قيصريتين وبإذن الله ناوية اولد طبيعي

[أنا أمك ياتركي]

السلام عليكم ررحمة الله
طبعاً سالفتي واضحه من عنوان الموضوع
ياحبيباتي انا والدة بقيصريتين
آخر وحده لها سنتين و7شهور
وبإذن الله ناوية اولد طبيعي
لان مااولد الا وعمليتي لها 3سنوات و3شهر
يعني اعتقد فترة كافيه يتسكر كل جرح بالرحم
بس حبيت تدردشون معاي بهالموضوع
واذا تعرفون احد ولد طبيعي بعد قيصريتين
تطمنوني
والله من جد ناوية والله ماعليه عسير
وهو على كل شي قدير

[بنت ابويه]

لا تخاطرية بهذا الموضوع احس مستحيل اذا قيصريتين بعدهم طبيعي

[أنا أمك ياتركي]

بإذن الله ابشركم بولادتي الطبيعيه
انا بنتظر ع نفسي لين احس اني مااقدر اتحمل لاقدرالله
يعني مابروح بالوقت اللي محددته لي الدكتورة

والله الله قادر على كل شي
مايعجزه شي سبحانه
بس ادعوا لي يااخواتي
دعاء المسلم لاخيه بظهر الغيب مستجابة بإذن الله

[ام احلى بنيه]

وحده من جماعتنا جابت البكر قيصري وبعد فتره حملت بالثاني وجابت بقيصري بعد سنتين حملت واستنت لحد ماجاها الطلق وهي رايحه تولد سالها الدكتور كم ولدتي قالت له اول مره طبيعي والمره الثانيه قيصري وهذا حملي الثالث بعد سنتين وتسع شهور من القيصري ولدها طبيعي تقول وانا عندي طلق خفت يصير فيني شي لان كذبت عليه قالت قيصريه وحده بس واسال الدكتور فيه خطوره عادي ولدني قيصري قام قالها لا وضعك تمام وولدت طبيعي ماشاء الله والحين عندها سته تبارك الله بس البكر والثاني قيصري والباقين طبيعي
وسلفتي البكر طبيعي والثاني والثالث قيصري والرابع جابته طبيعي مع انها حملت بعد القيصري بست شهوربس

توكلي على الله بس ومع الدعاء تتسهل

[ρυяỉтч •]

انا اللي اعرفه انه خطر ، بس دام فيه تجارب لبنات ولدوا طبيعي ربي يسهلك ان شاءالله وتولدين طبيعي
انتي ياقلبي استخيري ووكلي امرك لله وبإذن الله يسهلها لك ربي من سابع سماء
مالومك تبين طبيعي القيصري متعب بشكل الله يعين بس

[ورودي البيضاء]

ايش تستفيدي من تجارب الناس ... هذي أمور نسبية جدا تعتمد ع الفترة وتعتمد عالجرح وتعتمد ع عمليتك انتي بالذات وقوة رحمك وتحمله للطلق

بلييز قلبي لا تخاطري

تبغي تنتظري لين يجيك طلق .. اوك انتظري بس لا تكذبي خليهم بالصورة وقوليلهم يحاولو معك ويعطوك فرصة

فيه كثيييير دكاترة يعطو فرصة ويشوفو لأن ممكن تتسهل ويفتح رحمك بسرعة وماتتعبي بطلق

لكن لو الطلق كان قوي عالرحم وانفجر يابنتي حتندمي قد شعر راسك الهرجة مو لعب فيها نزيف وفيها احتمالية وفاة للبيبي ولك و فوقها فيه احتمالية كبيرة تفقدي فيها رحمك ويضطرو يستأصلوه الله لا يقدر


مالك بالتجارب كثير تصير لكن خافي ع نفسك

دوري دكتورة تعطيك فرصة للطبيعي تحت مراقبة تامة و لو شافو الرحم انشد ومو متحمل خلاص ارضي باللي كتبه ربك ترى ماتسوى تخاطري

