مساعده عشبة كف مريم

[بشورة فيصل]

السلام عليكم خواتي حبيباتي
انا خلصت التاسع وللحين ماودلت والمويه عندي ناقصه
ومعي طلق بارد او كاذب على كلام الدكتوره والرحم صار له
3 اسابيع تقريبا وهو مفتوح 1 ونص سانتي وموراضي يفتح اكثرhwaml15
وعطوني موعد يوم الخميس طلق صناعي وانا خايفه والله لاني بكريه ما اعرف وش السالفه
المهم ..

اقدر اشرب كف مريم ؟
ماهي فوائده ؟
وكم يوم ويبن مفعوله ؟
اذا شربته اليوم ممكن اولد بكرا ؟
له اضرار ولا لاء ؟ واذا له وش اضراره ؟!

تكفووون خواتي ردو علي بسرعه لاني بطلع بعد شوي وافكر
اجيبها معاي اذا تفيدني .. ولكم مني دعوه صادقه بس تكفون ردو

[SoooSoo]

انا زيك خلصت التاسع ولا واحد سانتي ولاغيره الله ييسر لنا
باقي كف مريم ماجربته والخروع شربت قرفه وعسل وشميت حلتيت ولا فادتني شي
بس انتي اشتريها احتياط وشوفي وش بيردوا عليك اللي جربوها
وربي ييسر لك ان شاء الله ويقومك بالسلامه.

[بشورة فيصل]

الله يسسسسهل علي وعليك ويارب نولد اليوم قبل بكرا
وانا سويت مثلك بالضبط ولا فاد معاي شي يارب تفيد هالعشبه
والله يسهل على خواتنا الحوامل يارب ياكريم ..

[دنيا غربيه]

حبيبتي لا تخافي من الطلق الصناعي انا جربته بالعكس حسيت انه خلى الطلق حامي وبسرعه ولدت الحمدلله هذا قبل 3سنوات تقريبا
ادعي لي بولاده عن قريب لاني تعبااانه يارب فرجها علينا يارب ويسرها وارزقنا الولاده الميسره الهم اميييين

[نوره الأموره]

ي جربتها باأختي
كانو مقررين ولاادتها ب23 من الشهر بس يوم نقعتها وشربتها ولدت في 11 من الشهر ماشاء الله
اتوقع ماني متأكده انها شربتها وبعد 3 ايام ولدت

تمدحها امي كثير تقول انها تسهل الولاده وتهونها وتسرعها


بس أنا مافكرت اخذها لاني قريت عنها بالمنتديات والمواقع وفيه ناس مدحوها وناس ذموها

وتعرفين الحريم مب زي بعض ناس تناسبهم وناس لا وانا اخاف ماتناسبني
فوكلت امري لله متى ماكتب راح اولد

[نفسي أكون أم]

السلام عليكم انا يا اختي ما عندي فكرة لاني لساتني ما حملت لكن قرأت في العديد من المنتديات عن الحلتيتة هي انك تشميها و هي بتسهل الطلق يمكن تسوي عنها بحث في قوقل يا رب تفيدك اختي و يا رب تسهل ولادتك و ارجو كل بنت قربت ولادتها تدعيلي اني احمل اسمي حنان فدعائكم مستجان لانه بيعتبر دعاء المضطر
لكن يا ريت تذكروني حينها و بارك الله فيك يارب يسهل ولادتكم

[كلي لها]

بشوره امي تقولك اخذي تمر وطلعي العجم منه وحطيه بصحن وصبي عليه مويه مغليه وحركيها لين تنعصد لين تسير زي العصيده وكليها وهيه حاره وتقولك بعدين اشربي كوب حليب حار وراح يفتح عندك الرحم اخواتي كلهم كذا تقول اذا نفعت معاك ادعيلها

[حبيبت حبيبي]

الله يسهل عليك وعلينا يا رب

وتقومين با السلامه انتي و النونو

[اوراق التوت]

انا اتذكر بحملي الاول وحده من اللي كانو معاي بالمستشفى الدكتوره قالت لها عليها
وتقول مره ممتازه ع حسب كلامها اما عن نفسي ماجربتها

[ام رآما]

اشربي حليب دافي وحليه بالعسل وعليك بالجماع تراه يفتح الرحم بسرعه ودعواتك لي

[ملكتني بهمسك]

هيا تنقعيا في ماء حار وتسيبيها لليوم التاني وتشربيها تتنقع اقل شي 12 ساعه انا والله العظيم اخذها في كل عيالي من بدايه التاسع الين اولد والحمدلله ولاداتي كلها تمام هيا تفتح الرحم وتسرع الولاده انا لي 11 سنه استخدمها وعندي 5 اطفال والحمدلله ماشفت فيها اي ضرر بعكس تساعدني كثير وقت الولاده وهذا الكلام عن تجربتي انا شخصين

[أحبة ويحب غيري]

ما عندي خبر بس حبيت ادعيلك ربي يسهلها لكي ويفرج عليكي يارب

[ام جودي3]

حبيبتي انا مرتين شربتها والحمد لله ولدت بعدها والله انصح فيها وبقوه بعد
مرتين في حملي ببناتي قرروا لي تنويم وطلق صناعي وسبحان اولد قبل الموعد بيومين او ثلاثه
شوفي ياقلبي
جيبي لك كوب كبير مويه وخليه يغلي على النار واخذي لك حبتين من كف مريم غسليهم زين
وحطيهم في المويه خليها تغلي غليتين ثلاث مو مشكله وبعدين خليها تفتر شوي واشربي مويتها لا تحطين سكر او اي شي
ترى طعمها عادي جدا
وادعي قبل تشربينها جربيها في اليوم 3 مرات