تجمع اللي بيولدوا في شهر ربيع الثاني 1434

[ام جودي3]

سلامتك ام جودي استخدمي العسل بالليمون للگحه

والله ممتاز


فين احصل المشد العادي




ان شاء الله بجرب
المشد اخذته من الصيدليه تقريبا ب 75 ريال اهم شي مايكون المشد اللي فيه مشابك
خذي المشد اللزق احسن

[ام جودي3]

روح خلودها ان كانك تمشي فطبيعي تنزل منك
اهم شي لايصير ريحه فيها او حكه تصير التهابات

بنات بسألكم اللي سوت تحليل السكر متى بديتي الصيام قبل ماتسوين التحليل ؟؟
الدكتورة اكدت علي بالصيام ونسيت اسألها متى ابدى لاني بسويه من الساعه 9الصباح

انتظر ردكم؟؟

ام جنو الصيام لازم يكون من الساعه 1 بالليل عشان تحليلك 9
بس عادي لو صمتي من 2 يقولون استني ساعه وبعدين نحللك
انا سوو معي كذا
لازم لازم 8 ساعات

[حبه سكر]

المشد الاندونسي اخذته من العطار

والمشد العادي. فيه بالصيدليات. والمحلات العاديه حقات الملابس الداخليه.


ام جودي
الله يشافيك.
للكحه والم الحلق. كنت اشرب شاهي محلى بعسل.

وللحرقان جربت كل شيء. مافادني عير السفن اب

اشربي بعد كل وجبه بفنجال علشان السكر ياقلبي

[ام جودي3]

ان شاء الله بجربه
اللي خوفني زوجت اخوي تقول اختي في الثامن ومن قوه الكحه فتحت الرحم >>>>> يمه


بنات تكفون تدفوا زييييين لا تقولون مانحس مثلي والله الجو بارد وكنت البس صيفي عادي لين
اكلتها بالامراض

[قطعة السكر]

بناات انا تركت حبوب الكالسيوووم والحديد يمكن اللحين شهر ما اكلتهمممم لان معدتي ماتتحمل غير كذا احس اني مليت

[حبه سكر]

اي مرررره سيئه الكحه. ولازم تعالجينها.

قطعه حتى أنا. مثلك. تاركه كل شيء. بس مشكلتي بديت ادوخ ودمي 10

بس بموعدي الجاي بقولها ابي ابر.

[قطعة السكر]

انا يمكن من شهر حللت وكان 9
والدووخه والالام الظهر لاعبه فيني

[ام جودي3]

بناات انا تركت حبوب الكالسيوووم والحديد يمكن اللحين شهر ما اكلتهمممم لان معدتي ماتتحمل غير كذا احس اني مليت

كويس فيه ناس مثلي انا مره اذكرها واكلها و5 مرات انساها وكنت متخوفه

[حبه سكر]

احرصي على الحلليب واللبن واللبنه والاشياء اللي فيها كالسيوم

والحديد خوذي ابر. ترفع الدم بسرعه وماتاثر على المعده

واذا ولدتي. ان شالله خوذي فيتامينات وكالسيوم وحديد تعو.ضين اللي راح.

[قطعة السكر]

جوعااااااااااااااااااااااااااااااااااااااااااانه

[ام جودي3]

تصدقين حملي هذا يختلف عن حملي ببناتي مررررررررره من اوله لين اخره
لو اني ماسويت سونار كان قلت مليون بالميه ولد
بس الحمد لله ع كل حال

[حبه سكر]

ام جودي



الله يقنعك وزوجك ويرضيكم بما قسم لكم.

والله يجعله ولد سليم معافى بارا بك وبابوه




أنا احس زوجي تفاجاء انه بنت وقولي لا ولد. ابي بكري ولد

احيانا يتكلم عنها. كانها ولد مثل ماتحرك اليوم ؟!!! اقوله الحمد لله تحركت الله يجعلها سليمه معافاه
ولما اشتري ملابس يقولي لا خوذي السماوي واتفاجاء انه ولادي

يقهرررررررررني بتصرفاته هذي. بس إذا كلمته ااو تناقشت معه يقول ابي بكري ولد. ولو جاني بعده 10 بنات على قلبي مثل. العسل
بس ابي يتحمل المسوووليه معي. والدنيا مب طويله لاحد وابي اترك بالبيت رجل ومن هالكلام. اللي يغث نسي ان الله ماخلا احد بحاجه لاحد. وكلنا بحاجته. ومايدرى وين الخيره به بالولد والا البنت.

الله يرزقنا الذريه الصالحه السليمه المعافاه الباره واجعلها اللهم. من السعداء.
يارب رضنا بما قسمته لنا وارضى عنا

[حبه سكر]

تصبحون على خير

[LMAR]

صباح الخير لكل الكروشات

الله يسهل للكل ويرزقنا الصبر وتحمل صعوبات الحمل يارب انك قادر على كل شئ
اليوم تعبت من شغل البيت
جبت لي شويه اغراض لي ولبيبي
وقعدت ارتب مع الشغالة وربي بعد الشغل حسيت بطلق مو طبيعي من تحت والم بالظهر ينزل لتحت
ومقدر اجلس من الوخز اللي تحت
وشوي حسيت بموية تنزل علي دافيئة بس شربت موية وانسدحت عند الدفاية قلت انشالله يخف الالم
ولو زاد بروح الصبح الطواري وباشوف\
تتوقعون من الشغل
لي الحين 8ايام بالثامن

ام جودي3
انا بولدي كان كل لدكاترة يقولون بنت
الين ماولدت وجبت احلا تميم
الله يحفظة له 3سنين
وكان فعلا زوجي مايقووول الا ها ريحك اليوم ولا اتعبك
ولما جيت اقضي قبل الولادة كان الكل متحمس انه ولد مو بنت وسبحان الله جى ولد
حتى حملي كان غير عن بناتي الثنتين الاولات
كان مريح اول الشهور لاوحم ولا شي
حتى الحرقان من فضل ربي ماحسيت فية الا بس بالشهر السادس
ولا سمرت بشرتي
احلويت بزيادة
والحمل هاذا ماتحمست اعرف وشووووو
قلت على الله

[LMAR]

الله لا إله إلا هو الحي القيوم لا تأخذه سنة ولا نوم له ما في السماوات وما في الأرض من ذا الذي يشفع عنده إلا بإذنه يعلم ما بين أيديهم وما خلفهم ولا يحيطون بشئ من علمه إلا بما شاء وسع كرسيه السماوات والأرض ولا يؤوده حفظهما وهو العلي العظيم - صدق الله العظيم-
البقرة:255 مرة واحدة لن يزال عليك من الله حافظ ولا يقربك الشيطان
‎
قل هو الله أحد - قل أعوذ برب الفلق - قل أعوذ برب الناس ثلاث مرات تكفيه من كل شئ ‎

اللهم بك أصبحنا و بك أمسينا وبك نحيا و بك نموت وإليك النشور مرة واحدة ــــــــ ‎

أصبحنا وأصبح الملك لله والحمد لله لا إله إلا الله وحده لاشريك له. له الملك وله الحمد وهو على كل شئ قدير.رب أسألك خير ما في هذا اليوم وخير ما بعده وأعوذ بك من شر ما في هذا اليوم وشر ما بعده. رب أعوذ بك من الكسل وسوء الكبر رب أعوذ بك من عذاب في النار وعذاب في القبر مرة واحدة ‎ ـــــــ

اللهم أنت ربي, لا إله إلا أنت , خلقتني وأنا عبدك, وأنا على عهدك ووعدك ماستطعت, أعوذ بك من شر ما صنعت, أبوء لك بنعمتك علي و أبوء بذنبي فاغفر لي, فإنه لا يغفر الذنوب إلا أنت مرة واحدة من قاله في الصباح ومات قبل المساء دخل الجنة ‎
بسم الله الذي لا يضر مع اسمه شئ في الأرض ولا في السماء وهو السميع العليم ثلاث مرات لم يضره شئ في ذلك اليوم - وفي رواية لم تصبه فجأة بلاء ‎

اللهم إني اسألك العافية في الدنيا والآخرة. اللهم إني أسألك العفو والعافية في ديني ودنياي وأهلي ومالي, اللهم استر عوراتي وآمن روعاتي, اللهم احفظني من بين يدي ومن خلفي وعن يميني وعن شمالي ومن فوقي وأعوذ بعظمتك أن أغتال من تحتي مرة واحدة من قالها يحفظه الله من جميع الجهات ‎

اللهم إني أصبحت أشهدك وأشهد حملة عرشك و ملائكتك وجميع خلقك أنك انت الله لا إله إلا أنت وحدك لا شريك لك و أن محمداً عبدك ورسولك

[LMAR]

اللي تسأل عن مسهلات الولادة
فعلا التمر بيسهل الولادة وكمان بيمد جسمك بالطاقة اللازمة للولادة والدفع
انا عن نفسي ومن تجربتي الشخصية كنت اكله دائما من بداية حملي بس باعتدال لانه هو كمان يقوي الدم
ولكن من نص الثامن اصير اركز واكل منه كثير ولا ننسي انه داااااائما يكون العدد فردي اقتداء بسنة خير خلق الله محمد صلى الله عليه وسلم
كمان المشي مفيد وبيساعد على الولادة ويساعد انو جسمنا يكون مرن وتتعافي بسرعة من الولادة
ولا ننسي قرأة ونثقف انفسنا عن كيفية التنفس اثناء الطلق بجد بجد بيفيد ويخفف من الالم
كمان فينا نستعين باي حدا معك وقت الطلق يعملك مساج خفيف لظهرك من تحت بيريح ويخفف من الالم
ونشيل الصراخ من قاموسنا لانه ما رح يفيدنا بشي غير اننا نتعب اعصابنا وننهك ا نفسنا وتفقد الطاقة اللي بجسمنا اللي نكون محتاجينها
واهم شي نرقي انفسنا وندعي الله فهو المجيب

وربي يكتب لنا ساعة سهلة منسية

[حواء استثنائيه]

اميييين
صباحكم خيطر وبركه كيفكم مع البرد

[عديل الروح3]

الجمعہ لحظات بيضَاء ودقائقُ آثِيرة جداً , آرتشفوا من سلسبِيلھا قبلَ آن يجفّ رتلوا ال?ھف بقلب مود? ? وآ?ثرو من آلصلاھ على آلحبيب ?"

[عديل الروح3]

اللہم بيوم الجمعہ الجاامعہ? ?ملائكتہا السامعہ .. ? بلغناا ماا نَودّ ) '
? ااجعل لناا دعوهہ ?ا تُرد ? ? هب لناا رزقاًا لاا يُعد? ? اافتح لناا باباًا إلى االجنّہ
.. لاا يُسَد ???

[عديل الروح3]

ئآرب إجعل يوم الجُمعه فرج لكل من صبر
و شفآء لكل مريض آللّهُم برآئحة الجنه بلغنآ
و بيآض الوجه أوعدنآ ، و بظل عرشك أسكنآ
و من حيث لآ نحتسب أرزقنآ ?..

