الام الدورة

[حـورية]

السلام عليكم بنات

يااارب هانت ان شاء الله الحين صرت بالشهر التاسع و بفضل من الله والمنة
بس بنات انا صارلي فترة تجيني اوجاع مثل اوجاع الدورة الشهرية حتى اظن اني بدخل الحمام بشوف الدورة شنو ممكن يكون السبب اروح الطبيبة و لا عادي

[ام اسكندر]

المغص طبيعي يجي مع التاسع

ربي يكون في عونك

[نقية]

دكتورتي تقول هذه تفاسيح ولادة بس ههههه
يعني بالاخير كلها مقدمات ..
الله يعين بس ..

[حـورية]

ام اسكندر

مشكورة حبيتي على الدعوة الله يعطيم ما تتمنين

نقية

شنو يعني تفاسيح ولادة او مقدمات ما فهمت عليج ؟
حياج الله

[نقية]

يعني هذه الالام توسع في الحوض استعداداً للولادة ..
لا جاك طلق منتظم يعني الالام كل عشر دقايق وبعدين صارت كل خمس ومستمرة وتزداد حدتها مع الوقت ..
او انفتح كيس الماء او لاحظتي افرازات مع دم هذه الولادة ..
انا ماجربت لسى بس الدكتورة هيك بتقول ..

[حـورية]

مشكورة بعد قلبي الله يقومج بالسلامة
على فكرة شريط حملك نفس شريط حملي تماما باليوم
انا الحين الام يروح و يجي بس ما عرف احسب بالظبط لانه مو كثير قوي
يجي خيف بعدين يصير اقوى بعدين يختفي و بعده يجي خفيف و يقوى و يختفي و هكذا
اليوم قلت خلاص بروح عند الدكتورة
بشوف وش صاير معاي ادعيلي بوادر ولادة
بس ابسالك بما انك حامل مثل شهري بالضبط انتي ما تحسين بشي من الالم

[نسمات هادئه]

اذا كاااان الم مو محتمل ونزل عليك افرازات بنيه او دم فهذي ولاده وكان الألم مستمر ويشد عليك كل خمس دقايق

بس اذا مغص بسيط ويروح ويجي وعلى فترات متبااااااااعده فهالشي عاااادي .. الرحم يهيأ نفسه للولاده

عليك بالمشي والعسل والتمر والحلبه بأذن الله تسهل الولاده ..

اتمنى لك ولاده ميسره وتقومين بالسلامه

ادعيلي ان ربي يتمم لي حملي لأني أعاااااااااني وانا توو بالشهر السادس :(

[حـورية]

انا المشكلة معاي انه الم مستمر و انا قرات من دكتور ع النت يقول ان اذا الالم من البطن يعني طلق كاذب بس اذا الالم من الظهر يمتد للبطن وصولا لللاقدام يكون حقيقي و انا هذا الي صاير معاي الم عندي مستمر يروح شوي و يرجع بس مو الم لا يحتمل لا الم محمول جدا يعني قادرة امشي و اتحرك عشان كذا قررت اروح اليوم للدكتورة لاني مو قادرة انام انا موعدي معاها يوم الاربعاء بس قلت بروح اليوم اشوف وش صاير علي يااارب تكون ولادة تعبت من الحمل و انتي ياا رب يا ارحم الرحمن ان يتمم لج حملج على الف خير و تكون ولادتك طبيعية مسيرة و انتي بعد ادعيلي

[نقية]

الا يصير لي ويستمر كم ساعة ..
قلت للدكتورة وقالت لي تفاسيح ولادة وما عطتني وجه هع ..
انتي شوفي دكتورتك وش بتقول ..؟
ان شاء الله ولادة وترتاحي ..:)

[حـورية]

طلبت دكتورتي اليوم طلع عندها عمليات
امبيه ان ما عطتني وجه فشيلة ياا يماا
انا على بالي انه بهالكم يوم بولد خبرت زوجي قتله يحطني عند اهلي لاني بهاليومين والدة
فشيلة انا الحين عند اهلي خايفة اطول اسابيع
يوم الاربعاء بروح للدكتورة و بعلمك وش بصير معاي