العاقله الفاهمه تجي توجهني

[قرعوطه]

خواتي احتاج لمشوره احد عاقل يفهمني الواجب الي اسويه
انا متزوجه من فتره قصيره وزجي يعمل منطقه ثانيه مااشوفه في الشهرين الا اسبوع بس وافرح بجيته وانظف اومسح وابخر علشان يجي يرتاح بغرفته بس من فتره لاحظت زوجي من يجي عندي بس يقولي كذا انا من ادخل غرفتك امرض واذا قلت وش فيك يقول راسي مره رقبتي مره يمسك معه اسهال الله يكرمكم من الصبح يعني مااكل شي بعد ماينام الا وهو رابط على راسه من الالم قلبي يتقطع عليه اتمنا امرض انا ولاهو ومن اركب معه السياره نتهاوش بدون سبب ودايم ابكي ولااحس بطعم الطلعه ولا الحديقه ولا السوق مثل قبل قصرت في حق نفسي ولا حتى شريت لي فستان اطلع به المناسبات الي عندي وصرت كاني عجوز احضر بعباتي وابارك واطلع كله علشان مااطلع معه ونتهاوش مليون مره حتى اشتري الي ابي ودي اطلع معه بس من اركب اتمنى انزل من السياره بسرعه ابي ارجع البيت خلاص مااتحمل ابكي بالشارع رجعني رجعني وهو مستحيل يجلس معي يسولف حتى لو اقوله تعال بااوريك خبر بالنت ولا شي يجي وهو واقف ويقول خلصيني مااحب جلسه البيت مااشوفه الا وقت النوم ولايدخل الغرفه وحده وهو يبي ينام ثنتين مستحيل ونومته وحده يغطي راسه ويعطيني ظهره وينام لدرجه احيانا ينكسر خاطري على نفسي اذا نام جيت وحطيت خدي على ظهره شوي بحس بوجوده ابي احس بحنانه الحنان الي ماعمري ذقته لا من ام ولا من اب تمنيته يكون فرحه عمري
الحين وين المشكله فيني انا مرض نفسي ولا هو مايحبني ولا وين
انا اسفه لاني استرسلت في الفضفضه بس علشان تفهمون حالتي وتوجهوني وبس

[**سماسم**]

سلامتكم يالغاليه الافضل تروحون لشيخ ثقه يرقيكم بما ان هذي الحاله جات فجاءه
وربي يسخركم حق بعض ويبعد عنكم كل مكروه وشر
,,

[mno]

ممكن عين مصلت على نبي روحي للشيوخ ولو ماقدرتي حطي سوره البقره في بيت واقري انتي كمان وشغليها في غرفه النوم كل يوم

[كليجه]

أتمنى أساعدك
لكن ماعندي خبره أخاف أزيد همك هم
لكن بدعيلك وأقول الله يفرج همك ويصلح الحال

[ويبقى الامل بالله]

ياقلبي عليك يالغاليه حرام تسكتين عن نفسك وانتي تتعذبين
ترا كل هذا اللي فيكم حسد اوعين او سحر لاسمح الله
روحي لااكثر من شيخ ورقي روحك ويعطونك ماي مقري فيه ايات من القرآن
حاولي انك تكثري من الاستغفار والدعاء وقرآت القران وخاصه سورة البقره
يوميا والله انها على تجربه ماراح تخسري شي
والله يوفقك ويوفق زوجك ولايحرمكم من بعض
ياااااااااااااارب

[ورد الياسميين]

انا صراحه انصحك تروحي لشيخ ثقه يقرا عليكم
لان يا عين او عمل ولله يبعد عنكم لثنين بس احتياط روحي
ودايم حطي سوره البقرا بلبيت
وبغرفه النوم شغليها وخليها على راحتها
حتى لمن تطلعي من البيت خلي الشريط شغال
يقرا سوره البقره يهدي النفس ووكيويسه حق البيت

[مشاعل الدوسري]

حبيبتي خلي حد يقراء على بيتكو عليك و على زوجك ..

