ادخلوا ..........مصيبة وادعولي

[صبر رغم الالم]

يابنات الحزن ذبحني صرت ابكي بصمت ماحد حاس فيني طلبتكم وجهوني دلوني وش اسوووي تعبت من التفكير
انا متزوجة من خمس سنوات وعندي بنت ولدوزوجي قريبي من يوم تزوجنا وهو عاطل عن العمل لاوظيفة ولا شهادة ولالالالا.........صلاته مومحافظ عليها ويدخن اشياء كثيرة لاكن مو باين علية
طيب معي حيل ويحبني ويحب عياله وانا عاطلة عن العمل معي جميع انواع الشهادات جامعية
حاولت اشتغل لاكن مافية رزق سلكت طرق متنوعه وماتوفقت
لابيت ولاسيارة ولااي شي زوجي مديون وانا رحت وتسلفت علشان اجار الشقة وتورطت وجاني حافز لي انا زوجي رفضوة وقاعدة اسدد حافز للشخص الي استلفت منة ومايخلص الدين الا في شهر 2 والاجار الثاني بعد العيد ومقاضي رمضان بموتتتتتتتت من القهر
والي يبكيني كل ليل ولدي الي عمرة شهرين نفسي اسبعلة ولالا بنتي الي تحتاج عملية بسرعة وماني قادرة اسوي لها شي .حاول يشتغل اي شي وماقدرحاولت انفصل عنه لاكن وين اروح لااهل ولامكان ولا مال
مافية اي مصدر مالي من جد عرفت وشهو الفقر وقد ايش الحاجة للناس مذلة
حاولت انتحر لاكن لالا وعيالي من لهم انا مؤمنه بالله وادري انه حرام لاكن التفكير يجي غصب عني هاذي معاناتي الي مالها حل

[أرجوآن]

الله يساااعدك ولكن تحسبي اجر عند رب العالمين ..ومابعد الشدة الا فررج من ربي ..

حاولي حبيبتي تسجلين بجمعياات خيريه .. أو زوجك يدبر امره اشووي ع مايلقى وظيفه اي كلاام ان شاء الله لو 1000 راتب ..ويمكن احد من العايلة يقدر ظروفكم ..
ترى الجمعيات تعطيك عزبة لرمضان وتوفر لك اشياء كثيره اقل شيء هو الاكل ع ماتسددين دينك وبعدين حافز يصفا لك ..وأهل الخير كثير ..مراح يقصرون ..

ربي يهون عليك ويسر لك ..

[فوضت امري لله]

حبيبتي

الجئي لرب العالمين

والرزق مو بس بوظيفه

شوفي الهنود عندنا اغنى مننا

بسبب العقل

خلي زوجك يبدأأأ بسوق الخضار

تراه يدر تجاره مربحه

ونصف الرزق بالتجاره

وانتي شوفي الموهبه اللي عندك سواء طبخ

او خياطه او اي شي واستغليها لصالحك
أسال الله العظيم بمنه وكرمه

ان يرزقكم من واسع فضله ويفتح لكم ابواب رزق لم

تحسبوا لها

[بناتي دنيتي]

الله يرزقك اختي بس انصحك بالدعاء واللجوء لله والا ستغفار

[**سماسم**]

يالغاليه صدقيني لمن تمدين يدينج لناس راح تمدينها اكثر وكثر ..
كفي يدج وابدئي فيج وبزوجج ..
قوليله الشغل اليدوي كثير ويبي من يقوم عليه ويسعى له عنده الخضره وإذا معه ليسن يقدم على مكاتب سيارات الاجره ..
تراء حلات وطعم الرزق لاصار من عرق الايد ..
انتي ربي معطيج شهادات شوفي القطاعات الخاصه المستوصفات او المستشفيات الاهليه المعاهد المدارس الاهليه ..
إذا ماعندج مشكله تشتغلين بالمحلات الان تطلب بائعات وبرواتب حلوه توصل للاربع ألاف وشوي وامس قريت عند الكاشير الخاص بذا بودي شوب يطلب عاملات ولكافة فروعه ..
وأنتحر أو اطلق يالغاليه هذي حلول الضعفاء انتي بيدج تغنين نفسج وبيدج تذلينها ..
شوفي اجدادنا وجداتنا بنو انفسهم واسسوها رغم بزمانهم المصادر الغذائية والمياه قليله ولي يمارس نشاط تجاري يكون مهدد للخطر سواء من قطاعين الطرق او من الغدر والقتل ..
والأمهات تلاقينها اهي الي تخبز وهي الي تحصد وهي الي تحلب وهي الي ترعى وهي تولد وتربي وتراعي ..
والله يغنيكم يالغاليه من فضله
,,

[كوافيرة ريم]

الله يعينك ويفرج كربتك يارب
اتجهي للاستغفار ورب العالمين ما بيردك خايبة ان شاء الله ومثل ما قالوا الاخوات ما قصروا يعطيهن العافية وترا الشغل مو عيب والله ييسرلكم اموركم عن قريب

[مشاعل الدوسري]

السلام عليكم البنات حكو كلام كثير كويس و نصائح

الجمعيه الخيريه في مثل وضعكم توفر لكم كل شي
و تساعدكم على الوظيفه الين توقفون على حيلكم ذيك الساعه
توقف المعونه عنكم

ثاني شي اذا انتي تطبخين كويس .. و أكلك مضبوط أطبخي .. و بيعي ..

