القرفه والحمل

[بسمة أملي]

بناااات الموضوع هذا توني قريته بمنتدى ثاني وبصراحه تفاجئت لاني عندي الدوره ومسويتلي قرفه واشرب فيها مررررررررره انصدمت ..
لأني استخدم الكلوميد توني امس بديت فيه وخفت القرفه الي شربتها تأثر

أدعولي الله يسعدك ويفرح قلبك بالحمل السليم المعافا هذا الشهر يااااارب العالمين


والحين ندخل في الموضوع مثل ماقلت لكم مو انا صاحبة الموضوع






السلام عليكم ورحمة الله وبركاته ...

شحالكم بنات !!!!!!!!!!

بنات امس فليل اتصلت فيني اختي تسالني .. تقولي انتي تشربين قرفه وقت الدوره اقولها هيه عشان تنزلها ... قالتلي يوم بتيج الدوره لا تشربيييييينها اذا تبين تحمليييييين !!!!!!!!!!!!!

استغربت قلتلها ليش شو السالفه .؟!!

قالتلي امس كنت معزومه عند ناس وتسمع الحريم يرمسون عن القرفه انها تمنع الحمل وماتسوي تبويض !!!!!!!!!!!
لان وحده توها معرسه وماتبا تحمل سنه فهي تستخدم هالطريقه انها تشرب قرفه اول وثاني يوم ...
ويوم سالتها اختي قالتلها هالشي معروف ان القرفه تمنع الحمل .. بس ماينفع حق اللي يابن عيال .. ينفع حق اللي ماعندهن عيال ..


بنااااااااااات حبيت اخبركم عشان تستفيدون من هالمعلومه .. وانا اتقولي الدكتوره انتي مافيج اي شي .. وانا الحينه بكمل سنه ونص ماحملت .. ودوم اشرب قرفه يوم الدوره اتيني ... مافكرت انها مب زينه !!!!!!!!!!!!!!!!


دعوااااااااتكم بنااات تكفون اني أحمل

[marmarena]

ازاي ده انا اعرف ناس كتير شربوها وحملوا وكانوا بيشربوها لحد التبويض ويوقفوا غريبه اول مره اسمع فيها

[بسمة أملي]

مادري والله حتى انا اول مره اعرف هالمعلومه وجدا تفاجئت

[بسمة أملي]

وكمان بحثت في النت لقيت هالكلام


استخدامات أخرى للقرفة




تنظيم النسل:

تستخدم القرفة كوسيلة من وسائل تنظيم النسل الطبيعية بعد الولادة

وبأخذ جزء صغير من القرفة ليلا لمدة شهر بعد الولادة فهى تؤجل

الدورة الشهرية لأكثر من 15-20 شهرا وبالتالى تؤجل الحمل.

تساعد القرفة بشكل غير مباشر فى إفراز لبن الثدى للأم.

أوراق القرفة المجففة ولحائها الداخلى تستخدم فى إضافة

المذاق الحلو للكيك والحلوى وتضاف مع الكارى وللعطور والبخور.

وتستخدم القرفة فى الأغراض الدوائية وفى التحضيرات الخاصة بطب الأسنا

[فطوطه]

سبحان الله

[روز بااريس]

يووووووووووووووة

انا اول ماتنزل الدورة كنت لازم اشربهاا

بس من بديت العلاجات وانا موقفتها معد شربتها الله يستر

[ام علوان]

اممم صدمة صراحة
انا كان في البداية تبويضي جدا ممتاز
ومن شهرين راقبت هرمون البروجستيون تبع التبويض وكان قريب للواحد والصفر يعني ماكو تبويض وكنت اشرب قرفة
يالله زين اختي ع التنبيه الله يجازيج خير

[نجد العذيه]

يالله معقوله

طيب اغلب الحريم يستخدمون القرفه بوقت الدوره وحتى البنات

[بسمة أملي]

سبحان الله



شفتي كيف سبحان الله




يسلموووو ع المرور

[بسمة أملي]