[عديل الروح3]

اخباررركم يا بنات وش مسوين
والله البيت بااااارد مو قادره اسوي شي
جالسه تحت الدفايه

[أم جنى فديتها]

أخباركم كراريش
اشتقت لنسومه

تصدقووون
من اسوي القرفصاء تجيني نغزات وكل مره اسويها تزيد النغزات وتصير اقوى والالم اللي يجي مع التحجر اقوووى
مع اني ماسويها في اليوم الا دقيقتين او 3 دقايق بس
والبارحه زدت بس شوي والنغزات قووويه مررره واليوم نزل لي افراز مثل زلال البيض والم مثل الدوره والنغزات زايده قويه
يعني جلسة القرفصاء بسرعه جابت لي نتيجه بس بستنى لمن ادخل الاسبوع الجاي بكثر وبمشي..

[روح خلودها]

مساكم الله بالخير يااحلئ كروشات

بالنسبه للي ردو علي والله تنزل معاي في كل وقت وكم مره باليوم من مرتين لثلاث <<<((الله يخلي اليوميه والا كان رحت فيها ))

وبدون ماامشي ولا ابذل اي مجهود اصلا الدكتوره مانعتني من الحركه بالثامن بس ماتسبب لي حكه حمدلله ولها رائحه عاديه خفيفه ..الله يسسسستر وتكون طبيعيه وماتسبب لي او للبيبي ضرر وقت ولادته

[قطعة السكر]

اخباركمممم يابناااات
اليوم برد مو طبيعي

[حواء استثنائيه]

.



(إِنَّ اللَّهَ وَمَلَائِكَتَهُ يُصَلُّونَ على النَّبِيِّ يا أَيُّهَا الَّذِينَ آمَنُوا صَلُّوا عَلَيْه وَسَلِّمُوا تَسْلِيمًا)

[ام جنى الامورة]

مساء الخير
ام جنى شكلك بتقصين شريط التجمع الله يسهل عليك يارب

يالله يابنات شدوا حيلكم وخلونا نبدا يوميا قرفصاء عشان بأسبوع واحد نخلص ونبدا نسولف بأمور نفاسنا

[عديل الروح3]

التلفزيون وﻻ محطه تشتغل
مدري وش السالفه اهى اهى

[زوجة السهلي]

الله يعينا مع التحجر والضغط على الرحم الله يسهل علينا ويقومنا بالسلامة ويرزقني بالوظيفة ويطلع اسمي ضمن المرشحات باذن الله

[عديل الروح3]

وييينكم اختفيو من هاابرد

[ρυяỉтч •]

مسساء الخيير ..

[عديل الروح3]

اهلين هدى
اخبارك وش مسويه
وينك مختفيه

[عديل الروح3]

ام جنو
انتي لسى مادخلتي التاسع ولسى الرئه مااكتملت
انتبهي بس هالجلسه تجيب لك وﻻده

[زوجة السهلي]

بنوتات متى اكثر من المشي بدخل التاسع تاريخ 4 ان شاء الله ومتى اجلس جلسة القرفصاء واكثرمنها جزاكم الله خير

[عديل الروح3]

احين امشي نص ساعه
واول ماتدخلين التاسع ساعه وبعدها ساعه ونص الى ساعتين
بس ﻻتجهدين نفسك كثير

[أم جنى فديتها]

مساء النور بيورتي..
وين غايبه ؟

عديل.. انشاء الله بوقف عنها وببتديها نهاية الاسبوع الجاي مع المشي..

ام جنو .. خوفتيييني..

بس لاتحاولين انتي قبلي hwaml02

[ρυяỉтч •]

اهلين عدوله ، كيفك ياحلوه
ابدا دوام وعيالي ومافضاا يارب لك الحمد
متى ادخل التاسع طفشت خلاص

[ρυяỉтч •]

اهلين ام جننو ، يابنت الحلال تقاديم ماظن بتجي الولاده الحين خخ
انا مثلك بالضبط ومعي طلق فترات وفترات ،
يارب من ادخل التاسع اولد :(

[روح خلودها]

احححح يابنات من ججججد الجو باااااااااااارد مووووووووووت


بنات لاهنتو ممكن احد يفهمني وش يعني تحجر ابشوف انا احس فيه زيكم والا لا ؟؟
جديييييد علي هالمصطلح

[أم جنى فديتها]

هههههههههه اي تقاديم
انشاء الله الله يسمع منك ونولد اول التاسع..


روح خلودها .. التحجر تشوفين بطنك صار قاسسي ولما تلمسينه يالمك ماتقدرين تضغطين عليه وتحسين بدفع لتحت
يجي دقيقه تقريبا ويروح
مادري في معلوم ولا لا ههههههه

[ρυяỉтч •]

روح خلودها ، التحجر يعني يقسى بطنك مره ويشد فتره وبعدين يرجع طبيعي
واحيانا يكون مع التحجر مغص او الم اسفل البطن ومايطول يروح
تعتبر تقاديم واستعداد الرحم للولاده

[ρυяỉтч •]

ام جننو انا وانتي تقريبا مع بعض .. تحمسسست لو نولد سواا
قدمت اجازه قبل ادخل التاسع ب اسبوع ، ودي من ادخل التاسع ابدا امشي لاني مره طفشت

[روح خلودها]

اهااااا اي اوقات احس بطني يصير مشدوووود مرا وقاسي بس مو كثير نادرا بس اللي يذبحني انا اني ماارتاح بجلستي اوقات ولا اقدر اكل زين لما يكون راس البيبي فوق حتا مااقدر اتنفس الله يعييييييييييييين

[ρυяỉтч •]

روح خلودها اي شهر انتي ؟
وليش الراس فوق للحين

[ام جنى الامورة]

مساء الخير
وياهلا بهدى ومرحبا
ريما مختفيه لاتصير ولدت الله يقومها بالسلامة يارب
خلاص من ادخل التاسع ببدى مشي وقرفصاء بطول فيها
وببدى اشرب حليب بقرفة

[ρυяỉтч •]

مسسا النور ام جننو ،
لا ريووم باقيلها 6 ايام عن عمليتها على خيير
يارب ندخل الشهر على خير

[ام جنى الامورة]

يارب يسهل عليها ويقومها بالسلامة يعني عمليتها بإذن الله الخميس
ان شاء الله نسمع منها اخبار طيبه
هدى لو كلمتيها وصلي لها سلام خاص مني وقولي لها تدعيلي اولد بعدها على طول

[أم جنى فديتها]

يوووه شلون عمليتها الخميس !!مو بدري
فاي اسبوع هي الحين؟

[hessah.altamimi]

وش دعوووه بنات ولا وحده جاوبت على سؤالي ولا معبرتني كان الكلام الي كاتبته بالبيض مو باين

انا جديده على التجمع ولا حد عبرني اهئ اهئ خلاص بودعكم وبروح للتجمع الثاني

يعطيكم العافيه

[روح خلودها]

ρυяỉтч •

انا بنهاية الثامن باقي لي يومين او ثلاثه وادخل التاسع

بس متري احس بشي قاااسي اتوقع راسه ويتحرك يعني اتوقع يغير وضعه

والا يابنات لازم يكون راسه تحت ع طول كل التاسع ترا ماادري بكريه ومااعرف ؟؟

[ρυяỉтч •]

ابببشري بوصلك السلام ولا يهمك ..
/
ام جننو بتكون ب التاسع يمكن اسبوع كذا ، والله هي عنيده وتضاربت مع الدكتور الا يسويها لها
ادعولها بنات هي وبننوتتها تقوم بالسلامه يارب
/
روح خلودي لا هذي الرجول خخ اكيد انه متعدل وراسه تحت خلاص المفروض ينزل للحوض بعد
/
حصصصه اسالي فديتك والله ماقريت الصفحات اللي قبل ؟

[زوجة السهلي]

ان شاء الله كلنا نولد باول التاسع ويقومنابالسلامة وتقرعيونا بشوفة اطفالنا بصحة وسلامة الله يسهل علي الولادة مثل ماسهلها علي ببنتي رحت المستشفى على الراس مفتوح 8ونص الله كريم اميين

[أم جنى فديتها]

حصحوص .. صبري ارجع اشوف سؤالك
واذا ماشفته الله لايهينك تسالين مرتن ثانيه خخخخخخخخ
الااا تعالي لاتروحين خخخخهههههه
ترى انا اجاوب على كل وحده بس مادري شلون انتي نسعتي من البنات ككككككك ههههه

[أم جنى فديتها]

بنات مين من الرياض او جده

ابغى بجامات الرضضاعه وقطنيه وين احصل الله يسعدها الي تدلني ..؟



حصه هاذا سؤالك اتوقع
بس اذكر قلت لك اني من الشرقيه و انشاء الله البنات يفيدونك ..

لحظه اجيب لك رابط الصفحه اللي فيها تجهيزاتي وشوفي بجاماتي حلوين ماخذتهم من سيتي ماكس
....

[أم جنى فديتها]

http://forum.hwaml.com/t144569-464.html#post2815177

اقلطي ..

هم بجامتين بس الحين شريت ثنتين زياده بعد....

[عديل الروح3]

سﻻﻻﻻم
اخباركم من سهران زيي

[روح خلودها]

انا ياعدووووولهhwaml7

[روح خلودها]

وش فيه المنتدئ ماتطلع الصور الشخصيه وفي كل مره يطلب اسم العضو والباسوورد <<<فيس مرتفع ضغطه

[أم جنى فديتها]

ونا بعد سهرانه






اغسل ملابسhwaml8

[أم جنى فديتها]

الكحه والزكام متعب العيال
ومافي دوا مخلص
بستنى زوجي يجي بكره ويجيب

[روح خلودها]

الله يعينك ياام جنئ ويشافي لك عيالك

[نوتي]

سلام عليكم كروشات


ابي توقيع مثلكم تهي تهي


شسمه انا بالاسيوع ال32 و5 ايام متى اخلص الشهر الثامن على خير

[عديل الروح3]

من جهزت شنطه الوﻻده

[قطعة السكر]

صباح الخير

عاش من شافك هدى وين هالغيبه
ظهري ذابحني ماني مرتاحه بسدحه ولا بجلسه مدري شسووي

[عديل الروح3]

قومي تروشي بماي حار

[قطعة السكر]

يممممممماه برد تروشت المغرب وللحين ميته برد وشعري صار ثلجه مبلول

[أم جنى فديتها]

حتى انا مثلك ياقطعه
ظهري مارتاح منه وخاصه اذا جلست واتسندت بالعكس صاير !!