يمكن عين ماصلت على النبي ,,

حبيبتي انا لما تزوجت 6 شهور تعبانه بلنهايه عين و سحر حسبي الله عليهم ..

السحر حق زوجي بس الحمدالله ما ضره لانه زوجي محافظ على صلاة الفجر لكن صابه من السحر مس يعني وسواس ..

المهم
و انا جاتني عين ..

بوقت النوم تحديدا ترتفع حرارتي فوق الاربعين .. عشان زوجي ما يقرب مني .. و مع ذالك كنت اقاوم و هو بعد

و طول الوقت كنت بس منسدحه من مستشفى الى مستشفى ..

فا لما جاء الشيخ قراء علينا بعدها ارتحنا بجد ..






فا انصحك تشوفون شيخ ...

[مي &]

الله يعينك حبي وايفرج همك

[شمس الربيع]

بصراحة اضم صوتي ان لازم من الرقية لا سامح كون في شي
و عشان انتي ترتاحي هدي اعصابك و لازم تفهمي ان في شي هو لي خلا العلاقة متوترة يهمك يعرفي شنو هو
مثلا كلميه بللي تحسيه و لي تبيه منه و اساليه شو يحس هو معك و شو بدو منك يعني جلسة مصارحة حضري لها جو مناسب
خلي دايما اعصابك رااايقة و لا تتهاوشي على ابسط الامور
يعني لا تعصبي حالك ليش ما اشترالي ليش ما فعل ليش ليش ليش هذا كله من الشيطان لكن ابحثي على المشكل من الاصل شو هو كونيي امراة حكييييمة و كبري راسك

بس لا تنسي الرقية و اذكار الصباح و المساء و قراءة القران و قيام الليل اشكي همك لله باذن الله لهم اثر عجييييييب في تلطيف الاجواء

[احلى من العسل]

رايي من راي الخوات واضح بان الي فيكم بسبب العين او الحسد ارقي نفسك وزوجك

همسه لك غاليتي انتبهي ان تتكلمي عن حياتك وتفاصيلها قدام اي شخص احنى بزمن قل فيه الايمان والناس مايذكرون الله اذا عجبهم شي حتى لوكان خواتك لاتتكلمي بالتفاصيل خلي كلامك عام ان شالله تكوني فهمتي قصدي يالغلا
تحياتي لك

[قرعوطه]

شاكره لكل ناصحه نصيحتها والله يعطيها على قد نيتها ان شالله احاول ارقي نفسي بنفسي و اخلي البقره شغاله على طول علشان المحافظه الي اسكن فيها ماافيها رقاه ومشكورين مره ثانيه

[حسايف]

ياقلبي يمكن معمول لكم عمل
والدليل لادخل غرفتك تعب
ولا اجتمعتوا تهاوشتوا
ارقي نفسك
والله يوفقك

[بقايا ذكريات]

شوفي ياقلبي أقري يوميا صورة البقرة كامله وشغليها بالبيت باستمرار صلي آخر الليل وادعي الله بأنه يبعد عنك كل شر ويحبب زوجك فيك وأول ماتقومين ادعي بهذا الدعاء
»اللهم يا مالك الملك ملكني قلب من ملكته امري اللهم اصلحه لي واجعله قرة عيني ولا يرى احدا غيري اللهم اصلح بيننا ولا تجعل بأسنا فيما بيننا وأجعل بأسك على عدوك وعدونا اللهم استر عنه عيوبي واستر عني عيوبه واظهر له محاسني واظهر لي محاسنه ورضني بما قسمت لي وبارك لي فيه اللهم ارزقني حبه ورضاه وصدق حديثه وإن غضب فألجم فاه بكلمه لا إله الا الله واسكن غضبه بلا حول ولا قوه الا بالله اللهم ارزقني حنان الزوج و الولد ومالا حلالا بلا عدد و قراءة القران الى الابد اللهم وفق كل زوجه مع زوجها واجعل بينهما حبا كبير وابعد عنهم الحسد واجعلهم متحابين دوما واجعل كل زوج يرى زوجته بأروع نظره وزد اجرهم و اغفر لهم وارحمهم «


