بطاقة التامين ميدغلف

[كيوت]

عندي استفسار مين عندها بطاقة التامين ميدغلف وولادة بمستشفى خاص ولادة طبيعي
هل هوبالمجان ولا نصف السعر واي مستشفى ولدتو فيها
لاني عندي البطاقه وابقى اولدhttp://forum-static.hawaaworld.com/images/hawaaworld/smilies1/smile27.gif في التداوي
مين عندها اي معلومه عن ميد غلف

[**سماسم**]

خالتي عندها والولاده على حساب الشركه إلي معطينج التأمين مثلا بأرامكو فيه مستشفيات مخصصه من قبلهم ..

[كيوت]

حبيبتي سماسم انا اتصالت على الرقم المجاني الي في البطاقه
وعطيتهم رقم بطاقتي قالولي انا الولاده بالمجان
وزوجي اليوم سال المهندس وقاله لا الولاده على حسابك الخاص
مادري شلون اعرف

[**سماسم**]

تعرفين إذا أخذتي البطاقه لنفس المستشفى إلي تبين تولدين فيه وشوفي شنو يقولون لج ..

[كيوت]

حبيبتي سماسم راحت حق المستشفى وقالولي حنا ماندري

[لمسة أمل]

حبيبتي كيوت .. انا عندي بطاقة ميد غلف .. لكن الولادة حسب نوعية البطاقة ...

اصلا راح يكون مكتوب عندك على البطاقة نوعية البطاقة :
إن كان فئة أ أو فئة ب أو غيره .. لأنه كل فئة لها مستشفيات ومستوصفات خاصة بها تغطي التكاليف .. ومو أي مستشفى

أنا جاني مع بطاقتي كتيب فيه اسماء المستشفيات والمرافق الطبية المعتمدة... وكمان معاه ورقة يكتبون لك فيها إن كانت الولادة مجانية أو على حسابك ...

[دنيتى غريبه]

انا اللى اعرفه ان بطاقه تامين شامل الولاده الا اذا غلف غير

انتى دقى على مستشفى اللى بتولدين فيه سئليهم شوفى وش يقولون لك

[كيوت]

يعطيكم العافيه لمسة امل انا للاسف معطوني كتيب
ودنيتي غريبه يعطيك العافيه بس انا سالت المستشفى
قالولي ماندري عن شي

[**سماسم**]

يالغاليه مالج إلا أن ريلج يسأل الموظفين إلي معاه أو المدير نفسه وشوفي شنو ردهم ..

[دنيتى غريبه]

يعطيكم العافيه لمسة امل انا للاسف معطوني كتيب
ودنيتي غريبه يعطيك العافيه بس انا سالت المستشفى
قالولي ماندري عن شي

كذابين مافى مستشفى ما يعرفون كان دقيتى

على قسم الحسابات وسئليهم

انا كذا اسوي اذاحبيت استفسر عن شي ادق على الحسابات افضل

[وعــــــــــد]

انا عندي نفس التأمين (ميد غلف ) وسيء جدا
انا لسى بتابع للحمل وكل ماتطلب الدكتوره عمل السونار يطلبون مني تأجيله لما تجي الموافقه للمستشفى من نفس الشركه لانها مو على اي حال توافق وتغطي الاشعه
وحتى الدواء يحتاج وقت عشان المستشفى تجيهم موافقه من الشركه
وممكن اجي اولد ويقولون الشركه ماغطت ؟؟؟
انصحك تروحي للمستشفى وتتأكدي عن كل شي انه مغطى عشان لاتوهقين نفسك
وبالتوفيق للجميع .. ودعواتك ان يسهل الله ولادتي

[كيوت]

انا عندي نفس التأمين (ميد غلف ) وسيء جدا
انا لسى بتابع للحمل وكل ماتطلب الدكتوره عمل السونار يطلبون مني تأجيله لما تجي الموافقه للمستشفى من نفس الشركه لانها مو على اي حال توافق وتغطي الاشعه
وحتى الدواء يحتاج وقت عشان المستشفى تجيهم موافقه من الشركه
وممكن اجي اولد ويقولون الشركه ماغطت ؟؟؟
انصحك تروحي للمستشفى وتتأكدي عن كل شي انه مغطى عشان لاتوهقين نفسك
وبالتوفيق للجميع .. ودعواتك ان يسهل الله ولادتي

يعطيك العافيه انا موعدي انشاء الله يوم الاحد بسالهم وشالله يقلولي

[همي رضا ربي]

انا معي بطاقه ميد غلف
وياخذون نسبه بسيطه مني
وسالتهم عن الولاده وجناح ملكي
ياخذون الفارق بس
بس مااذكر بالضبط كم يعني سعر مو غالي بسيط
وانتي شوفي الكتيب
او خلي زوجك يسال لك

والله يهون عليك وييسر لك ولادتك