[حبه سكر]

هلو ياخلوات


جيت بسوي شنطه المستشفى قلت على شوي شوي اسويها


بس مادري وش احط. وقت ولادتنا برد والا حر


اخذ قطني وطربوش ومهاد والفه بزياده بطانيه. ان كان برد عليها

لان اكيد المستشفى دفا بس إذا طلعت ان شالله مدري كيف الجو


ياحلوات وش بتحطون بشنطاتكم

[مهره الدنيا]

http://forum.hwaml.com/t219084.html

[عديل الروح3]

صباااااح الخيررررر

[monaooy]

صباح النور

[monaooy]

بنات الله يسعدكم امس جاني الم في معدتي شديد وترجيع واسهال شديد جدا و بعدين راح والحين رجع وش المشكله امس قلت يمكن ماكله شي مو زين واليوم بعد معقوله. وحركة الطفل تزيد

[moone]

السﻻم عليكم
صباح الخير
بتات حابة اسالكم عن الخياطة التجميلية او الكبس مع اني بكر بس قالو انها اريح بكثير

[حواء استثنائيه]

صباحكم خير
انا بديت اجهز الشنطه
حطيت 3غيارات كامله للبيبي بربتوز وبدله كامله وقبعه
و2مهاد وبطانيه صغيره ومحمل
رضعه ومصاصه
ولي
كلوتات الاستخدام الواحد ملابس داخليه
وبنطلون
وقميصين
وشراب
ربطه شعر امممم وش كماان
باقيلي كريم ومرطب شفايف ومناديل ديتول وفوط وحفايض للبيبي
ذكروني بالباقي بعد
الله يهون علينا يااااااارب

[4يو]

السلام عليكم ياحلواااات
كيف حالكم مع البرد
ليش طفشتو من الحمل وتبوون تفكووون البقشه بدري الطفش ماجاكم لمى تكووني ي البيت والنونو واواوااااا ومحبوسه في البيت نافس ماتقدري تطلعي ذيك الساعه الطفش صح موالحين تروحي وتجي وتمارسي حياتك طبيعيه ولا نسيتوووووو الم الولاده ههههههههههه

[نقطة الحاء]

مساء الخير
شخبااركم .!!
monaooy اللي صار لج صار لي قبل فترة الصراحة ماعرفت السبب بس بقولج اللي سويته و ريحني وايد
اول شي دهنت جسمي بزيت زيتون دافي دفيته شوي على النار و بعدين اتدفييت بملابس ثقيلة و سويت لي ملعقة كمون مع شوي ماي دافي و شربتها وحطيت راسي ونمت و يوم قمت حسيته كله راح .. جربي يمكن يفيد واذا مافادج مابيضرج ان شا الله


بناات عندي موعد اليووم عند الدكتورة ,, كل ماروح احس اني ما اخذ وقتي بالاسىلة او انسى وماعرف شوو اقوول
ماعرف عن شو اسالها بالضبط
ياريت تساعدوني قبل لا ايي وقت الموعد

[Eimo]

أهلين كروشات أخباركم
عن شنطة المستشفى
البيبي
غيار واحد خارجي و داخلي ومهاد وقبعة وبطانيه ومدس على حسب راحتك
وكمان انتي اسئلي المستشفى اشو توفر غيار للطفل او لا
لان بعض المستشفيات ما يرضون يلبسونه غير لبسهم
وانتي شوفي لو بترضعينه ما تحتاجي رضاعة ولا حليب بس لو لا هم يعطوك حليب وغيار وحفاظه
بنسبه لك
روب لك عادي وواحد استقبال لو كنتي تستقبلين ضيوف في المستشفى وبانطلون داخلي
و كلوت وجورب وشبشب أعزكم الله وملابس خروج
مع انه بعض المستشفيات توفر كلوتات غيار واحد وحفاظات
مرطب وفرشة شعر وفرشة أسنان ومعجون واهم شيء عطر وشيله عشان راسك لو جاك احد
هذا اللي افتكره من حملي الاول ولو تذكرت شيء بقولكم عليه

[ام جنى الامورة]

مساء الخير
موني سوي مثل ماقالت لك نقطة الحاء لان الجو بارد بالحيل ويمكن جتك لفحة برد ولو مافاد روحي للمستشفى مو زين الاسهال للحامل
موون انتي. بكر فمايحتاج تجميلي لانه قص من المهبل فخليك على الخياطه العاديه اللي هي من جوى الى برى بس لاتخليهم يقصون التجميلي تيه من الرابع لو كنتي محتاجته فعلا

حواء ترتيب الشنطه نفس ترتيبي بس انا زدت كمون مطحون بعلبه صغيره واخذت قطعه صغنونه حلتيته عشان الشمم لاقدر الله
واختي تقول اخلطي كمون مع مره بعلبه واذا ولدتي زيديه مويه واشربيه بعد الولاده بساعه الى ساعتين افضل واريح للبطن
نقطة الحاء الله يسهل عليك يارب نفس وظعي بالبيت اجمع الاشئله حتى زوجي يعطيني من الاسئله ويقول لازم تجاوب عليها وادخل واطلع ماسألتها شي

اليوم الجو بارد بالحيل حتى الشمس الظهر بارده. الله يعيننا ويسهل ولادتنا يارب

[أم جنى فديتها]

مساء الخير كروشات..

انا امس جهزت الشنطه

حطيت
للبيبي..
2 بربتوزات داخليه
1بربتوز كامل
1 دشداشه قطنيه
قبعه
كوفله خفيفه
كوفله مخمليه اللي مثل البطانيه
مدس
لهايه
مشط
مناديل مبلله

لي أنا..
بجامه للخروج
ملابس داخليه
شرابات
مشد
مشط
مرطب
فرشاه أسنان ومعجون
فوط صحيه احتياط

هاذا اللي بحتاجه...

[أم جنى فديتها]

يوووه تجمع حوامل صفر اتشال
مابقى الا حوامل ربيع يه يه يه

انا استنى من زمان يتشال تجمعهم عشان احس ان احنا قربنا خخخخخخخ

[أم جنى فديتها]

ياربييييه التحجر يالمني من تحت هههههههه

[أم جنى فديتها]

وينكم انا جيت اكلم روحي
تعالوووووو
خخخ

[روح خلودها]

مساء الفل

هلا ام جنى ..شفت امس اغراضك اللي جهزتيها للبيبي مرررا نايس وذوق واخراج الموضوع احلا


بناااات الامساك ذبحني مرررا متعبني hwaml4لاني عندي نقص حديد وتقريبا من الخامس استخدم حبوب حديد وهالاسبوع زااااد معايhwaml15 .. اللي مخوفني يقولو لو استمر للولاده ممكن يجيب البواسير .. ماادري وش اسوي ؟؟ انتو يابنات تعانو منه مثلي

[Flory]

انا ولادتي بشهر 3 وحاسه انه ببدايته ياااااارب ابغى اولد وارتاح تعبت

[إبتسامة الحياة]

يوووه تجمع حوامل صفر اتشال
مابقى الا حوامل ربيع يه يه يه

انا استنى من زمان يتشال تجمعهم عشان احس ان احنا قربنا خخخخخخخ

ههههههههههههههههه

ماخرعتيني ابد hwaml03

<< اكبر خوافه hwaml15

الله يسهل علينا وعلى جميع حوامل ياارب hwaml13

[إبتسامة الحياة]

بناااات الامساك ذبحني مرررا متعبني hwaml4لاني عندي نقص حديد وتقريبا من الخامس استخدم حبوب حديد وهالاسبوع زااااد معايhwaml15 .. اللي مخوفني يقولو لو استمر للولاده ممكن يجيب البواسير .. ماادري وش اسوي ؟؟ انتو يابنات تعانو منه مثلي

ربي يسهل عليك يارروحي
كثرري سوائل يمكن يخف عندك

[ام جنى الامورة]

ام جنى انا خفت بالحيل يوم شفته اغلق خلاص قربت الساعه

وازد اليوم حسيت بمويه خفيف نزلت مني وتركت بقعه بملابسي وكمان تحجر يمكن بين الاولوالثاني ربع ساعه
ومع ثقل تحت واحس حاجه محشوره تحت
يمه تروعت.

[إبتسامة الحياة]

انا ولادتي بشهر 3 وحاسه انه ببدايته ياااااارب ابغى اولد وارتاح تعبت

انا كمان ولادتي قالت لي الدكتوره بشهر 4
4/4
وحاسه اني بولد بشهر 3 ..

واليوم موعدي رحت لدكتوره وتقولي انتي بالشهر التاسع hwaml15

مراا انحسسست مو عارفه بالضبطhwaml4

[أم جنى فديتها]

تحلا ايامك ياروح خلودها
...
ام جنو انا مثلك بس من غير مويات خخ

[ام جنى الامورة]

روح خلودها انصحك من قلب كثري خس وخيار وزبادي
الخيار خليه بكل وقت على الطاوله ونقنقي منه الخس اساسي مع الغداء كولي حزمه كامله او لو بغيتي الضحى او العصر
وقبل النوم برتقالتين وبإذن الله بتودعين الامساك كله
دعواتك لي بالتسهيل

[ام حمودي_]

مساء الخيرات كيفكم ياحلوين


اخباركم وحشتوني ودي ادخل ودايم اذكركم بس مافيه حيل كسلاااااانه مره
قريت كم صفحه اشفيكم مستعجلين على الولاده كاتبين ربيع ثاني واحنا للحين مادخلنا ربيع اول انا كرهت نفسي وشفتكم حسيت النفسيه تازمت بزياده

ايه صح وش القرفصاء اللي كاتبين عنها ماقريت الصفحات القديمه

وبقولكم اخباري سريع حدد لي دكتوري اخر يوم بالتاسع 12/4 وقالي بنحاول فيك طبيعي لانو وضعك تمام وولادتك الاولى قيصري عشان طفلك وانا مررررره خايفه وتعبانه نفسيا من اللي اسمعه من صحباتي وقريباتي احس كتني بروح اموت

وكمان الدم واصل 8 ونص واخدت حبوب حديد وذبحني الامساك ويطلت الحبوب ولا قلت لاحد اني مبطلتها مع انو الدكتور ملزم استخدمها لانو لو سويت عمليه مايحتاج ينقلو ليه دم

وووفوت موعديين من الطفش واحس ماراح يسوو لي حاجه



ايوه افتكرت شفت وحده تسال عن البجايم القطني للرضاع في جده حبيبتتي انا لفيت كل الاسواق مالقيت لا بجايم ولا قمصان للرضاعه رحت عزيز والاندلس والجامعه وبعدين وحده قالت لي موجوده في الكندره ورحت وعشان ماعرف هذيك المنطقه والتعب ماعرفت اجيب الاقميصين للرضاعه ادا تحبي روحي هناك وفيك حيل للفلفه لانو مو سوق مغلق مفتوحه الشوارع على بعض والكل يقول انو موجود بس عشان انا كسلانه وتعبانه مافيه حيل الف


ويارب نقوم بالسلامه كوووولنا وان شاء ماقطع يوم يومين وادخل اشوف اخباركم

[روح خلودها]

ام جنى الاموره وابتسامة الحياه ماقصرتو جزااااااااااكم الله الف خير

[زوجة السهلي]

بنات انا اليوم اصلي الظهر حسيت ببطني خفيف مرة ولاكانه فيه شئ والله خفت وقمت اتحرك في البيت واحرك بطني والحمدالله بعد فترة تحركت والله خفت عليها وقمت اصيح بس الحمدالله طيبة اللهم لك الحمد والشكر ويقومنابالسلامة وتقر عيونا بشوفة مافي ارحامنا بصحة وسلامة وبعدها جاني اسهال وانتم بكرامة تصدقون حاسة ان الولادة قريبة باذن الله

[ام بشرى 1434]

مساء الخير

[ام بشرى 1434]

كيفكم كروشـــــــــــــــــــــــــــات

[ام جنى الامورة]

ياهلا بأم بشرى
الحمدلله على السلامة
عسى ماتعبتي من السفر

[أم جنى فديتها]

صباحكم سكر



ظهري خلاااااااص ياربييييييه رايح فيها
ما ارتاح الا لمن اوقف

[نوتي]

سلام عليكم كروشااات

شدعوه اسالكم ولاتردون

!!

