بكريه ومحتاجه مساعدتكم ولاده مبكره

[عنقوده]

السلام عليكم ورحمة الله وبركاته

هذي اول مشاركه لي بالمنتدى
وأتمنى إنكم تساعدوني بمشكلتي


أنا بكريه عمري 23
حامل ببداية الشهر السادس
و بالفحص الروتيني اتضح ان جنيني توقف نبضه
والحمد لله على كل حال
والله يصبرني ويعوضني خير
ويجعل طفلتي طير من طيور الجنة
المهم
حددت لي الدكتوره موعد عشان تنظيف الرحم
أنا خايفه من هالعملية
في ناس يقولون زيها زي الولاده الطبيعيه
بس أصعب مع الطلق الصناعي
وانا اعرف ان الجنين وهو حي يساعد أمه
عشان كذا انا خايفه كثير
خصوصا اني بعيده عن امي وخواتي
ومابي أقولهم اني فقدت جنيني الا بعد العملية

فحابه انكم تساعدوني الي عندها تجربه بهالشي
او اي شي يساعد على الولاده ونزول الجنين
انا بديت اشرب كف مريم وقرفه
ما ادري وش بعد اسوي
اتمنى ألاقي عندكم دعوات و نصايح


بانتظار ردودكم
وشكرا للجميع
أختكم أمل

[دلع الأحساء]

حبيبتي ربي يعوضك
وفعلا زي الولاده بيكووون الطلق وفتح.الرحم
وربي يسهل عليك
انتي على وشك ولاده ويقلون وقت الولاده الدعوه مستحابه
لاتنسين ادعي لنفسك ولمؤمنين

[ام حواء]

حبيبتي ربي يعوضج ويصبر قلبج
وانا مثلج بالضبط قبل 7 اسابيع توقف نبض طفلتي بالاسبوع 26
وولدتها طبيعي
وحطولي طلق صناغي
الوجع مثل الولاده الطببعيه وانتضروا الرحم يفتج 10 سنتيم
ولا تنسيني بالدعاء وقت الولاده
ربي يعوضني ويعوضج

[مجنونة بحبها]

الله يعوضك راح يكون مثل الولاده الالم بس لان الطفل صغير يكون اقل الالم

هذا الي سمعته من زوجه اخوي

[ام اسكندر]

ربي يعوضك خير يالغالية

ترى الطلق هو نفسه سواء الجنين عايش او لا
الفرق ان بالطلق الصناعي يكون الطلق ورا بعض عشان تخلصي بسرعة

ولاتنسي ان جنينك ماحيوجعك كثير بخروج الراس لانه صغير 6 شهور
وربي يكرمك بحمل ثابت سليم