استودعت الله ديني وامانتي وذريتي وزوجي وقلبي وقلب ذريتي وقلب زوجي وسمعهم وابصارهم وفروجهم وجميع جوارحهم

وبصراحه هذا الدعاء أنا مرررة أحبه خصيصا وقت أزماتي ادعيه. وبعدها ادعي باللي أبي

يآ ودوود يآ ودوود يآ ذا العرش المجيد يآ مبدئ يآ معيد يآ فعآلا لما يريد أسالك بنور وجهك اللذي ملأ أركان عرشك وأسالك بقدرتك اللتي قدرت بها ???ىٌ جميع خلقك وأسالك برحمتك التي وسعت گل شي لااله إلا أنت ¸¸

جربي وشوفي طريقتي وردي علي بعد شهر بتمام اذا تحسنت أوضاعك ولا لا

[Bsom]

ي حياتي انتي مو شرط عين او حسد او سحر
في بعض هذي المشاكل تكون المشكله الاساسيه هي نفس
حتى المكان اللي انتي فيه احيانا يكون له دخل بمثل هذي المواضييع
انا ماتفلسسف بس والله من مواقف وسوالف نسمعها ونجربها وفعلا ً تكون مثل ماذكرت لك
وقبل ماينسدح زوجك ع السرير انفضي الفراش وسمي باسم ربك
وكثري من قراءة القرءان والله يصلح حالكم

[Bsom]

صحيح ليش ماتسكنين معه بنفس منطقة دوامهصعبه والله ماتشوفي زوجك الا بالشهرين اسبوع مدري اسبوعين
انا زوجي يكون بالدمام طول ايام الاسبوع وخميس وجمعه يجي
واحس ان علاقتنا جدا متوترة بسبب هذا الموضوع

[شيهانة حرب]

والله صارت لي الحالة اسمعي كلامي وافهمية عدل استغفري بس استغفري واذا طلعتي لاتسوين مشكلة حتي لو ضربك وخاصمك اسكتي وخلية ..بس اهم شي لاتتهاشون ..ولاترمين نفسك علية عادي اذا جا قولي لة مرحبا اخبارك وبس وخلية لوحدة لو قعد يوم كامل ططنشية ولاتلبسين قميص نوم خلية يشوفك بجينز وبودي .. اهم شي لاترمين نفسك علية واذا دخل غرفة النوم واذا جاك النوم نامي ولاتتلزقين فية ابعدي عنة بالفراش وشوفي وش يصير بس الحل يبيلة وقت ..والله دعيت لك يالغالية

[مسكّ العطورّ]

انا زييييييك بالتمام واذا طلعنا نتهاوووش
ماقول الاحسبي الله ونعم الوكيل

[قرعوطه]

الله يجزاكم خير مااقدر انقل عنده لانو مامعنا اجار شقه وهو ساكن مع عزابيه الله يفرجها

[جنوني فنوني]

حاااولي تجيبي موووويه زمزم

وتغسلي فيها البيت او مووويه مقري فيهاااا

وخلي سوووره البقره على طووول شغاله في البيت
وانشالله ربي يفرجها ويسر لك امرك...

[ام ديالأ]

اناصارت لي هذي القصه اول زواجي تخيلي3شهور الاول من زواجي كلها مشاكل حتى النوم مانام مع بعض وكل مايبي يلمسني اهاوش واعلي صوتي وهو راسه يوجعه على طول وهذا كان بسبت سحر مسحورين ان وزوجي بس الحمدلله تعالجنا عن شيخ مايقرا اللي ايات الله ومعروف في الرياض ومصرح له من هيئه الامر الامر بالمعروف والنهي عن المنكر وعى بابه لوحه كبيره مكتوب اسمه واذا تبين المكان راح اوصفلك على الخاص وتأكدي بنفسك