4 صفحات راحت على السؤال

ابي بس تحسبون لي انا باي شهر الحين
انا بالاسبوع ال32 و6 ايام
اكون شاكره لكم

[عديل الروح3]

سﻻﻻﻻﻻم
كيفكم يا حلوات

[عديل الروح3]

نوتي والله مااعرف احسب كان حسبت لك

[عديل الروح3]

ام بشرى
وش هالغيبات لك وحشه
كيفك وكيف البيبي

[عديل الروح3]

انا الشنطه جهزتها بس لسى ناقصه
حطيت فيها بجامه لي
ومﻻبس داخليه
شراب
شال للراس
مرطب شفايف
فوط صحيه
وللبيبي
بدله كامله مع القبعه واللفه
ومدس وبطانيه
اممممم بس

[عديل الروح3]

ودي احط غرشه ماي زمزم
ومره منقوعه

[همسات دافئه]

بنات مايكفي لبس واحد لك وللبيبي

الطفل ممكن يرجع او الله يكرمكم يوسخ ويعدم لبسه وانتي كمان ما تضمني نفسك

انا اخذت روب رضاعه وبجامه ليا وملابس داخليه ومنشفه

ولنونو اخذت ثلالث لبسات كامله بالكوافل واخذت بطانيه

اما الفوط والحفايظ هما يعطوني ولما اخرج اشتريها هيا والحليب

[نوتي]

ماتقصرين حبيبتي عديل الروح

يكفي ردك الي اسعدني

الله يفومنا والبيبيات بصحه وسلامه

[قطعة السكر]

صباحووووو كيفكم
ام جنى انا مثلك ظهري ما يرتاح الا لمن اوووقف
نوتي انتي بالشهر الثامن
يابنااااات رجع لي الاسهااااال الشديد ووقف يومين ورد
ورحت للدكتوره سوت لي سونار الحمدلله كل شي تمممام وراس بنتي تحت
وكنت مسويه تحليل قبل شهر وطلع معاي نقص بالصوديوم والاملاح ولما قلت لها على الاسهااال
تقووول بينقص الاملاح زياده لازم مغذي وماعطتني علاج للاسهال مدري ليش
ووشووو بعد
ايه وانا انتظر دوري جت مصريه ياعمري عليها بالتاسع ومعها طلق بتوولد انا من شفتها صابتني ام الركب ماتقدر تممشي المسكينه من قوة الالم <<<< بكريه ماعليها شرهه هههههههههههه

[monaooy]

صباح الورد مشكورين كل اللي ردو علي رحت الاسعاف والحمد لله طلع الرحم فاتح 1سم وكل شي تمام وعطتني حبوب للاسهال والم المعده والحين احس بآلام بسيطه في ظهري وبطني تجي وتروح والله يسهل علي وعليكم

[قطعة السكر]

ام جنى ابي مثل توقيعك ( انا قادم بأذن الله ...)

[ام بشرى 1434]

صباح الخير

[ام بشرى 1434]

كيف حال الكروشات البردانات الي تحت البطانيات ..........هههههههههههههه

[ام بشرى 1434]

ام جنى و عديل و باقي الكروشات انا الحمدلله بخير ...و الحمد لله ما تعبت من السفر بس تعبت زوجي كل شوي وقف ابي اطلق رجيلاتي وقف ابي الحمام اخر شي قالي هذي اول واخر مره اسافر مع وحده حامل هههههههههههههه

[ام بشرى 1434]

hwaml61امس واليوم برررررررررررررررررد

[صبا الشرقية]

صباح الخير

من امس وانا احس بالجنين كله ضاغط علي من تحت احس فيه من تحت

هل معناه انه نزل بالحوض ؟

[زوجة السهلي]

باذن الله انه نازل تحت انا مثلك احسه بيطلع بس الله يهونا علينا ويقومنابالسلامة بنات اخباركم مع البرد الله يعين وقت الولادة

[صبا الشرقية]

اذا نازل هل معناه اني بولد ببداية التاسع ؟

انا امشي يوميا من السابع واكل تمر بعد يوميا

[حواء استثنائيه]

صباح الخيررر
كييفكم
ان شاء الله نولد باول التاااسع وتقر عيوننا ياااارب

[زوجة السهلي]

بنات انا امس يوم حسيت بخفة في بطني هذا لان الجنين نازل بالحوض والله اعلم قرب ولادة والله كريم اول باول التاسع وافرح فرحتين فرحة الولادة والبيبي وفرحة طلوع اسمي ضمن المرشحات في جدارة اللهم امييييييييييييييييييين دعواتكم لي تكفون جزاكم الله خير

[عديل الروح3]

مساااااء الخير للجميع
كيفكم يا حلوت

[عديل الروح3]

همسات المستشفى الي بولد فيه
هم يلبسون البيبي ووقت الخروج بس اعطيهم مﻻبس ويلبسونه
حتى انا هم يعطوني ووقت الخروج البس بجامتي
ﻻني انشاء الله اولد طبيعي واخرج ثاني يوم مابطول

[عديل الروح3]

قطعه سكر
ماتشوفي شررر
اختي بعد معاها اسهال وهي توها حامل
وعطوها مضاد مع المغذي لمده 3 ايام
تقول هاذا خطر ع الجنين
كلي كله مسلوق رز مسلوق دجاجه مسلوقه وخففي من الدهون والمغليات

[عديل الروح3]

مووني
يوووو شكلك خﻻص بتولدين يﻻ كثري مشي
واخيرا احد بيفرحنااااا
وبنبتدي فييك

[عديل الروح3]

زوجه السهلي
اللهم امين وتفرحين الفرحتين يا رب ويحقق لك الي تتمنين

[فوئة]

بنات اخبارك

اسفه للي للبنات الي ولادتهم بشهر 2 صفر ماخبرتهم بولادتي ماكان عندي نت

ابشركم ولادت وجبت ولد مثل القمر في 6/2 وسميته يزيدhwaml7

[همسات دافئه]

طيب عدوله بس لبسه ما تكفي لك ولطفلك

اختي تقول لما جابت بنتها تقول الطفله جاها زي الاسهال تقول عدمت ملابسها واضطرت تطلب من البيت

[عديل الروح3]

المستشفى نفسها تغير لها
انا قلت لهم ابي البسها مﻻبس مني قالو ﻻ
وقت الخروج بس

[عديل الروح3]

مبرووووك فوئه
والحمدالله ع سﻻمتك وسﻻمت البيبي
وعقبال الجميييع

[عديل الروح3]

والله البرد مكسلني مايخليني اسوي شي
الله المستعان لما قربنا نولد جاء البرررد

[حواء استثنائيه]

زوجه السهلي
اللهم امين
نزلة اسماء المرشحات بجداره ماشفتيهم خيتووو؟
هذا الرابط
عاجل : أسامي البنات المعيّنات من الجدارة
{http://burnews.com/news-action-show-id-47049.htm}


انشروها بسرعه

ترا الدفعه فيها اسماء كثير 12 الف اسم حراااام انهم مايدورن

[همسات دافئه]

غريبه عدوله عندنا لا الملابس من الام

[بنت صقور]

دعوه لكل الكروشات :-):-)

إلهي~
اللهم: أنزل عليها لطفك أينما ذهبت ،،
ويسر لها الخير كلما طلبت ، وأنر دربها بالإيمان أينما اتجهت ومتعها بالصحة والعافية
وشد أزرها إذا العزائم فترت،، وأمن روعتها إذا السماء انفطرت،، ويمن كتابها إذا الصحف نشرت.
يامن بحمده كل الخلائق سبحت،، اللهم اكتب لها أعلى منازل جنتكـ..

[روح خلودها]

مسائكم سكر


مساء البررررررررررررد والله صار الجو بارد مووووت متري كيف بيكون الوضع وقت الولاده والنفاس hwaml9الله يعيننا احححح

[أم جنى فديتها]

سلام عليكم كروشااات

شدعوه اسالكم ولاتردون

!!

4 صفحات راحت على السؤال

ابي بس تحسبون لي انا باي شهر الحين
انا بالاسبوع ال32 و6 ايام
اكون شاكره لكم


عليكم السلام
حبيبتي انتي في نص الثامن

[أم جنى فديتها]

بنات مايكفي لبس واحد لك وللبيبي

الطفل ممكن يرجع او الله يكرمكم يوسخ ويعدم لبسه وانتي كمان ما تضمني نفسك

انا اخذت روب رضاعه وبجامه ليا وملابس داخليه ومنشفه

ولنونو اخذت ثلالث لبسات كامله بالكوافل واخذت بطانيه

اما الفوط والحفايظ هما يعطوني ولما اخرج اشتريها هيا والحليب


همسات .. انا المستشفى يعطون ملابس انا والبيبي
وحتى اذا توسخو يعطونا غيرهم
بس وقت الخروج نلبس الملابس اللي بوديها انا
....

[أم جنى فديتها]

صباح الورد مشكورين كل اللي ردو علي رحت الاسعاف والحمد لله طلع الرحم فاتح 1سم وكل شي تمام وعطتني حبوب للاسهال والم المعده والحين احس بآلام بسيطه في ظهري وبطني تجي وتروح والله يسهل علي وعليكم






اذا مابرح معاك الاسهال بيفتح لك الرحم اكيد

[أم جنى فديتها]

ام جنى ابي مثل توقيعك ( انا قادم بأذن الله ...)


حبيبتي ضغطي على التيكر
اذا دخلتي الموقع حطي تاريخ ولادتك بالانجلش وضغطي وبس
بعدين نسخي التيكر وحطيه في التوقيع
.....

