ساعدوني بخلية نحل

[أميرة ببسمتي]

ياحلوات زوجي مشتهي على الفطوره خلية نحل
ابي عجينه مضبوطه وتكفيني انا وزوجي يعني ماتكون كثيره
تكفون ضرووري لاتفشلوني طلبتكم

[قرعوطه]

شوفي ياعمري انا كنت مااعرف اسوي خليه النحل وطلب مني زوجي خليه نحل وتورطت ولاني كنت مسافره تحججت ان فرن الشقه الي انا فيها خربان نزل يبي يشتري فرن كهربائي علشان هالخليه وتورطت بس ربك ستر ومالقى محل مفتوح خخخ ورجعت ودورت بالنت عجاين وجربت كثييير بس تفشل المهم طحت على عجينه لاتعلمينها لعدوك خخخ حتى حماتي قاللتي قدام زوجي خليتك كانها الجاهزه الي بالاسواق عاد انا شفت نفسي مايدرون اني ماعمري ضبطتها

ماتلاحظين اني قلت قصه حياتي هههه بروح اجيب جوالي واكتب لك المقادير

[أميرة ببسمتي]

ياحبيلك قرعوطه
ايه تكفين عطني الطريقه الله يفرجلك

[قرعوطه]

المقادير
بياله زيت
3ملاغق حليب بودره
3ملاعق سكر خشن
2ملعقه خميره فوريه
كاس طحين ابيض منخول يفضل ان يكون دقيق كويتي
كاس ونص ماء دافي دافي هاه بارد لا وحار تبي تفشل العجينه بس دااافي

حطي القادير هاذي كلها بالخلاط الكاس وخليه يخلط سبع دقايق او اكثر بس لاينحرق خلاطك وتدعي علي خخخ
بعدين صبي الخليط بزبديه واضيفي له 2كاس دقيق ابيض بعد منخول زين واعجني شوي الى ان تتماسك وافردي وشكلي بس لازم قبل تكونين مولعه الفرن من تحت يحتر قبل تدخلينها يعني شغليه من تحت وروحي شكلي وع طول دخليها الفرن مايحتاج تخمر ولا شي وترى مو كثيره تهبل تسوي لك على السفره اصناف لذيذه بدون تعب انا مثلا اسوي منها بيترا وعش بلبل وخليه واحيانا فطاير عاديه بس الصينيه ادهنيها سمن قبل تحطين فيها وادهني وجهها بيض قبل تدخلينها الفرن دهن حفيف وبعدين دخليها من تحت تحمر انتي ارفعي بالسكين حبه وشوفي لو نها ترى ماتاخذ وقت وبعدين طفي من تحت علشان ماتنحرق وشغلي من فوق تحمر وانتي واقفه تراقبيها لانها ماتطول تطلع ريحه المخبوزات الي تهبل ترى مهم خطوه دهن البيض لان بدونه اي فطاير تابس وامانه اذا استفدتي تدعيلي ايه وذكرت شي مهم ان الصاج حق الفطاير لازم يكون مسطح يعني بدون جوانب مثل صاج الميكروف والفرن العادي وادعيلي ترى تعبت وانا اكتب مع ان ادري انك اكيد اسنع مني بس فذكر ان الذكرى تنفع المومنين ودعوتي مابيها هنا في المنتدى ابيها على سجدتك وقت السحر انتي وكل من يقرا ردي واي سوال انا حاضره راسليني خااص

[الجوووري]

المقادير
2 كاس دقيق ابيض
2 ملعقة طعام سكر بودره
3 ملاعق حليب بودره
1ونص خميره فوريه
ربع ملعقه ملح
1 كاس ماء
تخلط جميعها بزبديه وتترك تتخمر لمدة 45دقيقه وشكليها واحشيها جبنه كيري اومثلثات الي يعجبك وتالي حطيها بالفرن طبعا تكونين مسخنته من قبل وعلى قلبك بالف عافيه بصراحه مره رووووعه هالعجينه وهشه ان شاءالله تعجبك طريقتي