افيدوني توني عروس ماني عارفة هل انا حامل او لا ؟

[الزهرة]

السلآم عليكم ورحمة الله وبركآته ..
خواتي .. أبي اسألكم

أنا توني عروس جديدة ومااعرف شي عن الحمل ولا ابي احمل وانا توني عرووس
بس ابي اعرف هل انا حامل ولا لا

جامعت زوجي وللمرة الأولى فقط قبل اسبوع من الدورة
والحين باقي على الدورة يوم
بس مو عارفه هل انا حامل ولا لا .. جا لي اسهال ،، كثرة غازات ،، كثرة تبول
واحيانا صداع وتقلب بالمزاج

أفيدوني الله يرحم والديكم ..

[همسة دفاء]

ممكن حمل وممكن يكون لا

حسب ايام التبويض متى كانت معك

وكم طول دورتك الشهرية ؟

انتظري اذا تاخرت عليج الدورة سوي فحص حمل عشان تتاكدي

[الزهرة]

انا طول دورتي 29 يوم ..
والتبويض يقولون قبل ب 14 يوم
دورتي اللي قبل تكون تاريخ 13 مايو ..

[الزهرة]

أكثركم مجربات ..
فيدونا الله يرحم والديكم ويرزقكم بالذرية الصالحة

[متفائلة دائما]

حللي يا الغالية و ارتاحي
لانه مافيه دليل قاطع للحمل غير غياب الدورة

[أماني جميله]

اصبري يومين وحللي تحليل منزلي
اشتري تحليل الحمل من الصيدليه

[شـوآخـي]

واذا حملتي قولي الحمدالله

ناس تتمني الحمل وناس محصله وماتبغي

احمدي ربج غيرج مو محصل

[ام نانا و لولو]

حبيبتي ولا في اي اعراض للحمل غير غياب الدورة وتحليل الحمل
بس يمكن لانه اول طفل بصير الم بالصدر وخصوصا الحلمة بتصير حساسة لاي لمس هدا اكتر سبب غيره مافي ويارب يعطيكي الي بتتمني

[الزهرة]

مآ أحس بأي الام وأحيانا تجيني آلام الدورة ظهري مثلا ً بطني ..
وزي ماقلت لكم اسهال
واحيانا افرز مادة لزجة بيضاء
افيدوني

[همسة دفاء]

انا نفس حالتج الشهر الماضي وما طلعت حامل

وكنت عروس جديده اول شهر يمرلي

الم ف الصدر وافرازات وبطني يالمني من الاسفل وفيه انتفاخ

وما طلعت حامل

[أسيرة زوجي]

حللي و الله يكتب الي فيه الخير

[الزهرة]

متى أقدر احلل ؟؟؟

[الزهرة]

سويت تحليل منزلي طلع انه انا مو حامل ...
بس بعدها ماتجي الدورة ...
برايكم متى اخذ التحليل الثاني ؟؟؟

[el7elwa]

حبيبتي لا تحاتين انا صار لي نفس الشي اسهال و تعب و مزاج خايس عادي و لاتنسين عشان انتي ما صار لج شهر على الزواج لازم يكون في تغيرات مب نفس ما كنتى قبل الزواج الهرمونات تتغير و الام الدوره كل مره بشكل و الله يجيب الخير لج و لجميع بنات المنتدي و ادعي لي بالذريه الصالحه

[الزهرة]

الله يرزقج بالذرية الصالحة يارب ..

بس حبيبتي ابي اعرف هل اسوي مرة ثانيه التحليل ولا يكفيني هذا ؟؟
وانتظر لعشرة ايام بعد ؟؟

[PinkCherry]

لا توسوسين ولا شي انه اول ما تزوجت تاخرت علي دورتي 5 ايام مع انها منتظمه وخفت وفكرت وبعدين نزلت كذا مره صادني هالموقف واعراضج اعراض الدوره ..بالنسبه لي دورتي منتظمه مثلج وعادي الجماع قبل الدوره بكم يوم مايصير حمل لان البويضه تكون نزلت خلاص ..اذا تبين تتاكدين جربي طريقة النبض الحين انه هي اللي اكتشفت حملي منها

[PinkCherry]

نسيت اقول لج ان تحليل البول المنزلي يبين النتيجه حتى قبل يوم من الدوره عادي انه حللت نفس يوم دورتي طلع واضح ويوم احلل في الليل مو الصبح بعد فاذا مابان في تحليل البول لا تحاتين كلها تغيير هرمونات ولخبطه

[الزهرة]

طيب ليش تتأخر الدورة إذا مافيه حمل ؟