كل من توحمت بزوجها تساعدني

[ام جنى الامورة]

السلام عليكم ورحمة الله وبركاته
بنات انا حامل واتوحم بزوجي اكره ريحته احس دايم وحتى لو هو توه متحمم ريحته طالعة ماحب كلامة ماحب مزحه او اي شي يشتريه لي
كنت عند اهلي واقول لأخوي ريحة زوجي ماليه المجلس قال ايه ريحة عطره حلوة مره قلت وش عطره خايس والله تفشلت منكم
مع ان زوجي حريص على النظافه الشخصيه الداخليه وانا عارفة هالشي بس اتوحمت فيه وهذا شي غصب عني وماخبرته ابد مابي اضيق صدره
فرجاء حار كل من توحمت بزوجها تقولي متى خلص هالوحام وهل رجعت طبيعي معاه وماصارت تشم هالريحة الغريبة
وجزاكم الله خير ويبعد ربي عنكم هالوحام والتعب ويسهل حملنا وولادتنا

[عروستة]

ايه الكل يقول الوحام يروح نهاية الثالث و البعض تستمر ل التاسع بعدها عادي ترد المياه المجاريها .. دعواتك لي بالحمل القريب

[أم الزين]

عاادي حبيبتي انا توحمت ع زووجي لدرجه طلبت الطلاق
رااح خلاني عند اهلي فتره وحامي كله وبس راحت فتره الوحام رجعت له طبيعيه ماكووو شي

[درين]

حبيبتي عادي استغفري الله و خليه يحط عطر انتي تحبيه حتى تمر هالمرحلة و راح تروح في الشهر الثالث ان شاء الله

[ام جنى الامورة]

الله يجزاكم خير يارب
بس صدق ريحه غريبه والله حتى انفاسه قرف
الله يعديها على خير وتمر بسلام

[ريمان الآحساء]

اول شي لازم تبينين له ان هذي مرحله وتعدي في الوحم كل شي مايخطر ع البال يشتهينه او انك تكرهينه عادي انا ههه بحملي الاول تخيلي اموووووووووووت في زوجي مره حتى لوبيطلع برا البيت ابكي مثل الطفله احس مابيه يروح ولامكان كله قبالي ههههه وفي حملي الثاني كرهة ريحته مسكين بس كان مقدر وضعي وطبعا كل هذا يجلس معي الوحم الين اولد ... في المره هذي توحمت بس بعطر عنده وماحب اركزفي ملامحه كثير تقلب كبدي ههههه بس لفتره الثلاث الشهور الاولى والحين عادي الله يعينه ويعنيك

[انا المستحيل]

ههههههههههههه الله يعينه زوجك مسيكين
انا متوحمه بزوجي اقرف منه ودايم احسه يرفع ضغطي وماني راضيه عن تصرفاته بس هو الله يهديه عصبي وانا جبت لنفسي ضربه بلساني الطويل غصب عني ورجع تحسف واعتذر صح هي بس الشهور الاولى بعدينه يخف

[كليجه]

أنا توحمت عليه وماقلتله لأنه طيب ويحبني كثير وماأبغاه يتغير ويصير يكرهني حتى لو هو متفهم أكيد بيغير تصرفاته أو مشاعره تجاهي
لكن هي فتره وتعدي تقريبا قبل مايخلص الشهر الثالث
لكن استمريت للآن اكره عطوره اللي كان يستخدمها وأنا وحام

[ρυяỉтч •]

هههههههههههههه ذكرتيني بالذي مضى
والله كل ماحمل ربي يبتلي هالمسكين بوحامي وضعيف يستحملني لين اخلص وحامي
وبعدها تروح ريحته الخايسه
والله وصلت اني لاشفت سيارته اكتئب واجلس ابكي من كثري ماني كارهته ههههههه
بس الحين هو تإقلم ع سالفه اني اتوحم فيه وانا بعد ف الحمدلله يتعطر برا اهم شي
ولا يقرب مني
متا ماخلص وحامك بيرجعلك كل شي طبيعي سبحان الله

[ام عيون]

انا نفسس وحااااامج بالضبط اكره ريحة زوجي بالمره حتى لو طلع من الحمام نظيف اشم فيه ريحه

حتى ماريد. قربه ولا اجلس جنبه اقله قوم غير ثيابك هههه

بس الحمدالله 3 شهور وعدت اهم شي تماسكي لاتتنرفزين

لان الريال مايستحمل عادي يعصب

[براري]

يالطيف الطف الحمد لله على كل حال

[ام جنى الامورة]

يارب يهون علينا ويسهلها
مشكورين يابنات على ردودكم
والحمدلله اني حصلت احد جرب هالنوع من الوحام المتعب نفسيا
يارب يسهلها باقي شهر واخلص يارب تعديها على خير

[الملكه الهادئه]

هههههههههههههههههههههههههههههههههههههه الله يعينكم
انا زوجي يقولي حملي حتى لو تتوحمين علي اهم شي اشوف ضنا

[المحيط الهادي]

عااااااااااااادي حبيبتي مرحلة وتعدي

انا بعد مثلك ..

بس ان شا الله الشهور الأولى ويتغير الوضع

ربي يوفقك غناااتي

[حلليمو]

ههههههههه انا اتوحمت ع صوووته اكره صوووته مووت واذا تكلم احس

ان صوووته في الطبله يرجها رج كل ما سمع صوووته اقوووله اوووووص

وهو مستحملني المسكين ..هههههه