[أم جنى فديتها]

كيف حال الكروشات البردانات الي تحت البطانيات ..........هههههههههههههه



اي والله برررررررررد

[أم جنى فديتها]

صباح الخير

من امس وانا احس بالجنين كله ضاغط علي من تحت احس فيه من تحت

هل معناه انه نزل بالحوض ؟


الله اعلم
حتى انا كذااا
......

[أم جنى فديتها]

باذن الله انه نازل تحت انا مثلك احسه بيطلع بس الله يهونا علينا ويقومنابالسلامة بنات اخباركم مع البرد الله يعين وقت الولادة


اي والله يوم قربنا اشتد البرد
الله يعييييين بس

[أم جنى فديتها]

صباح الخيررر
كييفكم
ان شاء الله نولد باول التاااسع وتقر عيوننا ياااارب

الحمد لله بخير..

اميين يارب

[أم جنى فديتها]

بنات انا امس يوم حسيت بخفة في بطني هذا لان الجنين نازل بالحوض والله اعلم قرب ولادة والله كريم اول باول التاسع وافرح فرحتين فرحة الولادة والبيبي وفرحة طلوع اسمي ضمن المرشحات في جدارة اللهم امييييييييييييييييييين دعواتكم لي تكفون جزاكم الله خير


امييين
الله يوفقك ويسهل امورك..

[أم جنى فديتها]

البارحه جتني الصيحه مدري ليه
بس ظهري طفشني طول الوقت والى الحين -_-
ووقت النوم دموعي نزلت وابي اصيح بس خفت زوجي يشوفني ويسالني شفيك واقوله مافيني شي خخخ
بس مليت من الانتظار الثامن طووووويل

[أم جنى فديتها]

اي صح
فيه ثنتين من الحوامل فربيع اول يقولون تطلع لهم اصوات مثل لما تكوني جوعانه
انا امس كذا طلع لي هالصوت
تتوقون ليش!!؟مع اني مو جوعانه

[أم رغد ودانة]

هلا بالجميع اخباركم وكيفكم مع البرد
باقي على ولادتنا شهر باذن الله
يكون البرد خف شوي ان شاء الله

[monaooy]

ان شاء الله اولد خلال هالاسبوعين وافرح بشوفة حبيبت قلبي بصحه وعافيه

[زوجة السهلي]

ام جنى انا مثلك يطلع لي صوت والله مادري ليش تكفون احد يعرف ليش يطلع الصوت كاني جوعانه

[ρυяỉтч •]

مسساء الخير ..
مناوي امين يارب ربي يرزقك ساعه سهله ،
انا لي ثلاث ايام بدا يشد معي التحجر ومع مغص ، احيانا اقول لو يشتد المغص بتصير ولاده
بس كذا كم ساعه ويروح عاد < تقاديم ولاده
/
بنات كل اللي تحسنه من وخزات والم من تحت وثقل كن شي بينزل .. انا من السابع يجيني
وزاد بالثامن وتفائلت اني اولد من بدايه شهري
عاد لما رحت لاستشاريه سالتها وقت السونار اذا الجنين بالحوض ؟ لان الالم كان لا يطاق
قالتلي ليش هو فيه جنين ينزل بالحوض بالثامن خخخ فشلتني
قالت لازم تفرقين بين ان جنينك متوجه وراسه تحت ووضعيته مستعده للولاده ، وبين ان جنينك نزل للحوض واستعد للولاده
عاد طبعا كان الجنين متوجه وضاغط على المثانه بس ، لا نزل الحوض ولا بطيخ خخخ
وتحطمت عاد الله يسهلها يارب

[قطعة السكر]

ام جنى انا مثلك صوت ببطني كأني جووعانه وانا احيان اكوون شبعااانه
بس لاحظت اني صايره اجووع بسرعه مدري ليش

[قطعة السكر]

بيورتي هههههههههههههههههههههه مثل سؤالي للدكتوره امس وضحكت علي قالت لا بس ان راسها تحت

[قطعة السكر]

بطني صاير يضايقني مره احسه مليااان موويه ويضايقني مااقدر اثني ظهري

[زوجة السهلي]

الله يعينا ان شاء الله يوم الاربعاء ادخل التاسع باذن الحي القيوم والله يسهل علي وعليكم الولادة ونفرح بشوفة اطفالنا بصحة وسلامة

[ρυяỉтч •]

قطعه الحمدلله فيه احد لقط وجهه مثلي هههههههههههههههههههههههههههههههههههههه
انا عادي لا اصوات ولا شي .. بس بطننني قاسي واحيانا تجيني حكه رهيبه من كثر ماهو مشدود
وعروق بطني كلها وضحت وزاد لونها اخضضضر مره
التنفس صار تمام بس وقتت مانسدح اختنق .. طبعا لان الراس نازل مره ف ريحني شوي الحمدلله
بنات وقفتوا الكالسيوم ؟ انا الدكتوره ماوقفته لسا .. واعطتني فيتامينات مره ريحتني وخففت الكتمه

[قطعة السكر]

انا من دخلت السابع وقفته مليت والدكتوره كل ما اروح لها تهاوشني
بس مع الاسهال اللي جاني قالت لي كولي الحديد والكالسيوم عشان يمسك بطنك
مع اني حللت دم قبل شهر الدم معاي 9 الله يستر ...


بررررررررررررررررردhwaml9hwaml9hwaml9hwaml9

[أم جنى فديتها]

هلا بيورتي
يالقاطعه ههههههه

اي على الاعراض وكل شي
ومونازل الحوض
تذكرين يوم اني اروح المستشفى يوم استمر معاي الالم القوي والتحجر قالت لي مو نازل الحوض خخخخ تحطيييم


الحين عندي نغزات قوويه تروح وتجي
والبرد يووووه مكسلني اسوي العشا

[زوجة السهلي]

بنات تحسون بشئ تحت الصدر يضغط مادري ويش تكفون واحس بحرقان في المعده الله يعيين ان شاء الله

[ρυяỉтч •]

انا مستمره على الكالسيوم والفيتامينات ومعها حديد ..
بنات التحجر لما يجيكم معه مغص ولا بس تحجر ؟

[ρυяỉтч •]

ام جنننو ايش اسوي دوامي الصباح وبرد ومالحق ادخل النت والله ، حتى صرت انسا انا اي اسبوع خخ
من جد قمه التحطيم والله كلنا تفشششلنا خخخخخ
حننا برد مو صاحي المويه جمدت ، يارب ماولد الا جو يكون دفاا شوي ..
/
زوجه السهلي ذي رجلين المحروس خخخخ دايم بنوتتي ترفسني برجلينها تحت الصدر اتكسر يارب عوضنا خير
/
بنات بقولكم ملاحظه شفتها بالتجمعات ، كل البنات اللي كانو متحمسات يولدن من اول شهرهن وكثيره شكاويهن
عوشرن خخخخخخخخ
واللي مو بالهن الولاده ولا يشتكن من شي ولدن من اول شهرهن

[قطعة السكر]

انا التحجر لما يجيني معاه مغص بس خفيف

[زوجة السهلي]

انا التحجر اذاجاني يجي معه الم مثل الم الدورة والم في الظهر واحس بصوت تحت الله يحفظ بنوتي يارب

[ρυяỉтч •]

كلنا هيك :(
بنات بتعشا واجي برب

[قطعة السكر]

انا زوجي طلع من المغرب للدوام ومايجي الا الفجر وطلبت عشاء من كودو

[ام جنى الامورة]

مرحبا بنوتات كيفكم
اليوم العصر رحت للسوق ومشيت من البوابه الاولى الى الرابعه ورجعت الى الاولى لاحظت حريم دوامل يتمشون بالسوق على مهلهم كان نفسي اجلس اتقهوى واخذ سينبون بس زوجي يطير عيونه علي يكره الاكل بالسوق

كمان انا من فتره حاسه ان الخياطه القديمة ببنتي كانت مفتوحه واليوم مع المشي مريت من عند محلات العطورات والبخور ومن بعدها وانا احس بنغزات مكان الخياطة واحس بألم امي تقول يمكن شمم
واختي خوفتني تقول لو شمم ترى تجيك طلوق والام بس مايفتح الرحم الله يستر ويسهل يارب

[قطعة السكر]

ام جنى الخياطه ببنتك قيصريه او تحت
شممي مره
انا زوجي كان كذا اول ما تزوجته مايحب ياكل بالمجمعات يقول نروح مطعم مسكر بس اللحين صار الوضع عنده عادي هههههههه

[أم جنى فديتها]

بنات تحسون بشئ تحت الصدر يضغط مادري ويش تكفون واحس بحرقان في المعده الله يعيين ان شاء الله



اي هاذي الرجول ههههه
والحرقان بسبب هالشي

اما انا بالعكس مرتاحه هالمره الحمدلله بطني نااااااازل ومن زمان بعد وماجاني حرقان الا يوم واحد بس
غير كل مره الحرقان يذبحني
وبنيتي مريحتني ماتقرب صوب صدري ههههخ

[ρυяỉтч •]

ام جننو مابقالك شي وتدخلين التاسع لا تخافين
واذا شمم تكبي ياختي راح يروح ع طول ، وعلى فكره الالتهابات تسبب الشمم بعد للاسف مو شرط خياطه
انا احسس المنطقه من تحت منعدمه من الثقل ، بطني نازل من زمااان وضغط مو طبيعي يارب منخرعه اول مره يصيرلي هيك

[أم جنى فديتها]

انا مستمره على الكالسيوم والفيتامينات ومعها حديد ..
بنات التحجر لما يجيكم معه مغص ولا بس تحجر ؟


يجي معاه
ويالللللم من تحت اذا جا
مع نغزات احيانا
واقعد مثل الصنم ههههههههههه

[أم جنى فديتها]

جسمي كله يالمني من البرد وظهرري ورجولي
كنت في المطبخ اجهز العشا وماقدرت اكمل قلت لزوجي يجيب اي شي من برى

[ρυяỉтч •]

انا لما يجيني ينقلب وجهي اسود لان الالم بصراحه مؤلم .. وكل عاد اللي حولي وشو طلق ولاده قومي المستشفا خخخخ
تعبت وانا اقولهم انا بثااااامن لا تفاولون تقاديم ذي ، بس عاد مدري وش فيهم منخرعين

[قطعة السكر]

ودي اقووم ارتب البيت واكنس بس ميته برد وجووع

[أم جنى فديتها]

احس كاسره خاطري ليالي حب
احسها محتاسه

[قطعة السكر]

اي ياعممممممممري كاسره خاطري حيل
يا كثر مواضيعها ونفس المضموون محتاسه الله يكون بعونها

[نوتي]

جزاكم الله خير

ام جنى و قطعة سكر

ببورتي وينك من زماااااااااان عنك ياحبي لك

شسمه كروشات انا مثلكم احس بضغط من تحت ويالله اقوم منه الترفيس

عندي سكر حمل دعواتكم

تهي تهي هالكتني الحميه

[عديل الروح3]

سﻻﻻﻻﻻﻻﻻم
انا جييييييت

[عديل الروح3]

