حبوب الكالسيوم والحديد . . ساعدوني بليزز

[بسمــة]

السلام عليكم

كيفكم يابنات والله عندي استفسار مخليني موسوسه

الحين انا بالاسبوع ال 15 بأول الرابع

وعندي حبوب حديد فروز وحبوب كالسيوم ادكال

بس الدكتوره ماتتكلم ان ذا لوحده وذا لحاله و صرت اخذ الحديد بعد الفطور والكالسيوم بعد السحور

بس الي ابغى اعرفه وقت الفطور اخذ لبن وبعده اخذ حديد عادي

يقولو اوقات مشروبات الكالسيوم متعارضه مدري اغير المواعيد يعني اعكسس

ولا امشي زي ما انا مدري احترت انا بكريه ومدري ايش الحل

hwaml15

[المستحيله]

لازم اذا اكلتي حبوب الحديد تقعدين اقل شي ساعتين بعدين تاكلي منتجات الالبان...
طيب اذا تشربين لبن مع الفطور كولي حبوب الكالسيوم..
وخلي الحديد مع السحور..

[jorri sham]

براايي تااخدي الكالسيوم مع السحور والفطور خدي الفرووز ؟.
الله يتمملك على خير

[بسمــة]

المستحيله

مشكوره حبيبتي بس اللي محيرني ان الصيدلي قال لزوجي

لاتخليها تاخذ الكالسيوم مع اللبن لانه يبطل مفعوله

فحسيت اني احترت


جوري

مشكوره حبيبتي



انتظر باقي البنات

[برستيج آنثى]

بسمه ••

ايوه كلام الصيدلاني صحيح 100٪

انا مثلك بكريه وكنت اخذ الحديد ووراه وجبه فيها كالسيوم ( جبن - زبادي- لبن - قشطه - كنافه - كابتشينو - حليب - شاهي - بيبيسي ..... )

طبعا الشاهي والبيبسي مافيهم كالسيوم

المهم انو جسمي ماكان يستفيد من الحديد وصار معي نقص في الدم وكنت راح اخذ ابر والله ستـر وشرحت لي الطبيبه كيف اخذ الحديد تقول خذيها وانتي ماكله وجبه مافيها كالسيوم ولا تاكلي بعدها اي شي فيه كالسيوم اقل شي ساعتين

وحبوب الكالسيوم خليها بعد اكثر من 4 ساعات من تناولك للحديد ..

والحمدلله ع نصيحتها ارتفع عندي الدم

شوفيني الآن صرت اخذ كالسيوم ع الفطور لاني اكل تمر معاه قشطه واذا اكلت حديد بعد الفطور ماراح استفيد منه
فخليت الحديد السحور والكالسيوم ع الفطور وهذا احلى حـل

نصيحه لكِ ••

من مجربه وخايفه عليك ابعدي تماماً عن الشاهي والغازيات بانوعها والكوفي

كل هذول تمنع امتصاص الحديد طبعاً انا كنت مبسوطه احلل واطلع سليمه ومافيني شي لحد الشهر السابع بدا يكبر الجنين وصار يمتص اكثر ومايكفيه الحديد اللي بدمي ونقص دمي كثثير اقولك لدرجه انو خلاص كنت باخذ ابر حديد

ابتعدي عنها لاجل طفلك وتحملي ومافيه مانع مره كل اسبوع ان شاءالله ماتضرك المهم ابعدي عنها قد ماتقدري

طولت عليكِ بس حبيت اكتب تجربتي لاني تعبت حييييييييل بسبب نقص الدم وابيكم تستفيدون منها

[مسكّ العطورّ]

نفسسسس المشكله


اذا اكلت حبوب الحديد ماقدر احرم نفسسي من الفطايًر واللقيمات لانوو فيها حليب والكاسترد والكريمه

توهقت
والكالسيوم نفسسس الشي

موو زين قبلها بساعتين وبعدها تاكل او تشرب من مشتقات الحليب

والووقت برمضان قصير الي ناكل فيه
يعني نحررم انفسسنا من مشتقات الحليب قبل للحديد وبعدها والكالسيوم نفسس الشي

[نعمة ربي]

يارب تمم علينا على خير يارب