تجمع بنوتات كروشات ••جمادي الاول 1434•••مارس 2013•••

[عازفةالناي]

وكم قالتلك تاخدين من الخروع؟؟

[حصووووص]

زيووون. من كثررر مااا اجرمووو فيني صاارت عندي خبررره



مبروووك دامه قصييير يعني الراس قررريب

[عازفةالناي]

حصووص من خلال خبرتك كيف ينزل الراس اكثر لان انا قالتلي لسى الراس بعييد

[حصووووص]

عاازفه امشششي

انا عطووني بس تحميله وحده العصررر وقمت امشي لانها ماسببت وجع كلش
امشي ربع ساعه وارتاح خمس دقايق لين اكمل سااعه

يووم جاا الضحى فحصتني الدكتوره قالت. لا حلوو موو مثل البارررح
قررب موو زي البارح


عازفه شمي حلتيت يمكن. عندج شمم. اناا والله بعد شميت الحلتيت

[عازفةالناي]

وش التحميله اللي عطوك حق طلق؟؟
انا امشي ساعه يوميا او ساعه ونص واصلح تمارين مافيه فايده..
وشهو الشمم وش اعراضه؟؟
ان شاء الله اجرب الحلتيت

[نبض قلبي]

صمتي وعشق سوسو.

مبرووك.والحمدالله ع سلامتكم.

والفال لنا يارب بالولاده الطبيعيه

[نبض قلبي]

زيوون

يلا جاك الفرج ان شاء الله يفتح اكثر وتولدين اليوم بالسلامه

[حصووووص]

هذي تحميله تفتح الرحم. وتسبب. طلق



شمي الحلتيت يمكن. اللي. مسكر الرحم شمم ماتدرين وهالشمم ماله اعراض

[أم يسوف]

دعوووووواتكم



يفتح الرحم عندي



تعبت من آلام الطلق

[أم يسوف]

زيووووووون



الله يسهل عليك



ياااااااارب

[خلوني على صبري]

مبروك على كل من ولد وعقبال الجميع

[أم يسوف]

عازفه


الله يسهل عليك



ياااااارب





شنو التمارين اللي تسوينها ؟؟؟؟

[أم يسوف]

وووووووووووووينكم



الكل مختفي



اللي ولدوووو



واللي ما ولدووو

[حصووووص]

الله يسهلك ام يسوووف

شمي الحلتيت يمكن يفتح الرررحم

[Sweet memooo]

مرحبااا
اخباااركم
زيوون وبااقي البنات ان شاءلله تولدوون هاليومين ياررب بولاده طبيعيه واتحملواا بس امشوا احسن شي المشي
حصوص يقولون البنت لها سبعه وجووه وصحيح بنتي كل يوم لها وجهه بس اكثر وجوهه ماتشبهني خخخ اني انتضر الوجهه الساابع
ها وش مسوويه معاها حصووص اني متعبتني ماانام وكله بطنهاا خديت لها دوه من الصيدليه وان شاءلله ينفع وياهاا

[أم يسوف]

الله يسهلك ام يسوووف

شمي الحلتيت يمكن يفتح الرررحم





يسلمووووو حصوووووص



الدكتوره قالت لي




اشرب يانسوووون



واليوم ابتديت اشرب




وربي يسهل

[أم الزين]

فيس خجول >>>>>>كلمتكم ونمت مااحسييت بنفسي هههههههه وتوني اقعد



المهم عازفه قالت لي اشربيه ملعقه مع عصير باليل لمدة ثلاث ايام واذا شربتيه لاتقعدين امشي على الاقل سااعه



حصوووص فديت بنووتج ههههههه عاادي اليااهل كل يوووم له وجهه مني لين تتم السنه سبحاان الله



صج حصووص اذا كان عنق الرحم قصير معناته ولاده ؟؟؟؟؟

الله يبشرج بالجنه

[أم الزين]

ام يسوووف الله يسهل علينااا



انا يمكن الي ساعدني بفتح الرحم شربت مغلي القرفه





ريماااا موو مبينه ان شاااءالله ولدت

[عازفةالناي]

ان شااء الله اشتري الحلتيت واشمها عاد مادري يمكن يتسهل معي ..
ام يسووف التمارين تفتحين رجولك وتنزلين بجسمك شوي وتطلعين بشويش عشر مرات بعدين ورجولك مفتوحه لفي عالجنب اليمين وانزلي كمان بجسمك عشر مرات ممكن تمسكين ف كرسي او شي عشان ماتطيحي من الثقل وكمان تسوينها ع جنبك الايسر شوفيها فاليوتيوب تمارين ماقبل الولاده تقوي عضلات الحوض وتساعد الراس ينزل لتحت وكمان جلست القرفصاء

[حصووووص]

سوويت اشتري. شاي اطفال
من الصيدليه وحطيلها سكر نبات ويا ماي زين للبطن ينضفه


اي زيوون
اذاا قصيرر الراس قريب بس امشششي. علشاان ينزل اكثر ويثبت ويمكن مايجي الفجرر الا وانتي والده ياارب

[أم الزين]

وااي فديتج حصوووص الله يسمع منج


وبشرب الخرووع وبمشي

[أم يسوف]

بنت آدم



مختفيه شكلها


ولدت وربي سهل عليها





الفال لنا يااااااارب

[أم يسوف]

كم وحده باقي




ما ولدت ؟؟؟؟؟

[أم الزين]

باقي انا وانتي وشوق وريما وبنت ادم وهلاا و جوري

[أم الزين]

هذوول طبعا الي طوفوا شهرهم

[حصووووص]

فدااااج كلي زيوووون

ياارب توولدوون قررريب ان شااء الله ياارب

[براءة حلم]

ماش انا مو بالحسبه. ترئ حتئ انا من المعوشرات

[أم الزين]

اووووه برااءه ههههه والله انا اغش من الجدوول لاني نااسيه وفااقده الذااكره ههههههههه

[أم الزين]

فدااااج كلي زيوووون

ياارب توولدوون قررريب ان شااء الله ياارب





تسلمين يالغلاااا الله يسمع منج يااربي


والله زوجي متحمس اكثر مني يبي يشووف ولده والله تحسين كان ماعنده غيره هههههههه

[براءة حلم]

زيون ايش ناويه تسمين ولدك اذا طلع بالسلامه

[جوري احمر]

يارب تيسر ولا تعسر شكله مالنا الا الطلق الصناعي

[عازفةالناي]

قولي خير جووري الله يسهل علينا وعاد اذا ماعاد فيه الا هو وش نسووي

[أم الزين]

برااءه باذن الله محمد



جووري شكلي والله اعلم راح اجرب الطلق الصناعي

[قوتشيه]

كيفكم ياحلوين انا جديده هون وانا حامل بنهاية الثامن يعني 36 اسبوع انتو السابقون وعلى خير يارب

[بنت ادم]

هلا بنات

عذار بس زواجي بعد ماطلعات من المستشفه وداني مزرعة واحد من اصحابه نزورهم سكانين فيه

بس تواني جايه وجهازةالعشاء وهذا اني اكلمكم

المهم اليوم قالت اني في الاسبوع 38 اسبوع وكل شي نفس مهو انه مافيه طلق بس كل شي متهي الي الولده

تنقشات معه علي المحفزات قالت ابتعدي عنه لانه بس تسوي طلق بدون ماتفتح الرحم

قالت علي كيفش اذا بتخديه او لا بس اهي مانصحتني اخد واني مو مستعجاله علي الولده

بين اذا فكرات علي حسبة الدوره اني مع زيون اكون معوشره وهذا الشي اشويات يضيقني

التخطيط تمام

وسوات اهي تحريض اشوي الي الرحم علشان يجي الطلق بس الله اعلم من اليوم الي الاسبوع الجي

[بنت ادم]

انشاء الله توالدي اليوم زيون حرم يروح عليش التاريخ

اليوم 30 /3/1203

[سماء الاحساء]

هلا فيكم يالغاليات وهلا بأحلى الايام الله يسهل عليكم يالصامدات بالسلامه يارب

[براءة حلم]

يازينه حمود انا بعد ناويه ان شاء الله محمد

[Reeema]

مساء الخير


بنات رحت اليوم مراجعتي الرحم لسا 2 سم

بس في بدايه طلق وانا مو حاسه بالم قالت ﻻزم صناعي

وكانت بتنومني اليوم بس قالت ﻻزم تبرع دم تعالي بكرا ومعاك التبرع


ومن بعد الكشف ونا ظهري ياالمني يارب انه يجيني طلق وماخد صناعي

جالسه اشرب قرفه وبدهن زيت وجوزه


ادعولي بنااات ان شاءلله اذا ولدت بالسﻻمه ادخل واطمنكم


ياااااااارب سهلهااا

[نبض قلبي]

وانا بعد زيون يالشينة موبالحسبة >>فيس معصب

بس ماعوشرت وان شااء الله ماأعوشر .,.