توني وصلت البيت رحت المجمع اشوي منها اغير جو ومنها امشي
وداخل المجمع داااااافي

[ρυяỉтч •]

بنات والله كنت اكلم نفسي عن ليالي ، من جد الضعيفه نفسي امسكها واوديها المستشفا اولدها :(
مشكله اذا كنتي وحدانيه ولا ام ولا اخت ، ربي يجبر عليها ويهون يارب
/
نووتتتتتتتتتتتتتي يالقاطعه ؟؟ اخبارك يا ام كرشششششش ؟
الف سلامتك من السكر .. ديري بالك وخليك ع الحميه ، وسمعت بعد لازم ترتاحين فتره بعد الولاده ماتحملين
عشان مايتطور لاسمح الله ويصير سكر عادي
عسساك ع القوه يارب .. بققققوه وحشتيني

[عديل الروح3]

والله الجو ابد مايساعد ع المشي
جو كسسسسسسل

[ρυяỉтч •]

ولكككمو عدوله .. عديل انتي كم اسبوع ؟ احسك دخلتي التاسع خلاص

[عديل الروح3]

والله يا هدوي مدري مااعرف احسب كل الي اعرفه كل تاريخ 16 انجلنزي ادخل شهر جديد

[عديل الروح3]

والله لو تسوين فيني خيررر
وتحسبين لي

[ρυяỉтч •]

يعني باقيلك 3 ايام وتدخلين التاسع صح ؟
يلا يابنت شدي همتك وامشي عشان تقصين شريطنا خخ ونتفائل فيك ونحذو حذوك

[ρυяỉтч •]

هاتي تاريخ اخر دوره ب الانقليزي واحسبلك

[نوتي]

يابعد قلبي ببرروتي

والله هذاني على الحميه والحمدالله القياسات كلها كويسه وان شاء الله خير ويروح مني ولاعاد اشوفه

هو نسبة السكر عندي خفيفه الارتفاع بس احتياط مسوين حميه

تخيلي اول اسبوع بدية فيها الحميه نزلت 5 كيلواااااااا طارت عيوني لاني خوافه واسمع انه يكبر الجنين ويسبب لاقدر الله

ولادة مبكره او موت الجنين

والثقل والكرشه الله يعيننا عليها عاد انا وانتي مع بعض نشوف من تولد اول هههههههه

لك وحشه حبيبتي

فاقده قلب طفله

بشريني عنك وش علومك ووش مسويه ؟؟

[عديل الروح3]

المشكله اني نسيت متى اخر دوره
قلتها لدكتورتي وهي حسبتها لي وقالت كل تاريخ16 تدخلين شهر جدبد
وكل ماابي اتذكر انسى
الاحد الجاي موعدي وبسالها

[ρυяỉтч •]

ياروحي عليك لا تخافين نوتي ، دامك ع الحميه بيجي البيبي سليم ومعافى ب اذن واحد احد
قلب طفله بعد اختفت معك :( ، انتن قاطعات مرررره :(
ايه تاريخ ولادتنا سوواا نشوف من اللي جنينها شطور ويريحها اول
/
الحمدلله انا تمام التمام ، وادهر يارب لك الحمد
بس لو المحروسه تريحني شوي وتنزل من اول التاسع ي سلااام خخ

[ρυяỉтч •]

عديل هههههههههههههههههههههههه لا حلوه نسيتي دورتك متى .
اخاف معطيتهم التاريخ غلط ؟

[نوتي]

ياحبني لك

امييييييييييييييين

ايه قطعة الله بس يعين ان شاء الله انها بخير

دووووم بخير


انا من دخلت الخامس الين اخر مووعد قبل اسبوعين قالوا لي بنت

الله يقر عيونا بشوفتهم ويقفومنا وياهم بصحه وسلامه

اشوف كثير بشهر نا اكثرهم بنااااات

[ام جنى الامورة]

يسعد مساكم بنوتات
واهلا بنوتي طولتي الغيبه
هدى الكبو مو يفتح الرحم
هذاي منقعه مره وكمون بشرب منهم ان شاء الله

[زوجة السهلي]

انا قالوا لي بنت من الشهر السادس والحمدالله الله يخليها لي ويحفظها ويحفظ اخوانها وخواتها ان شاء الله الله يعيني قربت ادخل التاسع يوم الاربعاء هذا

[نوتي]

ام جنى الشكوى لله اغلب وقتي عند امي عشان هالسكر الله يشفيني ويبعده عنكم يارب


بس ان شاء الله بصير ادخل اطل عليكم كل ماقدرت التجمع يوسع صدري

[زوجة السهلي]

الله كريم نولد باول التاسع كلنا اللهم اميييييييييين

[ρυяỉтч •]

نووتي انتي مثلي اعطوني احتمال بنوته ، وبصراحه مادققت واجد ومشيت على انها بنوته
عسسسا ربي مايحرمني ازعاجها وصياحها ..
/
ام جننو تكبي بقشور بصل ومره وكمون ، بس اذا خايفه مره ان ينفتح الرحم خليك ع المره والكمون
بس المره تعتبر مضاد حيوي لا تكثرين ولا تخلطين معها ادويه
وتشطفي عاد بمره وملح .. بس مره مو كثير لان الدكتوره قالتلي ان الملح يفتح الرحم

[أم جنى فديتها]

شلوون بنمشي مع هالبرد -_-
><

[عديل الروح3]

بنات متى تكتمل الرئه انا الي اعرفه ادخل اخذنا من التاسع اسبوع صح وﻻ

[ام حمودي_]

مساء الخير


سلااااامات بنات ولا احد رد علي ولا بكلمه حتى حسيت مااااااااااااااااااااااااااااااااالي داعي hwaml13

شكلكم نسيتوني يلا مو مشكله اهم شي تكونون بخير وتقومون بالسلامه انتو وبيببهاتكم

وزوجه السهلي حبيبتي ترا الاسامي اللي نازله في جداره مو تعيين ال 12 الف بس تعديل بيانات للي بيناتهم غلط وللحين محد نزل اي اسماء ترشيحات


الله يرزقنا ويزرق كل وحده تبي وظيفه واهم شي نقوم بالسلامه ونرتاح

[أم جنى فديتها]

مساء النوور والنوير ام حمودي
شخبارك
ايش قلتي وماردينا عليك؟
سدحي سؤالك واللي تبينه يمقن مانتبهت لك

عديل الروح..اي خلاص اول اسبوع انشاء الله مافيه الا العافيه ومكتمل..

[نوتي]

اميييييييييييييييييييين ببروتي حبيبي

[ρυяỉтч •]

الرئه تكمل وتكبر لين الولاده ، يعني مالها وقت محدد ان نموها يتوقف
سبحان الله هي اخر عضو يكتمل بجسم الطفل حتى بعد الولاده ، بس انه بعد الاسبوع ٣٦ يبدا يتقبل الحياه فيها
مثل ما الكبد هو اخر جهاز بجسم الطفل يشتغل بعد الولاده
/
ام حمودي اهلا وسهلا حبيبتي .. اي اسبوع انتي الحين ؟

[ام حمودي_]

هلا بك ام جنى اخيرا ااحد عبرني hwaml79

ماسالت ياقلبي دخلت سلمت عليكم وسولفت لحالي وخرجت وتوقعت احد هاه يعبر يقول وينك مختفيه ولا شي محد فقدني


يس فيه وحده كنت اقولها جده القروب من امه كانت بس تنصح وتقول قولو ماشاء الله ولا تعطون نفسكم عين وينها مختفيه ان شاء الله خير لاني ماقريت الا كم صفحه وفقدتها

[ام حمودي_]

هلا بك ياقلبي بيروتي على اخر مره دخلت كنتي تقولين مو مبين معاكي بنت والا ولد بس الحين قريت انها بنت الله يرزقك برها ويفرحك فيها

وانا مدري باي اسبوع بس يوم 9 ادخل التاسع ومحددين لي يوم 10 ربيع الثاني اخر يوم بالتاسع الله يسهل لنا بس عندي امل انو اولد في بدايه التاسع زي حملي الاول بحمودي ماخدت الا 7 ايام وولدت



والله يسهل لنا ويكتب لنا ساعه طيبه

[ρυяỉтч •]

ام حمودي قصدك ريما ههههههههههههههههههههههههههههههههههه
ذيك عجوز الالتجمع ماهي امه ولا جدته خخخ
قربت ولادتها قيصري ادعيلها ربي يسهلها ويوسع عليها رزقها

[عديل الروح3]

ام حمودي
انتي زيي ببنتي اسيل
اخذت اسبوع بس وولدت
يؤؤؤؤؤ ماانسى هالايام ابدددد

[عديل الروح3]

بنات ليش مو كل وحده تكتب لنا قصص وﻻدتهااا الاكشن
خلونا نستفيد

[ρυяỉтч •]

ام حمودي يلا شدي همتك انتي وعدوله من الشاطره اللي تولد قبل خخخ
/
اي والله الى الان ماكدوا انها بنوته ربي يخليها لي .. بس انا خلاص اخذت على انها بنت عسسا ربي يرزقنا برهم
..
عدوله ايش تبين ب الاكشن ؟ انتظريه يجيك وتجين تقولين لنا خخ فرررررررش

[قطعة السكر]

اي والله صادقه عدوووله كل وحده تكتب اكشنها
ابي اتعلم حرام بكريه اكسر الخاطر هههههههه

[عديل الروح3]

يﻻ عاااااد
خلونا نتحمسسسسس

[عديل الروح3]

خﻻص انا ببتدي فيكم خخخخخخ
يﻻ بسم الله انتظرونيمع خمس الى 10 دقايق اتذكر لكم
هههههه

[ρυяỉтч •]

هههههههههههههههههههههههههه يلا عدوله ننتظرك
يا سلام لو مو برد كان جبتلي ايسكريم مع اكشنك خخخ جا البرد وخرب علي جوي الجميل

[ام حمودي_]

ايه صح ريما الله يقومها بالسلامه وتحفظ لها بنتها يارب



يلا وانا الثانيه ببداء بالاكشن انتظروني اخاف اكتب واصيح وماعاد اكمل

[ρυяỉтч •]

انا مره نعوست .. تصبحون ع خير

[عديل الروح3]

