تراهنا انا وزوجي..

[توليب حوامل]

سلام ..
حبيباتي اختلفنا انا وزوجي باي وقت المفروض نركب ولدنا العربية هوا الحين عمره اربع شهور انا اقول من الخامس وهو يقول باقي...
اعطوني تجاربكم..
مع خالص حبي

[نسمة دفا]

من الشهر السادس او السابع ..لما يبدأ يشد جسمه شوي..لأنه بعمر 4 او 5 شهور يكون جسمه مرخي

[fo0fo0]

من الشهر السابع ..
لانه قبلها يكون عظمه طري ولابد يشتد شوي عشان يتحمل ..
وكل طفل يختلف عن الثاني من تكوين العظام والبنيه ..

[عذبة الروح..]

أذا ولدك من النوع اللي يشد نفسه حطيه ..
أنا ماشاء الله تبارك الرحمن حطيت ولدي بنهاية الثالث وكنت احط حوالينه بطانية خفيفه تدعمه لانه كان يحب يناظر الناس ..
والحين كمل الخامس بسم الله عليه وهو يعرف يتحرك فيها زي مايبغى وبدون شي يدعمه ..

[أم رزاان]

مثل ماقالت عذبة الروح
إذا ابنك يشد نفسة حطية من الآن بس لاتخلية يطول فيها
يعني ابدئي له بخمس دقائق عشان ظهرة مايتحمل يجلس كثير

[سبحانك ربي ما اعظمك]

مثل ماقالو الاخوات
حطيه وحطي بطانيه من قدام
عشان مايميل
ولا تطولي خمس دقايق وشيليه
والله يخليه لكم

[لولو حمادة]

الافضل من الشهر السادس

[غادة9]

صحياّ من بعد السابع

**

[نبع المحبة]

انا بنتي توها داخلة السادس بس ما احطيها بالعربية اقول خل تكبر شوي احسن ههه

[العليــــــــــاء]

انا بقى بنتى لسه فى التالت فما اعرفش بس اهو استفدت معلومة بسببك من اخواتنا فجزاك الله عنى خيرااااا وربنا يخليهولك ياااااااارب هو وابوه وما تختلفوا ابدااا

[ام سلمة]

انا ماشاء الله وضعت بنتى بعد ماانتهت من الشهر الرابع ووضعت لها مخدة صغيرة امامها

[نمولة]

اذا تقصدين عربة الطلعة
انا استخدمتها ولها شهرين لانها تصير كانها في مهد
واذا قصدش الي تمشي فيها ففي السادس افضل عشان يمسك نفسه

[نبض قلب]

بنتي حطيتها من 5 شهور و نص

[همس آلوجدان]

انا شخصيا ولدي شد نفسه من بدري ماشاء الله حطيته وهو بعمر 4 شهور وشوي تجربه فقط بس احط مفرش له من ورى ظهره ومن قدام لان لسا باقي مامسك نفسه اكثر اشوفه يسكت ماكان يبكي لانه كان دائما يبي يكون واقف او محمول

فا من الخامس وشويه بدا يتحرك فيها بس ماكنت اخليه كثير لايتعب بس من السادس وفوق مضبوط