تحريض على الولادة , طلق صناعي ، عملية

[أم عبدالله و سيف]

السلام عليكم ورحمه الله و بركاته
شخباركم كروشات ؟
أنا طوفت موعد الولاده hwaml78 مفروض 7 / 7
ألحين صار لي 3 أيام متأخره
أخر موعد عند الدكتوره كان 5 / 7 الخميس للي طاف و قالت لي بسويي لج تحريض على الولاده .. قلت لها لا , لأني مجربة التحريض و هلكت فيه و زوجة أخوي بعد سوت لها تحريض و لا ولدت الا بعد أسبوعين يوم الله يبي بيصير سبحان الله ..
فعطتني موعد هالخميس 12 / 7 وطبعا لو النفس مب مفتوحه ما بتسويي لي طلق صناعي أكيد بتقول عمليه أو تحريض على الولاده ..
أنا فيني تقلصات فجائيه .. المهم سؤالي أبي اعرف تجاربكم فالطلق ؟ يقولون مثل الولاده طبيعي بس تحسين بحراره بالجسم ..؟
والعمليه لو سويتها بكون أول مره كيف هل تألم و كم يوم لازم ما أرهق نفسي ؟
ادعولي حبيباتي أولد اليوم أو بكره قبل الموعد بتسهيل الله أبي أولد طبيعي بدون اي شي ..
والله ألحين طالعه بروح امشي على الرمل ..
الله يسهل لي و لكم حبيباتي و يتمم لنا على خير
ادعولي الله يقومني بالسلامه و بدون اي تعب و الطفل يكون سليم ..

[مجنونة بحبها]

الله يسهلك

ان شاء الله تولدي طبيعي امشي واكلي تمر وعسل والله يسهلك

عن القيصري انا عن نفسي اسبوع وصرت اتحرك واغسل ملابس بنتي و10ايام
رفعت الخياط وعاد اخذت راحتي بلحركه بس لا تشيلي اي شي ثقيل مده 3شهور
يارب يارب يسهل عليك

[3rosajadeda]

ماعندي فكره

الله يسهلك ويقومك بالسلامه يارب وتولدي ولاده سهله وتجيبي احلا نونو سليم معافا

[تحكمني قناعاتي]

الله يسهل علينا وعليك يارب

[Loole kenan]

الله يسهلك يارب وييسرلك ولادتك يارب وتولدي طبيعي باذن الله ، فوضي امرك لله وان شاء الله خير

[خفايا الدنيا]

الله يسهل عليك ويجيك الطلق من ربي ماتحتاجين عملية
ان شاء الله