انا سويت لي البارح دارسين مع ماي مغلي وشربته مرتين بس قلت خلاص مابجرب شي

بخلي الولاده تجي من روحها اخااف اغاامر هع

بس بناات لاتنسوون كثروا من قراءة سورة مريم والزلزله والمعوذات وان شااء الله ربي بيسهلها علينا .,.

واهم شي نولد طبيعي بالسلامه يارب ياكريم.,.

[نبض قلبي]

بنت ادم .,.يلا اهم شي تطمنتي ومتى مالله ارد بتولدين بالسلامه .,.

ريما .,.ان شااء الله ماتحتاجين طلق وماتروحين بكرا الا وهو فاتح اكثر وتولدين بالسلامه وطمنينا عليك

واهم شي تدعين لنا ماتنسوونا>>اهئ اهئ اهئ

[بنت ادم]

اهم شي تطمنت وارتح قلبي اشوي


وعلي الولده مابوالد الا يوم السبت او الجمعه

[عازفةالناي]

الله يسهل عليك ريما ويجيك الطلق

[قوتشيه]

ربي يسهل عليكم وعلينا انا اول حملي بنتي الاولى كان خفيف وتسهيل من رب العالمين بس هذا حملي انوع الاواجاع والاالتهابات ربي يسهل علي وعليكم يا خواتي

[أم الزين]

مرحبااا شلوونكم


ههههههههه محمديين موو راضيين يطلعوون


ريماا توكلي على الله وانا اباخذ بعد شوي الخرووع وان شاااءالله يجيييب نتيجه

واوولد بكره


تكفوووون ادعوولي


بنت ادم الف سلاامه علييج بس شكل حملج صار متاخر

قوتشيه عاادي اناا بحماايلي في بناتي كان الوحاام صعب واايد لدرجه المووت بس اخر الاشهر كان سهالات سبحان الله


عكس هالحمااله هاذي اول شي ولا كاني حامل بس باخر الاشهر غثيثه


الله يهون بااقيهاا يااربي

[نبض قلبي]

لازم كل حمله تختلف عن الثاانية .,.

الله يسهل عليك زيووووووون وعلينا يارب

[أم الزين]

امييييين نبووووضه وعلييج يااربي


نبووضه سالت حصوووص والحين بسالج شنو يعني عنق الرحم قصييير؟؟؟؟؟؟؟؟

[بنت ادم]

شكله زيون

بس ماني هم قلبي علي الولده متي ماجات جات

[نبض قلبي]

امممممممم مادري والله زيوووون احس اني مفهيه مثلج هههههههه

[أم الزين]

اي والله انسي وان شااءالله تجي من الله

[أم الزين]

ههههههههههههههههههههه


وااي وانا اقوول ابسال الخبره طلعت خبرتج طل مثل خبرتي ههههههههه

[نبض قلبي]

خخخخخخخخخخخ انا احس اني بكرية كل شي عرفته بهالحمله ولا حملتي السابقة .,.

مفهيييييييييييييية وع عماااي مادري وين الله حااطني ههههههههههه

[بنت ادم]

اقوال الي زواجي ابي اروح بيت اهلي

قالي بتروحين يوم وبتقوالي تابين ترجعين

اشويات الاقلب علي يقول واني اهون عليش تخاليني لوحدي

قالت اله انت تخاليني لوحدي لو ولدة اليوم ويش بيصير غير اني لوحدي جالسه قالي مابتوالدي بدري عليش

[نبض قلبي]

زيووووووووون احس التجمع خله من البنات .,.

الله يسعدهم ويهنيهم مع اطفالهم .,.>>>فيس زعلان

[بنت ادم]

والله نبوض اني بعد مثالش كل شي عرفته بهذا الحمله

[نبض قلبي]

بنت .,.

ماتدرين متى تولدين يمكن فجأة تجيك الالام .,.

فيمكن مايبيك تتركينه لحاله تحملي لين تولدين وبعدين اكييد بتروحين تتنفسين عندهم .,.

[نبض قلبي]

اي ان شااء الله الحمله الثالثه نصير خبيرات بكل شي هههههههههههه مومثل زيون >>اوووووووووووت هع

[بنت ادم]

عاد نبوضزواجي مايجي الاخميس وجمعه

[بنت ادم]

انشاء الله

بس حرام اني مضيقه لانه كل يوم ارتب الشقه من الف الي ي

فحس تعابت ابي ارتح

[قوتشيه]

هههههه كلنا في ثاني حمله تعلمنا اول حملتي كنت خفيفه درجة العب واناقز ولا اعرف ايش الوحام سبحان الله الا وقت الولاده جات فجاءه وماكنت ادري انو وقتي بعد الله يعين كل زمن عن زمن يختلف انا انسى وكله ابي اتسدح وتبطح والله يعلم بحالنا ههههههههه ربي يهون علينا

[نبض قلبي]

يلا بعد شنووو تسووووووووين انا زوجي يداوم بعيد عني اسبووعين والمفروض الاثنين يجي بس الصدمه .,.

انه راح يداوم اسبوع ثالث >>>اهئ اهئ فيس زعلان بقوة

وجالسه بشقتي انا وولدي بس ماليخلق اروح بيت اهلي احس ارتاح بشقتي وكل شي يمي .,.

[أم الزين]

ههههههههههههههههههههههههههههههههه

نبووضه كلنااااا بالهواا سوااا هههههههه



بنت عاادي اهم جذي يفصلوون انا زوجي هو الي قالي روحي لاهلج عشان هناك احسن لج والمستشفى اقرب عندكم واليووم يقولي انتي راايحه ومهملتني قلت بسييطه هالحين ارد معااك طبعا تغيير رايه وقالي شفييج انا اضحك معااج

[قوتشيه]

بنت ادم ربي يعينك لك الااجر ويفرج عليك ربي

[أم الزين]

نبوووضه اي والله الكل اختفى عسئ الله يهنيييهم ):


لهم وووووحشه

[أم الزين]

سبحااان الله الوحده مااترتااح الا بشقتهاا بس عشاان انا خاايفه تجيني ولاده ويصدف زوجي موعندي والمستشفى بعيييد واايد عنااا

[نبض قلبي]

هههههههههه مالهم راي واحد هالرجال .,.

