بسوي ان شاء الله عملية أطفال الانابيب شهر 8 (شاركوني)

[اماراتية1989]

السلام عليكم و رحمة الله و بركاته

انا اماراتية من ابوظبي ... حبيت اشارك وياكم في هالمنتدى الرائع .. الصراحة الي دلني عليه البحث المستمر عن موضوع اطفال الانابيب لاني مقبلة عليه و قريت قصص وايد حلوة و تجارب جميلة في المنتدى .. منها المحزن و منها الي الحمد لله افرح قلبي ...

يارحيم الي تعالج في كندا ,,, بكيت لها والله لما كتبت انه تحليلها سالب ,,, يارب الله يفرح لج قلبج غناتيه بالذرية الصالحة و يرزق كل محرومة يارب

مابطول عليكم ..


انا ان شاء الله بسوي العملية في الشارجة عند الدكتورة حسنية قرقاش ،،، مواطنة اماراتية و هي اخصائية على مستوى و على خبرة كافية و ثقة ،،،

الحمد لله استخرت و ارتحت للعملية وايد بس وايد خايفة من النتيجة،،، لني جربت التلقيح الصناعي و فشل معاي عشان ،،، بس على كل الاحوال الحمد لله رب العالمين عدد خلقه و زنه عرشه و مداد كلماته ....


الدكتورة قالت لي اخذ حبوب الدورة من تاريخ 20 لانها مسافرة و تبي الدورة تنزل علي مع تاريخ عودتها من السفر يعني بداية شهر 8 ... معناته بوقف الحبوب 30 يوليو ..

ابي اعرف الحين منو منكن بتسويها وياي و ابا حد يحس فيني و يوقف ويايه لاني مب مخبره حد و محد يعرف ... و ادري انه محد بيحس فيني الا الي عايش وضعي و عارف انا نفسيتي كيف ...

دعواتكم لي و اتمنى تقبلوني اخت فيما بينكن .. و اي سؤال انا حاضرة و اي وحده تبي تشارك حياها الله ...


اختكن .. اماراتية ..

[ودي بطفل أضمه]

الله يرزقك الذريه الصالحه توكلي على الله واكثري من الدعاء والاستغفار والله اعرف ناس انجحت من اول محاوله انا سويتها المره الاول وفشلت وراح اسويها في رمضان الله يكتب الي فيه خير

[ميس فوفو]

الله يرزقك الذريه الصالحه ويرزقني وخواتي في الله

[رمادا]

الله يرزقنا جميعا وان شاء الله تنجح العمليه من اول مره

[تــومــا]

الله يرزقك الذريه الصالحه ويرزقني ياقلبي لاتخافي ترا مو صعبه عليكي بالدعاء
انا مسويتها واليوم التاسع لترجيع وجالسه استنى يوم الخميس بفارغ الصبررررههههههه الله يوقفك يارب

[سبع سبعات]

الله كريم حبيبتي توكلي عليه
وان شاء الله تتيسر لك الامور وتبشري قرييييييييييبا بالحمل
يااااااااااااااااااااااااااااااااااااااااااااااااا ااارب

[زهرة النرد]

ربي يفرح قلبك ويرزقك باحلى تؤام يا رب يا كريم
لا تتركي الدعاء ابدا
يا ارحم الرحمين

[مكتومه]

يااارب يرزقك الحمل وتنجح طلبتك وتبشرينا وتوكلي على ربنا ..

[noon2006]

الله يرزقك ان شاء الله

[ùm Ļάyάή]

الله يفرررح قلبك خيتوو وكل وحده متأخره بالذريه الصالحه اللي تقرر بهاا عيوونكم

[معلمةجنوبية]

اختي الحبيبه الله يرزقك ويسرلك امرك والله حاسه فيك انا احتك معلمه جنوبيه من السعوديه ببدا ان شاء الله مع نزول دورتي فشهر رمضان والعمليه بتكون فشهر 10 بعدالعيد تقريبا والله يالغاليه اسال الله العظيم رب الشهر الفضيل يتمم لنا فرحتنا جميع والله ماني لاقيه احد اطلع له الي بقلبي لان مافي حد حولي معاني مثلي الحمد لله على كل حال طبعا انا مثلك عملت تلقيح صناعي ومانجحت والله يفرج كربتنا جميع بصراحه تضايقت لما قرات ان الاخت الي بكندا طلعلها سالب قلبي كان معاها الله يصبرها ويعوض صبرها خير ماوضحتي من ايش سبب تاخر الحمل عندك خلينا نتواصل ولاتنسيني من الدعاء في ظهر الغيب وان شاء الله قبل نزول الدوره بروح مكه وباخد عمره وان شاء الله ادعيلك فهالايام المباركه والسلام عليكم ورحمة الله وبركاته