هل القطط تضر الحامل

[انوال]

السلام عليكم انا ولله الحمد في الشهر الثامن وهاليومين مضطره اتم بيت اهلي لان زوجي يشتغل بمنطقه ثانيه واختي اليوم شرت قطوه صغيره وخايفه انها تضرني مع العلم ان اختي تنام معاي في نفس الغرفه واحتمال تنيم القطوه في الغرفه هل في ضرر

[انوال]

مع العلم اني ابي اقول لاختي اني مابيها بس منحرجه

[ليلى الجهني]

يااختي طبعا ضرر القطط فيها جرثومه تنتقل عبر التنفس
وهذه الجرثومه تؤدي الى تشوه الجنين فانتبهي
وبعدين مافيها شي قولي لاختك تطلعها من البيت نهائيا الين ماترجعي بيتك

[Mishael]

يضيو نفسها اذا هي مريضه وانتي ماعندك مناعه بس اختك شاريتها ماجابتها من الشارع يعني المحلات لازم تطعمها قبل تبيعها
اللي يهمك وخطر عليك مكاان برازها الله يكرمك انتبهي منه
اتذكر وحده كذا كانت تجلس عالعشب اللي بالحوش وجاها داءالقطط

[على ابواب الامومة]

حبيبتي انتبهي على حالك
وما تحمليها
وضروري تحكي لاختك ما تنيمها بالغرفة لانها مضرة للجنين

[chems doha]

اختي القطط جد خطيرة تجبيب داء القطط وهو المسؤول عن تشوهات الاجنة يا حبيبتي الله يستر في اللي يقول ان الخطر في البراز وفي اللي يقول الخطر من زغب القطط ولكن يا حبيبتي هده المسألة ما فيها استحياء من اختك المهم انك ما تقعدي مع القطط نهائي ولو فيها تقل اعدي فبيتك واتهني اللهم السلامة ولا الندامة اعرف صديقة لي كانت تتهاون في هده المسالة لانها كانت بتموت على القطط بس لما جاها داء القطط ما فضلا دكتور ما راحت عنده بس الله لطف بها الحمد لله . والله يوفقك اختي

[احلام العمر]

ما فيه اي احراج في الموضوع قولي لها طفلي وسلامته افضل من الدنيا وما فيها مو بس قطه

واكيد اختك عندها سلامتك وسلامت الجنين اهم من الف قطه

[q6wah]

مرحبا حبيبتي ..
شوفي أنا كان عندي قطوه وربيتها فتره طويله وسألت الدكتور بهالموضوع وعندي خبره لأن انا واهلي واختي المتزوجه كلنا عندنا قطاوه ..

اول شي الي يضر لو لو لو كانت القطوه مريضه الي هو لعاب القطوه .. يعني اي شي يجي في فمها أو البراز الله يكرمك بس طبعا بدال ما تزعلين اختك او تزعلين نفسك خليها توديها لأقرب بيطري ويتأكد من التطعيمات انها كامله وبس ..

وبعدين التشوه مايجي لاسمح الله الا لمى يكون انتي عندك داء القطط وماراح يجيك من قطوه انتي وياها بنفس الغرفه بس لا راح يجيك لو كنتي تمسكينها وتبوسينها وتكون في تواصل بينك وبينها كثير .. والشغله الثانيه التشهوه لو لاسمح بيكون بالشهور الاولى مو بالشهور الاخيره لك والحمدلله البيبي الحين مكتمل ..

حاولت اوضحلك كل الي اقدر عليه ,, وان شاءالله مايضرك شي

[zobaaa]

حاولي تبتعدين عنها قدر الامكان وان شااء الله متشوفين شر