مين صار معها weak positive ونزلت عليها دورة ولسه باقي اعراض الحمل

[قلب احمر]

هاي بنات!
السالفة اني فيني الدورة وكانت متاخرة علي 10 ايام وصرت تعبانة مرررة الام ظهر وبطن المهم رحت المستشفى ابغي مسكن قالت الدكتورة ماراح تعطيني شي الا بعد ما تتاكد من وجود حمل والا !سوت لي تحليل في الدم وطلعت النتيجة weak positive
يوم شافت النتيجة كذا عيت تعطيني شي وقالت لي لازم اسوي سونار عشان اتاكد
طبعاً انا قلت خير سونار ماراح يبين شي!
وفعلاً مابين ولاشي في السونار!
قالت لي ريحي ع الاخر وتعالي بعد اسبوع عشان نتاكد اذا فيه والا! احين ما اقدر افيدج!
انا طبعاً استمر علي نزول الدم 3 ايام! والدم زي الدورة بالضبط!
وبعدها صار مرة قليل اليوم الرابع ولون الدم بني! مع العلم ان دورتي تاخذ 6 ايام !
وانا يوم الثلاثا موعدي مع الدكتورة!
الحين يا بنات وقف الدم بس لسه صدري يعورني وتجيني نغزات و الم بسيط جدا في الظهر واسفل البطن يسار!

هل في وحدة صار معها كذا وتم حملها ع خير!
تكفوون ريحوني مافيني صبر وحدي محتارة؟
*

[حَ‘ـلـِـِم~]

ماعندي خبره .. يارب تكوني حامل..

[المغتربه المتفائله]

روحي للدكتوره وقولي لها على حالتك
وهيه راح تعملك تحليل دم هرموني وتشوف نسبه الحمل فيه
وتعيديه بعد يومين اذا زادت النسبه يعني الحمل ثابت بأذن الله
الله يرزقك الذريه الصالحه بالقريب العاجل يااااارب

[قلب احمر]

ثاانكس ع الدعوة اختي حلم واختي المغتربه

احس ماودي اروح الا الثلاثا ! اخاف اروح احين وتقول لي بعد انتظري!

ع العموم يسلمووو ع الرد

دعواتتتكم بنات

[درين]

الله يرزقك و يرزقنا و كل محرومة الحمل السليم العاجل غير الاجل يا قادر على كل شيء

[قلب احمر]

شدعوة بنات ما احد صار لها كذا؟؟
قولوا لي بليييز!!
طمنوني!!

الله يرزقني واياكم كل خير

[فاطمة أم عمر]

إن شاء الله تكوني حامل ..
أول مرة أشوف هل الشي
لانه تحليل الدم يطلع على طول ..

[قلب احمر]

الله يسمع منكم

ااااااب

[ρυяỉтч •]

حبيبتي انا مثلك صارلي قبل فتره
لكن دكتورتي اعتبرته اجهاض منذر وللاسف مالحقت ع الجنين ونزل معي
ف انتي ريحي ع الاخر .. لا تتحركي
هي بتعيدلك التحليل وتشوف لو نسبه الهرمون ارتفعت راح تعطيك مثبتات وتلتزمين بالراحه
لو النسبه نزلت معناته الحمل للاسف ماكمل وبتخليك تكملين الاجهاض طبيعي
لعلمك بس اغلب الاجهاضات تصير والام اصلا مو عارفه انها حامل ع بالها دوره لانها بوقتها ينزل الدم فتفكره دوره
الله يريحك ويكتبلك الخيره وين ماكانت

[قلب احمر]

ثانكس

ان شا الله يرتفع الهرمون يأرب
الله يجزاك الف خير

[قلب احمر]

اااااااااااااااااااااب

[قلب احمر]

دعواتكم بنات بكرا التحليل!!
ياارب يزقني ويرزقكم كل خير

[عروستة]

الله كريم يارب تبشرينا

[ρυяỉтч •]

بشرينا عاااد حبيبتي

[قلب احمر]

اهئ اهئ
نزل الجنين
دعواتكم بالعوض والذريه الصالحة

[الثلاثي المرح]

كيف عرفتي ان الجنين نزل

[الثلاثي المرح]

http://forum.hwaml.com/imgcache2/hwaml.com_1342498562_470.png (http://pregnancy.baby-gaga.com/)

[فوفو 77]

أنا الحمدالله صار معايا كدا وتم حملي على خير عقبا لك يااارب اهم شي الراحة التامه والبعد عن الجماع اسبوع وبعدين سوي تحليل الدم الهرموني مهم جداً