وانتي تركتي فترة حلوة ومو بعيد تتيسر بس ع حسب الطلق اللي يجيك لأنه لو مافتح رحمك بسهولة والصناعي ممنوع وقتها بيكون صعب تفضلي تحت قوة طلق

الله ييسرلك الخير بس انتبهي

[جنون بيبي]

صراحتن راح تجازفي مجازه اليمه

كوني صريحه وقولي للدكتوره هل وضعي يسمح احاول طبيعي

[المستحيله]

اولا ليش ولادتك الاوله والثانيه قيصري اذا الحوض صغير كل ولاداتك قيصري...
اذا سبب ثاني فراي تسالي دكتورتك اذ تقدرين تولدين طبيعي... اما تجارب الناس فما عليك منها كل وحده تختلف عن الثانيه في امور كثيره ....
والله يكت لك الي فيه الخير ان شاء الله

[حبيبة جوجو]

والله الولاده والسهاله من ربنا محد يقدر يحدد طبيعي او قيصري
انا كنت بكريه وحاطه ببالي بولد طبيعي وصارت انه برتفع الضغط واتنوم واخد طلق صناعي ولانفع اخرتهاا قيصري

[ام اسكندر]

وحده من جماعتنا جابت البكر قيصري وبعد فتره حملت بالثاني وجابت بقيصري بعد سنتين حملت واستنت لحد ماجاها الطلق وهي رايحه تولد سالها الدكتور كم ولدتي قالت له اول مره طبيعي والمره الثانيه قيصري وهذا حملي الثالث بعد سنتين وتسع شهور من القيصري ولدها طبيعي تقول وانا عندي طلق خفت يصير فيني شي لان كذبت عليه قالت قيصريه وحده بس واسال الدكتور فيه خطوره عادي ولدني قيصري قام قالها لا وضعك تمام وولدت طبيعي ماشاء الله والحين عندها سته تبارك الله بس البكر والثاني قيصري والباقين طبيعي
وسلفتي البكر طبيعي والثاني والثالث قيصري والرابع جابته طبيعي مع انها حملت بعد القيصري بست شهوربس

توكلي على الله بس ومع الدعاء تتسهل


سبحان الله اول مرة اسمع بكذا


ربي ييسر امورك وتقدري تولدي طبيعي اذا امورك كويسة
واذا في خطر عليكي لاتخاطري

[ام احلى بنيه]

لا انا ماقصد بكلامي انها تكذب على دكتورتها وتخاطر بنفسها


اناقصدي بس اعطيها امل بانها تولد طبيعي لان فيه كثير قبلها ولدو كذا قيصريه وبعدها ولدو طبيعي

وانا لو ماعرفهم شخصيا ماقلت انه ممكن تولد طبيعي

بالعكس تستشر دكتورها وتشوف ماعلى ربي عسير ممكن تولد طبيعي

انا من كرهي للقيصري ونهائي مومتقبلته اشجعها على الطبيعي حسب تجارب اللي قبلها واكيد لو فيه خطوره عليها بيقول لها الدكتور من بداية الطلق انه تقدر تولد طبيعي او لا

[ام بكر 99]

السلاام عليكم اختي انا اشتركت بالمنتدى بس علشانك وعلشان قصتي نفس قصتك جبت اول مرة قيصري
و التاني كمان قيصري ونفسي احمل و اجيب طبيعي

[ام بكر 99]

يارب تجيبي طبيعي. بس تعالي احكلينا شو صار معك. انا عم استناكيhwaml13
ان شاء الله تقومي بالسلامة مجبورة الخاطر

[أنا أمك ياتركي]

ام احلى بنيه ربي يبشرك بمايسرك
واناكمان اكره القيصري لانه عذاب وخطورة

ام بكر ان شاء الله ابشرك بولادتي الطبيعيه
بس انتوا ادعوا لي وانتم صايمين ان الله يسهل اموري

للبقيه
الف شجر ع ردودكم ولاتحرموني دعواتكم
شرفتوني

[وميض النجوم]