يووووووووووووووة

انا اول ماتنزل الدورة كنت لازم اشربهاا

بس من بديت العلاجات وانا موقفتها معد شربتها الله يستر







طيب الحمدالله انك وقفتيها اول مابديتي علاج ان شاءالله مايكون لها تأثير يااااارب

[بسمة أملي]

اممم صدمة صراحة
انا كان في البداية تبويضي جدا ممتاز
ومن شهرين راقبت هرمون البروجستيون تبع التبويض وكان قريب للواحد والصفر يعني ماكو تبويض وكنت اشرب قرفة
يالله زين اختي ع التنبيه الله يجازيج خير





يعني بالفعل ان المعلومه صحيحه لاني بصراحه تفاجئت بها المعلومه بس الحين كلاكم اختي وعن تجربه يعني صحيح انها تضعف التبويض

[بسمة أملي]

يالله معقوله

طيب اغلب الحريم يستخدمون القرفه بوقت الدوره وحتى البنات



بالفعل انا من قبل اتزوج كنت اشربها بوقت الدوره بس مو دايم احياناًً


يالله الحمدالله وصلتنا المعلومه والحين كل وحده توصلها لخواتها وقريباتها الين تنتشر المعلومه

[عيون أمراة]

سبحاااااااان الله كل شي ممكن مشكورة اختي

[سوسوعلي]

الله يجزاك الف خير اختي...
انا ليا 3شهور اتابع عند دكتور عشان الحمل..لان المشكله بزوجي وكل شي سليم عندي..والتبويض ماشاءالله ممتاز الدكتور عطاني ابر تحفيز لزيادة عدد البويضات مع الدورة عشان نعمل تلقيح صناعي وانا من غبائي شربت قرفه قلت تنظف الرحم ...
ولمن سويت سونار للتبويض مافي ولا بويضه مع انو الحمدالله التبويض ممتاز حتى الدكتور تفاجاء قال مو معقول..المفروض يكون العكس ..
سبحان الله الحين عرفت السبب وانا وزوجي بغينا نتهاوش مع الدكتور زوجي يقوله يعني كانت سليمة قبل ابرك وبعد الابر خربتها ههههههههههههههههههههههه
الف شكر لكي اختي انا مدمنة قرفه وليا 5سنوات ماحملت...
الان مقاطعه للقرفه..

[أم معاذ إن شاء الله]

شكرا حبيبتي الله المستعان انا كنت باخذها من و انا بنت عشت تنظف الدورة و اطهر بسرعة
و امي كانت تقولي احنا زمان نقول انها تصيب المرا بالعقم و انا ما سمعت كلامها لانه البنات يستعملونها اخر يوم في الدورة تنظف الرحم
كلام امي صحيح يا الله !!

[ام جمال ان شاء الله]

سبحان الله وانا كنت غلطانة كمان
الله يعينا وانا ايضا من محبي القرفة في كل شيء ادمان والسلام
بارك الله فيك ياراختي
موضوع مميز

[أمل الحياة 2013va]

مادري والله

[السلطانه 22]

يووووووووووه توي مخلصه الدوره و شربت كل يوم كبايه قرفه

[مثايل]

ياربي طيب اجل وش الشي اللي يدر الحيض

[عااايشة]

الله يجزاج خير على المعلومه

[rayhana05]

مادري والله حتى انا اول مره اعرف هالمعلومه وانا اصلا و لاعمري استعملتها او شربتها

الله يرزقك الحمل عاجلا غير اجل يا رب

[jojo 123456]

انا اليوم اول يوم دورتي فتحت علبة فيها قرفة الحمد لله طلعت بايزة وما استعملتها
وهلأ شفت موضوع القرفة والله غريب امر الاعشاب يحير واحدة يقول الشي مفيد وواحد يقول مضر فعلا شي يحير
الله يرزقنا بأقرب وقت ما نحتاج شي لا ادوية ولا اعشاب

[عطر الربيع]

مشكورة قلبي للمعلومة
بس تشربي القرفة من عير متاخدي حبوب منع الحمل ينفع؟؟

اصلي لسة متزوجة ومابدي احمل الا بعد سنة ونص وخايفة من استعمال دواء منع الحمل من الاول لانو بيعقم