اي والله لهم وحشة بس يلا ان شاء الله نووولد ونفرح بعيالنا >>هم خل يطلعون بس هع

[نبض قلبي]

انا راضية بجلستي بالشقه لان مطمنه اختي تحت ساكنه واخواني حولي قريبن واهل ابوي يعني مطمنه ع السياره

بس خووووووووفي من نص الليل لاجات الولاده وفجأة ماكو سياره خخخخخخخخخخخ

[عازفةالناي]

الله يعين انا زوجي كمان يداوم حق ساعه ونص المشوار للروحه وصرت اخاف يجيني الالم وقت الدوام لان ماحولي احد اابد بس ان شاء الله ربي يسهلها علينا

[بنت ادم]

هههههههه

اني المشكله زواجي كان يبني اروح بيت اهلي من ادخال الثامن واني رفضه والحين لا مايبني اروح

[أم الزين]

بناات بقوولكم شي توه صاارلي


احس بشي تحت تكرموون رحت الحماام لقيت افراز ثقيييل وااايد لونه شفااف وفيه ابض بس اول مره اشووفه؟؟؟

[بنت ادم]

زيوان انتي معش التهابات

[أم الزين]

لا بنت الحمدلله ماامعااي التهااباات

[أم الزين]

تصبحوووون على خييير

[nice mam]

زيون إن شاء الله تكون علامة ولاده
لاني اسمع انو السداده كذا وصفها بعضهم ينزل معاها دم وبعضهم لا

[بحيرة عسل]

الله يكون بعونا جميييعا


بنوتات بسالكن


انا بالاسبوع الثالث من الشهر التاسع والالم تروح وتجي بس الرحم مانفتح

وسويت بخور مرتين مره بعود ومره بالبان

ومافيش فايده


بسسس بنوتات ينزل مني افراز الصفر
قبل شهر كان معاي التهاب وتعالجت منه الحمدلله


بس بسألكن مامنه ضرر لانه باقي ع موعدي اسبوع

[عازفةالناي]

الافرازات هذي طبيعيه قبل الولاده مو شرط انها التهابات هذا اللي قالتلي الدكتوره

[عازفةالناي]

استبشري خير زيون كلها يومين وتولدين

[Reeema]

صباح الخير


زيون اﻻفراز اذا كان ثقيل ومتماسك هذا السداده

نزلتلي من اسبوع

بنات عندي طلق بس خفيف مو راضي يحمي وش اسوي مانفسي اجرب الصناعي


تنويمي العصر ان شاءلله اطمنكم اذا قدرت

ادعولي بناااات

الله يسهلهاااا عليناا يارب

[حياه زوجها]

هاي بنات ابشركم ولدت بتاريخ 1434/5/14وجبت احلى ريما

بحياتي لكن بعدين بدخل وأقول لكم معاناتي في الوﻻده 3 أيام أطلق بعدين عمليه

[بنت ادم]

مبروك حياة والحمد الله علي سلامتش وتترب في عزك انشاء الله

Reeema

بين معش طلق شنتبخرتي حمتي تقوال بس تحس بطلق خفيف تتبخر ويزيد عليه واجد وماتروح المستشفه الا وهي علي ولده

[عازفةالناي]

الف مبرووووك حياااه والحمدلله على سلامتك تتربى بعزك الله يخليها لكم
بس ليييش العمليه؟؟ كذا الوضع مايطمن الله يكفينااhwaml85

[براءة حلم]

اليوم احس بمغص وبطني يتحجر مع اني ما اشوفه نزل بس ان شاء الله انها بدايه الفرج

[براءة حلم]

كل التجمع ولدو بعمليات. ايش القصه. من فيه ولدت طبيعي

[ملاك الروووح]

أخباكم كرؤسات

تونيبديت أقوم واجلسس لحالي أه يالعمليه موت

ليه حصوص ولدت عمليه ؟
زيون الله يسهلك

أنا من الجمعه وانا متنومه تنزل مويات ؤاخرتها عمليه يوم الأحد 12 / 5 بس إلحمدلله جبت مالك فديته ونساني الألم

[Reeema]

الحمدلله ع سﻻمتك حياه وسﻻمه الكتكووته سميتي ماشاءلله

الله يجعلها من مواليد السعاده

انا خايفه من العمليه ﻻن عندي طلق بارد والرحم مو راضي يفتح

خوفي يعطوني صناعي ومايفتح كمان وبعدها عمليه الله يستر


ياااااارب هونها وارزقني الوﻻده الطبيعيه الميسره

[اميرة الدلع]

السلام عليكم


امس نزل مني افراز غليظ مرره وثقيييل مررره لونه شفاف مع اصفر مع بني مع ابيض
بحثت عنه بالنت قالوا هذي السداده ، المهم اتروشت بموية دافييييه و حسيت بالالم خفيفه في ظهري و بطني مثل الالام الدوره

المهم رحت للمستشفى كشفت علي الدكتوره قالت فاتح واحد سم ، لسه باقي ع الولاده ،،
و وضع الجنين وكل شي تمااام الحمدلله ،،

[اميرة الدلع]

والييوم بعد نزلت السداده مره ثانيه ،، تتوقعون انفتح الرحم اكثر

[اميرة الدلع]

امممم انا اليوم او بكره احتمال اكمل التاسع بالتمااام

لان زوجي كان معاي من بعد اخر دوره من تاريخ 6/8الى20/8 وبعدها جلست عند اهلي لرمضان وثاني يوم في رمضان
حللت وطلعت حااامل ،،


يقولوا خالاتي .. الييوم اكمل التاسع وبكره ولادتي ،، استحااله ازيد يوم واحد عن العاشر
اصلا مافيه احد يعوشر ،،، صحيح هالكلام ،،

يعني لو ماحسيت بكره بشي ارووح لهم يولدوني قبل مايتضرر الجنيييت ولا اصبر لحد ماتجي الطلووق

[اميرة الدلع]

اعذروني ع الاخطاء الاملائيه ، اكتب لكم من الجووال

[عازفةالناي]

الف مبروووك ملااك والحمدلله ع سلامتك ..
الله يسهل عليك ريماا وطمنينا عنك ..
امييره انا زيك بكره محددلي موعد ولادتي بس لسى ماعندي طلق ولاشي وعادي لو اخدتي بعد التاسع اسبوع او اسبوعين دام الجنين كويس والمشيمه مايستعجلون عليك الا اذا فيه خطر عالبيبي مو صحيح انهم يحسبونلك باليوم ويولدونك غصب هذا نص التجمع معوشرين

[نبض قلبي]

حياة .,.مبرووووووووك والحمدالله على سلامتك تتربى في عزكم وكله على أجلر أن شاااءالله .,.

ريمااااااااا .,.أن شاااء الله ربي بيسهلها عليك وتولدين بالسلامه ووودعواتك لنا ياحلوووووووووة .,.

وطمنينا عليك .,.

[أم يسوف]

ألف ألف ألف ألف ألف ألف



مبرووووووووووووك



حيااااااااااااااة





والحمدالله على سلامتك




وسﻻمة البنوووته و تتربى في عزكم

[ام راشد ومحمد]

الف الف مبرووووووووووووووووك حياة وعقبال عند الباقين وعندي يا رب

[4يو]

الف الف مبررووووك حياة

[4يو]

وين زيوونه عسى ربي يهوون عليكم ويقومك بسﻻمه في القريب العاجل

[4يو]

الواتس شغال عندكم وﻻ واقف زيي

[4يو]

مافي احد هووون

[المهره العولقيه]