بسم الله الرحمن الرحيم
يوم الاثنين الموافق 24/1
جاني الم بسيييط ع الساعه 1 الظهر كان زوجي بدوام
وبعدها رحت الحمام وشفت زي الافرازات فيها اشوي دم وخغت ﻻني بكريه
وع طول دقيت ع زوجي وطلع من الدوام
وبعدها راح الالم قتله خﻻص مافيني شي
وطلعنا رحنا المجمع امشي والله يكرمكم جاني اسهال وانا بالمجمع
مشيت الين قريب المغرب
بعدها رحنا الواجهه البحريه وجلست امشي وامشي وكان الجو باااارد
ورجعنا المجمع ادفى
وكان الالم يروح ويجي
واخر شي استسلمت ورحت المستشفى ع الساعه 11 باليل
ع الطوارئ قاست الرحم قالت مفتوح 1وتص بس وسو لي تخطيط قالو في طلق
قالت اذا بيتك قريب روحي واذا زاد الالم تعالي
وارجع البيت ابو الشباب نام
وانا مقدرت انام الالم يزيد ويزيد وانا امشي بالصاله الين الساعه 3 الفجر
واروح اصحيه قام لبس مﻻبسه ورجع نااام
عور قلبي قلته خليه اشوي بعد
الين اذن الفجر ماقدرت خﻻص واصحيه وقام وعطول الطوارئ
وقاست الرحم قالت 3 ونص وعورتني مررررره اتوقع انها سوت لي تحريض
وبعدها قالت يﻻ فوق خﻻص
ولبسوني مﻻبسهم وحطولي جهاز التخطيط حق الطلق وحق الجنين
وعطوني حقنه شرجيه
وبعدها قمت امشي بالممر امشي وامشي امشي وامشي
وبعدها جات الدكتوره ع الساعه 11 الظهر قاست لسى 4
وانا اسمع الحريم يصارخون وانا اصيح معاهم وطلبت ابرة الظهررررر من الخوف
قالو لافتح 5 نعطيك
والحمدالله قاست طلع 5 وعطتني ابره الظهر وارتحت مرررررررره وجلست اسولف مع زوجي ع البﻻك هههههه متفرقه
بعدها جات الدكتوره فتحت لي ماي الجنين وراحت
اشوي واحس الالم يرجع وقول للسسترفي الم خفيف ماكنت اعرف ايش هوو
وزادت الجرعه ولسى ماراح وكشفت علي قالت خﻻص انتي وﻻده الراس طالع ههههههه
وجات الدكتوره وتقولي يﻻ دفعي وانا خايفه مدري وش صاير
ودفعت ودفعت الين طلعت اسوله بعد قلبي طلعت وانا مو حاسه بشي
وخيطوني وهم مو حاسه بشي الحمدالله
وولدت اسول بتا يخ 25/1
واحين عمرها سنه وشهرررر

[ام جنى الامورة]

يله عديل اكتبي وخلينا نشوف الحركات اللي سويتيها بالطلق والدفع
وبعدها ام حمودي وبعدها انا

[أم جنى فديتها]

ماشاء الله فيه اكشنات هههههههههههه
hwaml03

[عديل الروح3]

يﻻ ننتظركم كلكم

[ام حمودي_]

في البدايه ولدت بدايه التاسع مدري ايش السبب مع العلم اني ماحملت الا بابره منشطه وهذا اللي خلاني متاكده من تاريخ حملي بس كانت نفسيتي خلال فتره الحمل مرررره زفت وكان عندي بدايه سكر حمل والتهابات فيمكن هو اللي خلاني اولد بدري والله اعلم مالكم بالطويله دخلت التاسع وقامت امي فوق راسي امشي امشي وزوجي مسافر ومحد يودي ويجيب قال اخوي وش رايكم نروح مكه ناخد عمره قلت معاكم بس بمشي في الحرم مقدر اخد عمره كامله

المهم رحت العصر ووصلت وقعدت امشي في الساحات الخارجيه ولفيت الحرم والمسعى والتوسعه وكلها وانا ادعي ربي يفرج علي ا في الحرم حسيت شي نزل مني واحس حتى طلع له صوت بس مدري وشهو عشان كذا ماهتميت المهم خلصو اهلي ومرينا تعشينا ورجعنا البيت صحتني امي الفجر افطرت ولا فيني شي ورجعت نمت الظهر اصحى من الالم في رجليني وعلى بالي من المشي واحاول ارجع انام وكل شوي يجي الالم ويخف وارجع انام المهم لين العصر صحيت وصليت والا الالم يزيد وادق على اخوي الكبير ومايجي الا على العشاء صلى ورحت دخلت الطواري وانا ابكي هههههههه قعدت اقول لامي شيليني مقدر امشي وامي تبكي تقول كيف اشيلك المهم جاء وقت الكشف جات مصريه الله لا يسامحها دنيا واخره دخلت قاست قالت 4 سم وتجيب شي حديده كبيره وتدخلها شكلها وسعت الرحم وخرجتها وخرج الدم معاها قالت طلعوها فوق الولاده خلاص طلعوني يمكن على 9 اول ماطلعت شافو الدم قالو لي ليه كذا قلت من تحت سوت لي حتى القابله قعدت تخاصم عليها بس مدري وش قالت المهم ركبو التخطيط للطفل وهنا كان االاكشن



الططفل ضعفت دقات قلبه وخفت حركته والطلق والرحم قاعد ينفتح والطفل تعب جات فتحت مويه الراس قالت ان شاء الله ساعه وتولدين راحت وجات ووراحت وجات مافي امل وانا ادعي ربي وابكي وكل مايجيني الطلق والدف القابله تقول لا تدفين الرحم بينفجر لانو الطفل مايتحرك ومختنق طبعا انا ماهمني شي بس ابغى افتك وخلاص وقتها ادف غصبن عني من الالم وهي تصيح وقتها شكلو مابقى احد في المستشفى مادخل يده وكشف وانا بس اصيح الالم ماصيح منه اصصيح من يداتهم يوم يدخلونها المهم الساعه 4 جات قالت خلاص قيصيري طفلك ممكن نلحقه وممكن لا له ساعتين نهائي مافي نبض ووقعتني على اوراق وعلى العمليات بعد ماذقت العذاب كله والكل كشف والرحم وصل 9 سم بس الطفل خلاص ماعاد تحرك المهم 5 وهي تخرج النونو وتقولي مبروك لانو كان بنج نصفي وخرجت والحمد لله يوم طلبته قالو لي ولدك تعبان تبرز في بطنك وشرب مويات لانو مطول وطوفتي على التاسع وفي صدره مويه قلت لا الولد ماطوفت دوبي في التاسع 7 ايام لاني حملت بمنشطات وعارفه الحسبه صح هم شكلهم مفوتين وانا ماكنت عندهم في نفس المستشفى المهم جلست 5 ايام وخرجت وجلس حمودي كمان بعدي يومين وهو في حضانه الاطفال المرضى ومحد يدخل عليه ولا يجيبوه لي اذا انا رحت بس وانا مقدر اقوم والحمد لله الحين طيب وماعليه الله يخليه ليه
والحين بعد يقولون نفس الشي ولاده طبيعي واذا احتاج قيصري واخاف نفس الشي اخذ الوجع كله ومايبقى احد مايدخل يده وفي النهايه يقولو قيصري


وخلاص انتهى واحس بطني مغصصني يوم تذكرت hwaml93hwaml93hwaml93hwaml93

[زوجة السهلي]

بنات بقولكم قصة ولادتي ببنتي الثانية الله يحفظها ويحفظ اختها واخوانها واللي في بطني ان شاء الله تخيلوا يجيني الم ومغص قوي مثل حملي هذا وكان تاريخ الولادة محددينه في 14 شهر10طيب من شهر رمضان والم التحجر ماسك علي جا بعد العيد ورحت المستشفى قسم الطوارىء تكشف علي الدكتورة بس ماانفتح الرحم وجلست يومين ورحت مرة ثانية واكشفت علي وطلع فاتح 2 طيب وقالت روحي امشي وبعديومين ان شاء الله في ولادة المهم رحت امشي بقوة كاني اضرب الارض من قوة المشي المهم زاد الم ورحت بعد يومين المستشفى الصباح والدكتورة حطت علي السونار وقالت الرحم مش فاتح ورفضت هي تكشف علي قلت لها كشفي رفضت تقول كم مرة يكشفون عليك وحطت جهاز الطلق تقول مافيه طلق طيب والله اني قمت من على سرير التخطيط وانا مااقدر اتحرك من قوة الالم ورحت البيت وجاني مغص قوي ونزل دم ورحت مستشفى الولادة واكشفت علي الدكتورة وقالت فاتح 8ونص تخيلوا الدكتورة اللي في المستشفى اللي قبل تقول مش فاتح كان الحين ولدت بنتي في البيت بس الحمدالله لحقت على نفسي وودوني فوق في غرفة الولادة وجات الممرضة تقول لي غيري ملابسك وبدلت ملابسي وخليت نقابي مع الغطاء فوقي ماشلتهم وشنطة الجوال علي وقلت لها ركبي المغذي خلاص انا في ولادة قالت لي انتي معلوم كيف ولادة قلت لها اي قالت رفعي رجولك قلت لها لا ركبي مغذي اول ورفضت لين رفعت رجولي فوق وبعدين راحت عني تجهز حق البيبي وخفت اولد قالت مسكي الشرشف وشدي لحالك خفت تنزل بنتي وجات جنبي والحمدالله ولدت بنتي بالسلامة والحين عمرها 3سنوات الله يسهل علي هالمرة اميييين

[ام جنى الامورة]

ماشاء الله عدوله وان شاء الله هالمره يصير مثل اسوله

ام حمودي تذكرتك انتي معي بنفس العمر 28 اكبر بنات التجمع انا واياك ههههههه بعد هالسالفه اختفيتي انتي وقلب طفله ونوتي وكمان فيه وحده اسمها ام حمودي عراقيه كانت بتسافر. لبريطانيا

ايضا كفاني عذاب ليت تدخل وتطمنا على ولدها الله يشفيه ويخليه لها يارب


برد برد الدفايه ماتسوي شي

[ام حمودي_]

ماشاء الله عدوله ربي سهل لك وان شاء الله يسهل الحين بس كن بنتك صغيره شوي استعجلتي بالح
مل

انا ولدت في 8-7 -1430 وعمر حمودي الحين 3 سنوات و7 شهور ان شاء الله يجي اخوه يبقى له كم شهر ويخلص 4 سنين

[زوجة السهلي]

الله اقولكم قصتي ولااحد معبرني خلاص بطلع من هالتجمع الله يسامحكم زعلتوني جزاكم الله خير وماقصرتوا

[ام حمودي_]

فديتك يام الاموره ايه حنا عجايز القروب ههههههههههههههههههههههه

يلا هات اكشنك

[عديل الروح3]

والله مدري وش اقولك من جد اسول مرره صغيره حتى فطمتها من صدري بدري
وللحين افكر كيف بعتني فيهم الله يكون بعوني رغم سني صغير
وعايشه بشقه لحالي وبيت اهلي بعيد مسافه ساعه بسياره
الله المستعان بس

[عديل الروح3]

زوجه السهلي
وش هالدكتوره ذي
المفروض اشتكيتي عليها

[ام جنى الامورة]

ماشاء الله عليكم كتبتوا الاكشن
يارب يسهل علينا هالمره.

