اختلاف حركه الجنين

[احبك ماما]

السلام عليكم ورحمه الله وبركاته ...
هل صحيح الجنين الانثى تكون حركتهاا خفيفه وتكون اسفل البطن ..والولد كثيره ومن فوق البطن ..
ام لااختلاف في ذلك ؟؟

........................................

[يارب عفوك]

ياليت

انا اللي ببطني كله تحت

ويارب تكون بنوته

بس مااعندي خلفيه

[راجيه ربها]

الله يتمم لك ع خير والله ماااعندي اي خلفيه

[احبك ماما]

يعنيييييي كل هذاا سؤالي ماله جوااب ؟؟
طيب الي حملة بلجنسين تفيدني
الله يجزيهاا خير

[**سماسم**]

حضرت مره محاضره تطرقت الدكتوره للحمل و الفرق بين حمل البنت و الولد وكانت أجابتها أنو ماكو فرق بين حملهم ..

[أم نوارة]

أنا بعد الجنين تحت مو فوق و ألغب ألأحيان يكون من الجهه اليمنى
و ما أدري عندي إحساس إنو بنت و مو عارفة أتكلم معاه على إنو ولد
كلة بنتي و بنتي
ما أدري
الله أعلم

[كوثرية]

أنا جربت حمل الولد ما شاء الله مكافخ في كل الجهات حسيت بطني تورم من الحركة

والآن أنا حامل ببنوتتين لكن مع انهم توأم إلا أني إلى الآن أحس بالحركة على اليمين أكثر، ناااااادر أحس بحركة على اليسار

بس ما أتصور في فرق أو إذا في فرق يكون من وحدة لوحدة مش من جنس لجنس يعني ممكن أنا تطلع عندي حركات البنات بشكل وحركات الأولاد بشكل ثاني بس انتي يطلع عندك العكس

الله يسهل علينا كلنا

[اميرة بدنيتي]

حملت بالولد وبالبنت ماكو فرق

على اساس الجني كل جنين وحركته

عندي بنتين كل وحده حركتها تختلف

عن الثانيه والولد كمان حركته غير

[تاهت حروفي]

مــــــافيه فرق صدقيني بالحركه


سوا كـــانت الحركه كثيره او خفيفه أبد مافيه اختلاف


بين الولـــــــد او البنت

[om3li]

والله انا اللي اعرفه ان مو من الحركة تعرفين الجنس
يعني من عاداتنا وتقاليدنا من شكل البطن
البنت تاخذ عرض اما الولد يكون بالطول
والله اعلم ...
الله يسهل علينا يااارب ويرزقنا بالذرية الصالحة

[زهرة]

والله مااعتقد انه في فرق بينهم
لكن الناس تطلع كلام وبس
حتى في التصوير اكثر الاحيان يخطئون في معرفه جنس
المولود يسلموووووووووووو

[..ام عبدالله..]

مااظن فيه فرق بس حسب وضع الجنين انا مقعدي والحركة تحت وعندي ولد

[نور عيني]

انا اقولك هو طبعا تختلف من وحدة الى الثانية بس انا جربت حملتي الاول والثاني ووكان بطني نازل شوي والحركة عادية موخفيفه ولاكثيرة واحس ان الجنين فوق اما هذي الحمله غير بطني شكله بارز والجنين احسه تحت مرة اسفل البطن والحركة ماشاءالله كثيرة وان شاء الله تكون بنت فلازم يكون هناك اختلاف بين البنت والولد بس على الي يحس فيها اكثر

[HORAE]

انا جربت النوعين و ماشاء الله حركة الاثنبن قوية لدرجة كنت نايمة في حملي ببنتي و حس على حركاتها زوجي كانت الضربات تجي فيه من قوتها و هلا انا حامل بولد و حركاته في كل مكان تحت فوق بالنص يمين يسار ماخلا مكان الا رفص فيه الله يعينا على حملهم و ولادتهم و تربيتهم

[ام دانيال]

انا في بداية الحركة كانت جهة اليسار والحين مع تقدم الحمل في كل مكان وانا مو عارفة وش نوع الجنين الى الان الله يسهل على الجميع

[hanaaa27]

والله يا اختي انا بعد مثلج بالضبط احس بالحركة من تحت وصج بنوته واعتقد صج البنت يمكن حركتها تحت والله اعلم انا بداية الشهر السابع