سلاااااااااااااااام كروشاااااااااااااات
كيفيكم انشاء الله ربي يسهل عليه وعليكم
انا راح احكي لكم قصتي انا بكريه متزوجه لي سنه وشهرين تقريبا
المهم بعد زوجي بشهرين حملت ولما صار عمر البيبي شهر ونص سقطت يعني مات البيبي الحمد لله على كل حال
يعني سقطت في 4-6-2012 وبعدها ما جتني دوره شهريه وسويت فحص منزلي للحمل وما بين وبعده بفتره قصيره حسيت بالالم ورحت عند الدكتوره وسوت لي سونار وقالت اني حامل وعمر الجنين 39 يوم هذا كان بتاريخ 1-8-2012 والحمد لله فرحت كثير لاني مرررره تاثرت لما سقط البيبي وبعد فتره رحت عند الدكتوره وقالت لي الجنين نازل وممكن يسقط في اي لحظه لاني حملت على رحم تعبان اهم شي قالت ضروري راحه تامه واعطتني ابر مثبته للحمل مررررررررررررره متعبه الابر لكن الحمد لله وكل ماروح عندها تعطيني كيس ادويه فيتامينات لي وللبيبي وابر مثبته وحبوب حشان لالم لانه من بدايه الحمل وانا مررررررررررره تعبانه
وانا في الشهر الربع فحصتني من تحت وقالت لي الرحم مفتوح وفي خطر على الجنين لازم اسوي عمليه لربط عنق الرحم وسويتها وكنت خااااااااااااايفه موووووووووووت لكن ايش اسوي نفسي في بيبي يفرح قلبي وقلب زوجي وكمان اعطتني ابر مثبته وقالت لي انا ممكن يسقط وانا رابطه واني ما اتحرك وخوفتني فوق ما انا خايفه
وفي الشهر السابع بداء ينزل مني مويه على خفيف ورحت عندها وقالت طبيعي وعلى هذا الحال في الشهر اروح المستشفى مره اومرتين وكرهت حاجه اسمها مستشفى وكمااااااااااان الحرقه وما ادركم ما الحرقه عذاااااااااااااااااااااااااااااااااااااااااااااااا ااااااااااب تعبتني مووووووووووت لكن الحمد لله والادويه كيس رايح وكيس جاي بس كله الدكتوره هي الي جابته لي والااااااااالم ولاده مبكره من السابع اهم شي وصلت لشهر التاسع بعد عناء شديد الحمد لله وفي تاريخ 2-9-2012 فكت لي الخياط ورتحت قليل لاني كنت حاسه اني بموت من الالم كان مرررره مضايقني وفي تاريخ 17-9-2013 رحت عند دكتوره قريبه من البيت مش حقي الدكتوره الي ارجع عندها وقالت اناي ولاده وان الرحم مفتوح اصبع (لان عندنا يحسبو با الاصابع )يعني 2سم وقالت يمكن اولد الليل اوبكره الصباح وانا اول ما قالتي فرحت مره وروحت البيت على طول وجهزت نفسي وشنطه البيبي ورحت على طول عند الدكتوره الي ارجع عندها وقالت الرحم فاتح واحد ونص يعني 3سم وقالت اجلس في المستشفى لبكره ونشوف ايش نسوي ونمت في المستشفى انا وامي الله يحفظها تعبتها معايه من بدايه الحمل المهم اجى الصباح وشافتني الدكتوره من تحت وقال فاتح 2 اصابع يعني 4سم بس قالت لي انه الرحم قاسي وانا الماء حول الجنين وانه وضع الجنين طبيعي وقالت لي روحي احسن لما يجيكي الطلق القوي تعالي لانه معاكي وقت طبعا الموعد الي حددته للولاده هو30-3-2013 وطبعا انا روحت ومن ذاك اليوم وانا انتظر انه ينزل مني ماء او يجيني الطلق المنتضم لكن ما فيش اي فايده وانا الان كملت التاسع ومافيش اي جديد طبعا الالم موجود لكن هيه هيه نفس الالم الي احس فيها من بدايه حملي واحيان احس بالالم فضيع في الليل ولما يجي الصباح يروح وعلى هاذا الحال
بالله عليكم ايش تنصحوني ايش اسوي اهل زوجي يقولو اني دخلت في العاشر وانا صراحه مش متاكده من الموعد الي حددته الدكتوره احسه غلط والله اعلم لاني احس اني طووووووووووولت من جد ومع ذلك رحت عند كتوره ثانيه في بدايه حملي وطلعت الفرق بي التاريخين يوم واحد يعني حددت ولادتي 29-3-2013 بنات ايش اسوي اسالكم بالله دلوني قولو لي ليش اسوي تعبت نفسيا خايفه اكون مدخله في العاشر لي فتره لاني تعبت من المستشفيات وبعدين لما رحت اخر مره يعورني لما دخلت الدكتور يدها وبعدها خرجت مني افرزات مخاطيه مع خيوط دم اعتقد انا السداده الرحم بس ما نزلت مره واحده نزلت على 3 ايام ايش اسوي الان امي تقول نروح بكره وانا خايفه يعطوني طلق صناعي او يسو لي عمليه قيصريه مع العلم اني امشي ساعتين في اليوم واكل تمر واشرب العسل والقهو والحلبه يعني كل الي بيدي سويته والباقي على الله بالله ادعو لي
وسااااااااااااااااااااااااااااااااااامحوني طولت عليكم لكن ايش اسوي ما معايه الا انتو افضض لكم

[سماء الاحساء]

مساكم خيرات ياهلا فيكم انا بخير والبنوته بخير صحيح اغلب التجمع عمليات انا الحمدلله ولدت طبيعي وان شالله الباقيات طبيعي بسالكم عن كريم الدوكين لللتبيض منو استعمله وكيف طريقته تستخدمونه مع شئ ثاني او لوحده وهل يأثر عالرضاعه. المهرة الله يهون عليك وتقومي بالسلامه يارب والباقيات

[أم يسوف]

زيووووون



ربي يسهل عليك ياااارب

[بنت ادم]

المهر المفروض رحتي المستشفه بين كملتي التاسع

[بنت ادم]

هلا بنات اني بقول الكم شي

والله خايفه اروح المستشفه واجد

اني جالسات اليوم مافيه شي لا الم ولا حاجه

المهم جاني الم خفايف بس مو بزيده

المهم دخالت دورة المايه ونزال مني دم مقطي الهاف

بس لونه احمر علي بني

كلمات زواجي قالي اخالي احد يوديش المستشفه او كيف

قالت اله مافني الم او شي

بس قال رقبي الدم اذا نزال بيخالي احد يوداني

واني خايفه لانه مافيه لا طلق ولا شي واحتمل انه يكون الرحم منفتح اكثر و اروح يقوال طلق صناعي

[عازفةالناي]

الله يسهل عليك مهره اصبري ع نفسك شوي ..
بنت ادم يلا ان شاء الله ولادتك قريبه وروحي علشان تتطمنين عالبيبي

[بنت ادم]

عازفه وقف الدم مابي اروح واحاتي اكثر

بين ماكو الم مابروح انشاء الله اذا الله ارد مابوالد الا سبوع الجي

[أميره مووول]

اللهم صل على محمد وعلى آله وصحبه أجمعين

[بنت ادم]

وينكم كل هذا ريحين توالدو ولده جمعيه بس اني المعنده اليوم يعني

[عازفةالناي]

انا رحت شريت الحلتيت وماسكته فيدي اشمشم فيه وانتظر هالولاده تجي ههههههه

[بنت ادم]

عازفه كل هذا مستعجله علي الولده

[*ام علاووي*]

بنت آدم

كيف كمية الدم

اذا كان مو افراز فيه دم

يعني كمية دم

لازم تروحي المستشفى يمكن تكون مشكله في المشيمه

وخطر على البيبي

وانتي عارفه اصلا انو ملخبطين موعد الولاده وماحد عارف متى موعدك

يعني يمكن تكوني حتى كملتي التاسع

انتي على الأقل روحي تطمني شوفي سبب نزول الدم

[*ام علاووي*]

طمنيني عنك وتواصلي معاي على الواتساب

اكيد عرفتيني

[عازفةالناي]

والله اني ابي اخلص عشان اروح لاهلي فقدتهم

[nice mam]

بنت لازم تروحين المستشفى لا تسكتين على نفسك


بنات كيف العمليه معاكم والله تعب كل يوم الم جديد الله يكتب اجرنا
للي سوو عمليات من قبل متى خفت الآآم العمليه

زيون مختفيه إن شاء الله تكون ولدت
حياة الف مبرووووك المولوده وتتربى بعزكم يارب

[بنت ادم]

انشاء الله بس الحين الم في ضهري يروح ويجي هذا متعباني واجد

[بنت ادم]

عرفتش قلبي اخبار علوي وعبود

[بنت ادم]

قلبي احتمل اروح بكره الصباح

[بنت ادم]