لو انا منك ما اولد طبيعي لان اذا قيصريتين وطبيعي الرحم مايتحمل تقلصات وينفجر !
اختي دكتورة وقالت لي هالكلام


والله يقومك بالسلامة

[ورودي البيضاء]

اه ياقلبي احس قاعدة افكر بس فيك خايفة وربي عليك

استخيري عالاقل و انتبهي تحملي نفسك فوق طاقتها

انا اشتغل بالمشتشفى وشفت كتير وربي انفجار الرحم مو سهل عشان تخاطري فيه اخاف تفقدي شي اكبر

حلو تعطي نفسك فرصة بس زي ماقلتلك تحت مراقبة شديدة و لاتشدي ع نفسك مجرد محاولة اذا الدكتورة مارتاحت للنتائج الظاهرة او حسيتي يبغالك تتحملي زيادة خلاص وقفي وقولي الحمدلله بس لا تخاطري وتحملي نفسك فوق طاقتها

المشكلة وقتها ماراح تحسي لو فيه شي مو طبيعي بالرحم لأنه ماحتفرقي بين الام الطلق والتقلصات و بين ألم غريب مكان العملية

فما راح تقدري تعرفي اذا انتي ماشية في نطاق تحمل رحمك او زودتي عليه الضغط

فاحرصي عالمراقبة الشديدة من أدكتورة قبل اي شي

[ورودي البيضاء]

ع فكرة حتلاقي كثير دكتورات كويسات يعطوك فرصتك مع المراقبة لأنك تركتي فترة حلوة ومشجعة

لكن الحكاية انه مستحيل طلق صناعي .. و بيعطوك فرصتك مع الطلق الطبيعي بس بشرط انه رحمك يفتح بسرعة وتكون ولادة ميسرة عشان الرحم مايجلس تحت الطلق كثير

لو مافتح رحمك بسرعة ماحتخليكي تستمري كثير خطير جدا طول الطلق على عمليتين حتى لو تركتي هالفترة

فساعدي نفسك اهلكي نفسك قرفصاء وتمارين و موية دافية وأشياء مسهلة للولادة اضغطي ع نفسك في الحاجات دي .. بس لا تشربي اي شي لانه يزيد طلوقك وانتي ماينفعلك هالشي

لكن التمارين و القرفصاء بالذات والموية الدافية تفتحلك الرحم بسرعة وتسهلك الولادة وتسرعها

اهلكي نفسك بهالاشياء عشان تزيدي فرصتك

بس انتبهي .. مراقبة ثم مراقبة ثم مراقبة ولا تعاندي الدكتورة لو قالت خلاص نوقف محاولة

[الحنووونه..]

الله يرزقك الولاده الطبيبعه المسهله يارب

[ام بكر 99]

يارب يا حي ياقيوم ترزقها الولادة الطبيعية الميسرة السهلة يا من لا يعجزك شي في
الارض و لافي السموات

[الفرحه القريبه]

ان شاء الله تولدي طبيعي حبيبتي انا كمان قيصريتين وهذا الحمل الثالث بس قالو لازم قيصري

[ليالي حب]

مابشرتيناااا بشئ ؟؟

بس انا سمعت معلومه طبيه موثوقه من اوربا
ان ال تولد مرتين قيصري ممكن ثالث تجيبه طبيعي بلا مخاطر وبنسبه حلو ومشجعه ..لخوض تجربه


فاتمنى يطبقوه ع مستشفيات السعوديه ويجربووه اد ثبت صحه هالكلام

[متيمه فيك]

بشرينا ايش صار معاكس لان أنا ولادتي الاولى طبيعي والثانية والثالثه قيصري ودحين نفسي أولد طبيعي مع انه الدكتوراه قالت لي مستحيل بس وحده قريتي عمليتين وبعدها طبيعي ما شاء الله

[ام لبنى 666]

استخيري وادعي ربك ف الثلث الاخير من الليل والله سبحانه بينورلك الطريق الي بيكون له خير لك هو اعلم واحكم بعباده

[ام تالو]

طمنينا عنك ولدتي طبيعي ام تركي