الوالده اول ما تزوجت أبوي ما كان يشتغل هي اللي كانت تشتغل كانت تطبخ للجيران ..
ذبايح و و و و والى اصغر شي كانت تلف ورق السمبوسه و الله و تروح المدرسه و المعلمات يشترون منها
كانت تروح بلاول للمدرسه تسوي طبق تجريبي و تخلي المعلمات يذوقون ..
بعدها توزع رقمها
الى اليوم يدقووون على امي و تقول لهم خلاص بطلت اشتغل هيك كبرت ..
مافيني حيل
الين اشتغل ابوي و حتى لما اشتغل ابوي
امي استمرت بلطبخ لانها كسبت زباين و ربح مو معقول ..
صحيح كان تعب بس كانت تقول اتعب و لا اطلب من حد..
تشتغل بلطبخ صار لها 15 سنه ..
الحين تطبخ على خفيف اذا اقدرت ..
لكن تشتغل بلبهارات صار لها 4 سنين تشتغل بلبهارات و الله امي تعبت و هي تمشي و تسال و تبيع و تعرض و تشترك بلمعارض
و و و لكن بلنهاية ما نقول غير الحمدالله من بعد جهد أكثر من 15 سنه
حاليا بتفتح مصنع بهارات ..



يعني يا عزيزتي شوفي وين شطارتك و سويها ..

بنت خالت امي ذوقها حلو بلتصاميم و هي بلبيت تصمم لنا
عبياتنا او فساتينا و هي توديها للخياط و تأخذ ربحه من التصميم و تعب مشوارها ..
بنت عمي كانت تشتغل بلبيت تستشور الشعر و تسوي تسريحات
اذكر كنت بلابتدائي يوم كانت تشتغل بلبيت الحين عندها مشغل .. مشالله عليه ..
بنت خالي تدرس بلكليه و بنفس الوقت تبيع تروج منتجات عن طريق البلاك بيري ..
و تكسب مشالله عليها من مكتب زاجل الى دي اتش ال
ترسل أغراض للبنات اللي يطلبون منها عن طريق الجوال..
و هي بنت خالي مو محتاجه بس الفراغ ذابحه مو عارفه شتسوي
الين اقترحت عليها وحده من قرايبنا ..

يعني كل هلاشخاص اللي ذكرتهم لك شوفي من كم سنه يسعون حق تجارتهم و رزقهم
يعني ما في شي بيجيك و انتي قاعده بمكانك .. و بلدعاء لازم تسعين حق رزقك و حق نفسك..

انتي لو تقولين انتي بأي منطقه .. عشان اللي تعرف مكان فيه توظيف تبلغك ..

و الله يكون بعونك و يساعدك انشالله يارب ..

[صبر رغم الالم]

يالغاليه صدقيني لمن تمدين يدينج لناس راح تمدينها اكثر وكثر ..
كفي يدج وابدئي فيج وبزوجج ..
قوليله الشغل اليدوي كثير ويبي من يقوم عليه ويسعى له عنده الخضره وإذا معه ليسن يقدم على مكاتب سيارات الاجره ..
تراء حلات وطعم الرزق لاصار من عرق الايد ..
انتي ربي معطيج شهادات شوفي القطاعات الخاصه المستوصفات او المستشفيات الاهليه المعاهد المدارس الاهليه ..
إذا ماعندج مشكله تشتغلين بالمحلات الان تطلب بائعات وبرواتب حلوه توصل للاربع ألاف وشوي وامس قريت عند الكاشير الخاص بذا بودي شوب يطلب عاملات ولكافة فروعه ..
وأنتحر أو اطلق يالغاليه هذي حلول الضعفاء انتي بيدج تغنين نفسج وبيدج تذلينها ..
شوفي اجدادنا وجداتنا بنو انفسهم واسسوها رغم بزمانهم المصادر الغذائية والمياه قليله ولي يمارس نشاط تجاري يكون مهدد للخطر سواء من قطاعين الطرق او من الغدر والقتل ..
والأمهات تلاقينها اهي الي تخبز وهي الي تحصد وهي الي تحلب وهي الي ترعى وهي تولد وتربي وتراعي ..
والله يغنيكم يالغاليه من فضله
,,



ماسمحلك تقولين تمدين يدك عمرنا ماسويناها ومانقبل صدقااااااااااااااااات من احد
كلامك جرحني وزدتي همي

[ام sara]

السلام عليم ياالغاليه البنات كفووفو عليك بمن عنده خزان الارض والسماء ولواعطاك مانقص من ملكه شي والضواق الماديه الناس كلها تمر فيها اسال الله ان يفرج كربك ويرزقك بحلاله عن حرامه وبفضله عمن سواه

[:: Galaxy ::]

حبيبتي الله يفرج عنك وعن المسلمين أجمعين يا رب
انا ما اعرف طبيعة الدولة الإنتي فيها ،، بس ليه ما تعملي دروس خصوصية لمن تبدأ الدراسة ؟؟
معروف ان الدروس الخصوصية عائدها المادي حلو وممتاز