ارجوامنكن اجابتي حول الولادة المتكررة

[سهم البدر]

مساءالخيرات على الحبوبات الكروشات الله ربي يفسعدني ويسعدكن ممكن تجاوبوني مين كدجربت الولادة المتكررة يعني انجبت تسع اولادومنتظرة العاشروشي عادي عندهاالولادة وحتى عمرهاصغيربحدود35والالتهاب يؤخرالولادة اوشي طبيعيي

[**سماسم**]

عادي يالغاليه انا اعرف وحده ماشاء الله تسع ولادات فيهم الي وراء بعض وفيه من بينهم كم سنه ..
فليش القلق يالغاليه وكلي امرج الله واهم شيء التغذيه السليمه والالتهابات ضروري تتعالج قبل الولاده
,,

[باتريسيا]

يا أختي تسع قليل والله..
قابلت وحده في العام الماضي وشفتها حامل جلستها مكاني لأنه باين عليها التعب..
قالت يابنتي والله ماودي اجلس بس ... قلت لها ادري عشلن الحمل...قالت هذا الحمل رقم خمسة عشر وبربط بعده معد فيني حيل وكلهم أحياء ماشاء الله..
الله اللي يرزق بالبنين...

[فراشة الشارجه]

وعليكم السلام

ماشاء الله تبارك الرحمن

تؤكلي على الله

[:: Galaxy ::]

حبيبتي هذا رزق من الله سبحانه وتعالى
هو سخره لك وهو بيقويك ويعينك عليه إن شاء الله
جداتنا ما شاء الله يولدون 10 و 15 عادي

[سهم البدر]

يسعدربي مساكن ويفرحكن والله انة هذاالحمل كان فجاة والحمدلله رب العالمين الله يقويني معي قالون عصبي وجرثومه وقرحة وساوس قويه وهموم وشكواي كلهالربي وحسبي الله ونعم الوكيل انتظرالفرج بفارغ الصبر

[المستحيله]

الله يهون عليك ويقومك بالسلامه....
ما شاء الله تبارك الله الله يخليهم لك ويرزقك برهم ويصلحهم ويهديهم ان شاء الله

[ام اسكندر]

ماشالله ربي يحفظهم لك

امهاتنا كلهم كذا ومافيها شي

وربي يعطيكي الصحة وطول البال