[ام حمودي_]

زوجه السهلي ذكرتيني في امي الله يطول بعمرها اصغر اخواني عمره الحين 16 تقول اناديهم اقول الولد بيخرج يقلون انتي كبيره تتحملين بنروح للصغار اللي بكريه وانتي شويه ونجيك واخر شي ولدت في غرفه الكشف على السرير العاديي محد عندها ولا ممرضه حتى

الله يقلعهم هالمستشفيات يعلون الواحد مثلك تقولين تعبانه تقولك لا لكن ان شاء الله هالمره ربي يسهل لك وترتاحين

[ام جنى الامورة]

زوجة السهلي لاتزعلين ياقلبي ترى النت عندي ضعيف
ماشاء الله عليك وربي يسهل ولادتك هالمره ويسخرلك دكتورة سنعه ماتتعبك

[عديل الروح3]

يو فديت الزعﻻنه انا زوجه السهلي
مو كذا حبيبتي بس عشان تحديث الصفحه
يﻻ فديتك ورينا ابتسامتك

[أم جنى فديتها]

عاد انا اكشني محطوط تحت اسمي خخخخخ

[عديل الروح3]

يﻻ ام جنى دووورك اكتبي لنا قصص وﻻداتك كلهاااا

[ام حمودي_]

عدوووله حبيبي الله يعينك وساعه سفر ماهي مسافه احيان في نفس المدينه ماتوصلين مشوارك الا بعد ساعه واكثر والله يسهل لك ويرزقك برهم وتفرحين في اسوله واللي الحين بيجي بنت والا ولد


شكل مافي احد معه ولد الا انا كلكم بنات ماشاء الله

[عديل الروح3]

ام جنى فديتها مكتوب قصه وحده نبي الباقي يﻻﻻ

[عديل الروح3]

ﻻ فيني بنت ولسى ماسميتها محتاره بين هالاربع اسماء
طيف رفيف غﻻ غزل

[ام حمودي_]

الله يحفظهم لك ويخليهم ولا تحتارين ياقلبي ولا تشيلي هم اسمها بيجي معاها ان شاء الله\

انا كان نفسي يجيني بنت كان نفسي اسمي بيلسان او فجر وبعدين قلت بيسان وشيعت وقالو ولد ههههههه وانهدم الحلم


الله يجعلهم من الصالحين يارب اولاد وبنات كلهم نعمه من ربنا واهم شي الصحه والعافيه

[ام حمودي_]

ان شاء الله بعد ماتجيبون بناتكم بشوف احلا وحده واخطبها لولدي هههههههه

يلا شدو الهمه ابغى احلى وحده

[أم جنى فديتها]

انا ماذكر شي خخخ
بقول اللي اذكر

الاول ..

كنت عند اهلي في منطقه ثانيه وزوجي في ديرتنا ماكان معاي
المهم رحت عندهم الاسبوعين الاخيرين من الحمل وكنت يوميا امشي واكل 7تمرات وكل تمره اقرا عليها اية الكرسي
لين اخر يوم ونزلت ديرتي عند زوجي لان اهلي صار لهم زمان مانزلو الديره
وطبعا نمت مع زوجي خخخخ وثاني يوم الصباح الساعه 9 تقريبا حسيت بالم ودخلت الحمام الا اشوف السداده ومعاها خيوط دم
ورحت المستشفى وطبعا الالم زاد وكشفت طلع 4 سم تقريبا
وبعدها كل ساعه يفتح سم واحد لمن صارت الساعه 3 والله ماذكر وبدا الدفع وولدت عالساعه 3 ونص العصر
وكان تاريخ ولادتي 3/3/1428
عطوني تاريخ ولاده 8 وولدت فهالتاريخ

اما الثاني..

الفجر حسيت بطقه عند عنق الرحم الساعه 5 بس بدون الم وكنت نايمه فزيت من هالشي بس نمت ثانيه
لما صارت الساعه 8 جاني الجد وقمت من النوم وصحيت زوجي ورحنا المستشفى وماوصلت ماشاء الله لا اله الا الله الا الرحم فاتح عالاخير سهالات من ربي هالولاده عجيييبه بالنسبه لي
غير الولاده الاولى والثالثه عذاااااااب مو طبيعي كانو
المهم فتحت موية الراس وركض الى قسم الولاده وبدأ الدفع وكل دفعه احس روحي بتطلع وولدت عالساعه 3ونص او 4 العصر
وكان التاريخ 28/5/1429
وكانو محددين لي تاريخ ولاده 25 جمادى بس عديت 3 ايام

ولاداتي كلهم العصر

يعني تقريبا كنت اكمل شهري كله بكل ولاداتي
وهالمره الله اعلم ..

[كفاني عذاب]

السلام عليكم ام جنى الاموره اسأل الله لكي ولكروشات التجمع الولاده السهله الميسره بالنسبه لولدي انتكست حالته وصار عنده التهاب في الامعاء وانتفاخ في البطن وعملو له عمليه شالو الجزء الملتهب ولازال في العنايه المركزه وصارو يعطوه حليب شوي عشان يشوفو يتقبله او لا والله يشفيه ويقر عيني بشوفته سليم معافى ولاتنسونا من دعواتكم

[أم جنى فديتها]

كفاني عذاب
الله يشفيه ويعافيه
وتقر عينك بشوفته باتم صحه وعافيه
الله يشفيه شفاء لايغادر سقما يارب..
انشالله يطلع بالسلامه ..

[ام حمودي_]

كفاني عذاب اسأل الله الكريم رب العرش العظيم ان يشفي ولدك ويحميه ويخرجه لك سليم معافي ويفرح قلبك فيه






وتصبحون على خير حبيباتي بنام عندي موعد بكره بحمودي ومن الصباح لازم اروح

[ام جنى الامورة]

بولادتي الفجر انفجرت المويه علي وغرقت السرير وبدى معاي مغص وعلى الساعه 7اختفى كل شي ورحت نمت احلى نومه الى اذان الظهر صحيت على الوجع والالم من جديد وامشي واوقف اذا نزل مويه او جاني مغص وبعدها سويت زنجبيل وشربت كوب كامل وكل العصر مشي ماوقفت الا وهو يأذن المغرب واخذت دش حار على ظهري وعلى بطني وطلعت المستشفى وصار فاتح الرحم 4ودخلوني غرفه التخطيط وجلست فيها ساعه كامله وبعدها على غرفة التنويم وجلست الى الساعه 10وبعدها على غرفه الولاده كنت فرحانه وكنت ابكي خايفه وجلست على السرير الولاده ساعتين وهاتي يابش مافيه قالت نامي على اليسار وراحت تكمل اوراقي وعطتني ورد الولاده قالت سوي دعاء وقرأن على بطن انتي
والحمدلله احس جاب نتيجه يمكن نص ساعه الا احس بديت ادف قالت خلاص بيبي بيطلع الحسن وخمس مرات ادف بأقوى حيلي ويطلع الرأس ويغمى علي فتحت على الخياطه اه ياقلبي منها هالخياطه والتفت بجمبي بنتي ياحلوها صح ماشفت وجهها لكن الي لفت انتباهي اصابع ارجولها مثلي وعرفت ان مارح تتبدل بالحضانه ههههه

[قطعة السكر]

اكشناتكمم مره حلوووه ههههههههههههههههه عقبال ما اكتب لكم اكشن ولادتي يارب


عدووله وين ولدتي بأي مستشفى وكيفها ابرة الظهر تعوور لما يعطونك ياها او لا وتنصحيني فيها .؟؟؟؟

كفاني عذاب اسأل الله العظيم رب العرش الكريمم ان يشفي طفلللك ويقر عينك بشووفته سليم معافى يارب

[عديل الروح3]

كفاني عذاب
الله يشفي ولدك وتفرحين فييييه
يا رب

[بنت صقور]

🚦
"اللهم اجعلنا من اللذين سرحت ارواحهم في دار العلى وحطت همم قلوبهم في غاية التقى حتى أناخوا برياض النعيم وجنوا من ثمار رياض التسنيم وخاضوا لجة السرور وشربوا بكأس الرحيق المختوم وأستظلوا تحت ظل الكرامة الظليل 🚦
لاتنسوا : صلاة الوتر ، سورة الملك ، صيام الاثنين ..

[عديل الروح3]

ام جنى فدينها
وﻻداتك كلهم تعدين التاسع
يﻻ انشاء الله هاامره اول يوم لك بتاسسع

[كفاني عذاب]

باقي لي يومين واخلص الاربعين وانا مااشتريت ولاشي لنفسي ولاسويت شي احس مالي نفس اروح سوق او اصبغ شعري وربي مكتئبه الله يفرجها علي

[عديل الروح3]

قطعه
انا ولدت بمستشفى اسطون بالخبر عند الدكتوره نعيمه مرررره شاطره
انا كنت اتابع عندها
وابره الظهر حالها حال اي ابره ماتالم كثير والله عندي ابرة المغذي تالم اكثر منها
هي مجرد وخزه بسسسيطه بس
انصحك فيها وبقوه والله انها رحمه

[عديل الروح3]

وين اختفيتوووووو

[4يو]

السلام عليكم
كيف حالكم
حبيت اسلم عليكم قبل انام

[روح خلودها]

صباح الفل وصباح الاكششششنات

الله ييسر لنا اللي بقي ويكتب لنا جميع ولادات سهله ميسره

عدووووله لببببئ قلبك انا ناويه اخذ ابرة الظهر اذا ربي احيانا وانتي شجعتيني زوووود فديتك

زوجة السهلي وام حمووودي وام جنى يسسسعدكم ربي انو شاركتونا بتجاربكم

كفاني عذاب اسال الله في هذه الساعه يشفيلك ولدك ويقر عيونك بشوفته سليم معافئ انه القادر ع ذلك ووليه

[حبه سكر]

السلام عليكم


ماشالله عليكم اكشناتكم. خوفتني الله يسهل يارب وتصير ولادتي سهله ميسره واياكم وجميع المسلمات


وشلونكم وشلون الثقل معكم


كفاني عذاب

الله يشافي ولدك اتذكر بنت خالي كذا وقعدت شهرين. بالمستشفى وتدخل العنايه وتطلع

والحمد لله ماشالله تبارك الله هالحين هي اجمل خواتها. وطيبه وطيبيعيه

[عديل الروح3]

في احد صاحي وﻻ كلكم نمتووو

[ام جنى الامورة]

كفاني عذاب الله يشفي ولدكيعافية توكلي على ربك واللي كاتبة بيصير بإذن الله
تفائلو بالخير تجدوه )))هذي نصيحتي لك

[قطعة السكر]

فيــــــــــــه احــــــد

[أم جنى فديتها]

بنات
عندي طلق يروح ويجي من الساعه 4 ونص احس اني مفتوحه الله يستر

خايفه لا اولد مبكر

بحاول انام وانشاء الله يروح
مع اني احس الراس نازل كثيييير وامشي مفوشحه وبالغصب اتحرك الم زي الدوره

يمممه خفت

[عديل الروح3]

صباااااح النوررررررررﻻ يا صبايا مو جاي لي نوووم