زيون وينش

نبوض

ليكون اتفقتون علي ورحتون توالدو بدواني

[حامل2011]

اخباركم بنات وكيف الحمل معكم انا بالاسبوع الثامن والثلاثون واحس ظهري بالنص بينكسر

[Sweet memooo]

مرحباااا
اخبارركم
مبرووك حياه وتتربى بعزك البنووته والباقي الي ولدووا مبرووك وربي يسهل على البااقي ياررب
بنت لازم تروحي تطمني ربي يسهل عليش
زيوون الله يسهل عليش دخلي طمنيناا

[حامل2011]

بنت ادم لو نزل عليك ماي روحي اذا رحتي الحين بيلعوزونك

[بنت ادم]

حامل انتي حاسه ابي خايفه يلعوزاني

وفي النهاية يقولون طلق صناعي

سويت اني تواني مخده خيره علي اني اروح المستشفه بكره الضهر

طلعات جيده بشرط انشاء الله بس ماني عرفه الشرط مثل شنو هل يزيد الدم او نزوال الماي

انتي تتوقعي شنو هذا الشرط

[بنت ادم]

سويت وينش

ابي ريش قلبي اني مابي اكلم اهلي حتي لايحتون بدات انه زواجي موموجود معي

بس اقوال لو سمع كلمي ووداني سهات قبل مايروح الرياض احسن

[ورق لبتون]

مراحب ياكروشات

الله يهون عليكم ويبلغنا ربي بشوفة مواليدنا

[بنت ادم]

بنات انياحس بالحركه اوكي حركة البيبي بس خايفه والحين افزات مع دم تنزال علي

[بنت ادم]

مرحبتين ورقة لبتن

امين ياررر

[Sweet memooo]

هلاا بنت روحي المستشفئ يمكن الرحم فاتح عندك او استني الصباح ادا مافي الم بس لازم تروحين تطمني الله يسهل عليش

[حامل2011]

اذا نزل منك دم لازم تروحين يمكن الرحم فاتح عندك والالم بيجي على مراحل روحي احسن

[بنت ادم]

بنات اني الرحم فتح عندي 4 سانتي من الاساس

بس خايفه اروح

اذاشفات الدم زيد علي قالت بروح بكره الضهر انشاء الله

[حامل2011]

مشاء الله عليك فاتح اربعه وجالسه بلبيت نصيحه روحي الحين عشان تكونين تحت الملاحظه يمكن يفتح عشره وانتي بلبيت

[Sweet memooo]

بنت روحي اني لما زاد الدم وكان عندي الم بسيط وكنت اقول بروح الليل بعدين ماتحملت ولما رحت طلع فاتح عتدي 4 ودخلوني علطول ولاده روحي الله يسهل عليش

[بنت ادم]

الدكتوره لمه كشفة قالت اربعة سانتي منفتح

بس مافيه ولده ماعندي طلق وقالت خالص بطلعش مايحتاج انومش

علشنان كذا اني خايفه اروح يولدني بطلق صتاعي

[بنت ادم]

تدرون اني الحين كل 20دقيقة في الم عندي مثل الم الدوره بس بدون تحجر

[ام مزيون]

هذي ولاده مايبي لها كلام روحي مستشفى الله يهون عليك
وطمنينا اذا ولدتي

[بنت ادم]

بسام مزيونه ماتحجر بطني نهاين بس الم معي

[حامل2011]

روحي وقولي لهم مابي طلق صناعي هو مش اجباري مو لازم تاخذينه

[عيون عبودي]

يااااااااااااااااارب يبلغنا ويبشرنا بولادتكم جميعا وانا معكم يااااااارب

[بنت ادم]

شكلي الصباح او الضهر لانه مافيه احد يوداني الحين

[Sweet memooo]

بنت دام ان في الم يعني بدايت طلق وموشرط يتحجر بطنك ماتدري بس اهم شي تطمني ولايزيد عليش وتتوهقين بعدين تروحي من البدايه احسن استني الصباح الناس تقعد وشوفي احد يوديش وربي يسهل عليش

[بنت ادم]

انشاء الله سويت مافيه الاصباح اروح

[ورق لبتون]

بنت ادم

لاتصبرين لين الظهر

الصباح روحي الساعه 6 الناس تجلس لاعمالهم يمديك تروحين 6

الله يسهل عليك

وتبشرينا

[بنت ادم]

انشاءالله اذا الله ارد ابروح الصباح

[بنت ادم]

اني بخاليك بحوال انام اشوي قبل مايكلمني زواجي تصبحون علي خير بنات

[نبض قلبي]

بنت ادم .,.

لاتخاافين لسااتني صاامده ماولدت >>فيس زعلان .,.

بس من جد انتي دوووووووووووبة

من دوون ماتسألينا رووووووووووحي طيران ع المستشفى دام نزل عليك دم ومن قبل الرحم فاتح موشرط

يجيك الم في ناس كذا يفتح الرحم بس بدون الم .,.

بس نصيحه روحي ع الاقل وتطمني ويمكن تكون فيك ولاده واذا لاسمح الله وحطوا طلق هذا الي مكتووب

.,.

[نبض قلبي]

انا والله كل يووم اتمنى انام واصحى ع نقطة دم اوماي اوالم اواي شي يدل ع اني بوولد .,.

كااان والله طيران ع المستشفى .,.

اليوووووووووم عندي موعد المغرب الله يستر >>>اتمنى يطلع فيني ولاده

[جوري احمر]

نبض مثل حالتي مافيه اي بوادر ولاده الله يهون علينا الحين تعديت التاريخ المتوقع تقريبا اسبوع او اكثر

[حامل2011]

بنات انا مره خايفه من الولاده خاصة الم الطلق لان ببنتي الاولى اخذت ابرة الظهر ومابي اخذها ثاني مره

[Sweet memooo]

الله يسهل عليك بنت وبكره تونلدين واطمنيناا
نبوضه وجوري شخباركم يادووباات
دكرتووني اني بعد كنت كدا كل يوم اقعد ابي اشوف شي يبشر بالولاده او شي بس مافي وبعدين قلت خلص مافي ولاده شكلهاا خخخ وقعدت يوم الانزل عليي دم واستانست وخفت بنفس الووقت حتى لما رحت اوولد واني في الطرريق قعدت اصيح من فرحتي ومن خووفي خخخ
ربي يسهل عليكم ان شاءالله وتشوفون البيبيات وتستانسوون ابهم
زيوون وينك ان شاءالله رحتي تولدي ربي يسهل عليش

[Sweet memooo]

حامل ليش ماتبين تاخذينها الابره مره ثانيه؟؟ فيها اعراض او شي
اني بولادتي ماكنت ابيها بس من كثر الطلق اتعبت مره ووصلت يمكن لسبعه او ثمانيه فتح الرحم وبعدين قلت ابيها ومن كثر ماتعبت حتى الجنين نبضاته قلت وقالوا بيدخلوني عمليه بس بعد ماخذيت الابره هدئت وخف الالم ورجعت نبضاتها اوكي والحمد لله ابره الضهر ولالعمليه وكانت مجازفه بالنسبه لي لان حتى زوجي حزتها يقول ليي انا خايف من اضرارها او شي بس اتوكلت على الله وخذيتها والحمد لله على كل حال

[Sweet memooo]

بس اني الحين افكر اذا حملت مره ثانيه هل اخذ ابره الضهر او لاا احس الطلق عذااب ربي يسهل عالجميع

[براءة حلم]

صامدون صامدون 😔

[جوري احمر]

سويت هلا وغلا والله اتوقع انا من اللي طلقهم بارد
والله يستر اذا مااعطوني طلق صناعي
في ولدي اعطوني تحاميل وابره مع المغذي كلهم
صناعي بغيت اموت حتى النفس
ماابالغ ماقدرت اتنفس وحطو لي اكسجين لدرجه مااقدر استن
شقه من الالم
يارب انك تسهل ولادتي وتفرحني بشوفه البي بي معافى وكل بنات المسلمين

