مالفرق بين .....!

[عاشقة طيور الجنه]

السلام عليكم ورحمة الله

مساء الخير للكل

بنات انا رحت الدكتوره اليوم لانه الدوره طولت ماوقفت اليوم السادس والمفروض اتسبح اليوم

المهم سوت اشاعه قالت كل شي تمام

سئلتها عن التحليل الي سويته قبل اسبوع وطلع خطين واحد واضح والثاني خفيف وتحليل الدم طلع سلبي

وقلت لها الاعراض الي حسيت فيها صدري وجعني ومشدود والهاله مغمقه والحلمه مشدوده !!

قالت كان فيه تبويض ؟

قلتلها يعني ايش تبويض مافي حمل

قالت صار تبويض بس ماصار حمل ؟

قلت طيب والدوره غريبه مو دورتي الي دايمن حتى لون الدم متغير

قالت احتمال يكون حمل وراح

كيف راح ؟؟

قالت ماعرف بس صار تبويض


سؤالي لكم


وش يعني تبويض

يعني هذي اول مره بحياتي تنزل مني بويضه !!

وربي احترت مع الدكتوره انا عجزت افهم وهي كلامها متناقض

لاتقولون روحي شوفي غيرها انا بعد طلوع الروح قدرت اروح لها ماعندي احد يوديني المستشفى


اخواني 2 وبالجنوب مرابطين الله يستر عليهم وينصرنا

زوجي توه مداوم بالرياض ومايعطونه اجازات


الي عندها اي معلومه عن معنى التبويض لاتبخل علي؟؟

قالت لي كل الاعراض الي حسيتي فيها اعراض التبويض بس الحمل ماصار


والله ولي العالمين

[حنين الجنة]

اسأل الله ان يمن عليكى بالحمل عاجلا غير اجلا

ويرزقك الذرية الصالحه السليمة

اللهم امين

[ملكة المشاعر]

ربنا يرزقك الدريه الصالحه

ويفرحك وتشيلي طفلك وتحضنيه يارب

وانتي وجميع بنات المسلمين

[عاشقة طيور الجنه]

يسلمو على مروووووركم العطر

[تفاحة حمرا]

ان شاء الله البنات يفيدونك

[**سماسم**]

التبويض هو وصول البويضه للحجم المناسب وهو 18 أو أكثر ..
ونزولها من المبيض إلي الرحم عبرالانبوب ..
وبإذن الله في هذا اليوم يحدث حمل ..
وبالحقيقه أقولج روحي حق دكتوره ثانية وتكون أخصائيه أفضل لج ..
وإن شاء الله يارب تبشرينا بالحمل قريب ..

[عاشقة طيور الجنه]

يعطيكي العافيه غاليتي

بس بقولك شي البويضه نزلت عندي بتاريخ 16 كانت اكبر وحده 16 ويوم 16 سوت الدكتوره اشاعه قالت اكبر وحده موجوده 13

يعني صار لها نازله اسبوعين وزياده

توه تبين علامات التبويض

يعطيك العافيه وربي ماقصرتي

[**سماسم**]

بقولج الصراحه كلام دكتورتج مو منطقي عشان كذا روحي حق أخصائيه أفضل و التبويض مايظهر بتحليل الحمل المنزلي ..
حجم البويضه الطبيعيو المناسب للتلقيح 18 إلى 24ملم
وأكبر من 24تتحول لأكياس ولايمكن تكون قابله لتلقيح ..

[عاشقة طيور الجنه]

وربي معك حق انا عجزت استوعب كلامها

لاكن ان شاء الله بروح الرياض والله يكتبلي الي فيه الخير

[سموة الشوق]

الله يكتب لك الخير خيتو


والله الدكاترة الحين ماتدرين وش يقولون؟؟؟؟

وعليهم هرج


الله يكافينا


والله يرزقك وايانا الذرية الطيبة

[بنت زايد]

الله يرزقك ان شاء الله يالغاليه

[بريداويه..]

اممممممم
انا اتوقع من كلامها انه قصدها زي اللي يسمون حمل كاذب يعني
تحسين باعراض الحمل وتتاخر الدوره وربما انه حمل بس ماتم عرفتي
يعني الحمل كان في بدايته ومايسمى حمل لين يجي موعد الدوره تبدا مفاعلات الحمل والبويضه الملقحه من بعد الدوره .. اذا ربي كتب الحمل تتنقل اضن لقناة فالوب وخلاص تصيرين حامل
يعني احيان تكون فيه مشكله وماتكتمل عملية التبويض فينزل وتصير دوره ..
لانه عملية استمرار الحمل توقفت ونزلت الدوره ..
انا اذكر كنت مثلك ياربي احس بعلامات الحمل وتاخرت الدوره 5 ايام وحللت الدم قالوا مافيه حمل وقعدت يوم نزلت الدوره ..
واذكر نفسك كان الدم متغير علي شكله ..
بس حبيبتي لاتخافين عادي هالشي وكثير يصير بس بعض الناس ماتنتبه
ونصيحتي لك اذا تبين الحمل لاتفكررررررين اشغلي نفسك وانسي وربك يرزقك ..

اتمنى اكون افدتك