ساعدوني أترجاكم دم بالأسبوع السادس

[لارا كنعان]

بنات أناحامل بالأسبوع السادس إلي من يوم الإثنين ينزل مني دم بني فاتح مرتين باليوم رحت الدكتورة قالتلي كيس الحمل موجود ومنتظم بس لسا مافي جنين قالت بكيريبين وأعطتني مثبت وموعد بعد اسبوعين مش هون المشكلة...مبارح بالليل قبل ما أنام نزل علي بقعة دم زهري فاتح وأناخايفة يكون نزل الجنين بس الآن ماعاد ينزل شي زهر بس بني فاتح جدا بس في مغص خفيف يروح ويجي أرجوكم ساعدوني أناعندي ولد وهاذ حملي الثاني

[نلوو]

حبيبتي لاتسكتين عن نفسسسك اناااماودي اخووفك بس المغص اللي يرووح ويجي
صااار معيي وانا كنت حااامل بلشهر الاول وبعدهاا نزل البيبي
رووحي للدكتوووره خليهاا تشوف حالتك وبنصحك بلراحه التامه

[احلى وردة]

حبيبتي لازم تراجعي دكتورة
وتخفيفي حركة بالبيت . وخفيفي الجماع قدر ما تقدرين والافضل الامتناع عنه ....

الله يتمم عليك فرحتك

[لارا كنعان]

أشكركم للرد أنارحت للدكتورة بس قالت مابإيدنا شي غير المثبت والراحة.. بس أنا خايفة أنا بحملي بإبني صارلي هيك بس ماشفت دم زهر بس بني فاتح ومع الدفاستون اختفى أما هاد الحمل إلي أربع أيام مع المثبت ولسا بينزل بس متقطع مومستمر يعني نقطة الصبح والمسا أرجوكم أفيدوني

[نلوو]

الله يثبت حملك ويتمم عليك
ارتاحي واقرري ع بطنك سوره الطارق مع النفث
وان شالله خيير

[لارا كنعان]

تسلميلي حبيبتي على طيبة قلبك والله يوفقك‎:-)‎

[عيش الحياة]

اختي ارتاحي واستمري على المثبت وربك المسهل كل شي بيد الله خليكي متوكلة على ربك وكثير صار لهم كدا واستمر الحمل بقدرة الله

[لولو الفلسطينية]

الله يتمملك علة خير انا ما بدي اخوفك بس لازم تتطمني على الجنين انا حملين نزلو و كان بدايتو دم بني فاتح و بعدها بكم يوم صار لونه احمر عادي وبعدين ينزل الجنين , انا ما بدي اخوفك بس حبيت احكيلك ارتاحي قد ما بتقدري و راجعي الدكتور بأسرع وقت ويا رب يا رب يتمملك على خير و لا تنسي تطمنيني عنك

[لولو الفلسطينية]

بس برضو خلي املك بالله كبير , كثير نسوان بصير عندهم نزيف مش نقط دم و بستمر حملهم , و لا تفكري كثير لانه التفكير كثير مش منيح , و يا رب يتمملك على خير

[لارا كنعان]

تسلموا يابنات الحمدلله من مبارح بالليل لحد الآن مانزل مني شي أنا أملي بالله كبير انشالله خير ياااارب

[ضوء البدر]

البسي ملابس تدفي بطنك يمكن من البرد جربي والله الشافي

[يارب احفظ جنيني]

ماابي اخوووووفك اختي وربي يتمم حملك على خيرررر

لون دم زهررري خطر والافضل انك ماتنتظري المووووعد روحي لي اي مستوووصف عشااان الاطمنااااااااااان اكثرررر لااا تخلي نفسك وتخسري البيبي ....المشكله بس ليش لما نزل دم زهري فاتح انقطع الدم ياليت تروحين وتكشفي اقرب وقت

[نلوو]

ان شالله خيير طمنيناا عنك اول بأول
وياارب يثبت حملك ويتمم عليك
وتشوفينه وتقررعينك فيها يااارب

[لارا كنعان]

مابعرف ليش صارمعي هيك من مبارح ماشفت إفرازات يمكن لإني نايمة عظهري وآخذ مثبت بس أحس كل شوي نغزات فوق العانة بالضبط بس نغزات بسيطة أما دم مافي أناحكيت تليفون مع الدكتورة حكت مادام الدم لونه زهر ونزل شوي وإختفى عادي أما إذا نزل دم أحمر وكان متواصل هون الخوف وقالت استمري علمثبت وخليكي مرتاحة أناموعدي في ٢٥/٦/٢٠١٢مشان تشوف النبض بان ولالأ