بشهري الثالث واتقرف من حبوب الفوليك والحديد

[ام ديالأ]

انا حامل وبشهري الثالث واتقرف من الحبوب الفوليك والحديد ومأكله هل هذا الشي بيأثر على البيبي

[انا المستحيل]

لازم تاكلين فوليك لانه بأمر الله يقي طفلك التشوهات والحبه صغيره ماتحسين فيها اما الحديد بالعاده يصرف بالرابع مادري يمكن عنك نسبة الدم تستدعي الحبوب تناوليها يا اختي لانك بحاجه لك قطرة دم وانتي لسا بالبدايه

[ام ديالأ]

تسلمين حبيبتي على ردك بحاول اكله

[متفائلة دائما]

لازم لازم تاخذيه يا الغالية لانه مهمممممم جدااااااا
معلش استحملي عشان سلامة البيبي

[sama7douce]

بحملي الأول كنت مثلك ..و كنت آخذها يوم و 10 لأ..و الحمد لله ابني ما صار له شيء باسم الله ما شاء الله عليه...لكن مع ذلك حاولي تغصب على نفسك عشان ما تلومي حالك لو صار شيء لا سمح الله..ربي يحفظلك جنينك

[قرعوطه]

اسمحيلي بس انا صريحه انتي شكللك دلوعه بزياده تقرفين من حبه الفوليك الي حتى لو بلعتيها بدون ماي ماتدرين عنها ولا عن طعمها اشربي معها كميه عصير انتي ام الحين لازم تتحملين وتضحين علشانه شنو ماتحبين البيبي انتي ىماتبينه يجي سليم وكامل ان شالله

[ع ـبير*]

بنات ترا طبيعي اللي هي فيه...

وانا دكتوري قطع حبوب الفوليك اسيد من الاسبوع العاشر...قال هي تسبب لج لوعه...

وقال اصلا فايدتها الكبيرة قبل الحمل..

حبوبه..

اذا حسيتي نفسج ماتقدرين ابد لاتاخذينها..وهاي كلام الدكتور مو كلامي..

والحديد انا نفس الشي تلوع جبدي منه..وبسأل فموعدي الجاي إن شاءالله عن بديل له..واحاول اكل اشيا فيها حديد عشان اعوض

[ام ديالأ]

الله يعين ويطلع الطفل سليم يارب

[ام ابراهيم..]

والله ماكنت ابلعها الا في النادر بس الدكتوره عصبت عليا قالتلي حرام عشان البيبي لا يتشوه والفوليك بس الثلاثه الشهور الاولى تاخذينها
معليش حبيبتي اضغطي على نفسك وخذيها
الله يرزقك بطفل سليم ومعافى وتفرحي فيه
الجنه تحت اقدام الامهات من شويه الله يحفظلنا امهاتنا واولادنا
قولو امين