[ليتني مو انا]

من اللقافه اللي فيني حبيت ادخل اشوفكم واتطمن عليكم ياللي على وشك
يااارب عقبالنا تجمع ذو الحجه نسولف كذا عن الولاده
ياويلي والله شيء يخرع
الله يسهل عالجميع يارب

[سماء الاحساء]

صباحكم خيراااات ياهلا فيكم والده لي 15يوم ولاطاحت الخيوط مين والده طبيعي وطاحت خيوطها وهل هم طاحوا او عند الدكتوره شالتهم

[حمودي حياتي]

مرحبا بنات فعلا اغلبيتنا قيصريات الله يسلم الباقين منها

بس بيني وبينكم قررت بولاداتي الجايه اطلبها من قبل واريح راسي والله

بنات ماجاوبتو ع سؤالي هل الي والده قيصري تتاثر عندها المنطقه من تحت ولا لا خاصه لو بكريه

[ام راشد ومحمد]

حمودي اللي والده قيصري ما بتتاثر نهائيا

[حمودي حياتي]

الحمدلله ام راشد طمنتيني ع الاقل نطلع كسابانين بشي واحد ع الاقل اهئ اهئ الحمدلله


وين باقي البنوتاااات

[ديالا البكري]

السلام عليكم
بنات انا قررت اليوم اروح المستشفى عشان الطلق لانهم كانوا بيعطوني اياه السبت بس انحشت من المستشفى واليوم صليت استخارة وان شاءالله ربي بيسرها واولد طبيعي خاصة اني مطوفة التاسع ب اسبوعين ومافي اي بوادر ولادة تكفوووووووووون دعواتكم ربي يسهلها علي واولد بصحة وسلامة انا والبيبي

[*ام علاووي*]

مرحبا


ابشركم


بنت آدم ولدت اليوم الظهر طبيعي


وجابت ولد

[عازفةالناي]

الف مبروووك عليها والحمدلله ع سلامتها ..
الله يسهل عليك ديالا

[عازفةالناي]

تهووون الولاده قيصري ع طول احسن من يولدونك طبيعي وبعدين قيصري كذا عذااب ..
الله يسهل عالجميع ياااارب .. الحين انا ببدا العاااشر يااارب لطفك وصبر من عندك يااااارب

[سماء الاحساء]

الحمدلله فى سلامتك بنت ادم والف مبرووووك

[ورق لبتون]

بنت ادم

الف مبرووووووك يتربى بعزكم

[عازفةالناي]

زيوووون وين؟؟ شكلها ولدت ..
عقبالنا قرييب ياارب

[*هلا*]

الف مبروووك عليها والحمدلله ع سلامتها ..
الله يسهل عليك ديالا

[*هلا*]

كروشااات بسئلكم الطلق الصناعي تاخذونه بعد ما تفك القابله الماء الجنين ولا وماء الجنين موجود

["ام تولين"]

الله يسسسهل عليككككم حبيباتي^^
ام الزين شككلها ولدت الله يفرححنا بخبر ولادتها:)

ناااطهه من قروب حولكممم>>>هههههههههههههههههههههه*_^

[ربي سهل حملي وولادتي]

اهليييين صبايااااا
كيفكم كلياتكم
مبروووووووك حصوص وبنت ادم وكل اللي ولدو

ابشركم مع انو متاخره الحمد لله ولدت يوم الثلاثاء الظهر وجبت بنووته وسميناها الجوهره
والحمد لله كانت ولادتي طبيعي

عقبال ما اوافيكم باكشن الولاده حقي ههههههه
الحمد لله اولا واخيرا يااارب

[Zainab m]

مبروووك حصوص وسويت وبنت ادم وام سديم وكل الي ولدو
ويتربو بعزكم البيبيات

[عازفةالناي]

الف مبروووك ام سديم تتربى بعزك الله يرزقك برها...
بدا التجمع يتصفى

[براءة حلم]

مابقي غير انا وعازفه الناي وجوري وام الزين احساسي يقول ولادتي يا الجمعه يا السبت

[عازفةالناي]

اصبرو خلوني اولد قبلكم بالدور لاحد يسابق هههههههه

[um yuseef]

مساء الخير

الف الف مبروك اللي ولدو و يتربو يعزكم البيبات

وحشتوني بس وربي ما أفضى مع بنتي الله يصلحها ليل نهار تبكي

بالعافيه الاقي فرصه ارتاح فيها و انام مدري اش اسوي لما ارجع بيتي

[أم يسوف]

أبشركم ولدت اليوم



العصر. ولدت طبيعي.





وجبت بنووووته








الفال للباقي









ياا

[خلوني على صبري]

مبروك لكل الي ولدو بسلامه وام الزين طمنينا عنك ان شاء الله ولدتي بسلامه والباقي المتاخرات والمعوشرات اسال الله في هذه الساعه ان يفرجها عليكم وتجيكم طلق وعلوم وتتسهل ولاداتكم وتبشرونا وعقبالنا كمانhwaml7

[مهاوي11]

الف مبررررروك ام يسوووووف وحمدالله على سلامتك
ومبروووووك النونووو تتربى بعزك
الفال لنااااا يارب

[عاازفة اوتار الامل]

الف مبروك والف الحمد لله ع سلامتك يارب

وعقبال الباقي

[خلوني على صبري]

مبروك ام يسوف والحمد لله على السلامه

[حصووووص]

الف مبرووووووك للي ولدوو. والفال للباقياات

[براءة حلم]

مبروك للي ولدو والفال لنا يارب

[أم الزين]

مرحبااااا


شلووونكم



الحمدلله حتى يبلغ الحمد منتهاااااه


ابشركم امس ولدت يوم الاحد تاارييخ 31/3/2013


وجبت حموودي بولاده طبيعيه ولله الحمد



ومبروووووك للي ولدووا والحمدلله على سلامتكم

[مهره الدنيا]

الف الف الف

مبرووووووووووووووك

ام الزين

والحمدلله ع سلامتكم

[أم الزين]

الله يبااارك فييج يالغلاااا

[براءة حلم]

الحمد الله ع السلامه زيوون. ياللله استبشرت بولادتك خير دام ولدتي بولد يابكره يابعده

[براءة حلم]

جاني امل بالولاده الطبيعي ماشاء الله ثلاث ولادات طبيعيه بيومين

[عازفةالناي]

الف الف الف مبرووووووك زيوون وام يسووف والحمدلله ع سلامتكم ..
يلا فاتحت خير ان شاء الله والفال لنا

[Sweet memooo]

مرحبااا
اخبارركم
شوو هالاخبار الحلووه مبروووك للي ولدووا والحمد لله عالسلامه
زيوون واخيررا طالع حموود شخبارش وشخبار الولاده وكيف حمودد ؟
سما انبي صار لي15 يوم والده ولاشفت خيووط ولاشي
الله يسهل عالبالقي ياارب

[شيّومهـ]

بالبركة حبيباتي

الف الحمدلله على سلامتكم

بنت ادم .. ام يسوف .. ام الزين

الله يجعلهم من مواليد السعادة ويرزقكم برهم يارب



سماء الاحساء

انا لي 28 يوم وللحين فيه غرز ماطاحت

[حصووووص]

الف مبرووووووووك زيوووووووون. يتربى بعزززكم. قررررررة عييينج

[حامل2011]

مشاء الله وش هالاخبار الحلوه عقبالنا يارب مبروك ام يسوف وام الزين وبنت ادم

برءة حلم وسويت وانا الله يسهل علينا

[Sweet memooo]

الله يبارك فيكم ويسهل على الباقي ياررب

[حامل2011]

سويت ميمو انتي صحيح خذتي ابرة الظهر بولادتك الثانيه وقولي لي كيف

[بنِت النوُر]

