغسل بمويه وملح كانت تمدح فيه

الله يشافيك

[ام رتوو99]

الله يعينك ياقلبي

بس انا من رايي تحملي كم يوم وانشالله تذوب الخيووووط

اووووف هالخيوووط معانات << انا تمنيت عمليه عشان هالخيوط اوووف

[عسل عسل]

شوفي اكيد انتي كثرتي الملح لان اذا كثر الملح يصير معك زي ماقلتي تشد وتعور

بس انتي حطي مويه وملح خشن بس شوي حق الي يطهر الجرح

سوي كذا وماتشوفين الا العافيه ان شاءالله

[حجــآزيــۃ]

غلط ي قلبي كلام دكتورتك
مرة مو كويس الموية والملح ف الاسبوعين الاولى
لانها تشد الخيوط وتطيح وباقي ماالتأم جرحك
نصيحة خليك ع البتادين وميبو بس

الله يقومك بالسلامة

[بشرى الحمود]

حياتي اذا تنقعتي بملح او او المطهر الي وصفته الدكتورة نشفي بمناديل الحمام كويسسسس وحطي الكريم مكان الخياطه.. انا اسوي زي كذا ..وكل ماحسيتي شدت عليك حطي كريم وترتاحين...انا بكريه..بس احس هالطريقه مريحتني ..دكتورتي كتبتلي مطهر بيتا سبت او شي زي كذا مانتبهت للاسم ..وملح ..وكريم اليكا ام...المطهر مرة ...في اليوم والكريم...4 مرات

[بشرى الحمود]

وكمان خفت من الملح ينشف اخرته شوي ..جلست 7 ايام علي.المطهر والكريم...وذحين بدات في الملح ومستمرة على الكريم

[همس الصبآح]

بنات كلكم خيوطكم من النوع اللي يذوب ؟!!!

[فوضت امري لله]

همس انا بالبكر


خيوط تذوووب وماطاحت الا بعد الاربعين

بس نصيحه لوجه الله

لاتجلسي على الجنب

مددي رجلينك

او اجلسي على كرسي بسرعه يخيط الجرح

المعلومه هذي عرفتها بعد خامس خياطه

لاني اخيط ويرجع يفتح ويلتهب

ولما قالت لي حرمه كبيره

اجلسي عليها وتخيط جلست فقط 10 ايام وبسرعه خاطت

وعليك بمطهر بيتادين ومرهم ابواسد

اول اسبوع بعدين الميبو

واكيد الحين شاده عليك الخيوط

يمكن شمم من العطورات

حاولي تشربي كمون ومره

والله يشفيك ويعافيك

[بشرى الحمود]

ايوة ابعدي عن العطور ..تشم عليك وتحكك..انا امسح على انفي وتحت اذنى ..خواجوا مطبوخه بزيت ومرة ..هذا امي تشتريها من المداويه ...مرة تجنننن ..

[همس الصبآح]

مشكورييين جميعا جزاكم الله خير ..
صراحة مره شد علي وحطيت اليوم ميبو واغتسلت ببيتادين ..
ووصيت زوجي كريم ابو اسد .. ان شاء الله ما اندم

[ام ووهج]

لسى بكريه وماولدت
لكن سمعت بلمره يقولو مره كويسه للخيوط والجرح نقعيهآ بمويه
وخذي بلقطنه وامسحي الخيوط يقولو مره تلئم الجرح وكويسه

ربي يسهلك ويتمملي على خير