بناااات خايفه

[فيونكهـ فوشيهـ]

السلام عليكم ورحمة الله وبركاته

كيفكم صبايا انشاء الله بخير




الموهيم انا حامل من بعد اجهاض مباشره ولمن رحت اسوي سونار قبل عشر ايام او اكثر
قالت مو مبين الجنين وسوت ليا سونار مهبلي وقالت برضوا مو بين كثير ولمن سألتها كم عمر
الحمل قالت خمس اسابيع لان انا حملت من دون ما تجيني الدوره قالت على حسبتها انه خمس اسابيع
يعني احين من سويت سونار ليا اكثر من عشر ايام يعني احين صار سبع اسابيع او سته مادري والله
عاد صدري متنفخ كثير ويالمني كثير خاصه اول ما اجلس من النوم يألمني كثير بعدين يخف اشوي بس برضوا يألمني وخاصه الحلمات من الالم ما اقدر حتى المسهم من الالم واحس انه جافين وشو اسوي
لهم وشو احط عليهم عشان يلينهم
اي ونسيت شي ما احس بوحام ولا حاجه بس كله فيني النوم
بس الحمد الله حملي هذا احسن من الحمل اللي قبل
لان الحمل اللي قبل من دخلت الاسبوع الخامس وانا ينزل عليا دم لمن اجهضت والله لا يعيدها انشاء الله
ويثبت حملي هذا انشاء الله وحمل الجميع
بس خايفه انه يصير ليا مثل قبل مع اني اخذ حبوب حديد فيه حمض الفوليك واخذ بعد حبوب فتمينات اسمه ايليفت ما اتوقع موجود بالخليج فيه حمض الفوليك بعد هل يحتاج اني
اخذ حمض الفوليك بعد ولا بس هذول يكفون بس قبل اسبوع نزلت عليا افرازات خفيفه كذا بس
يمكن نقط لونها وردي هل هذا عادي اولا


سوري طولت عليكم

[ملكة المشاعر]

حبيبتي والله ماعندي فكره

ان شاء الله الاخوات يفيدونك

ماحبيت ادخل ومارد

ربنا يثبت حملك انتي وكل حامل يارب ويرزق كل محرومه

[rula]

والله ولا انا ياقلبو ماعندي فكره
مااقول غير الله يثبت حملك ويقومك بالسلامه انشاالله

[rose]

قلبي اللة يتمملك ع خير
ويفرح بحملك
طيب روحي للدكتورة واطلبيها حبوب مثبته احتياطا اسم الحبوب ديفستون

[هنوسه]

السلام عليكم خيتو ..

اولا الله يثبت حملك .. اما بنسبه انك سويتي سونار ومابين الجنين انا نفسك وانا لي شهر وشوي حامل .. بعدين رحت مره ثانيه بعد شهر وشافو الجنين ماشاء الله والحمد الله تم حملي وانا الحين بالشهر السادس .. الله يتمم عليك وكل مسلم ..

اما بنسبه للوحم تقولين مافيك وحم وفيكي نوم لان النوم من اعراض الوحم عند بعض الحريم..

وحبوب الحديد الضاهر الوحده ماتخذهم الابعد الشهر الثالث اما بالشهر الاول والثاني والثالث بس تاخذي حمض الفوليك..

وانتي عاد استشيري دكتورتك وشوفي وش تقولك..الله يسهل علينا وعليك ويثبت حملنا..
وتقبلي مروري هنوسه..

[فيونكهـ فوشيهـ]

مشكورين حبايبي ع الردود
بس حبوب الحديد اني اخذهم لان عندي نقص في الحديد
وهذا ليش وصفوا ليا الدكتور وانا بعد وصفوا ليا حبوب الفتمينات بعد واثنينهم فيهم حمض الفوليك
وانشاء الله بعد اسبوعين او اسبوع تجي تشوفني الميد وايف وتشوف اذا الجنين بخير
بس انشاء الله خير
والله يثبت حملي انشاء الله وحمل الجميع

[**سماسم**]

أنتي يالغاليه شوفي شنو تقوج دكتورتج وتبعيه لأنها أدرى بصحتج ولي يناسبج ..
وربي يتمم حملج على خير ويقومج بالسلامه أنتي ونونو ..

[رهومة]

اختى ...

احذري السونار المهبلى ....
ممكن لاقدر الله يسبب لك اسقاط
انا حصل معايا كدا بحملى الاول
خدى حمض الفوليك مهم جدا...
الافرازت لاتسكتى عليها راجعى الدكتورة...
الله يتمم حملك على خير

[مليت فرقاكـ]

الله يتمم حملك ان شااءالله كل شئ تمام بس صبري

[لمسة أمل]

عزيزتي .. ربي يسهل عليكي ويثبت لك حملك ..

ماعندي أي خلفية عن السونار ... بس بالنسبة للوحام فالرغبة في النوم هذا يعتبر وحام ...

وأنا مثلك في حبوب الحديد.. الدكتورة اعطتني حبوب فيها حمض الفوليك وقالت لي مايحتاج اضيف حبوب فوليك لأنه ديك بتكفي ...

الله يقومك بالسلامة ياااارب

[فيونكهـ فوشيهـ]

مشكورين حبايبي ع الردود بس ابغى استفسر عن حاجه أنا اليوم جلست من النوم وكنت متضايقه مادري ليش
كنت حاسه انه الجنين فيه شي لان البارحه صدري كان يألمني بس لمن جلست من النوم لا يألمني ولا حاجه بس متنفخ يعني
ما احس بالم ولا حاجه هل هذا طبيعي في الحمل ولا بليز طمنوني لان اليوم ما قدر اروح المستشفى بليز قولوا ليا اذا عادي
هذا ولا لا لأني ما احس انه يألمني بس متنفخ والحلمات مابرح لونه بني غامق مائل لسواد هل عادي ولا
وسوري لأني طولت عليكم

[ميرنا]

اختى الغالية طالما مريت باحالة اجهاض من قبل لهذا كونى حذير فى جميع خطواتك ما تاخذى شى الاباستشارة دكتورتك واماالسونار المهبلى مع انى انا سوتة لى الدكتورة ولكن الاانصح به وانتى تنزال منك افرازات وردية لابد من اخذ مثبت وحبة اسبرين اطفال تصرفها لك الدكتورة وانتى ذكريها احتمال من الزحمة انها نست ان تعطيك المثبت والاسبرين هولاء يمنوع الاجهاض وتابعى نبض الجنين اما عن الثدى والمه والنوم هذا الامر طبيعى من اعراض الحمل
عزيزتى لابد لابد لابد من مراجعة الدكتورة عل الافرازات الوردية

[دلعونه]

الله يثبت حملك ويسهل لك

[تفاحة حمرا]

الف مبروك والله يثبت حملك لك ولي وللمؤمنات جميعها ويرزق المحرومات

[بنت زايد]

الله يتمم حملك يالغاليه

[فيونكهـ فوشيهـ]

مشكورين حبايبي ع الردود بس الإفرازات ماشفتها الا يوم بس وكانت خفيفه مره وبعدها ماشفتها الحين خذت أسبوعين من
شفتها
بس ابغى استفسر عن شي وانا منسدحه على ظهري او جالسه او اي شي اسويه احس بطني كل مشدود وظهري يألمني اذا شد
واذا ما شد مايقوم ظهري يألمني ليش كذا واذا في احد مر عليها تقول ليا وشو اسوي