الفففففف مبرررروك للي ولدن يتررربووون بعزززكم ياررب

والفال للبقيييييييييييييه

اما بالنسبه للخياطه الي ماطاح خياطه خوواتي اذا جا لهن 15 يوم تروح لدكتوره وتفك الغرررز لان الجرح يكون التااام فالي يكوون صاار لها 15 ترروح لدكتوره وتشيك عليهاااا اذا لتام تفك الغررز والله يسهل عليكن اهمممم شي رحن لدكتوره تفهمممممم


دعوووتكن لي بتمااام حملي وان الله يررررزقني الذريه الصااالحه المعااافااااااه تااااامةالخلقه

[Sweet memooo]

حامل اني خديتها بولادتي ببكرري توني اول ولده ليي وماخديتها الابعد مافتح سبعه او ثمانيه بس لان وصلت حدد اني مااقدر اتحمل وبس طلبتها جا الدكتور وشرح لي وياها معني من قوه الطلق ماني وياه بس رجلي سمعه للاخر وشويات وعطاني وياها حسيت بس بابره التخدير الاوليه وبعدين عطاني الابره ولاحسيت بشي لاني كنت خلص واصله حدي من قووه الطلق وبعدين بدا شوي اشوي يخف الالم بس احس بدفع الجنين لتحت واحس بشووي من الالم بعدين شوويات ويجي يزيد الجرعه اذا رجع الالم حسيت بالم بس بسيط بس بعدين الشق ولخياط وطلعت الجنين مااحسيت بشي ولالخياط بعد حسيت

[بحيرة عسل]

مبروووووووووووووووووووووووووووووووووووك بنوتات




يتربون بعزكم





عقبالي وعقبال اللي باقي


كم وحده لسسساتها ماجاهاالدوور ؟؟





ماعدنا غير الصبر والفرج من ربي

[بنت ادم]

الله يسلمكم بنات

تسلمي ام علاوي ماقصرتي

الحمد الله علي سلامه الولدو ومبروك ماجهم

اذا طلعات من المستشفه بجي اعطيكم التفصيل

يالله سلام بحوال انام

[şнσσц]

hwaml7

hwaml7


hwaml7

الحمد لله كما ينبغي لجلال وجهه وعظيم سلطانه ,,

رزقني الله يوم الاحد الساعه 12وثلث ليلا..

باحلى بنوته

وافتتحت الشهر الجديد 1-4- 2013

وكانت ولاده طبيعيه ولله الحمد

[şнσσц]

مبرووك ام الزين + بنت ادم وللي ولدووووو .. اعلذروني ماقريت الصفحات اللي قبل ولا ادري منو ولد كمااااان


الله يسسهل للي ماولدت ويهون عليها .. ويبارك للي ولدوا بمواليهم

[جوري احمر]

الحمدالله على سلامتكم

وعقبالي وباقي البنات يارب العالمين بالولاده السهله الميسره

[ورق لبتون]

نورتي الصفحه بنت ادم

الحمدلله على سلامتك

وربي يسهل على اللي ماولدوا وتبشرونا يارب

[*هلا*]

الف مبررررروك ام يسوووووف وشووووق وحمدالله على سلامتكم
ومبروووووك النونووو تتربى بعزك
الفال لنااااا يارب

[حامل2011]

يارب عقبالنا نولد بالسلامه خلاص مافيني صبر

[بحيرة عسل]

şнσσц



الف مبروووووووووووووووووووووك حبيبتي تتربى بعزك يااااااارب


تبلغين فيها عروس نشششششالله


وعقبااالنا يارب سهالات ولادة طبيعيه يااااااااارب



اخيتي حاااامل مالنا غييير الصبر نشالله انا وانتي نولد ورى بعض تبشرينا وابشركم


^^

[اميرة الدلع]

ابشركم ولدت ولله الحمد الساعه 2بالليل وجبت احلى بنووته

[عيون عبودي]

الف الف الف مبروك لكم يارب يتربون بعزكم وعقبال الدور علينا

[nice mam]

الف الف مبروووك لكل اللي ولدو يتربو في عزكم يارب


ويارب تتيسر للباقيات ولاده طبيعه سهله

[عازفةالناي]

الف مبرووووك شووق واميره والحمدلله ع سلامتكم ..
انا رحت موعدي اليوم وحددولي موعد الاسبوع الجاي طلق صناعي .. بتعطيني تحميله
بناات اللي عندها خبره تقولي وش الفرق بين التحميله والمغذي.؟؟!

[براءة حلم]

صامدون صامدون. اتوقع مايبقئ غيري خلاص تحطمت

[um yuseef]

ام الزين و شوق

الحمدلله على سلامتكم و عقبال الباقين يارب

يلا خلونا نعمل تجمع جديد بعد الولاده :))

بنات كيف اعرف ان الغرز كلها نزلت ؟ لاني ما شوفت الا 3 فتلات طاحت

[*هلا*]

براءة لا تتحطمين انا معاك

[أم يسوف]

الله يبارك فيكم حبيباني



يسلمووووو جميعاً




والفال للباقي


ان شاء الله


بالوﻻده الطبيعيه السهله





والف شكر لكل من


بارررك لي

[حصووووص]

عازفه. التحميله. علشاان يفتح الررحم. والنغذي بيعطوونك اذاا وصل الرحم بعد سبعه سانتي
وان شاء الله ماتحتاجينهم

انا عطوني تحميله وحده ولا سببت وجع في حريم معي جاهم طلق اناا ثاني يوووم


بس نصيحه لا تصيحين
لان بينهد حيلج وانتي ماجيتي الولاده

[أم يسوف]

الف الف الف مبرووووووك زيوون وام يسووف والحمدلله ع سلامتكم ..
يلا فاتحت خير ان شاء الله والفال لنا





يسلمك ربي يالغﻻ



والفال لك يارب





بالسلامة والسهاله

[أم يسوف]

بالبركة حبيباتي

الف الحمدلله على سلامتكم

بنت ادم .. ام يسوف .. ام الزين

الله يجعلهم من مواليد السعادة ويرزقكم برهم يارب



سماء الاحساء

انا لي 28 يوم وللحين فيه غرز ماطاحت






يسلمك ربي يالغﻻ



مشكوووره


والله يعطيك الصحة


والعافية يااااارب

[أم يسوف]

مشاء الله وش هالاخبار الحلوه عقبالنا يارب مبروك ام يسوف وام الزين وبنت ادم

برءة حلم وسويت وانا الله يسهل علينا







يبارك فيك يا رب


والفال لك يارب



بالسلامة واالسهاله

[أم يسوف]

الف مبررررروك ام يسوووووف وحمدالله على سلامتك
ومبروووووك النونووو تتربى بعزك
الفال لنااااا يارب





يبارك فيك يا الغﻻ



والفال لك يارب



مهااااوي



بالسلامة والسهاله




ياااارب العالمين

[أم يسوف]

مبروك ام يسوف والحمد لله على السلامه

يسلمك ربي


ويبارك فيك



والفال لك



يارب بالسلامة والسهاله

[ام راشد ومحمد]

الف الف مبرووووووووووووووووووووووووووك ام الزين وام يسوف واميره وشوق والفال اللي يا رب

[Sweet memooo]

الف مبروك شوق واميره وام يسوف وعقبال البااقي يارب

[عازفةالناي]

تسلمييين حصووص الله يسهل انا ابغى اخد ابرة الظهر بس مادري يعطوني فالمستشفى العسكري او لا ؟
وهل فيه بنج يخفف الم الطلق قبل تجي الولاده وانا طافحه روحي وماقدر ادفع

[نبض قلبي]

مبرووووووووووووووك للي ولدووا يتربون في عزهم .,.

والفاااااااااااااااااااااال لي وللبنات يااااااااااااااارب .,.

[نبض قلبي]

اختفيت يووومين وتووقعت بجي ابشركم بولادتي .,.

بس شكله ولدي عااجبة الوضع مايبي يطلع اهئ اهئ اهئ

امس كنت طول اليوم بالمستشفى ومرة فتح واحد سانتي وبعدين زاد واحد ونص واليوم الصباح تقفل >>شالتحطييييييييييييم

وقالوا لي خروووووووووج بدري عليك >>نفسيتي عددددددددددددددددم ااااخ ياربي متى الفرج .,.

[حصووووص]

عازفه مدري عن نظام العسكري اساليهمم


نبض تووج لا اتحطمين
باقيلج اسبووعين. لاتفكري بالولاده متى ماربي كتبها. بتجي

[نبض قلبي]

اهو الحمدالله باقي علي اسبووعين بس والله تعببببببببببببببببببببت وصرت ثقيلة .,.

بس يلا ننتظر متى ماربي ارد بووووووووووولد .,.

الله يرزقني الولاده السهله انا وبااقي الصاامدات

[عازفةالناي]

نبض انتي مطوفه والا باقي؟؟؟
عاد انا من قالتلي الاسبوع الجاي طلق صناعي استسلمت شكلي باطلع اتمشى واغير جو هاليومين احسن لي من اجلس اترقب الطلق

[براءة حلم]

نبض اذا انفتح الرحم واتفقل معانته فيك شمم شمي حلتيته جربي راح تدعي لي

[عازفةالناي]

hwaml15 نفسي اعرف اللي تقولك الطلق الصناعي يذبححح تشوفين المووووت بس لاااتخافينhwaml9

اصلن كلامك بلسم ويرد الروح ليش اخاف
hwaml83 ههههههههههه من ججد قهرووني

[حصووووص]

عاازفه. تطمني مااايذبح
ولاشي

بالعكس والله نسيت الوووجع


وجع منسي.


نبض. مشكله لاقالوو فاتح وعقب سكرر
اناا ليووم ولادتي واحد يقوول سانتين وواحد يقوول. مقفل

[سماء الاحساء]

الف مبرووووك ام الزين والحمد لله على السلامه وعقبال الباقيات

[صمتي شوق]

شخباركم بنااات

صرت مادخل العملية تالمني وبنتي صغيرونة

ولازمه رعاية شوي

الف مبرووووك الي ولدو والفال للباقي

[حصووووص]

اهلين صمووووت

صمووت حااولي تمشششين تراا يخف وجعهااا

اناا الحمد لله فررق معي الووجع بالحيل صح مااقدر انام ع جوانبي بس ع ظهرري.
بس الحمدد لله امشي عادي قبل حتى الممشى تعوور

[Sweet memooo]

مرحباااا
اخبارركم
احس التجمع بداا يفضى اغلب البنات ولدووا الله يهنيهم بيبيااتهم ياررب

[صمتي شوق]

صحيح حصوص يمكن المشي زين لنا

الله يكون في العون حصوص شخبار بنوتك

سويت شخبارك انتي والبنوتة

[Sweet memooo]

اهلين صمتي اني بخير والبنوته بخير الحمد لله
وانتين اخباررك
واخبار البنووته

[أم الزين]

مرحبااااا شلووونكم


والله اسمحوووولي والله حدي تعباانه

وفووق كل هااذاا طوولت بالولاده وبعد الولاده صار معاي نفس النزيف بس خفيف بس الحمدلله عدت على خيير


وولدي حاطينه معاي ومو مدفينه بالملابس واليووم نشله وتعبان


وانا ظهري كاني العجووز وبعد ارحاامي شكله داخلني هوا والله اعلم


بس صج ماني لايمتكم قبل اذا ماادخلتووو

[أم الزين]

اي صح نسيت ههههههه


الله يباارك فييكم جمييعا

فديتكم كلكم

[براءة حلم]

معذوره زيوني. ادعي لي تتيسر ولادتي واجي ابشركم

[Sweet memooo]

زيووون ماتشووفين شرر حبيبتي والله يعطيك الف عاافيه وربي يسهل عالباقي يارب
اي مايمدي بدات اول الايام تعب والبيبي والناس مايمديش تسوين شي تبين الناس يطلعون والبيبي ينام علشان تنامين

[أوتار الذكريات]

الحمدلله ولدت قبل امس الإثنين الصباح وجبت ولد والحمدلله ولدت طبيعي

[ام راشد ومحمد]

الف مبرووووووووووووووك اوتار والحمدلله عسلامتك وسلامة النونو

[سماء الاحساء]

هلا صباح الخير الحمدلله على سلامتك أوتار والف مبرووك والله يسهل عالباقي

[حصووووص]

مبروووك اوتااار وعقبال الصاامدات ياارب يسهلكم

زيوون الله يعيينج اناا بعد خذيت هواا اعووذ بالله كله براسي صداع لا يطاق. اللحين اشواا


صموووت والله امشي لوو عشرر دقاايق اناا كل ماابغيت ارووح لدورة الميااه وانتوو بكرامه اخذتلي لفتين بالبيت
اللحين اشواا بس باقي النووم للحين ماقدرر اناا م الا ع ظهري

[um yuseef]

صباح الخير

الف مبروك اوتار يتربى بعزكم

اللي لسى ماولدو نصيحة مجرب نامووووو ترى بعد الولاده مافي نوم مع البيبي

[حمودي حياتي]

صح والله مااافي نووووووووم

[عيون عبودي]

مبروك اوتار
يلا الدور علينا ان شاء الله

[بحيرة عسل]

وووين يجي النوم كل شوي ننقز من الالم ولا حركة البيبي خخخخخ

نبوضه تراك مو لوحدك وراكِ جيش من المنتظرين ينتظرون الفرج من
رب العالمين
وراح نظل صااااامدون لين نولد عندي موعد يوم سبت ع اساس انه اخر اسبوع ولاده لي

الاسبوع الجاي وربي العالم بكل شي
والف مبروك للي ولدووو يتربون بعزكم نششششالله

ام زين سسسسلامتك وسلامة البيبي حبابة ماتشوفون شر نشالله

[عازفةالناي]

الف مبرووووك اوتاار والفال لنا..

[براءة حلم]

ولازلنا صامدون. انا اخر موعد لي السبت عندي امل بيوم الجمعه

[عازفةالناي]

انا هذا اليوم الثالث فالعااشر وباقي قدامي 6ايام ع موعد الطلق الصناعي..
الله يسهل علينا

[عازفةالناي]

الف مبرووووك قلب مكسوور الله يخليه لك يااارب ويرزقك بره

hwaml15بنااات ماعندكم شي يجيب الطلق؟؟؟
جربت كف مريم والخروع والقرفه والدارسين والمشي وكثرت جماع واتسبح كل يوم بماي دافي ماخليت شي حتى العسل مع الحليب الحار والزنجبيل سويتها وكمان شميت حلتيت وحطيتها فالفوطه ولاحيات لمن تنادي شسوي من عندها خبره؟؟ hwaml5

[عازفةالناي]

ولاحد يقول تبخري لاني تبخرت جربت كل انواع المحرضات حتى نطيت ورقصت قلت يمكن ينفع بس ماكو فايدهhwaml7

[*هلا*]

الحمدلله اختي مثل القمر ولدت اليوم الصباح (http://forum.hwaml.com/x-apple-data-detectors://3) وجبت ولد والحمدلله ولدت طبيعي


تخيلو بنات فجأة نزلت عليها السدادة وبعد سبع ساعات بداء الالم خفيف كل ربع ساعه وساعة 12 كان الالم كل 10 دقايق ثم بسرعه صار 5 دقايق ورأ بعض وفتح الرحم معاها لانها اول ما نزلت السدادة شربه خلطه من الحالبه الينسون كراويه وشمر وصارت تشرب بعدها فنجان عصير مع ملعقة خروع ومشأالله فتح معاها الرحم بسرعه كان الساعه 3 فاتح 4 سم وساعة 6 ونص عشره سم وولدة لكن طلقها مره حامي بسبب الخروع